الجـــراد يا أهل الجـــراد صور تعرض لأول مرة طبخ ونفخ تقرير مصور مع ... راعي الهـــدد

[راعي الهـــدد]

http://www.mekshat.com/pix/upload/images33/mk33838_23k.jpg











قال الأول





إذ جاء الفقع فصرّ الدوا ... وإذا جاء الجراد فكب الدوا







بسم الله الرحمن الرحيم





الحمدلله رب العالمين ولاعدوان الا على الظالمين والصلاة والسلام على



اشرف الأنبياء والمرسلين وبعد /





أخوتي الفضلاء النجباء معاشر اعضاء مكشات الشرفاء





سلام الله عليكم ورحمته وبركاته













وبحكم اننا الآن في موسم الجراد ووقته

حبيت انعشكم بكم صورة توسعون عليها الصدر



وتقرمشون كم جرادة بعيونكم في هالصور



ولامانع من اللعق اواللحس لصور هالجراد هههههه



فربما يفقد بعضكم صوابه ويسعبل من حيث لايشعر

فلا حرج في ذلك هههه









اخوتي الغالين



الى لب الموضوع وقلبه وقالبه



في صبيحة يوم مبارك وعند تصفحي لمكشات وبعد الفجر مباشرة



تفاجأت بموضوع يخبر فيه أحد الأخوة الأعضاء بوجود الجراد في السوق



طار صوابي والشوشة انتفشت هههه وبغيت اسوي فركه واجحد الدواام وازرق للقصيم واجيب هالجراد واوسع صدور الوالدين



ففي كل سنة اتلمس الأخبار عن الجراد والحمدلله اوفق دائماً واكون أول من يشريه من الجماعة واوزعه على الربع والي حولي



ويطرح الله به البركه واسمع الدعاء من هالعجز وهالناس الي مايصدقون بشوفته



المهم وكعادة الأخوة الأعضاء الشقردية حبهم لخدمة الغير وسعيهم الحثيث في طلب الخير ونخوتمهم وعروبتهم وشهامتهم توجب عليهم ذلك



فاصبح هذا الخلق كالفريضة على نفوسهم فصار طبعاً وسجية من سجايهم



اسأل الله بمنه وكرمه وجوده أن يغفر لمن ساهم في حصولي على الجراد



أحد أعضاء مكشات من اهل القصيم جزاه الله الف الف خير ورزقه ما تمنى اشترى لي الجراد من هناك وحفظه لي الى أن وصلته وأخذته منه





حقيقة اقولها عز الله وصله دعاء دعاء من الأهل والأقارب



وايظاً مني كل ما اتعشى او اتغدى على هالجراد دعاء عظيم يستحقه اي والله



المهم اني حاولت افرك من الدواااام



ووقعت الصبح ههههه اجل متى تبي توقع الله يصلحك تبي توقع بالليل هههه وقعت الصبح الساعة ... ما ابي اعلمكم وتحسدوني هههه



المهم وقعت تقدر تقول مبكر تسذوب دايم يتأخر هههههه



المهم وابي استأذن من ابو مشاري المدير ماش ياوجه استح



ياوجه استح من كم يوم وانت توقع وتمشي ياطالع بر يازارق منا ولا منا ياناط ياقايم ياقاعد



المهم قلت اتصبر الين تجي على الأقل 11 وامشي هههه هذا مع التصبر



المهم واتصبر واتصبر واتجلد واتجلد



وماغير اصبر نفسي واردد هالبيت



وتجلدي للشامتين اوريهم ..... اني لريب الدهر لا اتضعضع



هههههههههههههههههههههههههههههههه صارت حرب وامور حاسمة ههههه





والله وصرت صبور وجت 11 قلت ابو مشاري قال سم قلت جعلك تسلم توصي بشي قال سلامتك يابو حمد قلت الله يسلمك في امان الله هلاهلا نشوفك على خير ابو حمد



ووشت على الموتر



ووشت على غيار الزيت



ووشت على البيت وآخذ العزبة وأموري وخذت الغداء في الحافظة ماقصرو الأهل بكرو به جعل من خلّفهم في الجنة



وامشي الساعة حول 12







وانا في طريقي وقبل بريده بــ 70 كيلو تقريبا





http://www.mekshat.com/pix/upload/images33/mk33838_15k.jpg













واتفاجأ بشي مثل الجدار قدامي بس بعيد








http://www.mekshat.com/pix/upload/images33/mk33838_16k.jpg



















واتحقق واتحقق الينه والله عج مقبل قلت الحمدلله وشغلت الكمره ولقطت لكم كم صورة



http://www.mekshat.com/pix/upload/images33/mk33838_17k.jpg













وهذي وحدةً أخرى





http://www.mekshat.com/pix/upload/images33/mk33838_14k.jpg











وقبل القصيم بثلاثين كيلو تقريباً جيت الأرض الينها ممطورة مطر طيب قلت الحمدلله



المهم



وصلت للقصيم واستلمت الجراد جعل من وصله بالجنة وغفر الله له ووالديه والله يرفع قدره وييسر امره ويرزقه من حيث لايحتسب



وعلى طول مريت السنيدي ونزلت عنده الطبق العجيب حق الربع الباترول نعم الطبق العجيب يصير عندك طبق ومرتبة وسرير و .. و ... سترونه قريباً نزلته عنه لعشان يلبسه تلبيس محترم



طلعت من السنيدي وزرت الأخ الفاضل الكريم ابن الكريم أحد أعضاء مكشات

الذين اكن لهم كل أحترام وتقدير ونعم الرجل هو ووالده المحترم فبحق هم أسرة عريقة ورجال أفذاذ لاكت أقدامهم الجزيرة العربية

وصار لهم صولات وجولات

فنعم الرجال رجالهم فهم سادة محترمين وأسود لاتهاب



يكفي ان منهم ... والله لولا الخصوصية لأخينا الغالي لذكرت شجعانهم وأسودهم الذين طوو الجزيرة العربية طوي الخيل المظمّرة

سراع لايهابون الموت يبتغون مظانه



إنه العضو نقا خريم غفر الله له





واستقبلني بالترحيب وأخذت معه فنجال وكسرة عود هو ووالده وسوالف واعلوم وطلعت منهم قبيل المغرب



وعلى الرياض وفي الطريق طريق القصيم دار اتصال بيني وبين الأخ المربي الوقور

المحترم المشرف القدوة ابو فهد (( مسافر 1 ))





فوالله انه نعم الرجل كرم وحسن أدب ومن سلالة رجال

عرف عنهم الديانة وحسن العمل والمقصد



وسريرة نقية هذا مانعلم عنه والله حسيبه



وبعد إصرار منه وعند علمه غفر الله له عن مروري مع طريق القصيم

ابت شهامته وكرمه ونبله وخصاله الحسنة أن أمر ولم ازوره



فاعتذرت واعتذرت لتأخري عن الأهل ولظروف وارتباطات

وبحكم انه من ديرة على طريق القصيم فقال بلسانه غفر الله له (( باطلع لك على طريق القصيم بالقهوة وخل نشوفك

ولانيب مأخرك ))



فتممت له وقابلته فلآاله الا الله كان جلوسي معه ساعة واحدة

ربما تزيد قليلاً ولكن والله لقد استفدت واستفدت



اسأل الله أن يجمعني به في دار كرامته



ومشيت منه ووصلت للرياض وعلى المنزل وتفاجأ الأهل بالجراد





قولو ماشاء الله ترى هذا عقب ماوزعت بعظه هههه



http://www.mekshat.com/pix/upload/images33/mk33838_18k.jpg













وهذي نمونة منه

ياقدمه هههههه نمونة من يقولها هالوقت



بس قلت اذكركم بالتراث اكيد بيعرف هالكلمه سرهيد



http://www.mekshat.com/pix/upload/images33/mk33838_19k.jpg











المهم جريت الجراد جر بسفرته للمطبخ ويالله أنك تعين وتسدد





http://www.mekshat.com/pix/upload/images33/mk33838_20k.jpg















وولمت المطبخية حقت المعازيم

ووضعت مقدار الماء وستشاهد في الصور الجاية





http://www.mekshat.com/pix/upload/images33/mk33838_22k.jpg













وخليت الماء الين طبخ وفار وهذا افضل شي في طبخ الجراد

انك تحط الجراد والماء يفوح





http://www.mekshat.com/pix/upload/images33/mk33838_21k.jpg















تـــــــــــابـــــع >>>>>>



ارجوك لاترد الآن




تـــــــــــابـــــع >>>>>>

[راعي الهـــدد]

مـــــتــــــبـــوع <<<<


وفي فترة فوران الماء جلسنا نلقط في الجراد ونخم منه الي نقدر ونسوي له فرز اول شي في مثل هالسطل الي تشوفون ربما يستغرب البعض ليش تسوي كذا يابو حمد اقول تابع وسترى لماذا هذا الحرص في فرز الجراد وتنقيته


http://www.mekshat.com/pix/upload/images33/mk33838_26k.jpg



حدّر معي وشف الصورة تحت وشف البلاوي الي موجودة مع الجراد

حصى وقليل من الأسيام وبعض الأعواد ولو وقفت على الأعواد كان ماهي مشكلة لكن وجود اشياء غريبة
المهم لابد انك تخم بيدك وتنقي وسط السطل من اجل صحتك ياغالي

تصدقون من التعب وكثر ما نطارد الجراد ويطير منا اني تمنيت اني ادخل انا والخيشة حقت الجراد وسط السطل ههههه وادهن خيّرهن الين اخلص من الخياش كلها ثم اقول طلعوني واطلع هههههه

المهم شف البلاوي عاين زين او تمقل او ناظر على قولت البعض او بص ياوواد

http://www.mekshat.com/pix/upload/images33/mk33838_27k.jpg



المهم

ويوم فاح الماء وانا الي انكت الجراد فيه ولابد تكون حذر وتغطي طباقة القدر قبل مايطير شي منه

وبعد شوي فتحته ونكت الملح فيه وجمع وجمعين وثلاثة واربعة واعهه الينه منكت في القدر

وصار ميزان لامالح ولاخانس (( لا احد يعاين او يشوف طرف الكم ترآه وسخ هههه من هالحوسة الي تشوفون ))

http://www.mekshat.com/pix/upload/images33/mk33838_24k.jpg




وهذي لقطة لنكتت جمع من الملح ههههه

http://www.mekshat.com/pix/upload/images33/mk33838_25k.jpg




وتركته يطبخ ولمدة نصف ساعة ولو زادت قليلاً فلا مانع

ووقت الطبخ يزيد وينقص بحسب كثر او قلّة كمية الجراد واحرص على تقليبه كل 10 دقايق لأن الجراد يرتفع فوق الماء مثل ماتشوف


http://www.mekshat.com/pix/upload/images33/mk33838_23k.jpg


ولحرمة تصوير ذوات الأرواح تركنا بعض الصور للجراد وهو يتقرمش بين اليدين

عموماً موفقين ياغالين

واقول لكم لايفوووتكم الجراد ترآه دواء

مثل ماقال شيبانا الأولين

اذا جاء الفقع فصر الدواء واذا جاء الجراد فكب الدواء

يعني ان الفقع مشاكله وبلاويه كثير والجراد عافية بأمر الله سبحانه بل هو غذاء مهم وضروري ولذلك قالو كب الدواء فلا حاجة فيه

فالجراد بروتينات مركزة وفوائده عميمة ويعتبر مغذي وينفع للمتزوجين بالحيل بالحيل ههههههه

وخلو عنكم سالفة مرشوش وما مرشوش اصلاً اذا رشوه خلاص يبي يموت وانت اذا شفته بالسوق يناقز وحي اكثره ادر انه طيب ولابه الا العافية

وفي الختام تقبلو محبتي وتقديري ياغالين

رحم الله والدي ووالديكم

محبكم ومغليكم

ابو حمد

ليلة الجمعة 10 / 4 / 1428هـ

الساعة الواحدة وعشر دقائق ليلاً



ترقبو


والقااااااااادم ..... والقاااااااادم .... والقاااااادم ... أشد ... وأنكى ...

[ثعل البرد]

بالعافية



ما شاء الله

[عـــرادي]

هلاااااااااااااااااااا وغلاااااااااااااااااااااا
براعي الهدد
الف الف شكر موضوع متكامل
بالصحة والعافية

[راعي الهـــدد]

بالعافية



ما شاء الله





هلا بالغالي ثعل البرد

حياك ربي مرور طيب

اشكرك يابعدهم

[راعي الهـــدد]

هلاااااااااااااااااااا وغلاااااااااااااااااااااا

براعي الهدد
الف الف شكر موضوع متكامل
بالصحة والعافية






الغالي عرادي شرفني مرورك

اشكرك ياغالي

دمت بود ومحبة

[سلطان العوني]

مشكور يا ابو حمد
تقرير رائع منك ما هو غريب

تحياتي على المجهود الرائع




تقبل مروري

[ملفي و مقفي]

مشكور على الصور الأكثر من رائعه ويعطيك العافيه
تقبل مروي

[هميم 1]

تشكر وانخوك على هالتقرير الرائع وعداك القصور انت وربعك الي شرى الجراد والي تقهويت معه والله انكم جميع اهل للمراجل والعلوم الطيبة
وهذا والله ما يسر




ابوعبدالله التميمي

[شبوب]

السلام عليكم ..

عسى مهب غالي ..؟ من وده يزرق متى أفضل الاوقات لتواجد الجلابة ..؟

[روح الهنا]

ماشاالله عليك يارعي الهدد.... لها الدرجه تحب الجراد ...
الله يجعله بالعافيه
ومشكور على التقرير والمعلومات المفيده عن الجراد

[ريم البراري]

ماشاء الله تبارك الله
بالعافية
موضوع وصور وتعليق رائعة
جزاك الله خير ياخوي

[راعي الهـــدد]

مشكور يا ابو حمد
تقرير رائع منك ما هو غريب

تحياتي على المجهود الرائع




تقبل مروري






هلا بالغالي سلطان

اشكر لك المرور الطيب والرد الأطيب

دمت بود ومحبة ياغالي

[راعي المجمعة]

ماشاءالله عليك عليك تقرير وافي ووصف رائع وصور ماخليت شيئ الحقيقة شهويتنا .بالعافية

[راعي الهـــدد]

مشكور على الصور الأكثر من رائعه ويعطيك العافيه
تقبل مروي





هلا بالغالي

سرني مرورك يابعدهم

والله يعافيك ويغفر لك

دمت بود ومحبة

[مزاجي]

ماشاء الله تبارك الله

جراد مقرمش ماودك تفتح مطعم موسمي يابو حمد بس علمني هو اغبه عصافير ولامكنه

[راعي الهـــدد]

تشكر وانخوك على هالتقرير الرائع وعداك القصور انت وربعك الي شرى الجراد والي تقهويت معه والله انكم جميع اهل للمراجل والعلوم الطيبة
وهذا والله ما يسر




ابوعبدالله التميمي






تسلم ياغالي

الشكر موصول لك يابعدهم كلهم

والله يغفر لك ووالديك

دمت بود ومحبة وإخلاص

[ابو عاذر]

حيا الله اخوي ابو حمد
ما شاء الله والله كل علومك طيبة
أتحفتنا بهذا الموضوع الطري ولذيذ من جوه ومقرمش من برى ،،،،،،،،، حلوه هههههههه
اغلب الناس نسوا أكل الجراد نظراً لكثرة نعم الله الوافرة اللهم أحفظها من الزوال من جهة ومن جهة ما تحذر منه وزارة الزراعة من عدم أكل الجراد وذلك لرشه بمبيدات الحشرية السامة ،،،،،،،،،،، وأ نا أقول كلوا من الجراد الحامي هو الله الشافي المعافي ما من نعمة ذكر عليها أسم الله ألا طرح فيها البركة ولا بصيب منها أي مكروه وكذلك مصداقاً لحديث الرسول صلى الله عليه وسلم ( أحل لي ميتاتان ،،،،،،،،،،، وهما السمك والجراد ) الحديث ففيه من الفوائد الشيء الكثير
مشكور اخوي ابو حمد على هذا الموضوع المميز بأسلوبك الجميل نصاً وصورة

مع تحيات اخوك ابو عاذر

[عاشق VXR]

السلام عليكم ورحمة الله وبركاته ..
بيض الله وجهك يا ابو حمد ...
الله يرزقك بر عيالك مثل برك لوالديك ...
جزاك الله خير ورحم الله والديك ...

[مرفــأ]

ماشاء الله تبارك الله
بالعافية

[راعي الهـــدد]

السلام عليكم ..

عسى مهب غالي ..؟ من وده يزرق متى أفضل الاوقات لتواجد الجلابة ..؟




هلا بالغالي شبوب

سرني وشرفني مرورك ياغالي

الله يغفر لك ووالديك

ومن ناحية غالي والله غالي ويرخص لك الغالي يابعدهم

والأوقات والله ما ادري متى

بس انا شاريه يوم الأثنين الماضي يعني تاريخ 6 /4/1428هـ

وبمعنى اصح مشري لي وجيت وشلته بموتري فقط

الله يغفر للي شرآه لي ويجزاه الجنة ويرزقه من حيث لايحتسب

دمت بود ومحبة ياغالي

[- الكشات -]

يعطيك العافيه

يا راعي الهدد

الحمد لله رزقنا الله هالسنه بالامطار والربيع والطيور والجراد

الله يديم هالنعمه

.........................

تحياتي لك يالغالي

[عندك يابعدي]

أخوي الغالي:راعي الهدد اشكرك من الأعماق على مواضيعك الي على مستوى راقي وكم أقول أعجبني اثرائك للموضوع ولم شمله والإحاطة به من كل جانب

وبعدين عسى ماتكون زعل علينا فقد افتقدن مرورك في مواضيعي المتواضعة فالخلاف لايفسد للود قضية تحياتي لإبي حمد



http://altallal.googlepages.com/endek.gif

[راعي الهـــدد]

ماشاالله عليك يارعي الهدد.... لها الدرجه تحب الجراد ...
الله يجعله بالعافيه
ومشكور على التقرير والمعلومات المفيده عن الجراد





الغالي روح الهنا

والله احبه موووت ولو يحصل بعد يصير وجباتي الدائمة كان ياسلام

شرفني مرورك ياغالي

دمت بود ومحبة

[راعي الهـــدد]

ماشاء الله تبارك الله

بالعافية
موضوع وصور وتعليق رائعة
جزاك الله خير ياخوي





الأخت الفاضلة بنت الرس ريم الصحراء

بارك الله فيك والله يغفر لك ووالديك

مرورك كريم تشرفت به

شكرا لك

[راعي الهـــدد]

ماشاءالله عليك عليك تقرير وافي ووصف رائع وصور ماخليت شيئ الحقيقة شهويتنا .بالعافية




الغالي راعي المجمعة

سرني وشرفني مرورك اي والله

شاكر لك ومقدر ياغالي

دمت بود ومحبة

[الطـرقي]

ما شالله عليك يا ابو حمد


شرح وافي وما تقصر ويعطيك الف عافية



اخوك الطرقي

[راعي الهـــدد]

ماشاء الله تبارك الله


جراد مقرمش ماودك تفتح مطعم موسمي يابو حمد بس علمني هو اغبه عصافير ولامكنه






ههههههههههههههههههههههههههههههههه

المطعم الموسمي ابشر به هههههكل ما يجي موسم ياحاول البي طلبك يابو غلا

الله يغفر لك ووالديك

وابشرك كثير منه مكن

وللفائدة

الجراد أنواع


المكن

من أحودها وأنفعها على الإطلاق ويميل لوه للحمرة ويتميز بصدر كبير ومليء من اللحم

الزعيري

يميل للون الأصفر واصغر جرم من المكن واقل فائدة من المكن

الخيفان

حجمه صغير ورديء جداً

الجخاخ

ارداها جداً وهو صغير الحجم وقليل النفع

دمتم بخيرات ومسرات

[الأجردي]

السلام عليكم ورحمة الله وبركاته
جزيت خيرا علي هذا التقرير الوافي الكافي وعلي أسلوب العرض المشوق,
وأقول ياهنيالك و ياجعله مداخيل العافيه.
لك كل الود,,,,,,,,,,,,,,,,,,,,,,,,,,,,,,,,,,,,,,
أخوك/الأجردي

[نقا خريم]

الغالي ابو حمد

لا أدري أخي الكريم هل أنا استحق كل هذا الإطراء منك حفظك الله

لكن أسأل الله ان يبارك فيك أينما كنت ويحفظك من مكاره الدنيا

فعندك علوم الرجال التي لاتخفى على أحد .. وأنت قدوتي ومثالي في هذا المنتدى .. وبصراحه تامه

فأنت جمعت بين حب الخير لإخوانك وحب الاعضاء لك

نسأل الله ان لايحرمك اجر ماتقدمه لنا وماتمتعنا به من فتره لأخرى

وتقبل مرور اخيك الصغير

نقا خريم

[راعي الهـــدد]

حيا الله اخوي ابو حمد
ما شاء الله والله كل علومك طيبة
أتحفتنا بهذا الموضوع الطري ولذيذ من جوه ومقرمش من برى ،،،،،،،،، حلوه هههههههه
اغلب الناس نسوا أكل الجراد نظراً لكثرة نعم الله الوافرة اللهم أحفظها من الزوال من جهة ومن جهة ما تحذر منه وزارة الزراعة من عدم أكل الجراد وذلك لرشه بمبيدات الحشرية السامة ،،،،،،،،،،، وأ نا أقول كلوا من الجراد الحامي هو الله الشافي المعافي ما من نعمة ذكر عليها أسم الله ألا طرح فيها البركة ولا بصيب منها أي مكروه وكذلك مصداقاً لحديث الرسول صلى الله عليه وسلم ( أحل لي ميتاتان ،،،،،،،،،،، وهما السمك والجراد ) الحديث ففيه من الفوائد الشيء الكثير
مشكور اخوي ابو حمد على هذا الموضوع المميز بأسلوبك الجميل نصاً وصورة

مع تحيات اخوك ابو عاذر




صدقت اخوي الغالي ابو عاذر

والمشكلة تكمن في ضعفنا من ناحية التوكل على الله

والا احتسى السم من احتساه وهو مؤمن أن النافع والضار هو الله

فتوكل على مولاه واحتسى

وابن الحضرمي خاض البحر بخيله ولم تغرق ولم يغرقو

وذلك راجع لتوكلهم على ربهم وتقواهم وحسن ظنهم بالله

اخوي الغالي ابو عاذر

يعلم الله انك ممن فهرسته في قائمة المحبوبين في الله ولله

اشم فيك رائحة الألتزام فنعم الرجل انت

وما أجملها من رائحة

دمت بود ومحبة ياغالي

[حمدولدسليمان]

الله جعله يتحدر بالعافية بس ياخوك ترى عضيت اصبعي يوم شفت هالقدر والملح 0
ابي معروف هو من وين واحسن وقت لجلبه من البائعين0
جعل ربي يجمعك مع من تحب بالجنه 0

[راع الابل]

اخوي راع الهدد

افرح ياعم ههههههه من قدك تقرير وصور وطبخة مثل الذهب عندالشيبان وختامها زعيري

ما اقول الا الله يهنيك ويعطيك خيره ويكفيك شر ما فيه وشر اعيون الناس


تحياتي

[راعي الهـــدد]

الأخوة الغالين

مرفأ ... الكشات

دمتم بود ومحبة

شاكر لكم المرور والرد الطيب

[بو مشعوفان]

مشكور أخوي راعي الهدد على هذا الموضوع الشيق , و بيض الله وجهك
و أنا أول مرة أدري إن الجراد يؤكل ,ففي الكويت حنا ما نأكل الجراااااد
ودمتم

[برق لينا]

عليك بالعافيه اخوي ماشاء الله تقرير موثق بالصور وسرد الكلام اللي يوسع الصدر

[راعي الهـــدد]

أخوي الغالي:راعي الهدد اشكرك من الأعماق على مواضيعك الي على مستوى راقي وكم أقول أعجبني اثرائك للموضوع ولم شمله والإحاطة به من كل جانب


وبعدين عسى ماتكون زعل علينا فقد افتقدن مرورك في مواضيعي المتواضعة فالخلاف لايفسد للود قضية تحياتي لإبي حمد





http://altallal.googlepages.com/endek.gif




هلا هلا ملايين بالغالي عندك يابعدي

والله مافي الخاطر شي

ولا اذكر خلاف حتى يفسد ود او غيره هههه

ولكن لعلمك انا انقطعت عن المنتدى مدة اسبوعين او 10 ايام

لضروف خاصة ترميمات في المنزل وهاها من هالشغل

ومواضيعك والله اتشرف بالرد عليها

واعذرني ياغالي والله مثل ماقلت لك مانيب حاضر

واذا دخلت ارد على مواضيعي وبسرعه اطلع

عمال قدامي ووراي وجنبي وانا شغال باهالكمبيوتر ههههه

المهم توني خلصت من هالأشغال وبقى بعد حوسة تجهيزات الموتر
وابي افرغ مرة عقبه

اخوي العذر من الله ثم منك والله مابالخاطر شي

وشرفين والله مرورك وحسن ادبك في الطرح

وانك ماخليت شي بصدرك وهذي ميزة قل من يعملها

شكرا لك ياغالي وابشر بكل مايسرك ياغالي

[عندك يابعدي]

أخوي راعي الهدد:منك نستفيد وبك نستنير وانا غسلت قلبي بكلوركس حتى مايبقى فيه شيء

http://altallal.googlepages.com/endek.gif

[راعي الهـــدد]

ما شالله عليك يا ابو حمد


شرح وافي وما تقصر ويعطيك الف عافية



اخوك الطرقي





الغالي الطرقي

شرفني مرورك يابعدهم

شاكر لك ومقدر هذا المرور الطيب والرد الأطيب

دمت بود ومحبة ياغالي

[راعي الهـــدد]

السلام عليكم ورحمة الله وبركاته
جزيت خيرا علي هذا التقرير الوافي الكافي وعلي أسلوب العرض المشوق,
وأقول ياهنيالك و ياجعله مداخيل العافيه.
لك كل الود,,,,,,,,,,,,,,,,,,,,,,,,,,,,,,,,,,,,,,
أخوك/الأجردي






اخوي الغالي الأجردي

شرفني مرورك ياغالي

والله يغفر لك ووالديك

وما اجمل هذه الدعوات من فمك ياغالي

دمت بود ومحبة

[راعي الهـــدد]

الغالي ابو حمد


لا أدري أخي الكريم هل أنا استحق كل هذا الإطراء منك حفظك الله

لكن أسأل الله ان يبارك فيك أينما كنت ويحفظك من مكاره الدنيا

فعندك علوم الرجال التي لاتخفى على أحد .. وأنت قدوتي ومثالي في هذا المنتدى .. وبصراحه تامه

فأنت جمعت بين حب الخير لإخوانك وحب الاعضاء لك

نسأل الله ان لايحرمك اجر ماتقدمه لنا وماتمتعنا به من فتره لأخرى

وتقبل مرور اخيك الصغير

نقا خريم








الغالي نقا خريم

هلا بك ياغالي

سرني مرورك

واعوذ بالله ان اكتب كلمة باطل او اشهد لأحد بباطل

فوالله لم اقل فيك وفي والدك وجماعتك الا حقا

انت ممن تشرفت به وافتخر بمعرفته ياغالي

والله يغفر لي ولك وللمسلمين والمسلمات

دمت بود ومحبة وإخلاص ياغالي

[ضلع شعيفان1]

ماشاء الله تبارك الله
بالعافية

[راعي الهـــدد]

الله جعله يتحدر بالعافية بس ياخوك ترى عضيت اصبعي يوم شفت هالقدر والملح 0
ابي معروف هو من وين واحسن وقت لجلبه من البائعين0
جعل ربي يجمعك مع من تحب بالجنه 0



آمين والله يجزاك خير ياغالي

والله ونخوك هو وصلني من القصيم شري لي من هناك ورحت وأخذته

واحسن وقت لجلبه على حسب توفره ياغالي اذا توفر تلاقيه بعد الفجر في السوق

لأن الناس في الغالي تصيده بالليل

واي خدمة ابشر ياغالي

[راعي الهـــدد]

اخوي راع الهدد

افرح ياعم ههههههه من قدك تقرير وصور وطبخة مثل الذهب عندالشيبان وختامها زعيري

ما اقول الا الله يهنيك ويعطيك خيره ويكفيك شر ما فيه وشر اعيون الناس


تحياتي





الغالي راع البل

ماقصرت على هالرد

وابشرك اكثره مكن ولا هوب زعيري

دمت بود ومحبة يابعدهم

[مداوي]

كلام سليم مرشوش مامرشوش لايهمونك سم بالله ولا عليك الا العافيه
مشكور اخوي على الموضوع الجميل
تحياتي

[راعي الهـــدد]

مشكور أخوي راعي الهدد على هذا الموضوع الشيق , و بيض الله وجهك
و أنا أول مرة أدري إن الجراد يؤكل ,ففي الكويت حنا ما نأكل الجراااااد
ودمتم





حياك ربي ياراعي القنا

وبيض الله وجهك ياغالي

والجراد حلووو وبيعجبك جرب ولن تندم

حياك ياغالي

[راعي الهـــدد]

عليك بالعافيه اخوي ماشاء الله تقرير موثق بالصور وسرد الكلام اللي يوسع الصدر





الغالي برق لينا

مرورك شرفني وشاكر لك ياغالي

دمت بود ومحبة

[أبوأحمد98]

مشاء الله تبارك الله
الله يجعله مداخيل العافيه هالجراد والله يجعله هني مري
ابوحمد بما ان موتري مثل موترك <<مايحرف يحتك
ابطلب منك طلب صغيييير
انك تعجل بالمواضيع الخاصه بتكميل الجيب مثل الطبق وتانكي الماء وغيره اي موضوع يخص الجيب بصراحه انا متوهق مابعد زينت شي بالموتر شريت مخابي وراء المرتبه وفرررح خخخخخخ
المهم يالذيب لا تطول علينا بالمواضيع
وشكرا

[راعي الهـــدد]

أخوي راعي الهدد:منك نستفيد وبك نستنير وانا غسلت قلبي بكلوركس حتى مايبقى فيه شيء

http://altallal.googlepages.com/endek.gif




هههههههههههههههههههههه

اجل كلوركس

انتبه لايحترق

القلب يغسل بذكر الله فقط

ولذلك قال ابن القيم رحمة الله عليه

جلاء القلب أمران

الأول قراءة القرآن

الثاني دوام ذكر الله

للفائدة فقط

دمت بود ياغالي ويعلم الله اني احبك في الله ولله ياغالي

الله لايحرمني من طلاتك

[راعي الهـــدد]

ماشاء الله تبارك الله
بالعافية





حياك ياغالي

سرني وشرفني مرورك

دمت بود ومحبة ياغالي

[ابوعزيزm]

مشكور أخوي راعي العدد على الموضوع الرائع . .

صراحة اليوم مجتمعين بعد صلاة الجمعة وكان هناك بعض الشباب يتحدث عن الطبخ وبعضهم ما يعرف وش طريقته وتسائلات تدون في أفكارهم . . لعل هذا الموضوع يفيد البعض ممن يجهلة الطريقة السحرية لطبخ الجراد :)

. . :)

[سرهيد]

ما شاء الله تبارك الله

وين الشيبان عنك وعن جرادك

والله اللي بتخر سعابيلهم لو يشوفون موضوعك يا ابو حمد

اوصيك يا ابو حمد ترا بعد العواير يتجمع فيها شيبان سو خير فيهم وانطل عليهم خيشة من هالخياش تراهم بيدعون لك

وخلهم يتذكر الاطلال بهالجراد يا ابو حمد

علومك علوم طيبة يا ابو حمد

[راعي الهـــدد]

كلام سليم مرشوش مامرشوش لايهمونك سم بالله ولا عليك الا العافيه

مشكور اخوي على الموضوع الجميل
تحياتي








هلا والله بالغالي مداوي

مرورك شرفني فاشكرك يابعدهم على هالطلة الطيبة

دمت بود ومحبة ياغالي

[مقلب]

ماشاء الله بالعافيه
لاكن لاتنسى تعزمنا عليه
والا تعطينا شوي منه

تحياتي

[الفتله]

سلمت يمينك ياغالي والله ياالله يالله لحقنا على خيشه وجت بالتقسيم

توي راجع من ينبع ويذكرونه بالقصيم يباع بسوق الجرده ويمره واحد من الشباب على الخط

ويلحقنا

لايفوتكم تراه ان مانفع ماضر والسلام..

[راعي الهـــدد]

مشاء الله تبارك الله
الله يجعله مداخيل العافيه هالجراد والله يجعله هني مري
ابوحمد بما ان موتري مثل موترك <<مايحرف يحتك
ابطلب منك طلب صغيييير
انك تعجل بالمواضيع الخاصه بتكميل الجيب مثل الطبق وتانكي الماء وغيره اي موضوع يخص الجيب بصراحه انا متوهق مابعد زينت شي بالموتر شريت مخابي وراء المرتبه وفرررح خخخخخخ
المهم يالذيب لا تطول علينا بالمواضيع
وشكرا





هلا بالغالي ابو احمد

هلا والله انت بدون ماتحتك داخلاً في القلب حبك ياغالي

وابشر والله ان الموضوع في طور التجهيز

ولايهمك ياغالي

وشاكر لك المرور الطيب ياغالي

[نديم القرينة]

الاخ الفاضل راعي الهدد ...

تقرير رائع من عضو اروع فلا هنت ...

وفي المرة القادمة لاتنسانا من الجراد وجعله بالعافيه ...

[الباحث_الصغير]

آخر مرررررررره أكلت الجرات قبل 7 سنوات تقريباً

طعم خيالي.

وكانت طريقة إعداد بنفس طريقتك ماشاء الله عليك.

((والأشد والأنكى)) إني وأنا أقرى موضوعك طاقني الجوع.

[خادم تميم]

راعي الهدد ماءشالله تبارك الله وهالجراد المبروك الوافر احلا مافي صورك هالمطبقيه ام ذبيحتين . وكمك الي كنه مغرفه يحرك الجراد.

[راعي الهـــدد]

مشكور أخوي راعي العدد على الموضوع الرائع . .

صراحة اليوم مجتمعين بعد صلاة الجمعة وكان هناك بعض الشباب يتحدث عن الطبخ وبعضهم ما يعرف وش طريقته وتسائلات تدون في أفكارهم . . لعل هذا الموضوع يفيد البعض ممن يجهلة الطريقة السحرية لطبخ الجراد :)

. . :)



الغالي ابو عزيز شرفني مرورك

والحمدلله انك استفدت مني

بس اهم شي تكفى كم دعوة في سجودك ياغالي
بسعة الرزق وقضاء الدين والفوز بالجنة والنجاة من النار

دمت بود ومحبة

[راعي الهـــدد]

ما شاء الله تبارك الله

وين الشيبان عنك وعن جرادك

والله اللي بتخر سعابيلهم لو يشوفون موضوعك يا ابو حمد

اوصيك يا ابو حمد ترا بعد العواير يتجمع فيها شيبان سو خير فيهم وانطل عليهم خيشة من هالخياش تراهم بيدعون لك

وخلهم يتذكر الاطلال بهالجراد يا ابو حمد

علومك علوم طيبة يا ابو حمد



سرهييييييييييييييييييييييييييييييييييييييييييييييي ييييييييييييييييييييييييييييييد


هلا هلا هلا بالغالي

هلا والله ملالالالاين

يعنبو ابليسك القلب منفطر على حبك جعلك الصلاح

انت وش مسوي بي هههههههههههههههه

يازين سويلفاتك واهرووجك السمينه

خلك عند الزلفة ... فرع عند الباب .... الله يرزقك حتسي ... حانط ... ياربيييييه .... شرّع الباب .....ههههههه

اقول جعلك تسلم والله لايفجعنا فيك يالقرم

دمت بود ومحبة

[راعي الهـــدد]

ماشاء الله بالعافيه
لاكن لاتنسى تعزمنا عليه
والا تعطينا شوي منه

تحياتي



هلا والله بالغالي

يشرفني والله يوم اعرف منه هو مثلك

وانت تآمر علي ماهو على الجراد وبس

وابشر بالي يسرك

ولك رسالة بالخاص ياغالي وابشر بالعلوووم الطيبة

دمت بود ومحبة ياغالي

[راعي الهـــدد]

سلمت يمينك ياغالي والله ياالله يالله لحقنا على خيشه وجت بالتقسيم

توي راجع من ينبع ويذكرونه بالقصيم يباع بسوق الجرده ويمره واحد من الشباب على الخط

ويلحقنا

لايفوتكم تراه ان مانفع ماضر والسلام..




حياك ربي ياغالي

شاكر لك ومقدر هذا المرور الطيب

والحمدلله على السلامة

وشلون ينبع بشر عسى حصلتو شي يستاهل من صيد القميري

يذكرون هالسنة مابه شي يستاهل عنوه ... !!!!!

عموماً

شاكر لك هذا المرور الطيب

دمت بود ومحبة ياغالي

[محمد الشاوي]

أنا أقول القصيم منور في ذاك اليوم

صار السبب مرورك ياغالي .

بس مالك حق تمر وبس .

حنا أولاد علي . ترى نزعل المرة الثانية لو نسيت ولا مريت .

اسلم لأخيك يامبدع وتقبل تحياتي المعطرة .

[راعي الهـــدد]

الاخ الفاضل راعي الهدد ...

تقرير رائع من عضو اروع فلا هنت ...

وفي المرة القادمة لاتنسانا من الجراد وجعله بالعافيه ...



هلا هلا هلا هلا هلا هلا

هلا هلا هلا

هلا هلا

هلا بالغالي نديم القرينة

حياك الله أنت تآمر علي ولاهوب بس على الجراد

والله يطرح به البركة هالجراد الي بيعرفنا
بمثلك وشرواك ياغالي

لك رسالة بالخاص ياغالي

[راعي الهـــدد]

آخر مرررررررره أكلت الجرات قبل 7 سنوات تقريباً

طعم خيالي.

وكانت طريقة إعداد بنفس طريقتك ماشاء الله عليك.

((والأشد والأنكى)) إني وأنا أقرى موضوعك طاقني الجوع.





هلا بالغالي الباحث الكبير

وين 7 سنوات حارم نفسك والله

وابشر بعزك ياغالي لايطقك الجوع ونخوك

انت آمر أمر يابعدهم

دمت بود ومحبة ياغالي

[السنافي33]

ولا عليك امر ياالغالي

ممكن نشوف صور وهو مقدم للأكل

[راعي الهـــدد]

راعي الهدد ماءشالله تبارك الله وهالجراد المبروك الوافر احلا مافي صورك هالمطبقيه ام ذبيحتين . وكمك الي كنه مغرفه يحرك الجراد.





ههههههههههههههههههههههههههه

هلا بالغالي خادم تميم

هلا بك والله

بس ترى كمي ما لمس مرق الجراد ابد

بس من حوسة السفر ههههه

حياك ربي ياغالي

والمطبخية الي تشوف نكرم بها شرواك ياغالي

دمت بود ومحبة

[الروضة]

ماشاء الله عليك أخوي راعي الهدد
موضوع مدعم بالصور كيفية طبخ الجراد
تصدق فيه أشخاص بالثلاثينات مايعرفون كيف طبخ الجراد !
الله يجزاك خير على هذا الموضوع الذي جاء في وقته


( لكن عجل بالطبق ) تراك حمستنا مثل هذا الجراد الذي في القدر
أخوك أبو عبد العزيز

[عبدالله بن سعد]

كفو والله ماقصرت تعنيت ونلت
بيض الله وجهك تقرير رائع كني مسافر معك وطابخه معك ولوك مورينا صورتك ونت تاكل كان بقول وكلتني معك:j
مجهود تشكر عليه لاحرمك الله الاجر وتراك حمستني حي الديرة يذكرون انهم يبعونه ابروح ان شالله اشتري اليوم والوالدة موصيتني البارح لازم ارضيها وارضي بطني:D :D

[الرمث]

أخي راعي الهدد مشكور على الموضوع الطيب الذي يذكرنا بما كان ينتظره الأجداد وهو موسم الجراد وكانوا يتعرضون للبرد والعقارب في سبيل الشبعه منه وتذوقه وليذكر الأجيال التاليه انواعه وطريقة طبخه:good:

[الأبرق2006]

ماشاء الله عليك وعلى مديرك ياليته مديري كان ماتلقاني في


الديره ياصيد ياكشته ياتمشيه في الأجواء الماطره حلوه الماطره


المهم عليكم الجرادبالعافيه ومثل مايقولون أخوانا المصريين


((مطرح مايسري يمري )) تقرير وصور رائعه جداً


تقبل إحترامي

[سلطان 22]

مشكور اخوي راعي الهدد على هالموضوع الجميل المتكامل

[خادم تميم]

راعي الهدد الله يكرمكم والكرم للكريم . بس حلاتها اذا غط كمك توا ماتصير احلامرقه جراديه :good:

[Abo Nader]

السلام عليكم...

هلا أخوي أبو حمد..مشاء الله..بالعافيه...

تقرير ولا الجزيره:p...و الله طرح ممتع...

أجل يصلح للمتزوجين..يعني ما يصلح للعزوبيه ههههههههه..:D

[راعي الهـــدد]

أنا أقول القصيم منور في ذاك اليوم

صار السبب مرورك ياغالي .

بس مالك حق تمر وبس .

حنا أولاد علي . ترى نزعل المرة الثانية لو نسيت ولا مريت .

اسلم لأخيك يامبدع وتقبل تحياتي المعطرة .






شيخي واستاذي محمد الشاوي

حياك ربي

والله ينورنا واياك بطاعته

وابشر بكل مايرضيك مالك الا العلم الطيب

والمعذرة لو اهتديت السبيل لما تأخرت عنك ياغالي

دمت بود ومحبة وإكرام ياغالي

[الغزال الشارد]

بيض الله وجهك وغفر الله لك و لوالديك اخوي (( راعي الهدد ))وتسلم والله يعطيك العافية

وتقبل تحياتي لك
اخووك +++الغزال الشارد++

[راعي الهـــدد]

ولا عليك امر ياالغالي

ممكن نشوف صور وهو مقدم للأكل




هلا بك ياغالي

شرفني مرورك يابعدهم

وبالنسبة لطلبك فاعذرني ياغالي

والله انه حرام تصوير ذوات الأرواح

ولذلك احجمت عن كثير من الأمور الازم وضعها
بالموضوع هذا

مثل تصوير الجراد وهو بالصحن للأكل

لأنك لو صورته وهو جاهز للأكل لتميز بكامل صورته
وصار داخلاً في الحرمة

وهو تحريم تصوير ذوات الأرواح

فاعذرني يابعدهم

وابشر بالي يرضيك ياغالي

دمت بود ومحبة

[راعي الهـــدد]

ماشاء الله عليك أخوي راعي الهدد
موضوع مدعم بالصور كيفية طبخ الجراد
تصدق فيه أشخاص بالثلاثينات مايعرفون كيف طبخ الجراد !
الله يجزاك خير على هذا الموضوع الذي جاء في وقته


( لكن عجل بالطبق ) تراك حمستنا مثل هذا الجراد الذي في القدر
أخوك أبو عبد العزيز




هلا والله بالغالي الروضة

شرفني مرورك يابعدهم

وابشر موضوع الطبق يبي يجي ياغالي

صبرك يابعدهم

دمت بود ومحبة

[راعي الهـــدد]

كفو والله ماقصرت تعنيت ونلت


بيض الله وجهك تقرير رائع كني مسافر معك وطابخه معك ولوك مورينا صورتك ونت تاكل كان بقول وكلتني معك:j
مجهود تشكر عليه لاحرمك الله الاجر وتراك حمستني حي الديرة يذكرون انهم يبعونه ابروح ان شالله اشتري اليوم والوالدة موصيتني البارح لازم ارضيها وارضي بطني:D :D






هلا بالغالي عبدالله بن سعد

شرفني مرورك

وشوري عليك ارض بطنك ووالدتك ووالدك هههههه

دمت بود ومحبة يابعدهم

[راعي الهـــدد]

أخي راعي الهدد مشكور على الموضوع الطيب الذي يذكرنا بما كان ينتظره الأجداد وهو موسم الجراد وكانوا يتعرضون للبرد والعقارب في سبيل الشبعه منه وتذوقه وليذكر الأجيال التاليه انواعه وطريقة طبخه:good:



الله الله الله

ردك هذا ذكرني بالماضي

الوالد الله يغفر له ويحييه حياة طيبه

يحب هالعلوم وقت شبابه

المهم اني بيوم من الأيام قمت لصلاة الفجر واسمع الى والله صوت زي كذا طقطق طق طق طق طقطقطق

قلت خير وش ذا

ويوم طلعت بوسط البيت الى والله هاك الكيسة

كيسة بر مليانه جراد بكبرها

هاه وش ذا ماصدقت

صار الوالد ساري ليله ورجع الفجر بهالكيسه كيسة كلها جراد

الكلام هذا كان قبل حوالي 20 سنة او تزيد

انا ما ادري ليش تركنا هالعلوم او ماتركناها بس تساهلنا فيها

وهذا تراث أجداد وحياة ماضية

والله ان شاء الله اني ما اموت الا وقد علمت حمد ويوسف
على هالعلوم علوم القنص والبر واعلوم الشيبان كلها

الله يحييني واعلمهم كل هالعلوم

والله ان ادزهم عليها دز دز

اخوي الرمث

انت وش سلطك علي خليتني افضفض كل الي بخاطري ههههه

والله ان ردك هذا اثآر الأشجان وهيض كل مكنون

دمت بود ومحبة ياغالي

[جبل راف]

بوركت جهودك

[omiran]

تسلم يابو حمد والله لايهينك عطنا ربع كبسة جراد

[فتى التويم]

يامال العافيه والله يا راعي الهدد


وانا اشهد انك ذيب يا خلفهم


بأدلك على مكان فيه قحشه من الجراد بس راسلني على الخاص ومايكون خاطرك إلا طيب

[راعي الهـــدد]

ماشاء الله عليك وعلى مديرك ياليته مديري كان ماتلقاني في




الديره ياصيد ياكشته ياتمشيه في الأجواء الماطره حلوه الماطره


المهم عليكم الجرادبالعافيه ومثل مايقولون أخوانا المصريين


((مطرح مايسري يمري )) تقرير وصور رائعه جداً




تقبل إحترامي





حياك ربي ياغالي

ومديرك مثل مديري بس اقر عليه وانفث ههههههههه وبيهديه الله

واذا تبي طريقة القراءة والنفث لفك حجاج المدير ابشر اعلمك بها هههههه

على العموم هذا من فضل الله سبحانه

ولاتصور انها جات بيوم وليلة لا ونخوك

عقب مطارح وآخر شي صار المدير متفهم للوضع هههه

دمت بود ومحبة ياغالي

[نديم القرينة]

هلا هلا هلا هلا هلا هلا




هلا هلا هلا

هلا هلا

هلا بالغالي نديم القرينة

حياك الله أنت تآمر علي ولاهوب بس على الجراد

والله يطرح به البركة هالجراد الي بيعرفنا
بمثلك وشرواك ياغالي

لك رسالة بالخاص ياغالي










الاخ الفاضل الغالي / راعي الهدد ...

ما يامر عليك عدو واسلم لمحبيك ...

ومعرفتك تاج على راسي .. وكرمك وخلقك اشبعني من جراد الخير جعله بالعافية.

[راعي الهـــدد]

مشكور اخوي راعي الهدد على هالموضوع الجميل المتكامل




هلا بالغالي

حياك ربي واشكرك على هالمرور الطيب

دمت بود

[مصحصح صح]

هلا بك راعي الهدد

موضوعك جميل جدا حصوصا الشيبان امثالنا

لو تدري الوالده عن الجراد قومتني من نومي وقالت ودنا له

مواضيعك جميلة ونسعد بها

لعلك تدعوني لكبسة جراد مع نديم القرينة

لك التحية والتقدير

[راعي الهـــدد]

سريع وعاجل

الآن الظهر وفي الرياض وفي سوق الأقط والسمن

مقابل معهد إمام الدعوة مباشرة شارع طارق بن زياد

يباع الجراد توه نازل

الحق يالحبيب لايفووووتك

ظهر الأحد 12/4/1428هـ

بعد الظهر مباشرة بدأ البيع

[عنيزااااوي]

مشاااء الله عليك ياارعي الهدد

[راعي الهـــدد]

راعي الهدد الله يكرمكم والكرم للكريم . بس حلاتها اذا غط كمك توا ماتصير احلامرقه جراديه :good:




خادم تميم تراك محسن الظن واجد

هههههههههههههه

هلكم يسوي مصايب هههه

وياحبني لك والله

دمت بود

[راعي الهـــدد]

السلام عليكم...

هلا أخوي أبو حمد..مشاء الله..بالعافيه...

تقرير ولا الجزيره:p...و الله طرح ممتع...

أجل يصلح للمتزوجين..يعني ما يصلح للعزوبيه ههههههههه..:D





الغالي ابو نادر

نعم نعم يصلح للمتزوجين

تناول عدد قرصين اوه استغفر الله

قصدي عدد جرادتين ثم .... الباقي مايصلح هنا ههههههه

يصلح والله في بطحا شعيب يحبها قلبك وخذ سوالف واعلوم

هذي سوالفاً خاثرة خاثرة وتركيزها عالي ههههههههه

خلها بعدين

اخوي الغالي الله يمتعنا واياك بالصحة والعافية قل آمين

تقبل محبتي وتقديري يابعدهم

[راعي الهـــدد]

بيض الله وجهك وغفر الله لك و لوالديك اخوي (( راعي الهدد ))وتسلم والله يعطيك العافية

وتقبل تحياتي لك
اخووك +++الغزال الشارد++






هلا بالغزال الشارد

شرفني مرورك ياغالي

الله يغفر لك ووالديك

دمت بود ومحبة

[راعي الهـــدد]

بوركت جهودك






وفيك بارك المولى

حياك ياغالي شرفتني

الله يغفر لك ووالديك

دمت بود ومحبة

[راعي الهـــدد]

ومتابعة لموضوع الجراد وأخباره



فيه شي بيطربكم صور لأول مرة تطرح بالنت

رجل يأكل الجراد وهو حي

واعلوووم عن سوق الجراد لهذا اليوم

على الرابط أدناه


أول مرة في عالم النت ... قد لاتصدق ... صور عالمية .. سوق الجراد اليوم .. راعي الهــدد (http://www.mekshat.com/vb/showthread.php?t=84589)

موفقين ياغالين

[راعي الهـــدد]

تسلم يابو حمد والله لايهينك عطنا ربع كبسة جراد







ههههههههههههههههههههههههه


انت عزم بس على الكبسة


ولو انهم ماقد سووها بس نسويها لك كبسه ههههه


ياحبني لك يابو احمد


شاكر لك هالمرور الطيب ياغالي


دمت بود ومحبة

[راعي الهـــدد]

يامال العافيه والله يا راعي الهدد


وانا اشهد انك ذيب يا خلفهم


بأدلك على مكان فيه قحشه من الجراد بس راسلني على الخاص ومايكون خاطرك إلا طيب







هلا بالغالي فتى التويم

هلا هلا ملالالالاين

مرورك شرفني اي والله

وجاتك رسالة بالخاص ياخاص

ياحبني لك واعلومك

دمت بود ومحبة يابعدهم

[راعي الهـــدد]

هلا بك راعي الهدد

موضوعك جميل جدا حصوصا الشيبان امثالنا

لو تدري الوالده عن الجراد قومتني من نومي وقالت ودنا له

مواضيعك جميلة ونسعد بها

لعلك تدعوني لكبسة جراد مع نديم القرينة

لك التحية والتقدير





هلا بالغالي هلا

وابشر بالكبسة والعلووووم الي بتجوز لك

انت آمر وحنا نطامر ههههههه يالله الثبات هههههه

دمت بود ومحبة ياغالي

[ابوحماد]

دايم يا بو حمد متميز

من جد أنا من أشد المعجبين بمواضيعك

حتى أسلوبك نكتي ولذيذ ودي أكل أسلوبك

بيض الله وجهك يالغالي

[راعي الهـــدد]

دايم يا بو حمد متميز

من جد أنا من أشد المعجبين بمواضيعك

حتى أسلوبك نكتي ولذيذ ودي أكل أسلوبك

بيض الله وجهك يالغالي



هلا هلا هلا والله بالغالي ابو حماد

ياجعلك تسلم

اللذيذ والله مرور امثالك ياغالي

ياحبني لك

دمت بود ومحبة

[راعي الهـــدد]

مشاااء الله عليك ياارعي الهدد








هلا بالغالي عنيزاوي

حياك ربي ياغالي

مرورك شرفني واعتز فيه

دمت بود ومحبة يابعدهم كلهم

[صدى الهاوي]

بالعافية ان شا الله
بس عندي سؤال
سبحان الله ليش الجراد عندكم لونه لصفر ماهو مثل اللي عندنا في الجنوب

مع خالص تحياتي

[b2005]

ماشاء الله كفيت ووفيت ياراعي الهدد . .
وبالعافية .

[راعي الهـــدد]

بالعافية ان شا الله
بس عندي سؤال
سبحان الله ليش الجراد عندكم لونه لصفر ماهو مثل اللي عندنا في الجنوب

مع خالص تحياتي



هلا والله وغلا

أخوي الغالي شرفني مرورك

وجواب سؤالك التالي

الجراد الي تشوف لونه اصفر هذا من النوع الرديء

وهو مايسمى (( بالزعيري ))

والي تقول عنه عندكم هو الي لونه يميل للحمره وتجد الجراده سمينه او كبيره شوي

وهذي تسمى (( مكن ))

هذا نوعين من الجراد وكلها زينه

بس الزعيري الأصفر الي تشوف ماهو مرغوب مثل المكن

لأن المكن مليان لحم وفوائد اكثر

دمت بود ومحبة ياغالي

[تميراااااااوي]

الأخ راعي الهدد
السلام عليكم ورحمة الله وبركاته
صراحة فاقدينك هالأيام وكنت بارسلك رسالة لكن الحمد لله وصلت ووصل الخير
ذكرتني بذيك الأيام يوم نصيده بيدينا في الديرة ونملى قوطي النيدو
ياخي ترى دايم تطيح سعابيلنا على هالطبخات الزينة ههههههه
الله يبارك فيك على هالتقرير المتقنة

[تكفيني الذكرى]

الغالي راعي الهدد
هلا بك ويامسهلا
وشكرا لك من القلب على هذا التقرير الرائع كما عودتنا دوما بتقارير تدخل السرور الى النفس
والجراد قديما كان الناس يتعالمون عنه ويذهبون الى اماكن تواجده على شكل جماعات ولا يرجعون الا بصيد وفير
وكانت عملية الطبخ تتم بنفس الطريقه التي تحدثت عنها واحببت ان اضيف انهم كانوا يطبخون كامل الكميه التي يحضرونها ثم يضعونها في سطوح المنازل لتجفيفها مع اضافة الملح عليها ثم يتم تخزينها لكثرة الكميه (لعدم وجود المبردات)او يمكن لسبب آخر ويقدم بعد ذلك في اطباق وهو يقرممممممممممممممممش اتقول مكسرااااااااااااااااات .هههههههه
وياريت اذا احد عنده معلومات اوفر عن تلك الطريقه ان يضيفها لنا ، فالجراد محبب للجميع واكيد ان الناس تفننوا في اعداد طبخه .
مرة اخرى شكري لشخصكم مع محبتي
تقبل تقديري

[المشراق]

أخي راعي الهدد ما أقول إلا جزاك الله خير أنت ووالديك ومن شرالك ومن إستضافك ومن لاقاك بالطريق وش اقول وش اخلي بالصراحة ليست لي بكم معرفة شخصية ولاكنني عرفتكم من خلال هذا المنتى في نشاطكم وردودكم المميزة ومشكور على التقرير والصور 0

[الوافي88]

الله يعطيك العافيه اخوي على هذا الجهد الرائع

[راعي الهـــدد]

ماشاء الله كفيت ووفيت ياراعي الهدد . .
وبالعافية .





هلا والله بالغالي هلا

العذر والسموحة على التأخر في الرد

كنت في البر فالعذر منك ومن جميع الأخوة الذين لم ارد عليهم

مرورك شرفني يابعدهم كلهم

دمت بود ومحبة

[راعي الهـــدد]

الأخ راعي الهدد

السلام عليكم ورحمة الله وبركاته
صراحة فاقدينك هالأيام وكنت بارسلك رسالة لكن الحمد لله وصلت ووصل الخير
ذكرتني بذيك الأيام يوم نصيده بيدينا في الديرة ونملى قوطي النيدو
ياخي ترى دايم تطيح سعابيلنا على هالطبخات الزينة ههههههه
الله يبارك فيك على هالتقرير المتقنة





ههههههههههههه

ياحبني لك ياتميراااوي

شاكر لك هالمرور يالشايب

اجل قوطي نيدو طيب هذي كفشه ههههه

دمت بود ومحبة

[راعي الهـــدد]

الغالي راعي الهدد

هلا بك ويامسهلا
وشكرا لك من القلب على هذا التقرير الرائع كما عودتنا دوما بتقارير تدخل السرور الى النفس
والجراد قديما كان الناس يتعالمون عنه ويذهبون الى اماكن تواجده على شكل جماعات ولا يرجعون الا بصيد وفير
وكانت عملية الطبخ تتم بنفس الطريقه التي تحدثت عنها واحببت ان اضيف انهم كانوا يطبخون كامل الكميه التي يحضرونها ثم يضعونها في سطوح المنازل لتجفيفها مع اضافة الملح عليها ثم يتم تخزينها لكثرة الكميه (لعدم وجود المبردات)او يمكن لسبب آخر ويقدم بعد ذلك في اطباق وهو يقرممممممممممممممممش اتقول مكسرااااااااااااااااات .هههههههه
وياريت اذا احد عنده معلومات اوفر عن تلك الطريقه ان يضيفها لنا ، فالجراد محبب للجميع واكيد ان الناس تفننوا في اعداد طبخه .
مرة اخرى شكري لشخصكم مع محبتي
تقبل تقديري






هلا والله بالغالي

احبك الله الذي احببتنا من اجله

وصدقت كانو قديماً يفعلون مثل ذلك في طريقة الطبخ

ويجففونه لعدم وجود مبردات

وايظاً لأن التجفيف يكسب الشيء المجفف مواد نافعة يستمدها بفضل الله من الشمس
او من الهواء فيكتسب منافع وخواص اكثر

هذا في الغالب وفيه بعض الأشياء لاينفع تجفيفها

عموماً مرورك شرفني ياغالي

ويعلم الله انك غالي علي حيل

دمت بود ومحبة يابعدهم

[راعي الهـــدد]

أخي راعي الهدد ما أقول إلا جزاك الله خير أنت ووالديك ومن شرالك ومن إستضافك ومن لاقاك بالطريق وش اقول وش اخلي بالصراحة ليست لي بكم معرفة شخصية ولاكنني عرفتكم من خلال هذا المنتى في نشاطكم وردودكم المميزة ومشكور على التقرير والصور 0






هلا والله بالغالي


هلا بشيخي المشراق

يعلم الله ان لك محبة في القلب ياغالي

ومنك استفدنا ونستفيد ولازلنا نتعلم منك ياغالي

اخوي الغالي نحن بانتظار مواضيعك المميزة

الي حنا خابرين تكفى تكفى المزيد المزيد

ترى آخر موضوع شفته لك واعجبني تجربتك في جعل السفن اب منظف وملمع لدلال

هل نزل شي بعده ياغالي ..؟؟

دمت بود ومحبة يابعدهم كلهم

[راعي الهـــدد]

الله يعطيك العافيه اخوي على هذا الجهد الرائع




ياجعلك تسلم

مرورك والله شرف لنا ياغالي

الله لايحرمنا منك

دمت بود ومحبة

[قناص الوعول 1]

الله يجزاك خير على هالموضوع وبالنسبة للعجاج والمطر ترا القصيم وخصوصا بريدة دايما عجاج ثم مطر

[كمونه]

السلام عليكم ورحمة الله وبركاته





اخوي راعي الهدد موضوع رائع وجهد تشكر عليه وسلمت يمينك





والله يرزقك بر اولادك مثل برك لوالديك



والله يجزا الاهل كل خير اللي جهزوا الغدا بدري عشان تتحفنا بالهصور



وبالصحه والعافيه

[راعي الهـــدد]

الله يجزاك خير على هالموضوع وبالنسبة للعجاج والمطر ترا القصيم وخصوصا بريدة دايما عجاج ثم مطر






هلا بك ياقناص الوعول

هلا وغلا

ونعم القناصه الي تقنصها

بس خذنا معك للوعول في المرات الجايه

ياجعلك تسلم والله يغفر لك ووالديك قل آمين

دمت بود ومحبة ياغالي

[راعي الهـــدد]

السلام عليكم ورحمة الله وبركاته




اخوي راعي الهدد موضوع رائع وجهد تشكر عليه وسلمت يمينك


والله يرزقك بر اولادك مثل برك لوالديك

والله يجزا الاهل كل خير اللي جهزوا الغدا بدري عشان تتحفنا بالهصور



وبالصحه والعافيه







كمونه شاكر لك ومقدر هذا المرور الطيب

والله يستجيب دعائك ويرزقنا من عنده رزقاً حسنا

شكرا لك

[مقدور]

الله يعطيك العافيه ابو حمد على هالتقرير المفصل والمميز

ومبدع مثل ماعودتنا

[(خوي المقناص)]

بالعافية



ما شاء اللهوالله أنك كفو
وأذا جاء الجراد لرياض أبشر بالي يطبخ مثل طبخك
بس ماقلت لي
بس قريقه القرمشه أنك تقرمشه قرمشه
بمعنى ييبس بالشمس ما تخبر الطريقه ذي علمني لاهنت
أخوك راعي الطير

[ناوي نيه]

يعطيك العافيه شهويتنا

[ابرق حباري]

الله يعطيك العافيه

[أبو شاهر]

بيض الله وجهك اخوي راع الهدد على هذا الموضوع الشيق والمعلومات القيمة

[راعي الهـــدد]

الله يعطيك العافيه ابو حمد على هالتقرير المفصل والمميز

ومبدع مثل ماعودتنا





الأخ الغالي مقدور


الله يعافيك

وشاكر لك المرور والرد الطيب ياطيب


والمميز والله حضورك يابعدهم

شكرا لك

[برق غامد]

مبدع يا راعي الهدد تبارك الله ماشاء الله دايم تقاريرك واخبارك مدعومة
بصراحة تستحق صاحب احسن تقرير مصور لا عدمناك يا النشمي وبالعافية.

[راعي الهـــدد]

بالعافية



ما شاء اللهوالله أنك كفو
وأذا جاء الجراد لرياض أبشر بالي يطبخ مثل طبخك
بس ماقلت لي
بس قريقه القرمشه أنك تقرمشه قرمشه
بمعنى ييبس بالشمس ما تخبر الطريقه ذي علمني لاهنت
أخوك راعي الطير



الأخ الغالي راعي الطير

شاكر لك المرور ياغالي

وطريقة التجفيف معروفة بس احبه كذا واشوف انه احلى

هلا بك ياغالي

[جراب]

السلام عليكم ورحمة الله وبركاته

تحية طيبةأخي ياراعي الهدد

بارك الله فيك على هذة الصور والمعلومات عن هذا الجراد وبارك الله لك في مالك وحلالك ورزقك الله برك
بوالديك جزاء حرصك على اسعادهما.
أسعدنا الله وإياكم ورزقنا الجنة ووالدينا ووالديكم والمسلمين أجمعين آآآآآمين

[الكاسر25]

راعي الهدد وش ذا الزين ماشاء الله عليك
والله يجزاك الجنه ويوفقك على برك بوالديك
تحياتي

[عاشقة الطير]

اخوي راعي الهدد مشكور على المشاركة
بس أنا الجراد بصراحه أخاف منة والله عاد وش كان إذا كلته الجراد بكلمة وادة (ماأحبة ) هههههههه بس ودي أعرف وش لاقين فية طعم عشان تحبونه هالقد أرجو الإجابة على السؤال حالا وبالا
تحياتي لك

[راعي الهـــدد]

يعطيك العافيه شهويتنا





هلا والله باخوي الغالي

اذاشهويتك فالله يحييك

ابشر ببادية مليانة جراد

من اعلوها الا اسفلها وش تبي بعد

الله يحييك ياغالي

نتشرف بك اي والله

دمت بود ومحبة يابعدهم كلهم

[راعي الهـــدد]

الله يعطيك العافيه








شاكر لك ومقدر يابعدهم كلهم



دمت بود ومحبة

[راعي الهـــدد]

بيض الله وجهك اخوي راع الهدد على هذا الموضوع الشيق والمعلومات القيمة




هلا بك ياغالي


والله يغفر لك ووالديك على هالمرور الطيب


شاكر لك ومقدر يابعدهم

[راعي الهـــدد]

مبدع يا راعي الهدد تبارك الله ماشاء الله دايم تقاريرك واخبارك مدعومة
بصراحة تستحق صاحب احسن تقرير مصور لا عدمناك يا النشمي وبالعافية.




شاكر لك ياغالي هالمرور الطيب


حقيقة اخجلتني كثيرا بردودك الحلوه


دمت بود ومحبة ياغالي

[راعي الهـــدد]

عذرا مكرر عذرا عذرا

[اخو الشهيد]

شكرا على الوجبه اللي ماأظن انها لذيذه

[محمد الجويسر]

مشكور يالغالي عليكم بالعافية

[راعي الهـــدد]

السلام عليكم ورحمة الله وبركاته

تحية طيبةأخي ياراعي الهدد

بارك الله فيك على هذة الصور والمعلومات عن هذا الجراد وبارك الله لك في مالك وحلالك ورزقك الله برك
بوالديك جزاء حرصك على اسعادهما.
أسعدنا الله وإياكم ورزقنا الجنة ووالدينا ووالديكم والمسلمين أجمعين آآآآآمين





الأخ الغالي جراب

شاكر لك المرور ياغالي

والله يستجيب دعاك ويغفر لك ووالديك

دمت بود ومحبة يابعدهم

[راعي الهـــدد]

راعي الهدد وش ذا الزين ماشاء الله عليك
والله يجزاك الجنه ويوفقك على برك بوالديك
تحياتي






هلا بك ياغالي

شرفني مرورك يابعدهم

والله يستجيب دعاك آمين

دمت بود ومحبة وإخلاص ياغالي

[راعي الهـــدد]

اخوي راعي الهدد مشكور على المشاركة
بس أنا الجراد بصراحه أخاف منة والله عاد وش كان إذا كلته الجراد بكلمة وادة (ماأحبة ) هههههههه بس ودي أعرف وش لاقين فية طعم عشان تحبونه هالقد أرجو الإجابة على السؤال حالا وبالا
تحياتي لك





شاكر لك ومقدر هذا المرور

والله يغفر لك ووالديك

والجراد زين ومنتاز ولذيذ

شكرا ً لك

[راعي الهـــدد]

شكرا على الوجبه اللي ماأظن انها لذيذه





لاشكر على واجب ياغالي

وابشرك انها الذ وجبة بالنسبة لي ولجميع اهل الكيف

دمت بود ومحبة ياغالي

[مصحصح صح]

لاشكر على واجب ياغالي

وابشرك انها الذ وجبة بالنسبة لي ولجميع اهل الكيف

دمت بود ومحبة ياغالي





بالهنا والشفاءيا راعي الهدد
وبما انك من اكيلة الجراد باسالك عن الجراد "هل بالسوق بالتحديد دخنة جراد هذين اليومين
فيه ناس موصيني عليه وهم غالين
في انتظار ردك الكريم عشان باكر من الدوام الى دخنة لعلنا نظفر بكيس من الجراد
لك التحية والتقدير

[راعي الهـــدد]

مشكور يالغالي عليكم بالعافية





هلا بالسمي هلا

شرفني مرورك يابعدهم

الله يغفر لك ووالديك آمين

[عزوتي نايف]

ماشاء الله تبارك الله
بالعافية عليك
موضوع وصور وتعليق رائعة
جزاك الله خير ياخوي راعي الهدد

[راعي الهـــدد]

بالهنا والشفاءيا راعي الهدد

وبما انك من اكيلة الجراد باسالك عن الجراد "هل بالسوق بالتحديد دخنة جراد هذين اليومين
فيه ناس موصيني عليه وهم غالين
في انتظار ردك الكريم عشان باكر من الدوام الى دخنة لعلنا نظفر بكيس من الجراد
لك التحية والتقدير






أخوي الغالي مصحصح صح

شرفني مرورك ياغالي

والي تبيه نحضره لك لو انه وين

ومن ناحية السوق ما ادري عن السوق

بس الي اعرف ان السوق خلص

وترى الموضوع قديم شوي له شهر ممكن

عموماً راجع الخاص لا هنت

دمت بود ومحبة

[راعي الهـــدد]

ماشاء الله تبارك الله
بالعافية عليك
موضوع وصور وتعليق رائعة
جزاك الله خير ياخوي راعي الهدد



هلا بك ياغالي

شرفني مرورك الله يغفر لك ووالديك آمين

واشكر لك هذا المدح

اسأل الله ان اكون خيراً مما تظن

دمت بود ومحبة

[No.1]

بارك الله فيك يا راعي الهدد

اسوق لك وللاخوة هذه القصة لاخذ الحيطة

طبعا القصة حدثت في بداية هذا الشهر ومع مدير مدرستنا

اللي حصل ان احد الزملاء جاب معه الصباح كيس فيه جراد ( مطبوخ ) يعني جاهز للاكل

حط الكيس بغرفة المدرسين ، وناس اكلوا وناس ما اكلوا.

مديرنا مسيكين جا وشاف الجراد ، واكل من الجراد حول ست او سبع حبات ،

قام بعدها ما فيه شي ، المهم عشر دقايق بالضبط ويظهر على وجهه وذرعانه
بقع حمراء ، وبدأ يحك ايديه وجسمه ، شوي الا النفس عنده بدأ يضيق.

قال للوكيل انا ابروح للمستشفى يمكن يعطوني دوا للحكة وابرجع ان شاء الله .
{{كلام يجيب كلام
مديرنا الله يعافيه ويشفيه ويشفي امراض المسلمين ، مسوي عملية قسطرة لتوسيع شرايين القلب وما كمل اسبوع من يوم رجع للمدرسة}}

عرض عليه الوكيل انه يوصله للمستشفى فقال المدير لا المسألة بسيطة ما تستدعي

بعد ساعة دق عليه الوكيل قال وش سويت ، قال وقفت السيارة وما قدرت اكمل ودقيت على اخوي وجا وصلني للمستشفى .

في المستشفى اعطوه كورتيزون لتهدأ حالته بسرعه ، رغم انه مسوي عملية القسطرة.

رجع اليوم الثاني والرجال طيب الحمد لله ، ويقسم بالله ان لن يعود لهذا مرة اخرى

×××××××××××

ما حدث مع المدير ليس بالضرورة حدوثه مع كل من يأكل الجراد
وقد يكون بسبب المصدر ، مع العلم ان بقية الزملاء الذين اكلوا منه لم يحدث لهم شئ، وربما تكون المسألة حساسية او خلافه ، مع العلم اننا سألناه فقال انها ليست المرة الاولى التي آكل فيها الجراد ، ولكن ...

كل ما سبق لا يلغي حلاوة موضوعك وتميزه
لكن هو تحذير قد يستفيد منه البعض

اخوك

[راعي الهـــدد]

بارك الله فيك يا راعي الهدد

اسوق لك وللاخوة هذه القصة لاخذ الحيطة

طبعا القصة حدثت في بداية هذا الشهر ومع مدير مدرستنا

اللي حصل ان احد الزملاء جاب معه الصباح كيس فيه جراد ( مطبوخ ) يعني جاهز للاكل

حط الكيس بغرفة المدرسين ، وناس اكلوا وناس ما اكلوا.

مديرنا مسيكين جا وشاف الجراد ، واكل من الجراد حول ست او سبع حبات ،

قام بعدها ما فيه شي ، المهم عشر دقايق بالضبط ويظهر على وجهه وذرعانه
بقع حمراء ، وبدأ يحك ايديه وجسمه ، شوي الا النفس عنده بدأ يضيق.

قال للوكيل انا ابروح للمستشفى يمكن يعطوني دوا للحكة وابرجع ان شاء الله .
{{كلام يجيب كلام
مديرنا الله يعافيه ويشفيه ويشفي امراض المسلمين ، مسوي عملية قسطرة لتوسيع شرايين القلب وما كمل اسبوع من يوم رجع للمدرسة}}

عرض عليه الوكيل انه يوصله للمستشفى فقال المدير لا المسألة بسيطة ما تستدعي

بعد ساعة دق عليه الوكيل قال وش سويت ، قال وقفت السيارة وما قدرت اكمل ودقيت على اخوي وجا وصلني للمستشفى .

في المستشفى اعطوه كورتيزون لتهدأ حالته بسرعه ، رغم انه مسوي عملية القسطرة.

رجع اليوم الثاني والرجال طيب الحمد لله ، ويقسم بالله ان لن يعود لهذا مرة اخرى

×××××××××××

ما حدث مع المدير ليس بالضرورة حدوثه مع كل من يأكل الجراد
وقد يكون بسبب المصدر ، مع العلم ان بقية الزملاء الذين اكلوا منه لم يحدث لهم شئ، وربما تكون المسألة حساسية او خلافه ، مع العلم اننا سألناه فقال انها ليست المرة الاولى التي آكل فيها الجراد ، ولكن ...

كل ما سبق لا يلغي حلاوة موضوعك وتميزه
لكن هو تحذير قد يستفيد منه البعض

اخوك



هلا بك ياغالي

شرفني مرورك

ورفيقك الحمدلله على سلامته

اما من ناحية الجراد

فلا به كلام من افضل الأشياء ولا به ضرر



لكن



لكن



وضع تحتها الف خط



رفيقك هذا مصاب بمرض القلب

شفاه الله وعافاه .... آميــــن


وتوه مجري عملية بالقلب على كلامك



فكيف يتجرأ ويآكل أكل غير موصوف له .. ؟؟؟؟


قل له يقول راعي الهــدد الحمدلله على السلامة



والجراد بروتينات مركّزة جداً

فممكن انها ضرته لتركيزها العالي



واكبر دليل شف ربعه الي أكلو معه ماجآهم شي ابد



اقول كل ولاتشاور ولا به الا العافية



دمت بود ومحبة ياغالي

[sasasasas]

ما قصرت اخوي والله طبخه تشهي

بس ما عمري اكلت الجراد ان شاء الله عن قريب

[راعي الهـــدد]

ما قصرت اخوي والله طبخه تشهي

بس ما عمري اكلت الجراد ان شاء الله عن قريب





هلا بك ياغالي

جرب ولن تندم واذا تبي فزعه فلا مانع هههه

دمت بود ومحبة ياغالي

[عديمة احساس]

مو قصدي شي بس الشخص الوحيد اللي شفته ياكل جراد خدامتنا الأندونسيه خخخخخخخخخخخخخخخخخخخ


تقعد تصيد منه بالحوش

والله انت تعرف شغل البنات قرف ماقرف انا عادي بالنسبه لي بس شنو اكل بجراده مافيها شي
كلها اعواد

بس موضوعك من جد رهيب وطرحك له ارهب خخخخخخخخخخخخخخ

[المربعانيه]

مشكور اخوي على موضوعك الاثري
لفت انتباهي عنوان ============ > الجرراد
حبيت اشوف الاكله الي تحبها امي وابوي منذو زمن بعيد بس تبي الصراحه
ارتعت من اللي شفته ......... وبالعافيه عليكم
[img]www.mekshat.com/pix/upload/images38/mk941_picture1.jpg[/img

[راعي الهـــدد]

مو قصدي شي بس الشخص الوحيد اللي شفته ياكل جراد خدامتنا الأندونسيه خخخخخخخخخخخخخخخخخخخ


تقعد تصيد منه بالحوش

والله انت تعرف شغل البنات قرف ماقرف انا عادي بالنسبه لي بس شنو اكل بجراده مافيها شي
كلها اعواد

بس موضوعك من جد رهيب وطرحك له ارهب خخخخخخخخخخخخخخ





شكرا لك على المرور والرد

وترى الخادمه اذا هي مسلمه فلا فرق بينها وبينك بشيء

وبعدين يوم ان الخادمه عندك

يوم ماتقومين وتشتغلين في بيتك ابرك لك

شكرا لك

[راعي الهـــدد]

مشكور اخوي على موضوعك الاثري
لفت انتباهي عنوان ============ > الجرراد
حبيت اشوف الاكله الي تحبها امي وابوي منذو زمن بعيد بس تبي الصراحه
ارتعت من اللي شفته ......... وبالعافيه عليكم
[img]www.mekshat.com/pix/upload/images38/mk941_picture1.jpg[/img




هلا بالغالي هلا

ولاترتاع بسم الله عليك هههههه

شاكر لك ومقدر هالمرور الطيب

دمت بود ومحبة

[راعي الروضة]

الحقيقة موضوع اروع من الرائع 00 ماشاء الله تبارك الله عليك

[راعي الهـــدد]

الحقيقة موضوع اروع من الرائع 00 ماشاء الله تبارك الله عليك





هلا هلا هلا والله بالغالي

هلا براعي الروضة

مرور يشرفني دائما

جعلك تسلم يالغلا

شاكر لك ومقدر يابعدهم كلهم

[عضو آخر]

ذكرتن بالجراد الله يجيبه .. مشكور أخوي راعي الهدد ...

[راعي الهـــدد]

ذكرتن بالجراد الله يجيبه .. مشكور أخوي راعي الهدد ...






هلا بك ياغالي

مرور يشرفني ويسعدني

شاكر لك ومقدر يابعدهم كلهم

[ALBDRANE]

ما أحب الجراد أبداً أبداً

[راعي الهـــدد]

ما أحب الجراد أبداً أبداً




افا ليش ... هههههه

اذواق وكل نفس وماتشتهي ...

هلا بك ياغالي

شاكر مرورك