تويوتا فورتشنر 2007 كيف؟؟؟؟ [الأرشيف]

dc55s

03/05/2007, 12:20 AM

يا اخوان كيف هذة السيارة من ناحية الاستخدام و الاداء على جميع انواع الطرقات (داخل المدينة و البر) طبعا الست اسطوانات Vx2 وهل يعمل ناقل الحركة الاتوماتيكي بكفائة عند استخدام الدفع الرباعي؟ او اليدوي افضل ؟ ارجو افادتي لإني انوي شراء هذة السيارة فلا تبخلون بالمشورة
شكرا

غضنفر

03/05/2007, 12:27 AM

من ناحية القوة
منتاز جدا
لا تسال عنه
يمشي ممشى الباث
خط و نفود قوي جدا
لكن اذا تسال عن الخرابات ومشاكله ما اعرف عنه شي
المشكلة ان شكله بالنسبة لي مهب مره خاصة اللون الاسود عليه قبيح جدا

dc55s

03/05/2007, 01:19 AM

يعطيك العافية على الرد
اش النصيحة قير عادي او تماتيك؟ واذا كان تماتيك فكيف ادائة في البر؟
احتاج الى ردود اكثر حتى اتأكد

أبو_خالد

03/05/2007, 01:22 AM

عموما هو مثل الهايلكس الدبل

غالي

03/05/2007, 01:23 AM

الي سمعت
سمعت
سمعت
يعني ماجربت واسأل عن كلامي زود
سمعت انه سريع الانقلاب الله يكفينا الشر
طبعا سواق عن سواق يختلف
واكثر ماينقلب الشاص على فكره
وكم واحدن عاش معه فوق 20 سنه الحمدلله ماجاه شيء
لكن
حبيت افيدك بالي سمعته :)

dc55s

03/05/2007, 01:34 AM

مشكورين على الردود

salehhd

03/05/2007, 02:40 AM

السلام عليكم

شوف هذي المواضيع ان شاء الله تفيدك

تقرير تجربة يوم الخميس شاطئ الهافمون (http://www.assayyarat.com/forums/showthread.php?t=100808)

فورتشنر يتسلق جبل وعر في المدينة المنورة (صور) (http://www.assayyarat.com/forums/showthread.php?t=101655)

والموتر قوي بمحرك 4 لتر يولد 240حصان نفس محرك البرادو

ولا تنسى الاتسخارة

بالتوفيق

dc55s

03/05/2007, 03:34 PM

مـدحـدر

04/05/2007, 04:29 AM

صنع في تايلند

والله يوفق الجميع

برق شقراء

04/05/2007, 01:47 PM

حبيبنا....
إذا كان الشكل معجبك فأنصحك به...بشرط:
أن تاخذ قير عادي و6 سلندر فل
فيه دف لوك وعزمة ما شاء الله ما عليه كلام
(عيبه شي واحد...المراتب ما هيب بذيك الراحة!!)

dc55s

04/05/2007, 07:13 PM

حبيبنا....
إذا كان الشكل معجبك فأنصحك به...بشرط:
أن تاخذ قير عادي و6 سلندر فل
فيه دف لوك وعزمة ما شاء الله ما عليه كلام
(عيبه شي واحد...المراتب ما هيب بذيك الراحة!!)
يعطيك العافية على النصيحة... بس ليش تنصح بقير عايدي؟ انا صراحة متردد بينة وبين الاتوماتيك؟ وهل الاتوماتيك لا يحتوي على (دف لوك)؟؟ وللمعلومية انا من سكان الجنوب يعني منطقة جبلية وليست رملية!! ارجو التوضيح

salehhd

04/05/2007, 11:18 PM

السلام عليكم

حياك الله وحاظرين للطيبين وعلى فكرة الفورنتشر الي في الموضوعين قير تماتيك ومبدع
اذا تبي الراحة خذ التماتيك وبصراحة الديرة هاليام مايصلح لها الا تماتيك من هالزحام

5000

06/05/2007, 09:25 AM

يااخوان مجربه وفيه صوت بالتندا = السقف تقربع وانت مسرع وفاك القزار تقول تنك يتصافق >> بوديها الوكاله اما الفرامل اذا دعست مره تقول بتطيح الدواسه مدري وش السبب وبعد بوديها الوكاله والله يخارجنا

برق شقراء

06/05/2007, 01:00 PM

أخوي بالنسبة لسؤالك عن القير التماتيك وهل يجي فيه دف لوك؟؟
أقول إيه يجي فيه بل إن البازعي الفل 6 سلندر ما عنده غير التماتيك
بس أنا أقول العادي ما يقارن بالنماتيك خاصة في النفود!!
وعلى كلامك تقول أنت في الجنوب ، أنا أقول أنت أكثر حاجة !! يبي يساعدك في الطلعات والنزلات
بس الله يعينك في الزحمات...

الدبل الثقيل

06/05/2007, 02:41 PM

في النفود قوي أنا أشهد له .... لكن سعره والله حرام فيه .... الوالد عنده فل 6سلندر تمتيك ويامى أخذته ... اشترلك باترول أخو الجديد أفضل لك.. هذا رأيي

dc55s

13/05/2007, 10:03 AM

اشكر الجميع على التجواب
الحمد للة اشتريت السيارة قبل 3 ايام وكالة فل كامل ولا زالت تحت التجربة ولم الاحظ اي مشاكل بها واللة اعلم

GMC79

13/05/2007, 10:50 AM

ماشاء الله تبارك الله
ماشاء الله تبارك الله
ماشاء الله تبارك الله
الله يعطيك خيره ويكفيك شره
بس كم السعر؟

خادم تميم

13/05/2007, 11:12 AM

واحد من اخوياي مطلعه من يومين وحسب ماسمعت منه انه تجميع اعتقد من تايلند .لكن شكله زين والوانه ووذف ودمتم

dc55s

13/05/2007, 12:59 PM

السيارة طبعا من شركة تويوتا والجودة واحدة اينما صنع في العالم وكما هو معلوم تويوتا تمتلك مصانع عديدة في انحاء العالم
السيارة مصنوعة في اندونيسيا كما هو مكتوب على الباب
سعر السيارة من الوكالة حوالي 95 الف للقير العادي (فل كامل) (يوجد تخفيض 4000 ريال للقير العادي الآن)
ميزة السيارة انها عملية وعائلية وخفيفة ومحرك قوي 6 اسطوانات واستهلاك معقول للوقود ودفع رباعي يعني جمعت كل المزايا التي احتاجها انا شخصيا ولكل شخص احتياجاتة الخاصة
طبعا معلومات بسيطة لإن السيارة الآن تحت التمرين

GMC79

13/05/2007, 02:55 PM

طيب يالحبيب ايش المواصفات؟
دفلك+مراتب جلد+فتحه+قير تماتيك ايش بعد؟

anas

13/05/2007, 11:16 PM

مبارك عليك السيارة ونعم الاختيار ،،،
أرجوك رجاء خاص انك تعطينا كل مميزاتها وعيوبها بعد ما تجربها على الخط او الطعوس .....:good:

salehhd

14/05/2007, 12:25 AM

مبروك وتستاهل كل خير

والله يعطيك خيرها ويكفيك شرها

ودلع الموتر في التمرين علشان يعيش معاك فترة طويلة ان شاء الله

غضنفر

14/05/2007, 03:31 AM

مبروك
تستاهل كل خير
6 سلندر قير عادي
احسنت الاختيار

dc55s

16/05/2007, 09:29 AM

بارك الله فيكم جميعا يا اخوان
ان شاء اللة بعد ما انتهي من تمرين السيارة ممكن اكتب عنها السلبيات و الايجابيات لإن هذة السيارة تعتبر جديدة على السوق وكثير من الناس يجهلون عنها الكثير كما كنت انا
بالنسبة للمواصفات Vx 2 : دفع رباعي و تكييف مزدوج و هزاز و مسجل مع Cd مراتب مخمل بدون فتحة (ما يجي فتحة نهائيا) (مثبت سرعة للقير الاتماتيك مع 5 سرعات) فرامل Abs اكياس هوائية و جنوط كروم مع الشكمان و إشارات على المرايا الخارجية....الخ هذا بعض ما اعرفة حتى الآن

هاوي الله

16/05/2007, 10:13 AM

على البركه مشاءالله وأتوقع إنها سياره لا يُعلى عليها >>> فقط اللي ناقصها إن تانكي البنزين صغييير مررره 65 لتر !.

dc55s

16/05/2007, 01:55 PM

على البركه مشاءالله وأتوقع إنها سياره لا يُعلى عليها >>> فقط اللي ناقصها إن تانكي البنزين صغييير مررره 65 لتر !.
كلامك صحيح تقريبا حوالي 400 كيلو (حسب لوحة المعلومات والرحلات المدمجة مع طبلون السيارة) وهذا يعتبر كعيب ولكن يجعل من السيارة خفيفة نوعا ما ..والحمدللة محطات البنزين في كل شارع

الأسمري 2009

16/05/2007, 11:53 PM

مبروك وتستاهل كل خير

والله يعطيك خيرها ويكفيك شرها

المميـز

17/05/2007, 03:40 AM

.-* مبروووووووووووووووووووووووووووووووك *-.

والله يعطيك خيرها ويكفيك شرها

وان شاء الله انك ماتشوف عيوم منها وبالتوفيق

بس متى تبي تطلعنا نطعس عليه :D ؟؟

dc55s

17/05/2007, 11:27 PM

باركم اللة فيكم يا اخوان جميعا...
السيارة تحت التمرين ما يمديني اطعس فيها الحين.......ههههه ننتظر احد منتهي من تمرين سيارته ونطعس معاه....ههههه

محتري السيل

25/05/2007, 09:42 AM

dc55s (http://www.mekshat.com/vb/member.php?u=26782)

الف مبرووووووووووووووك

الله يعطيك خيرها ويكفيك شرها

ولاتحرمنا من الصور

وأي ملاحظات ( مميزات , عيوب ) خبرنا بها لنستفيد

وبالتوفيق

dc55s

25/05/2007, 04:36 PM

اللة يبارك فيك اخي العزيز ....
السيارة لا زالت تحت التمرين حاليا اقل من 1000 كلم لذلك لا استطيع ان احكم بشكل كافي
عندي بعض الانطباعات المبدئية للسيارة ...مثلا: محرك قوي ويقابلة استهلاك للوقود معقول جدا في سيارة ذات 6 اسطوانات. ايضا سيارة متعددة الاستخدامات (شبابية + رياضية + دفع رباعي مستمر...الخ) وميزة الدفع الرباعي المستمر الثبات وهذا ما لمستة اثناء القيادة في المنعطفات. استجابة سريعة عند التغيير في السرعات بالاضافة الى ان السيارة مع المحرك الكبير إلا انها خفيفة وكأنك تقود كامري. من العيوب ان خزان الوقود صغير (65 لتر) يعني حوالي 400 كيلو ولكن المحطات كثيرة وللة الحمد . المادة المصنوعة داخل السيارة ليست فخمة ولكن تؤدي الغرض .... تقريبا هذا ما يحضرني حاليا

كروكي

25/05/2007, 04:41 PM

الف مبوك على السيارة وانا اخوك
السيارة ليست متوفرة عند الوكيل ( عبداللطيف جميل ) وانا حاجز ستة سلندر فل كامل ولون معين
وياللة التوفيق

اخوك كروكي

dc55s

25/05/2007, 07:38 PM

الف مبوك على السيارة وانا اخوك

السيارة ليست متوفرة عند الوكيل ( عبداللطيف جميل ) وانا حاجز ستة سلندر فل كامل ولون معين
وياللة التوفيق

اخوك كروكي

اللة يبارك فيك اخي الكريم... انا اشتريتها من الوكيل نفسة قبل اسبوعين
وبالتوفيق ومبارك مقدما عليك السيارة وان شاء اللة تستمتع بها

صبي غلباء

25/05/2007, 11:21 PM

الف مبروك السياره والله يعطيك من خيره ويكفيك شره

لكن هل يوجد اكسسوارات للسياره مثل دعاميات او كيف يركب الونش او سله فوق اذا لشباب خبره نرجو انهم يشاركون
شكرا

dc55s

26/05/2007, 09:43 AM

اللة يبارك فيك
يوجد اكسسوارات للسيارة وهي متوفرة عند الشركة حيث يوجد تقريبا 4 انواع دعامات وايضا سلة و الكثير من الاكسسوارات الخارجية

بدوي جنوبي

27/05/2007, 01:09 AM

مبروك اخي

الله يعطيك من خيره ويكفيك شره

dc55s

27/05/2007, 10:00 AM

اللة يبارك فيك يا مشرف

راعي الشبح

27/05/2007, 12:24 PM

مبروووووووووووووك وانتبه من السرعة والله يبارك لك فيها ويجعلها عون على الطاعة ...

شبح الصحراء

28/05/2007, 04:30 AM

لاحظت أن الفورنتشر لا يأتي فيه هوك سحب خلفي! كما أن مكان الكفر السبير تحت السيارة لا يدع مجال لتفصيل هوك سحب ولا يدع مجال لوضع تانكي ماء وهذا يدعوا للإحباط :( المفروض يكون السبير علاقي على الباب مثل بعض طرازات اللاند كروزر .

dc55s

28/05/2007, 07:23 PM

كلامك صحيح ....ولكن
بالنسبة لي انا شخصيا لا احتاج الى تانكي ماء اة عربة جر ... لذلك كان الانسب لي من غيرة لإنة يعتبر من فئة USVs سيارة متعددة الاستخدامات

شبح الصحراء

28/05/2007, 08:14 PM

صحيح يا dc55s قد لا يهمك تانكي الماء وهوك السحب ولكن بالنسبة لكثير من عشاق البر هذا شئ أساسي لهم وهو للأسف غير متوفر في الفورنتشر .

مخاوي قناص

14/06/2007, 05:43 AM

مبروك الله يعطيك خيره ويكفيك شره

سيد النشاما..

23/06/2007, 02:20 AM

مبروك أخي ...... الله يعطيك خيرها ويكفيك شرها وياليت تعطينا انطباعك عن السيارة من مزايا وعيوب
وبما أنها قد مرت فترة زمنية تحت الإستخدام فسيكون هنالك وضوح تام لمثيلات إيجابياتها ومزاياها و.... الخ

والله يوفقنا وياك لما يحب ويرضا
مع التحيات / سيد النشاما