المساعد الشخصي الرقمي

مشاهدة النسخة كاملة : (((((_خيل سحاب الوسم_)))))


القسامي511
29/04/2007, 09:31 AM
____¤_بسم الله الرحمن الرحيم_¤____
السلام عليكم ورحمة الله وبركاته
الأحبه الكرام أرجو من الله أن تحوز هذه القصيده على رضاكم وهي من قصائدي قلتها في موسم الوسم والصيد
_ _ _ _ _ !!!؟؟
خيل سحاب الوسم يوم الهوى هب=
واضلم إخياله بالمطر والعواصيف؟
لااقبل من القبله بروقه تلاهب=
بصوت الرعد يشق القلوب المواليف؟
يفزله قلب" من الشوق يطلب=
سج القدم بالبر من عقب ماشيف؟
والله على اللي تو ورد ويعجب=
موديل سبعه كامل" بالتواصيف؟
شاص" جديد" مركبه عز مركب=
في صنعته تصميم كله على الكيف؟
بين المواتر لامشى شيخ موكب=
شبيه ذيب" فوق عال المشاريف؟
ياطى على الوعره ولونه لا لشهب=
شد الخواجه مادخل فيه تحريف؟
هو منوة اللي عن دياره تغرب=
يالله عسى دربه بليا صواديف؟
عليه قرم إمن المراجل تدرب=
واللي يسوقه ماحسب لتكاليف؟
يحب فعل الطيب بالقنص يرغب=
قرم" لطرد الصيد سواق حريف؟
والحر الأشقر بالمقانيص جرب=
ياقو قلبه ما بقلبه تخاويف؟
إليا شهر بالجو للقلب يطرب=
واليا نزل بالصيد خلاه تنتيف؟
مقيالنا في غار والمزن يسكب=
طابة به الجلسه بزين السواليف؟
تسوى حياة الاش لاش" تعزب=
مع شلة" وسط القهاوي ملاقيف؟
_ _ _ _ _!!!!!
الداعي لكم محبكم
الشاعر / محمد القسامي
justscience
29/04/2007, 09:44 AM
ماشالله قصيد عدل دخلتنا في جوالبر
ماقصرة كفيت ووفيت
جرير
29/04/2007, 10:12 AM
ماشاء الله عليك

كفيت وفيت
ومن الشر عوفيت

خيل سحاب الوسم يوم الهوى هب=واضلم إخياله بالمطر والعواصيف؟
لااقبل من القبله بروقه تلاهب=بصوت الرعد يشق القلوب المواليف؟
يفزله قلب" من الشوق يطلب=سج القدم بالبر من عقب ماشيف؟
والله على اللي تو ورد ويعجب=موديل سبعه كامل" بالتواصيف؟
شاص" جديد" مركبه عز مركب=في صنعته تصميم كله على الكيف؟
بين المواتر لامشى شيخ موكب=شبيه ذيب" فوق عال المشاريف؟
ياطى على الوعره ولونه لا لشهب=شد الخواجه مادخل فيه تحريف؟
هو منوة اللي عن دياره تغرب=يالله عسى دربه بليا صواديف؟
عليه قرم إمن المراجل تدرب=واللي يسوقه ماحسب لتكاليف؟
يحب فعل الطيب بالقنص يرغب=قرم" لطرد الصيد سواق حريف؟
والحر الأشقر بالمقانيص جرب=ياقو قلبه ما بقلبه تخاويف؟
إليا شهر بالجو للقلب يطرب=واليا نزل بالصيد خلاه تنتيف؟
مقيالنا في غار والمزن يسكب=طابة به الجلسه بزين السواليف؟
تسوى حياة الاش لاش" تعزب=مع شلة" وسط القهاوي ملاقيف؟
راع الابل
29/04/2007, 10:17 AM
القسامي يالله حيه وشلون ابو خالد عساه طيب ما جاتنا اعلومه لكن وصل الطيب والعلم من لغز المعجزات الى هذي القصيده

صح لسانك وبيض الله وجهك بياض البرد والشاش

جود يابوخالد ولا ضحك

شاص جديد مزين بشد ومرتب ... عليه قرم يذهل العقل بالتواصيف
القلب من شوفته يرتعش ويشتب...شبت البطن من قرص المراهيف
هههههههه


تحياتي بالفلفل اللي فوق المراهيف
القسامي511
29/04/2007, 10:30 AM
ماشالله قصيد عدل دخلتنا في جوالبر
ماقصرة كفيت ووفيت


تسلم تسلم يالغالي وشرفني مرورك الكريم وتعليقك الطيب ويامرحبا فيك
القسامي511
29/04/2007, 10:35 AM
(_ الأخ جرير _)
أشكرك على مرورك الكريم يالغالي والذي زادني شرفا" وسرورا"
واسأل الله أن يحفظك من كل شر !
ويامرحاب فيك تراحيب المطر !!!
القسامي511
29/04/2007, 10:47 AM
القسامي يالله حيه وشلون ابو خالد عساه طيب ما جاتنا اعلومه لكن وصل الطيب والعلم من لغز المعجزات الى هذي القصيده

صح لسانك وبيض الله وجهك بياض البرد والشاش

جود يابوخالد ولا ضحك

شاص جديد مزين بشد ومرتب ... عليه قرم يذهل العقل بالتواصيف
القلب من شوفته يرتعش ويشتب...شبت البطن من قرص المراهيف
هههههههه


تحياتي بالفلفل اللي فوق المراهيف
(_ أخي العزيز والغالي راع الابل _)
الله يحييك وعلى الطاعات يبقيك يالغالي
وابشرك إني بخير وعافيه
و قد سعدت هذا اليوم بمرورك الكريم على موضوعي المتواضع وتعليقك عليه
ولا أخفي عليك والله إني ضحكت حتى بانت مني النواجذ من إسلوبك العجيب في الكلام _!!!
وأشكرك على بيتين الشعر
أخوك _ ابو خالد
راع الابل
29/04/2007, 10:57 AM
يابو خالد

دس دس النواجذ لا احد يشوفها ترى يبي يجليك يوم وتعض على شي فيها ههههههههههههههه اما وظيفه واما دراهم اما علم

وانكان تبي راييي عظ على الشعر بالنواجذ بعد الدين

ودامك ضحكت فهو سروري والضحك تمرين القلب

تحياتي
معدي الطويله
29/04/2007, 12:16 PM
السلام عليكم
صح لسانك علا هالابيات يالقسامي 511 ;) وأخبرك أنك شوقتنا للبر والمقناص
وبيض الله وجهك أنت والاخوان وأرجو الترحيب تراي جديد معكم والله أني حبيت هالموقع على جميع المواقع:good: ودمتم بحفظ الله ورعايته يالوجيه الطيبه;)
قلب ذيب
29/04/2007, 01:20 PM
صح لسانك مليون قصيده جزله من شاعر متمكن 0
تقبل أعجابي وتقديري 0
القسامي511
29/04/2007, 02:47 PM
يابو خالد

دس دس النواجذ لا احد يشوفها ترى يبي يجليك يوم وتعض على شي فيها ههههههههههههههه اما وظيفه واما دراهم اما علم

وانكان تبي راييي عظ على الشعر بالنواجذ بعد الدين

ودامك ضحكت فهو سروري والضحك تمرين القلب

تحياتي
أضحك الله سنك ياراع الابل
والله يجعلك في سرور وعافيه على مايرضيه حتى تلقاه سبحانه
وشرفتني مره أخر بزيارتك يابعدي ويامرحبا فيك تراحيب المطر !!!
القسامي511
29/04/2007, 02:55 PM
السلام عليكم
صح لسانك علا هالابيات يالقسامي 511 ;) وأخبرك أنك شوقتنا للبر والمقناص
وبيض الله وجهك أنت والاخوان وأرجو الترحيب تراي جديد معكم والله أني حبيت هالموقع على جميع المواقع:good: ودمتم بحفظ الله ورعايته يالوجيه الطيبه;)
صح بدنك (يامعدي الطويله) ولا يشتاق للبر غير من ذاق حلات رحلاته وعاش جوه _ والله يحييك في هذا المنتدى الرائع بإعضاءه أولا" ثم بمواضيعه الشيقه وتراك بين إخوانك _ والحقيقه شرفتني بمرورك الطيب ولي الشرف إني أول واحد يرحب فيك يالغالي _
وأقول لك يامرحبا فيك تراحيب المطر
القسامي511
29/04/2007, 03:01 PM
صح لسانك مليون قصيده جزله من شاعر متمكن 0
تقبل أعجابي وتقديري 0
صح بدنك يالغالي والجزل أنت وشرواك
ولا عليك زود وأشكر لك الأعجاب والتقدير وشرفتني بمرورك الطيب ويامرحبا فيك تراحيب المطر !!!