عدنا من الرحله رأس بو قميص

[عندق]

السلام عليكم ورحمة الله وبركاته.
ذهبت الى رأس بو قميص يوم الخميس وعدنا يوم الجمعه ولاكن
الصيد ضعيف ضعيف جدا مع أني ذاهب مع صيادين مهره
ولم ننجح لا بصيد قليل لا يذكر ومع كذا وضعنا شبك من نوع أسرائيلي ولاكن دون جدوى
تقابلت مع صيادين أخرون هناك يقلون جاو الى راس بو قميص من يوم الثلاثاء في الليل .ونفس الشي يقلون مافي صيد
علما أن الشباب الي معي كثيره جياتهم في رأس بو قميص وعارفين المنطقه جيد
وغيرنا المكان ولاكن نفس الشي الصيد قليل لم يتعودون على رأس بو قميص هذا الشي
تعودنا على خير كثير .نقول الحمد لله .
وأرجو الرد.

[الغوااااص]

السلام عليكم اخووووووي ترى عاااادي ....... ترى الدعوى ارزاق ومقسمة أهم شئ لا تزعل حالك خيرها بغيرها ومو شرط ممكن ترجع لنفس المكان الاسبوع القادم وتلاقي خير الله يرزقكم بصيد وافر ......مع تحياتي لك

[gulfhunter]

السلام عليكم ورحمة الله وبركاته

حياك الله أخوي عندق

الحمدلله على السلامه وان شاء الله انكم استمتعمت اقل شي بالجمعه الطيبه .

اللي ودي منك اخوي تقولي وش نوعية صيدكم هل هوا حداق من على السيف .. . إذا كان كذلك فصدقت ما في اي شي الأسبوع هذا ....

وبعض الأخوان اللي اعرفهم كان براس بو قميص وصادو ولله الحمد عن طريق المد (الشكات) فقط

الله يوفقكم بالصيد اللي يطيب خاطرك وخاطر المكشاتيه اللي هنا :D

[سلطان العوني]

حمدالله على السلامه


ومشكور وما قصرت


تحياتي

[المحتسب]

أخوي عندق خيرها بغيرها وهذا حال الصيد دايماً أعتبرها تغير جو

[ابوتركي1]

حمده لله علي السلامه والجاي اكثر من اللي رايح ان شاءالله اهم شي الوناسه والصحبه الطيبه اخوي00000

[جابر1]

من وين تمبا الرزق وانتا الشبك مالك اسرائيلي

[الخزامى 19]

من وين تمبا الرزق وانتا الشبك مالك اسرائيلي


هههههههههههه عجبني ردك .....

[عاشق بحر]

الله يرزقكم وأهم شي الخوه الحلوه

[عندق]

السلام عليكم ورحمة الله وبركاته


حياك الله أخوي عندق

الحمدلله على السلامه وان شاء الله انكم استمتعمت اقل شي بالجمعه الطيبه .

اللي ودي منك اخوي تقولي وش نوعية صيدكم هل هوا حداق من على السيف .. . إذا كان كذلك فصدقت ما في اي شي الأسبوع هذا ....

وبعض الأخوان اللي اعرفهم كان براس بو قميص وصادو ولله الحمد عن طريق المد (الشكات) فقط

الله يوفقكم بالصيد اللي يطيب خاطرك وخاطر المكشاتيه اللي هنا :D

والله حداق صادق .لاكن في شباب حولنا كانو حاطين (مد) ونفس الشي
أنشاء الله السبوع هذا يوم الاربعاء بنجرب العقيروالله يرزق
ومشكور على المرور

[jwan]

والله يا صاحبي السبب يرجع الى المد الذي جاء هذا الاسبوع مد غير طبيعي بصراحة الصيد كان سئ حتى معانا ماطلعلنا غير شرار وهم الشئ تكونو انبسطو

[طحنون]

ابو قميص احيانا تجيه الجنيه اذا جات جنيته صفط اغراضك والديره تبيك ماهي غريبه الوضع متعودين عليه والاسباب كثيره
اذكر مره صدنا نيسره وحده فقط لمده 48 ساعه وبعدها مشينا وكان فيه ناس وبعد مارجعو اتصلت عليهم هاه وش العلم قالو مافيه الا واحدسبيطي واحد شعري ومشينا
الله يجيب الخير ان شاء الله

[عندق]

أخي طحنون يا هلا فيك
تشرفت فيك .
أنت شكلك خبرة رأس أبو قميص
أنت من أي مدينه ؟؟
لو سمحت

[احمدوعبود]

عندق حلو الاسم وش يعني
شوف هذا حال البحر بالصيف اما تصيد صيد وفير او مثل ماصارلك لان السمك يتجمع بأماكن وحده وانت ورزقتك والنيه لها دور :j

[عندق]

عندق حلو الاسم وش يعني
شوف هذا حال البحر بالصيف اما تصيد صيد وفير او مثل ماصارلك لان السمك يتجمع بأماكن وحده وانت ورزقتك والنيه لها دور :j
الاسم عندق اسم نوع من الاسماك
أنا أسميها عندق ما ادري انتو ايش تسمونها
كل واحد بكيفه ههههههه
على العموم ما قصرت على مرورك

شكرا لك

[ابوسعد]

الحمد لله على السلامه

هذي ارزاق من رب العباد