وأخيرا حصلت على صوره للصخوه ... الى كل من سأل عن الصخوه

[Google]

بسم الله الرحمن الرحيم



وضعت موضوع عن الصخوه وكيفيه جذب السمك والكثير من الاعضاء لم يعرفوا ما هي الصخوه



رابط الموضوع



http://www.mekshat.com/vb/showthread.php?t=80855



بعد جهد وأتصالات لعيونكم حصلنا على صوره الصخوه



وياليت نسمع تعليقات الخبراء في هالموضوع



هذي الصخوه



http://majdona.com/upload/uploads/b17116723a.jpg (http://majdona.com/upload/)



سلام عليكم

[الغوااااص]

سلام عليكم .......... غريبة تقول ما أحد يعرف الصخوة انا اعرفها لأن هذا اسمها بمنطقتنا بس البعض يسمونها قرقور جمعها قراقير وسلامتك اخوك الغوااااص ،،،

[القبقب]

شكرا لك ياجوجل على التوضيح بالصور
وهذا يسمى عندنا القرقور .

[ابوتركي1]

اخوي قوقل هذه لها اسماء كثير صخوه وقرقور وناس اعتقد يسموها مهلكه وهي معروفه عند الصيادين ولها احجام مختلفه وتقاس بالباع او الذراع00000

[سلطان العوني]

مشكور وما قصرت


وبيض الله وجهك

تحياتي

[maysarh]

شكرا لك ياجوجل

[صياد الوحوش]

اخوي كيف محد يعرفها انا اعرفها

بعد تصدق ان مرة رميت الصنارة وبعدين سحبتها وطلعت معاها صنارن مع مكينة وخيط جاهو وميدار ايضا ومع صخوة كبيرة جداً داخلها سمكة

كل هذا اصطدته برميه واحده

ههههههههههههههههههههه انا قلت بنفسي يمكن الله رزقني اياها بس بعدين قلت لالالالالا حرام يمكن مال ناس

ورمية الصنارة والصخوة في البحر

على العموم

الصخوة الي تقوول عليها يبيعونها في محلات الصيد او اي مكان غيره

مع تحياتي.

[da7me]

أخي هذي النوع من الصخاوي منتشرة في المنطقة الشرقية والخليج
لكن في المنطقة الغربية تختلف الصخاوي شيىء قليل في الشكل
وتقبل تحياتي على هذا الموضوع

[bahri]

هذي دمار البحر وخصوصا للبنقاليه الي ما يفرق بين حلال وحرام عموما شكرا على الموضوع

[( برى بحرى)]

بالكويت اسمه القرقور طال عمرك

والكبير منه يسمى ( دوميه ) اللى حجمه عود

يربطون اكثر من واحد مع بعض يعنى 6 او 8 تسمى هذه الطريقه ( بيطه )

بس اذا ضاع مكانها تصير مقبره للسمك

حتى الواحد منها اذا ضاع يعنى تهت عن مكانه اصبح مقبره للسمك اللى داخله

تحياتى لك

[عندك يابعدي]

اخوي الغالي:ليتنا نعرف اخوي السنارة والسمكة علشان نعرف الصخوة انا حسبتها شي يوكل على كل شكرا لك اخوي فقد افدتنا


http://altallal.googlepages.com/endek.gif

[ريف النشاما]

اخوي الغالي:ليتنا نعرف اخوي السنارة والسمكة علشان نعرف الصخوة انا حسبتها شي يوكل على كل شكرا لك اخوي فقد افدتنا


http://altallal.googlepages.com/endek.gif


:D :D:D

أيه يامدمن اللبن :)

حدي أنا وياك العكره والصميل

أجل تحسبها توكل .........أنا قلت وش ذي وين تعيش وفي أي جزء من البراري :D

طلعت الدعوى صخوة ................ والله هل البحر كل شوي مكوكينا بشي

ياجماعه ترانا مانعرف السميتشات لاكتبتوا شي . ذيلوه بخاص لأهل البحر

لاتورطونا :)

[kmsd]

شكرا لك اخي على التوضيح

[سامي العنزي]

الله يعطيك العافيه على المعلومه .

مافيه احد مايعرفهــــــــــــــــــا .

[yousif5775]

الاسم الدارج في الخليج قرقور و الكبير يسما دابوي وهناك اختلاف بصيط في الانواع فهناك قرقور له فكين وفي فك واحد اقصد مكان دخول الاسماك ويعتمد اعتماد كبير في الصيد على مهارة الصانع واذا كان الصانع متمكن ابشر بصيد ام الفك فيكون اتجاة جهت القبلة اما اذا كان فكين يكون واحد جهت السقي والثاني جهت الثبر ام الاسماك اللتي يصيدها الهامور والصافي والربيب والخثاق والقباقب والفسكر والقرقفان والحمام وعدة اسماك يمكن لسمكة الخروج من القرقور اذا كان القرقور فترة في البحر يصير وصخ ويبين الفك وتراه السمكة

[عاشق بحر]

يعطيك العافيه وماقصرت

[Google]

هذي دمار البحر وخصوصا للبنقاليه الي ما يفرق بين حلال وحرام عموما شكرا على الموضوع

ممكن توضح هالنقطه

ومشكورين لتشريفكم

[gulfhunter]

السلام عليكم ورحمة الله وبركاته

حياك الله أخوي Google



المشاركة الأصلية بواسطة bahri

هذي دمار البحر وخصوصا للبنقاليه الي ما يفرق بين حلال وحرام عموما شكرا على الموضوع






اخوي القراقير او الصخوه زي ما تعرفها ....فعلاً تعتبر دمار للبيئه تقول كيف اقولك اخوي من السهل فقدها وسط البحر وطبعاً إذا ضاع عليك قرقور وش اللي يصير ((مقبرة للسمك)) يدخل السمك ويومت ويدخل غيره ... وكذا سلسله طويله ولكن توجد انواع منه وبالتحديد في ابو ظبي إذا مده معينه مانرفع القرقور فيه باب مصنوع من مادة معينه يتلف وبكذا ماينحبس السمك



وان شاء الله اكون قربت لك الفكره وإذا في اي شي حاضرين