ابيات شعر في الطيور

[nasser_ali]

يا حلو صف الريش والموس بتلاه =بالطير يتيه ناظره بالتفاكير

نادر بوصفه ما تعدد مزاياه =من ضلع فارس ما تهجن من الجير

وجت سالفه للطير يا حلو طرياه =وشدوا على التدريب من غير تقصير

لا لاح بالمواح للطير ثم جاه =استاسع الخاطر على أول تباشير

ودايم على كفه يدارا مداراه =من خوف لا ريشه يجي فيه تكسير

يمسح على وجهه وصدره بيمناه =تدليل ورع ما بلغ خمس صغير

عشقه تعدا عشق عنتر وليلاه= وحبه تعدا حب بيض الغنادير :heart:

[nasser_ali]

أنا غرامي يا ملا نقلة الطير =طير الحرار اللي مواكره عليا

طرح الشبك في عاليات الشناطير =حرش اكفوفه والمناكيب مليا

عريان ريش اما الثنادي مزابير=وتوصف بعينه عين ليله وعليا

وله عاتق يلفت عيون الصقاقير =والوجه وصفه له على الداب حليا

عرضه يساوي الطول من غير تمتير =وافي وصافي ريش ماله مثليا

هجر قصير كراع واسع مناخير= واللون في لون الذهب لا صقليا

[nasser_ali]

يا زين نقل اللي ليا هد لحاق=امنومس اللي فوق كفه يشيله

فرخٍ حمر عذروبه ان ريشه ادقاق =مدرج قصير اكراع فخذه جليله

يلحق ليا منه نتق منك سباق =مرهي وغصبٍ لا ارتفع ترتخيله

وعلق بها من سرعته كل مشلاق =وفرى نحرها بالحداد السليله



وجيته يبث الريش في كل الآفاق=متنومسٍ باللي ذبحها فصيله

تم من ابو عايد

[501]

اتشرف بأني انا اول من يرد عليك

ويقول صح لسانــــــــــــــــــــــــــــــــــــــــــــــ ـــــــك
501

[ابوالجازي]

السلام عليكم
بيض الله وجهك كل قصيده ازين من الثانيه ياnasser_ali
بس ياليت تذكر لنا من هم الشعار
على العموم صح لسانك ولسان من قالهن

[كامل الدسم]

تحيه طيبه من كامل الدسم الى ناصر علي
وصح لسان الشاعر

[ابو عايد]

السلام عليكم ورحمة الله وبركاته


أخي الحبيب / nasser_ali

جزاك الله خير وشكرا على القصيده..

وصح لسان الشاعر,,,

[ابوربيع2008]

الله عليك الله
صح اللسان ولسان الشاعر

مشكور مشكور والله رفعت المعنويات