المساعد الشخصي الرقمي

مشاهدة النسخة كاملة : تنسيم الدافور


ملبق غلـــــط
25/04/2007, 10:14 AM
ياربع كان عندي دافور صغير ومركب له راس اسطوانه
وذبحني بتنسيم تعبئه ولا تاخذ كم يوم الا فاضي

وقبل اسبوع شريت اكبر الدوافير وعبيته وحطيته بسيارة ويم جيت السيارة الا ريحة الغاز

وانا شاد عليه و كل شي جديد وش السبب في تنسيم الدوافير وهل له حل؟
sameer_1798
25/04/2007, 02:13 PM
شيك على الساعة و البلف
qw77
27/04/2007, 01:56 PM
يمكن السبب هو راس الاسطوانه اللي انت مركبه على الاولى والجديده
خادم تميم
28/04/2007, 05:52 PM
فك راس الدافور اذا مانت بحاجته ويضبط
ملبق غلـــــط
04/05/2007, 05:30 AM
برضه فكيت راس الدافور وريحت الغاز تفوح
سرهيد
04/05/2007, 02:14 PM
شف طال عمرك هنا لك حلين

اما تغير بلف الاسطوانة واللي غالبا ما يكون تجاري وتغيرها بايطالي او انك تضع المحول او اي تحويلة دائما عليه ليمنع التسرب

تقبل احترامي
المتهني
04/05/2007, 02:28 PM
السلام عليكم ،،،،

عندي حل يمكن ينفع وهو انك اذا جيت تركب راس الدافور تحط شطرطون سباكه بدل الجلدة الثانيه لان الراس يجي جلدتين وحده كبيرة ووحد دويره صغيره وخر الكبيره وخل الصغيره وحط الشطرطون بدال الكبيرة

آمل اني افدتك ..
والسلام
حمد808
04/05/2007, 10:04 PM
شف ابرة الدافور بعض المرات تصير مضغوطة شي بصيط بعد ما تفك الراس
اضغط الابرة بمفتاح اوقلم ضغطة وحدة لين ينسم الغازثم يقفل صح
ابونايف الروقي
06/05/2007, 09:27 AM
الاخ ملبق
السلام عليكم
الدافور الي انت شاريه تقول الكبير يعني مايفرق حجمه عن الاسطوانه الصغيره الا بشي بسيط ..
وجه نظر :
1-اسطوانه صغيره 25 ماتنسم ولا منها اي مشاكل باذن الله ..اما الدافور ينسم ومعرض راسه للكسر من الاغراض ..
2- الاسطوانه تغيرها من اي مكان غاز بس ارمها عند المحل وخذ غيرها .. اما الدافور تترجي في راعي المحل يقول لك ممنوع عشان ياخذ زود فلوس عليك ..
3- قيمة الاسطوانه 15 ريال تقريبا .. الدافور يعبيه 25 ريال وفوق ..
4- الاسطوانه تعيش اكثر وتكفي طبخ اكثر من الدافور ..
5-بالنسبه للحجم ما تتباعد كثير الي خلاك تلقى محل للدافور يجيب محل لللاسطوانه ..


وشكرا ..
اخوك P52
omiran
06/05/2007, 06:33 PM
فيه محبس يركب على الاسطوانه وسعره حوالي 20 ريال تركبه على الاسطوانه وان شاء الله ماعاد ينسم وهذه صوره للراس مركب على الاسطوانه الصغيره

http://www.mekshat.com/pix/upload/images31/mk21954_dafor.jpg
عشانا
09/05/2007, 10:56 AM
اذا اردت تحميل الدافور في السيارة فك الراس عنه واذا استمرت الريحة
صب ماء على الابرة وشف اذا كان هناك تنسيم واذا كان هناك تنسيم
جب مفك وضغط على الابرة عدة مرات حتى يقف التنسيم
او قم بشد البرغي الموجوده به الابرة يمكن يمكن انه لم يشد عليه بالحيل
واذ اسمرت الريحة بعد كل هذه المحاولات اشتر لك واحد جديد ويكون ايطالي وريح بالك