سؤال تحدي للجميع صقار او غير صقار(ابوالجازي)

[ابوالجازي]

السلام عليكم ورحمة الله وبركاته
هذي يالربع صوره وابيكم تعرفون وش هالاسود اللي بالصوره والسؤال موجه للجميع صقار او غير صقار وتراه تحدي
وابيكم تعذروني مانيب راد على الموضوع الا بعد سبوع يعني يوم الجمعه اللي تجي كاني من الحيين وان مت ادعوا لي بالرحمه والمغفره
واليكم الصوره
http://www.mekshat.com/pix/upload/images34/mk17835_dsc01879.jpg
ترى الدعوا تحدي ياخوان وانا اضن ماحد راح يجيب الحل الصحيح

[winchester]

الله الي يعلم أذا ماكنت واهم (مرش حبارى) أذا هديت عليها الطير... أو دم طير

[عناز]

هذا الديزل وما يسوى

[ظبياني920]

الاكيد انه دم بس دم ويش الله اعلم

[عاشق الوكري]

انا اوافق كلام اخوي ظبياني
بس اقول هذه دم إحباره هذا والله اعلم
!!!!!!!!!!!!!!!

[أبو رداد]

وعليكم السلام ورحمة الله وبركاته



الله يكفينا شر التحدي يابو الجازي

والشك يدور حول طمل الحباره (الي يقرا عزيز)

لكن شكل هالحباره مفضيه هههههههههههههه وباقي توالي

وعالفه دود اسود كثير ههههههههههه

,,,,

http://www.mekshat.com/pix/upload/images17/mk1748_mof25.jpg



(مجرد توقع)

[ملك المقناص]

هذا مرش حباره ويعطكم العافية

[الاشعل 316]

الله اعلم

وان شاء الله الاخوان ماهم بمقصرين

وتقبل تحياتي


اخوك // ابو سطام

[سلطان العوني]

هذا دم دجاجه طال عمرك

[دندشه]

الماده اللي ترسلها الحباري على الطير عند لحاقه بها

والله اعلم

دندشه

[ربقان]

هذا يا طويل العمر شاهي ((هههههه))

يعطيك العافيه

[الوافي عزام]

والله يا ابن الحلال اقرب ماله طمل حبارى

والصوره غير الطبيعه

وشكرا لك

[الوهـ قحطان ـاج]

اخوي ابوالجازي

الله يعطيك الف الف عافيه على الصورة

وبنسبه لتحدي مقدر افتيلك فيها بس انا من وجهة نضري هذا زين يهرب من الدفرنس

والله اعلم يمكن شي ثاني

تحياتي لك يالغالي

[راعي الفلوجه]

يا اخوي هذا والعلم عند الله انه ( زيت الكارتير ) هههههههه

والله الظاهر انه مرش حبارى ..

[أبـــوصــالـح]

هذا والله أعلم انه مرش حبارى

سلام عليكم

[المشتل]

هاذي ياطويل العمر دم

[خيال نجد]

اشكر أخي الكبير والغالي

أبوالجازي

والتحدي قبلناه


بس خيال نجد يقول

هذا ليس زيت الكارتير

وليس مرش حبارى

وأضن أنه دم ... مع العلم أنني أشك حتى في هذه الأجابه

والعلم عند ........... أبو الجازي

تحياتي وتقديري ....... للجميع

[b2005]

والله ما قدرت أحدد بالضبط . . لكن هو أحد الاجابات الاتية ( والله أعلم ) :
1- دم (حبارى أو غيره ) .
2- زيت سيارة .
3- مرش حبارى (طمل) أكرمكم الله .

[b2005]

أنا كتبت قبل لا اقرأ رد أخوي خيال نجد . .
توارد أفكار بالصدفة .

[ابوفزاع]

السلام عليكم بعد اسبوع بتجاوب يا ابو الجازي !
هذا والله اعلم دم ارنب او حبارى بعد ماصادها الطير ومحللينها

[بارود قطر]

انا ما اعتقد انه مرش حبارا لانه جاي بطريقه ما تشبه مرش الحبارا لان مرشها ما يجيك كذا متناثر في كل صوب و كأنه سائل خفيف...مرش الحبارا يكون ثقيل و متماسك اكثر...بس انا حسب اعتقادي انه دم حمامه تم ذبحها للطير..حتا مب الطير اللي ذابحها...لان الحمامه هي يتناثر دمها بالطريقه هذي...والله اعلم يمكن يكون كلامي صحيح و يمكن يكون خطا...او يمكن يكون دم ارنب يمكن؟

[سماء نجد]

اييييه جاء دوري
احم احم
هذا راع الصوره طال عمرك شاريله بكر خلوي عليه طيار مسكت وهدوله زاجل وقلبها وقلبها ورددها وطرررح وخلاها وهد خويه قرناس ن معه عود ردد ردد يالقرينيس بساع وطرحها .
ايه هنا القصه
خوينا راع الصوره كان منفعل من التحدي وضرب له ( معترضه ) وكسرت معه ( الكارتير ) وهرب زيت وهاذي قصه هذه الصوره.
وكاد عني
معاني المفردات:
== معترضه / خط رملي مع خط رملي اخر .
== الكارتير / تنكه بها زيت حطوها اليابان بمواترنا.

[أبو شعلان]

بسم الله الرحمن الرحيم

الغالي أبو الجازي ... تحدي مرّه وحده ... بس تبي الصراحه التحدي قوي ... لأن الصوره صعبه بالحيل ...

لكن أنا عندي إحتمالين ...

1ـ طمول حبارى مشاوفه من بعيد ...
2ـ دم حبارى صويب وجرحها يصب ...

لاهنت يابوإبراهيم ...

,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,

[ابرق العزاف]

انا اقول دم له اكثر من يومين

او طمل حباري برضه له كم من يوم

[Abunaif]

مستحيل يكو ن دم هذا طمل لان البق ضاربه الارض بقوه ومنتشره مما يدل على قوة دفع :)) إلا اذا كان دم يتساقط من حيوان كبير كغزال او اكبر

[عبدالرحمن الخالدي]

السلام عليكم ورحمة الله وبركاتة :
صورة محيَره !؟
_أعتقد أنه ليس( دم) .

[النادر الحر]

أخوي ابو الجازي ولا هان بقيت الاخوان

لايكون هذا الشى الاسود ( شمه سودانيه أو اللي ياكلونه الباكستانيه )

ترى هذي منشره عندنا هليومين
والله يهديهم ما تحلالهم ( التفله ) الله يكرمكم الا عند الاشارات

[نايف قطر]

مشكور يابو الجازي
انا اتوقع يمكن علف الحبارى هو سبب هذا اللون
والله اعلم بكل شي

[ابوالجازي]

http://www.6ir.com/vb/upload/92/1172868114.gif


http://www.6ir.com/vb/upload/92/1177279696.gif


اشكر جميع من شاركوا وتفاعلوا مع الموضوع كل بأسمه ولكم فائق احترامي والتقدير وللاسف ان ما احد حله والسالفه الله يطول اعماركم كنا طالعين لم بويب وحنا راجعين مرينا على محل الكافي اللي بمحطة خزام واخذنا قهوه تركيه ويوم وقفنا نصلي قبل اشارة مهرجان الجنادريه قام واحد من الربع جدع (حلتْ) كوبه وصار هالمنظر وطرا لي طمل الحبارى (القاري يكرم) وقلت نبي نمزح مع الربع بالمنتدى والحل صار (حثال قهوه تركيه)
واليكم الصوره توضح ذلك

http://www.mekshat.com/pix/upload/images35/mk17835_0000000000000000000000000.jpg

اشكركم جميعا كلٍ بأسمه وبيض الله وجيهكم وسامحوني وعدتكم الجمعه ولا قدرت
http://www.6ir.com/vb/upload/92/1177279100.gif

http://www.6ir.com/vb/upload/92/1176903074.gif
http://www.6ir.com/vb/upload/92/1176198496.gifhttp://www.6ir.com/vb/upload/92/1176198496.gif

[a7a7]

هذا بارود وانا اخوك مايبيلها

[قناص ام وشاح]

طمل حبارى او دم

[عبدالعزيز العبدلي]

الرجال علمكم وانتم لهلحين طمل ودم ههههههههههههه مشكور يابو الجازي ولاهنت

[سبيعي نجد]

وعليكم السلام ورحمة الله وبركاتة
بصراحة من شافة قال طمل حبارى متروعة

[peregrine1]

هذا واللة اعلم دم

[جارح العين]

ههههههههههه
هذي اخرتها

[ذراع الذيب]

مثل ماقالو الرياجيل طمل حباري..........