استفسار

[الشمالي 5]

السلام عليكم ورحمة الله وبركاته

انا ناوي اقنص برا السعوديه وبغى استفسر وش الاوراق المتطلبه لتدخيل السلق من السعوديه:confused:





والي عنده خبر يفيدنا بسرع وقت
ومشكوووووووووريييين

[راعي مليون]

والله يا الشمالى ماعندي فكره بس أنشالله يفيدونك

الأخوان يفيدونك والكل يستفيد

وننتظر ردودكم الله يجزيكم خير

تقبل مروري

[الشمالي 5]

ياشباب افيدونا

[سلطان العوني]

السلق لها اوراق لازم تخلصها
اوراق السلق ..
ورقه صحيه تثبت ان السلق سليمه وخاليه من الامراض من الصح البيطريه على ما اظن
وانتظر الاخوان يجيبون لك الخبر مضبوط

[بن قضيب]

اسلام عليك اخوي الشمالي 5 اخوي اهم شي اذا كنت نوي اتسافر عن طريق البر او 1-ورقة التطعيم ملاحظه التطعيم يجب ان يكون مر عليه اكثر من اربع شهور في بعض الدول و(makrosheb في بعض الدول -اذا عن طريق الشحن باالطائره الي الدول الافريقيه مثل(النيجر) او (تنزانيا) 1- ورقة التطعيم 2-(makrosheb) قطعه معدنه سغيره جدا توضع من قبلال الطبيب تحت الجلد يكون فيها رقم سري يكون مطابق للرقم الموجود عندك في ورقة الفحص وهذا يثبت الن السلق ملك لك وان كل المعلومات عن السلق صحيحه وفي حالت ضياع السلق او سرق ووجته عند شخص وهذا الشخص ادعي ان السلق حقه تقدر تتأكد من تمرير الجهاز على السلق اذا كان السلق حقك بيظهر الرقم السري الي عندك في ورقة التطعيم وفي هذا الحاله مايقدر ينكر.3 -لازم يكون عندك شركه سياحيه لصيد في البلاد الي انته ريحلها تأكد انها تتعهد بستلام السلق عند وصولها .انشاء الله اخوي اني فتك وسمحلي على القصور.

[مورد القيفان]

ماقصرت يا ابن قضيب بس على ماسمعت فيه حاجه ناقصه لازم عشان ترجع بالسلق تاخذ الاوراق الي فحصت السلوقي بها عند البيطري وتوديها للزراعه عشان يصدقونها بعد كذا مافيه الا سلامتك وهذا الي حبيت اضيفه على كلام اخوي ابن قضيب
وهذا الي اقدر افيدك فيه
وتقبل مروري

[sasasasas]

لا تعليـــــــــــــــــــــــــــــــــــــــــــق

[سعدون جابر]

أخوي / الشمالي 5 ,,,


/
\
/
\

السلام عليكم ورحمة الله وبركاته ,,,
/
.
.

إضافة لما علّق عليه الأخوان فالمطلوب غير الورقة الطبية التي تضم خلو السلوقي أو السلقة من الأمراض فإنه يجب عليك مراجعة سفارة الدولة التي تنوي الصيد فيها حتى يعطونك تصريح صيد فمثلاً السودان يعطونك تصريح موافقة تشتمل على الصيد وهي فئات فصيد الأرنب والظبي من الفئة (أ) وقيمتها 15000 ريال طبعاً من غير الحسابات الأخرى فإن كان لديك سلاح مرخص فله ضريبة وإن كان معاك جهاز لاسلكي عليه ضريبة كذلك وإن كان لديك قارمن فعليه ضريبة فقط هذا هو المطلوب تصريح موافقة وورقة طبية ,,,

((

))

((

))

ولكن أحد الأخوان الذين خرجوا للسودان يقول هذه النصيحة ( صيد أرنب في الرملة عن عشرين ظبي في السودان ) ,,,
/
.
.
وأنت براحتك .

/
\

تقبل مروري .

[هاوي سلق]

اخوي الشمالي 5
طبعا الاخوان ماقصرو معك لكن احب اضيف على كلامهم ان الاوراق الصحية للتطعيم لازم تكون حكومية من وزارة الزراعة والصحة
وبالتوفيق

[الشمالي 5]

تسلمون كلكم على الافاده ولاهنتوا

[عروق الدهنا]

اخوي الشمالي

ماتبي اخويك طال عمرك

<<<<<<<نشبه
امزح لاتصدق
رحله موفقه

والسلام ختام

[الشمالي 5]

حياك الله اخوي عروق الدهنا

[القـــناص]

اخوي: الشمالي55
\
/
السلام عليكم ورحمة الله وبركاته
\
/

الاوراق المطلوبه للقنص بالسلق في الخارج :

على مااعتقد انه لازم اذن تصدير وانا عندي لك

حل راح يريحك جــــــــــداً ..

اتصل على هذا الرقم .. 038271126

وهو رقم المديريه العامه للزراعه ..

بالدمام .. واطلب . سمير الرشيد .. هو المدير حق المحجر...

وهو راح يعطيك كل التفاصيل وكل المطلوب...

لأنهم في الوقت الحالي في نظام جديد لتصدير واستيراد الكلاب..

هو نظام معقد ومتعب وانا مجرب هذا الشي ...
|
\
/
|
][ القـــناص ][

[الشمالي 5]

وهل دخلت السلق بسرعه ولا معقده



وتسلم يالغالي

[القحطاني505]

اسلام عليك اخوي الشمالي 5 اخوي اهم شي اذا كنت نوي اتسافر عن طريق البر او 1-ورقة التطعيم ملاحظه التطعيم يجب ان يكون مر عليه اكثر من اربع شهور في بعض الدول و(makrosheb في بعض الدول -اذا عن طريق الشحن باالطائره الي الدول الافريقيه مثل(النيجر) او (تنزانيا) 1- ورقة التطعيم 2-(makrosheb) قطعه معدنه سغيره جدا توضع من قبلال الطبيب تحت الجلد يكون فيها رقم سري يكون مطابق للرقم الموجود عندك في ورقة الفحص وهذا يثبت الن السلق ملك لك وان كل المعلومات عن السلق صحيحه وفي حالت ضياع السلق او سرق ووجته عند شخص وهذا الشخص ادعي ان السلق حقه تقدر تتأكد من تمرير الجهاز على السلق اذا كان السلق حقك بيظهر الرقم السري الي عندك في ورقة التطعيم وفي هذا الحاله مايقدر ينكر.3 -لازم يكون عندك شركه سياحيه لصيد في البلاد الي انته ريحلها تأكد انها تتعهد بستلام السلق عند وصولها .انشاء الله اخوي اني فتك وسمحلي على القصور.

كلام مقنع وصحيح100%

[ziyad222]

كل الكلام مافيه قصور بس الله يسهل عليك