جيب الحوض المسكين

[ولد القصيم]

أعزائي الكرام:-
تحية طيبة أقدمها للجميع، أقدم لكم أول مشاركة لي بالمنتدى وأتمنى أن تحوز على رضاكم.
عندما رأى الشاعر احد الشباب المراهقين وهو يقوم بالتفحيط على جيب حوض جديد بالإضافة إلى أن انتشار الجيوب في منطقة القصيم يتزايد وبشكل ملفت للنظروخصوصا مع الشباب ( الخكاريا0000000 ) فثارت (بوووم) قريحته وأنشد يقول :-


يا حوض حيتك نأوي اليوم أعزيك=قرب يجيك الموت حان ارتحالـــــــــك
من يوم شفنا لابس ألكاب راعيـــك=مدري وش اللي غير اليوم حالـــــــك
أبو سبيب كنها شكة الديـــــــــــــك= يمشي وكنه موردك للمهالـــــــــــــــك
إن كان ذا حالك فحنا نخلــــــــــيك =عقب الربع قالو ترانا رجالـــــــــــــــك
عقب الكوامري ولعب ٍ بالشرابـيك =واليوم فوق الحوض عقب الكدالـــــك
ما بقا الايقلبونك تماتيــــــــــــــــــك =ويبدلون ألمرتبه بالمدالــــــــــــــــــــك
مادام حطولك جنوط وسيراميــــك =اصبر وتحمل كل شي ينالــــــــــــــــــك
يا للي ركبته وش تبي بالمهالـيــــك = غلطان أبوك اللي رضا واشترا لـــــك
الحوض ماهو لك ولا هو باغـــيك = الحوض للرجال اللي تدل المسالــك
لاصار جو البر يمخش اياديــــــــك =خله يجي قرمٍ يسوقه بدالـــــــــــــــــك
مدام طوقك مرتفع عن علابيـــــك = وأبوك زوّد بالنعومة دلالــــــــــــــــــــك
عز الله إن أبوك ما عرف يربيــــك = ولامسك نصب المساحي شمالــــــــك
لمّع وضلل صافيات الشبابيـــــــك =ولا يفارق الفيري مع الوقت بالــــــــــك
الحوض مالك به أقصار خطاويك =حدك الدائري وهذا مجالــــــــــــــــــــــك

[هبوب]

صح لسانك ولد القصيم عزالله قصيده مضبوطه ولك تحياتي ؟؟؟؟؟؟؟:good:

[أيمن]

أحسنت الاختيار يا ولد القصيم ..
وصح لسان الشاعر ..

تحيتي

[عربسات]

صح لسانك ياخوي ولد القصيم

قصيده في الصميم

[المسفهل]

صح لسانك أخي ولد القصيم ولسان الشاعر ...

ولإعجابي بها قمت بتنسيقها .

[نهج الوضوح]

صححححح لسانك ولسان الشاعر والله ان الجيب وجه رجال المفروض ما يركبه الا انشاما لاكن الشكوى لله موب هالبزارين الله يقطع جنسهم عن الارض

تراحيب او موده

[عاشق ربع]

السلام عليكم ورحمة الله وبركاته

الله يعطيك العافيه وصح لسانك



ودي تدورلي قصيد لربع(ابو شنب) الله لا يهينك

[تالي الاولين*]

.


صح لسانك اخوي ولد القصيم

ويعطيك العافية


.

[ابو عايد]

مشكووور عزيزي 00ولد القصيم



إخــتيار موفق ، وصح لسانك ، ويعطيك العافية


http://www.mekshat.com/pix/upload/images/qq12.jpg

[ولد القصيم]

الشكر لكم جميعا وعندي الكثير بس تخلص الاختبارات على خير ومالكم الا اللي يرضيكم وشكر خاص لك يامنسق ويعطيك 10000 عافيه

[ف.البشري]

ولد القصيم

مرحبا بك

تسلم على هذه القصيـــدة الجميلــــة .

[نقا هشال]

ولد القصيم

مرحبا ومسهلا

وصح لسان الشاعر

[القرناس المهاجر]

الحوض ماهو لـك ولا هـو iiباغيـك الحوض للرجال اللي تدل iiالمسالـك
لاصـــــار جـو البـر يمـخـش ايـاديـك خـلـه يـجـي قــرمٍ يســــــوقـه بـدالــك


اخي ولد القصيم:D

مشاركة جيدة 00 ولو إن الحوض ملك الجميع 000 واللي صنعة ترى مايعرف الصيد وصحاري النفود ولا الصمان وغيرها 00 حضري 00 ولابس كاب ههههههههه

اشكر لك غيرتك وحرصك على انضباط شبابنا والتخلي عن الميوعة 00 وحقيقة يجب ان يخشوشن الرجل في صوته ومشيته وحتى ملبسه:)

تقبل مني اجمل التحـايا 00:good: :good:

[معقد الشوش]

تسلم ياولد القصيم على ذوقك ..

والشاص باالفعل مركوب النشاما ماهوب لهاالجنس من الشباب أللي قال فيهم الشاعر الأول ..

شالوا ألحاهم وحطوا دناديش ### قاموا يحنوّن البراطم والأظفار

جيلٍ خبيثٍ لو يجي فيه تفتيش ### ظهر كثيرٍ منه أناثي له أذكار

والشاص فيه قصيده حلوه جدآ جدآ لأحد الشعراء لاتحضرني كامله يقول فيها ..


راكب أللي كن وجهه فيه صده=من يسار ومن يمينٍ للموالي
شاصٍ أبيض مايورّد للمكده=كنه عقالٍ على جبهة شمالى
الشطرطون الحمر من فوق خده=كامل الصنعه ولله الكمالي
ماتشده كف من كفٍ تمده=قبل ماترخي لها خشم الريالي ..

[ولد القصيم]

الله يعطيكم العافيه جميعا

[هبوب]

ولد القصيم الله يعطيك العافيه على هاالقصيد عشت والله اخوك هبوب بصراحه ودي اتعرف عليك ولد القصيم واتمنى انك من القصيم؟؟؟؟؟:good:

[جني ابوشوشه]

صح لسانك أخوي ولد القصيم.
ولسان الشاعر
ومقصرة يابعدي:good:

[ولد القصيم]

شكرا لكم جميعا
الاخ هبوب معرفة الرجال فخر ويشرفني ان اتعرف عليك وانا فعلا من اهل القصيم وهذا بريدي mamn123@yahoo.com واي واحد يجي للقصيم يعد نفسه ضيف علي الا والله يعدن ضيف وهو راعي البيت
ولكم تحياتي