صيدةاليوم هدية لراعي الابل

[northstar46]

السلام عليكم جميعا
هذي صيدة اليوم هدية لراعي البل ولا يهونون الربع

http://www.mekshat.com/pix/upload/images33/mk43784_d2.jpg




http://www.mekshat.com/pix/upload/images33/mk43784_d1.jpg

[سلطان العوني]

مشكور وما قصرت
ويستاهل راعي الابل ههههههههههههههه
>>>>>>>>>>>>>>>>>>>>>> لا يزعل علي



تحياتي

[northstar46]

راع البل وسيع صدر والله اعلم وماهقيت انه يزعل لو تحطه بدرج موتره

[مورد القيفان]

يجعل اليوم الي تهديني فيه مثل هالهديه مايجي
هههههههههههههههههه والله يعينك يا راعي الابل على ما بلاك وعقبال درج الوتر ههههههههههه
ولك فائق تحياتي

[ابرق العزاف]

هذا الزراق غير سام

وش تبيبه

[دغيم1]

السلام عليكم



يعطيك العافية أخي : northrhstar46

هدية جميلة

وأعذرني أعطيكم نبذة مختصرة عنه .

الأسم العلمي : Schokari

الأسم المحلي :أبو السيور الشجري - الزاروق .

لاتوجد معلومات عن سمية هذا الثعبان خلفي الأنياب ، إلا أنه يعتقد أن سمه من النوع الضعيف وهو بدوره لايؤثر على الإنسان البالغ

تقبل تحياتي - دغيم 1

[راع الابل]

حوالينا ولا علينا

بسم الله وعلى الله توكلنا اهه اهه ابي احذف بعمري اهه اهه حذفنا عمرنا في المهالك الله يجيب العواقب سليمه

اعوذ بكلمات الله التامات من شر ما خلق

الله يكفينا شر الزاروق وسرعته الزاروق ووشيش الزاروق لمر يمشي شليون شليون من عند رجلك والله ما يمديك تقمز ولا ينفع معه لا فوبيا ولا ضرب عصى وانت ياخونا نورث ما قصرت على الهديه وانا اول ما شفت الصورة الاولى قلت ما شاء الله هديه عصى او سوط نظرب فيه البل والحيران ويوم اني دققت وطيرة الانعماس وبرقت زين الا اني اشوف المووووووووووووت ييييييوك بعيوني امحق من هديه ياخوك

وتبي الصراحه اليوم جزمت والظاهر ان الفوبيا راحت ما عاد هي فيه

وبيض الله وجهك

تحياتي

[northstar46]

ان شاء الله ان الفوبيا تبي تطير وتسلم من شرها وان اشاء الله نشوفك حاط لنا كبسة ديبان وتراها اطعم من الضبان مليون مرة ها عاد لا تخليها تنقرض ترى الاسراف اقشر وتقبل سلامي والتحية

[عبادل العاصمي]

لك حق ياراع الأبل تجيك الفوبيا أذا دريت أنه يجيك مسفح من فوق الشجرة تقل ورقة شايلها الهوا

لاهنت ياراع الموضوع

[عاشق الفيضة]

هذا النوع درجته السميه أقل من المتوسط وليس با الخطوره المتصوره من بعض الاشخاص
وهو سريع جداً وله عدة أسماء مثل أبو سيور و الزاروق والزراق وأكثر ما يعيش بين المزارع
وأرجو من الجميع عدم قتل هذا النوع ...... وشكراً لكم