وش رايكم في هالطير؟؟؟

[عـــرادي]

تحيه طيبه للجميع وبعد
انا شريت الطير هذا من رجال ويقول الطير فاعل
( ذابح الحبارى ) ولكن الغريبه أن الطير فيه ولف
غريب إذا سمع صوت تلقاه عند الباب ينتظر ولا يرتفع
بالعشة بس على الوكر وهو طلق وتجيه وتمسكه وتظمه
وإذا طلعة من العشه يحاول يطلع معك . وش تنصحوني
ابيعه أو اخليه عندي
http://www.9q9q.org/index.php?image=TdjkNjab9QUPb6 (http://www.9q9q.org/index.php?image=fIeghFEIDol)

http://www.9q9q.org/index.php?image=etzpSouvT653XW (http://www.9q9q.org/index.php?image=hKgXYxa97ml)
ولكم خالص شكري،،،
عرادي

[راشدال عمار]

لا وانا اخوك لا تبيعه وبعدين هذا طبع بعض الطيو واسألني انا
لاتبيعه خله هاذي نصيحتك لك والله يكتب لك الللي فيه خير

[تواق]

تعامل الطير مع صقاره غير مع الحبارى


خصوصا انك تقول الطير صايد مع راعيه الاول



الله يطرحلك فيه البركه ويمتعك بمصاده وهده

[hawwamT]

من وصفك لطبوع طيرك ...وحسب خبرتي المتواضعة...طيرك هذا...طير مدرب على الطلع جيدا...فالطلع متعود على البقاء في مكان واحد مدة طويلة لا يحب التنقل...وموالف للانسان
وقد كان عندي طير من اروع الطيور لدرجة انك تشك في انه يصيد...موالف جدا جدا لدرجة انك لو تدخله في ثوبك لا يتحرك ولا يكفخ..ولكن بمجرد ان تقنص به يطلع على الحبارى من مسافات بعيدة
وتقبل تحياتي

[سلطان العوني]

ما شاء الله تبارك الله

[حطاااااب]

السلام عليكم ورحمة الله وبركاته
ماشاءالله
طير طيب الله يبشرك بصيده
وراجع الخاص تحياتي لك

[راعي دهام]

.



ما شاء الله

الطير باين عليه راكد حيل حسب وصفك

الرجال قالك صايد ، هل كلامه ثقه ؟

اذا كان ثقه فـ معناه ان الطير مثل الحصاه على التكيه ما يحترك الا على الحبارى

الله يبارك لك فيه ..


واذا هالطبع اللي فيه مو عاجبك وتبي تبيع الطير علمني ادور لك زبون ..



الله يوفقك ومن يقرا الموضوع



تحيتي لك ..




.

[قشاع الرمث]

السلام عليكم ورحمة الله وبركاته

اعتقد الاخ عرادي ما عنده شك بالطير من ناحية الصيد .
لاكن مستغرب طبع الطير .
وانا اقول لك يا عرادي
الطير كبير سن طبعا واظح من الصوره
واساس الطير فرخ .
والعلم عند الله.
لذالك الطير والف اكثر من اللازم .

وانا اقول ما فيه اي علاقه بين الطبوع والصيد
ابدا يعني الي يقول الطير النزر دايم يصيد اقوله لا
والي يقول الطير الوليف ( الولف ) ما يصيد
اقوله لا بالعكس اغلب طيور الحباري وليفه
اقصد طيور الطلع لانهن غابا بيتيات معاودية.

واتوقع ان الطير يصلح للتفريخ لانه ما عاد
يخاف من الادمي ولونه زين.
وعرادي عنده الخبرة الكافية .

وبالتوفيق ياعرادي
تراي حاجز اول فرخ له .;)

وبالتوفيق للجميع

[سلطان العوني]

ما شاء الله تبارك الله

[لهلوب]

ماشالله الله يطعمك من صيده

[أبو رداد]

السلام عليكم ورحمة الله وبركاته


الله يحيك يعرادي
في بعض العرب لو اصقر الطير سواه موالف بشكل موطبيعي
(انا لست معهم ) .. احب الطير لو كان فيه طقة نزاره او وحاشه مع الفعول
,,,
وفي طيور وحوش سبحان الله - تولف بني ادام وتامن بشكل موطبيعي وهذه نادره وقليله
,,,
وفي طيور تفريخ ومن ظهرت من البيضه موالفه لبني ادم
ويكون هذا طبعها
,,,
الطير هاذ شكل ماشاء الله مزيون
والطير الي فيه الطبوع هذه يكون من ارغب واسهل الطيور في التكاثر وانت اعرف
اقترح عليك استخدامه في التكاثر
والطير اذا كان فاعل مايضر
والسلام

[أخو وضحة]

السلام عليكم ورحمة الله وبركاته
حياك الله أخوي عرادي أنصحك نصيحة لا تبيع الطير لأن طبوع الطيور تختلف لكن وقت القنص الله الله
أنا عندي شيهانة جبلية لو تحط اصبعك في فمها ما قالت شيء موالفة جدا جدا لي أنا بس لكن واحد ثاني ما تخليه يلمسها تقعد تصيح لين يبعد عنها
وترها زينة للمزارع مثل ما قال قشاع الرمث

وأنا ثاني واحد أحجز فرخ من فروخه

وتحيات لك

[الغزال الشارد]

ماشاء الله والله يعطيك العافية

[غريم الحباره]

مشاء الله تبرك الله

الله يعطيك الف عافيه

[زعيفش]

السلام عليكم
يا أخوي عرادي الطير مشاء الله تبرك الله بس أنا أبنصحك نصيحه
أذا جاك رزق بع الطير
أنا عندي شيهانه زي ماقلت أذا هديان لاماهدينا كلها واحد
وأنا أسوم الطير الزين 1500
وهذا الجوال 0506199913

[الوافي عزام]

بأختصار شديد

هالحين ربطه كملها والا جت السنه الجايه شف جناح الطير هو يسوى من يخليه والا لا
وبالنسبه للصيد اذا اللي باعك الطير ثقه ما يحتاج تشك بامر الطير

وبالتوفيق

[ابرق العزاف]

وين الصوره ماطلعت معى

:j

والولف يزيد الطير قيمه ولاهو عيب لانك تامنه
لايفركلها ويخليك بارض المقناص تصيح براس
الحماد وتلوح وبالاخير تفرك يديك!!!!!!!!!!!

[المري]

اقول : تراه يصلح للصيد ويصلح للتفريخ , يوم انك تحب التفريخ الله الله فيه..

وسلامتك

اخوك - المري

[عـــرادي]

بيض الله وجيهكم الجميع دون استثناء
ورايكم وهداية الله ، ربطناه ولاللبيع
والله اسعدني تفاعلكم والف الف
شكر للجميع
عرادي

[راعي الشلفاء]

الاخ عرادي مسة بلخير
شور من شار عليك بع الطير لاانك من الاساس مقتنعت من الطير تراوة يبي يتعبك والسبب كلمة( يمكن )
يقولون (الحر يصوصي بلبيضة) تذكر كلاامي

[براااااق]

السلام عليكم يا بوفهد الطير يبي يعجبك اذا صرنا بهاك النفود الي انت خابر ومعنا ابوك الله يطول عمره ويمتعه بالصحه ومعنا ابوفراج وابوحسين وسنجار وابودريويش ومشقاص وابوعبيد هاك الساعه تبي تشوف الطير الي يعجبك وتقبل تحياتي أخوك برررررررررررررررررررررراق

[الشمالي 5]

ما شاء الله تبارك الله