هذا فرخ شاهين من مزرعة أبغى أشريه, وش رأيكم؟

[المري]

السلام عليكم ... اخواني الطيبين

قررت اخذ لي فرخ شاهين من احد المزارع الأمريكية أو الأوربية .. المهم حصلت وحده عند مزرعة

أمريكية.. والطيره زينه بالحيل ووزنها 1050 غ وهذا الوزن وزن الصيد ...

وحبيت اضع صورها لتشاركوني الرأي علما ان الصورة صورة فرخ العام بس بأذن الله السنة هذي

نفس الزوج سوف ينتج فروخ شبيه باللي العام..

صور الشاهين:


http://www.mekshat.com/pix/upload/images34/mk1168_female%20peales%20peregrine1.jpg

http://www.mekshat.com/pix/upload/images34/mk1168_female%20peales%20peregrine2.jpg


http://www.mekshat.com/pix/upload/images34/mk1168_female%20peales%20peregrine3.jpg



http://www.mekshat.com/pix/upload/images34/mk1168_female%20peales%20peregrine4.jpg


http://www.mekshat.com/pix/upload/images34/mk1168_female%20peales%20peregrine%205.jpg


وسلامتكم

ملاحظة: الرجاء من اصحاب الخبره ان يعطوني رأيهم في الوزن وان يعطوني اذا عندهم

أسئلة علشان اسال راعي المزرعة .. لانه عندما سألته هل هي ترتفع قال : تغدي مثل الذباب!!

واعطيك عليها شرط كروان وحبارى وحمامه وملواح !!!!!!!!!!!

اخوكم - المري

[حمد الدوسري]

هلا بالمرري

والله حوش طير عليك بالعافيه

واذا ممكن تعطينا موقع المزرعة تراني تعبت وانا ادور مواقع

[ابرق العزاف]

ماعمري شفت فرخ الشاهين ردي
وهذا كايف من الصور اما مسالة الوزن انت
تقدر تزود الوزن وتقدر تخفضه
شكرا

[المري]

مرحبا اخوي مغدور وحياك الله يالغالي..

تسلم على المرور وأبشر بالمواقع اللي تسمح خاااطرك.

**

هلا اخوي ابرق العزاف..
ماقصرت على المرور..
وبخصوص الوزن فيه اطيور وخاااصة الشياهين لو ترفعها وتعدها ماتوصل حتى 900 غرام.

***

[ابوحافظ]

وعليكم السلام ورحمة الله وبركاته..




مشاءالله وش هالزين يابوومعيض قطعة الشااهين مرره حلووه ولوونه بعد مسكت



توكل ع الله وخذه يبو معيض لأن واحد من الربع كان عنده اخوووه بالضبط نااااااجح وصااااروووخ عجييييييييب توكل ع الله


بس اهم شي الارتفاااع ولا الصيد بأذن الله فصيله ولايرد عن شي ابدآآآ


اما وزنه ممتاااز ويهد على هالوزن واكثر بعز البرد واذا كانت لياااااقته ميه بالميه..


ربي يوفقك يابومعيض ويطعمك من صيده ان شاءالله ...


تحيااااااااتي لك .....

[ابرق العزاف]

هلا ابومعيض منكم نستفيد وانت خبير خيمة الصقور
ومعلمنا هنا بمكشات (العفو)

(((العين ماتعلى على الحاجب)))

[الكثيري]

ما شاء الله شيهانه طيبه اللي بالصوره .
اما بخصوص الاستفسارات
انت معلم وابخص اخوي المري ويعجبني تواضعك مع ان لديك خبرة كبيره واذا هي بخاطرك توكل وخذها والله يرزقك بالصيد الجزل .
والسلام عليكم

[المري]

مرحبا ابو حافظ.. ومرحبا بأهل رفحاااااا كلهم

وتسلم على الكلام الطيب والنيه ان شا ءالله نخذها..

**

مرحبا اخوي ابرق العزاف وعلى ماقلت العين ماتعلى على الحاجب..

*** ارحب الكثيري

تسلم على الكلام الطيب..

******

هذه المواقع لأصحاب مزارع في امريكا وفي اوربا على حسب طلب اخوي (((( مغدور )))):


http://www.gyrfalcons.co.uk/

http://falconsforsale.org/

http://www.canadianfalconry.com/

http://webpages.charter.net/cspeegle/falcons-cspeegle_001.htm

http://www.deiroleucus.com/

http://www.aila-falcons.cz/EN/index1.htm

http://members.aon.at/falken/

[المري]

http://www.gulfstream-falcons.com/

http://www.hicksfalcon.s5.com/

http://www.karlfalcons-int.at/

http://www.kentishfalconry.co.uk/

http://www.lechner-falcons.com/

http://www.nadalshibafalcons.com/

http://www.klearviewresources.com/pealesperegrine.html

[أبو رداد]

الله يحيك يابو معيض
*اهم الاسئله الهك او الطلق وانت اعرف
*وبعدين اسئله اي انواع الشواهين(ترى البيلس غير مرغوب) واذا خيرك الاسيويه افضل شي تناسب جونا وصيدنا
*هل هي من سلاله (ابائها عندهم تاريخ في الصيد)
السعر كم ؟؟؟؟

[المري]

مرحبا اخوي ابورداد السعر حوالي 13 الف

وسلالتها طيب (( على قولهم)) وانا على ماقالوا : واصلها واصلها لو انها تمشي على ارجولها !!!!!

اخليكم السنه الجايه تأخذون راي اما قولت : اشتروا ولا قلت: حط رجلك.. ههه

وسلامتكم

اخوك - المري

[راعي حزام]

ماعليه كلام الطير

[قناص الحبارى]

ما شاء الله شيهانه طيبه اللي بالصوره .
اما بخصوص الاستفسارات
انت معلم وابخص اخوي المري ويعجبني تواضعك مع ان لديك خبرة كبيره ما شاء الله عليك واذا هي بخاطرك توكل وخذها والله يرزقك بالصيد الجزل .
والسلام عليكم

أخوك/أبو عبد العزيز

قناص اللحبارى

[قناص الحبارى]

ما شاء الله شيهانه طيبه اللي بالصوره .

اما بخصوص الاستفسارات

انت معلم وابخص اخوي المري ويعجبني تواضعك مع ان لديك خبرة كبيره ما شاء الله عليك واذا هي بخاطرك توكل وخذها والله يرزقك بالصيد الجزل .

والسلام عليكم



أخوك/أبو عبد العزيز



قناص الحبارى

[المري]

مرحبا اخوي راعي حزام..

شكرا لك على النصيحة..

***

اخوي قناص الحبارى .. ارحب يابو عبدالعزيز

انتو المعلمين وانا الطالب وانت المعازيب وانا الضيف..

ترانا اخوان وربع..

وكلنا واحد

اخوك - المري

[501]

الله يوفقك يا ابو معيض

ويبارك لك بالي انت ناوي
تشريه
......501

[محمد الفهيد]

مرحبا بومعيض
طير طيب
والله اعلم انه امريكي
شريت اخوه من شهرين ، قياسه 17 وربع في 17. ماشالله عليه ونفسه حلوه وقاطع والي عجبني فيه . انه يحلل.

تحياتي لكم
محمد الفهيد

[سلطان2007]

يالمري عز الله انها مسكته ياخوك ..

توكل على الله يابو معيض وفالك التوفيق ..

ابو الوليد ..

[الكريزي]

فالك التوفيق يابومعيض

وياليت الربع اللي قد اشتروا طيور من برا يعلمونا وش الطرق وايش المتاعب اللي واجهوها

اجمل تحية للجميع

[شخبوط]

وأفلونزا الطيور أليست تمنع دخول أي طائر للمملكة
انتبه لذلك قبل ان تشتريه

[المرعضي]

فالك التوفيق يبو معيض
وتستاهل كل خير
احترامي

[رآعي آلبآترول]

ماشاء الله عليك يابو معيض..
بس ماقلت لنا وش الطول ..؟
والله لا يهينك وش اسم القرموشه بالانقليزي..؟
وهل فيه مزارع تبيعها من المواقع الي انت حاطها..؟
الله يسهل عليك يابو معيض.. وجعل كل ماتقنيه صايد وفايد..

[hawwamT]

طير رائع

وزن رائع
وأنت تستاهل
جرب..وعطنا علومها

[nasser_ali]

السلام عليكم
البيلز طير ماعليه...وحش في الصيد..بس يا خوي خوفك من ذا الجو...ترى الطيور القطبيه ماتحمل جونا ...انا كنت اكلم راعي مزرعه يقول عادي نهد الطيور في درجه حراره تقارب ال 35-37 ...

[الوهـ قحطان ـاج]

اخوي ابو معيض

يا محلفي يالغالي ماشاء الله تبارك الله على الطير زينه مقاطعه بس انا شايف السعر شويه زايد

ولا كيف مدري عن اسعارها كيف وهل مقاساتها كبار

واذا اشتريت الله يباركلك فيها انشاء الله وتشوف منها الفعول الزينه الي تطيب خاطرك

تحياتي لك يالغالي

[راعي الفلوجه]

ما شاء الله تبارك الرحمن ..

اشر وتوكل على الله ..

سؤال لو سمحت ؟؟
بكم اسعار هالشياهين !!!

[عاشق صفاره]

الله يعطيك العافيه اخوي..

لكن طريقة التفاهم معهم كيف؟

لازم يكون عي لغه ولا وش الطريقه..يعني انت وشلون تتفاهم معهم..


تقبل مروري

[خيال الصبحا]

مرحبا اخوي ابورداد السعر حوالي 13 الف

وسلالتها طيب (( على قولهم)) وانا على ماقالوا : واصلها واصلها لو انها تمشي على ارجولها !!!!!

اخليكم السنه الجايه تأخذون راي اما قولت : اشتروا ولا قلت: حط رجلك.. ههه

وسلامتكم

اخوك - المري
السلام عليكم
مبين انك صامل ياأبو معيض
ماأقول الا تاكل من صيدها أن شاء الله
وأن سمحوا بمشاركتها بالسباق أن شاء الله تكون الأول

[عـــرادي]

ما شاء الله شيهانه طيبه اللي بالصوره .
اما بخصوص الاستفسارات
انت معلم وابخص اخوي المري ويعجبني تواضعك مع ان لديك خبرة كبيره ما شاء الله عليك واذا هي بخاطرك توكل وخذها والله يرزقك بالصيد الجزل .
والسلام عليكم

أخوك/أبو عبد العزيز

قناص الحبارى


اوافقه الراي ( والعرف ما يعرض على اهله يالمري )
وتقبل تحياتي
عرادي

[نايف قطر]

الطير اسود وحلوو والله يوفقك فيه

[حطاااااب]

السلام عليكم ورحمة الله وبركاته
المري 0000 طيره بالحيل كايفه ودامك تقول يشرطون الارتفاع
الله يطرح فيها البركه والنوع هذا ان صاد قيمته غاليه ومثلك عارف
تحياتي لك

[هاوي مقناص]

السلام عليكم ورحمة الله وبركاته


يالله حي الغالي ابو معيض

تراك استاذ قبل كل شئ

يالغالي شيهانه ماشاء الله عليها تبارك الله

اما مسآلة الوزن ولا تنقل همه

100\100 تقدر تشيل الوزن اللي اثقل منها

وتذبح فرخ الرومي وتحلل الحباري طيار الا وهو الخرب

شوف عيني فعلها طيب

لان اول العام واحد قروم شرواك عنده طير من سنة 97

وزنه 1100 ماشاء الله عليه طيار يطرب النفس وصيده ولا بالخيال

اشتر وتو كل علي الله يالغالي ابو معيض

ولا تنسانا من علومها

ودمت يالغالي بكل خير

اخوك الصغير :

هاوي مقناص

[المري]

بيض الله وجيهكم وماقصرتو وعسى الله انكم كفيتو ووفيتو

وان شاء الله اعطيكم العلوم اذا وصلت على خير

[الزاجل الازرق]

توكل على الله وماعليك من احد صدقني انشاء الله بتفلح


اخوك ابودغيم

[الخالدي2007]

صبّحك الله بالخير يا ابو معيض

بشرنا بعلومها ترى حتى رابط الموضوع

حافظه بالمفضله . اربك خذيتها


ننتظر ردك يا ابو معيض

لاهنت

[المزروعي]

ما أدري يا المري كيف عطاك شروط على الحباره و الكروان و اللملواح !!!! هناك علامة أستفهام عليه !!
و إذا هو بيلز روح عنه كيلو !!!!!!!!

[Turki1]

الله يبارك لك في ماشريت يابومعيض وفالك الخرب.
ولكن بودي ان تسأله على اي اساس اعطاك شروط على الحبارى؟لان ذلك يبدو غير منطقيا بالنسبه لي لعدم تواجد الحبارى بشكل يسمح بالتدريب عليها.
موفق خير.

[المري]

ماجات ولاهيب جايه ان شاء الله..

***

صحيح اخوي المزروعي (( Peales ))

**

[بوعوف]

ماشاء الله عليك يالمري
ذوووووووووووووووق
الله يعطيك العافيه
الله يطعمك من صيده

[قلب شاهين]

أخوي المري :

بشر شريت الطيره ولا لأ ،،

الموضوع صارله زماان ،،

[بويوسف الكويت]

ماشالله تبارك الرحمن خوش طير الى بالصوره

[عناز]

يابومعيض مساك الله بالخير

(1)هل هي تفريخ بيور يعني امها وابيها شياهين بيور؟

(2)طولها وعرضها مهم

(3)هل طارت وفرست على كيسها؟



كلام المري :لانه عندما سألته هل هي ترتفع قال : تغدي مثل الذباب!! (ههههههه ياتسبدي تسبداه)

[عناز]

يابو معيض لالالالالالا تشتري

باروح انا وانت لمجيرمه عند أخونا القرناس المهاجر انشاء الله وتاخذ

فرخ شاهين ,وحش,عابر,طاير,فارس على كيسه

وش تبي بهالتفريخ اللي نسبة نجاحهن ما تقارن بالوحوش

[راكان 11]

يا المري

عطنا سالفتك يوم هونت منها
هل راعي المزرعه نصاب ؟؟؟؟
ام نوعية التفاريخ هذي تعبانه !!!

وشكرا

[رضوان]

ماشالله تبارك الرحمن خوش طير

[((الخالدي))]

الاعضاء ماقصروا

[ابو سمحه]

ما اقول الى بتوفيق يابو معيض