لاحول ولا قوه الا بالله العلي العضيم

[عزوتي ياسلقي]

السلام عليكم ورحم الله وبركاته
شلونكم الله يعافيكم عساكم بخير ؟؟
بشرونا عنكم
عسى كل شي زين ؟؟
:::::::::::::::::
انا والله مادري وش للي صار بالظبط
المسأله صارت وصار اللي صار
والله الشاهد علي وعلى اللي اقوله الحين والله مادري وش اقولكم من كتبت هالردود اللي صارت بيني وبين ابن برقا وطلعت والله مادري وش فيني
حسيت بشي وحسيت اني غلطان
والله مارضيت على نفسي هالشي
ولعلمكم قسم بالله اول مره احس بها الشي اللي حسيت به
حسيت اني قلت بالمنتدى شي والله مب على صواب
انا غلطان وبني ادم ليس معصوم من الغلط
ويمكن شوهت المنتدى
ويمكن بعد سبيت ابن برقا
لكن صار الي صار والله يرضا علي وعليك
انا أحب اقولكم وخاصه ابن برقا
انا ياخوك غلطت
واعتذر لك
وبقولها قدام كل الاعضاء
اني غلطت
ومافي احد معصوم من الخطأ
واللي يسكت عن الحق شيطان اخرس
ابن برقا الله يعافيك
العذر والسموحه وانا خوك اذا اخطيت عليك ولو انك غلطت علي بعد لكن الله حسيبك
العذر والسموحه لكل الاعضا والزوار وانا حسيت بها الشي يوم ان ابن برقا قال هالكلمه اللي قالها يوم اني قلت عزوتي يابن برقا
شبه الاهل والله يكرمنا عن هالمشبهين
عالعموم
انا رجال مارضت نفسي انام هالليله انا صار مني ماصار
واللي يرضيكم به انا حاضر فيه وبلبيه
لكن واعتقد ان اللي يرضيكم عني وخاصه اخوي ابن برقا الله يعافيه اني اترك المنتدى
وانا حاضر وبتركه لعيونك يابن برقا واقولك للمره الثانيه العذر والسموحه
انا بترك هالمنتدى وانتوا انشاء الله كفو وماتحتاجون شي
والمنتدى منور بكم وأطيب الساعات وجودكم فيه
بيض الرحمن وجه كل من قرأ هالرساله
انا رجال أخطيت واعتذرت والله الشاهد اني طالب العفو
واستغفرت وعسى الله يغفرلي
عالعموم ابي الله يعافيكم دعواتكم لي انشاء الله بالتوفيق
ابن برقا ياخوي
همسه بأذنك الله يعافيك
انا أخطيت بحقك
واعتذرت
وانت اللي تبي تقوله من سب او لعن اوغيره قله خذ راحتك الله يعافيك
خذ راحتك
يله الله يعافيكم نستاذنكم
وللمنتدى مني انشاء الله كل سمعه طيبه ولاعضاءه وخاصه اخوي الكبير طلو وسلطان وحرف العين والمهاجر وملفي واعذروني لو نسيت احد
وبالخاصه وعلى راسهم ابن برقا
لانك ولد عمي ياخوك ولا نسيت ؟؟
أبستاذنكم والله يجمعنا واياكم يوم الجنه
بدخل لمحات بعد كم يبوم ويوك بشوف المشاركتا وبطلع
والله يوفقنا واياه للعمل الصالح
ياناس والله الدنيا ماتسوى
اللي يبقى فيها بس العمل الصالح والذكرى الطيبه
كل شي يروح من سب ولعن وشتيمه والله مايبقى منها شي
كلها تروح وتبقى اعمالك الصالحه
الله يرحمنا برحمته
يله اخواني فمان الله
والعذر والسموحه كلن بأسمه

[براااوي]

قالت العرب قديما

الإعتذار من شيم الرجال

بارك الله فيك أخي العزيز وإعتذارك للأخ ابن برقا إن شاء الله إنه كافي ويبي يسامحك إن شاء الله

وكلنا أخوان بهالمنتدى

ألف شكر لك على شجاعتك

[سبسي]

انا اشهد ان ابوك جاب رجال

[سلطان العوني]

اخوي عزوتي
ان اشهد انك كفو كفو كفو وما فيك قصور وانا اخوك
وابن برقا ولد حمايل وان شاء الله انكم تتصافون على ود واحترام
وان اشهد انك كبرت بعيني بعد اعتذارك امام كل الاعضاء
والله لا يحرمك الاحر ان شاء الله
واتمنى ما يصير اللي صار لاخواني من نقاش حاد
واتمنى ان الكل لا يأخذ اي كلمه بمحمل الجد
والله يوفقنا وياك يا اخوي عزوتي
على طاعته وعبادته
واقول لاخوي ابن برقا
اصفح عن اخيك المسلم
والله لا يحرمك الاجر




وبالاخير
احييك على جراْت قلبك واعتذارك من اخوك

[ولد أبوظبي]

كفو عليك وما فيك حيله وانشاءالله اخوي ابن برقا بيسامح ترى المسامح كريم

وكلن في هذي الدنيا يغلط مثل ما قلت ما في احد معصوم من الخطأ

والله يجزاكم خير ردو على طبيعتكم

تحياتي لكم انتو الاثنين ابن برقا وعزوتي ياسلقي

[عروق الدهنا]

اخوي عزوتي
انا اشهد انك حر من نسل احرار
اذا الكلام اللي انت قلته بيعكس شي تراه مايعكس الا طيبك وطيبت قلبك
قلبك ابيض قلبك ابيض قلبك ابيض

اخوي ابن برقا طلب ولاتردن وانا اخوك

ادمح الزله ادمح الزله ادمح الزله

بيض الله وجهك ياعزوتي على المشاعر الصادقه

تقبل مروري وتحياتي

والسلام ختام

[راعي الفلوجه]

كفـــــــــــــــــووووووووو ..
عز الله انك تستاهل من يحطك سند .. وبيض الله وجهك و وجه القارين ..

وترى ابن برقا طيب وابن حلال وما يخيب الامل فيه وان شاء الله ما تترك المنتدى وتكون انت وابن برقا زي اول واحسن بأذن الله ..

وينك يا ابن برقا الرجال ما قصر .

[المهاااااجر]

انشهد انا ابو ك جاب رجال ونعم الشنب

[ابو صاالح]

تترك المنتدى ما صدقنا تسجل بالمنتدى انت وشرواك تقول بترك المنتدى اقول قل غيرها بس وابن برقاء مسامح لأن المسامح كريم . ويالله بس ورنا مواضيعك وخل عنك بترك المنتدى

[الكونترولCONTROL]

خير ان شاء الله
========
================
===========================

[ملفي و مقفي]

أخوي عزوتي إن دل على شي فهذا يدل على كرم أخلاقك وحسن تربيتك

والله يعطيك العافيه وبيض الله وجهك

أحنا هنا أخوان ويجب تكون يدينا وحده على الخير طبعان

تقبل مروري

أخوك ملفي و مقفي

والله يكتب الي فيه الخير لنا وللمسلمين أجمعين الهم آمين

[يتيم بلا زايد]

عزوتي ياسلقي:heart: ابن برقاء كلكم اخوان وعلى قلب واحد ومحد يزعل من حد 00000000

[هاوي خلا]

الأخ العزيز عزوتي :
بيض الله وجهك وعز الله أنك رجل ويشهد لك ، وهذي وأنا أخوك تحسب لك ما تحسب عليك والأعتذار عن الخطأ من أكبر شيم الرجال وتعد من الفضائل الكبيرة ، وأخونا أبن برقا تراي طالبك أنك ما ترد الرجال وترى اللي بداء بالاعتذار يستاهل وأنت كريم وهو يستاهل ، وكلكم أخوان في الدين والعروبة والجنسية ويمكن تكونوا من ديرة وقبيلة واحدة بعد .
الرجاء الاقتداء بزميلنا عزوتي ولا يروح أحد من المنتدى زعلان أو مزعول عليه صفوا أنفسكم والله الله بالمحبة والأخوة والعلوم الغانمة وعلوم الرجال يا رجال .
أخوكم / هاوي خلا .

[طح طوح]

لأعتراف بالحق فضيله وانا اشهد انك من افضل الرجال

ولأعضاء بالمنتدى
وأن طلعت انا اشهد ان الخيمه والمنتدى بتخسر الطيب والصراحه من راجالً كفو
كلكم عيال امه واحده وديره وحده ولغه وحده
الله يجمعكم بالخيروعلا ود وموده

[ملكانو]

تحيه طيبه

يالحبيب ,,, كأنك ذابح نفس لاسمح الله ,,,, الاخوان اتزاعلو و اصطلحو ,,, تراك بالغت بالاعتذار و الانسحاب ,,, و ابن برقاء ,,,, اخوك و رفيقك ,,,

خل عنك الانسحاب ,, و اسمع كلام اخونا ( ابو صالح ) ,,, ترى ما حد:no2: مسامحك لو اسحبت :j !!!!!!!!!اعتذارك كافي وافي:good: ( والا لا يا ابن برقاء ) :confused:

[داج من الصحرا]

كفو والله وهذا من طيب اصلك وعلى راسي والله لان الاعتذار من شيم الرجال
والعفو ايضا من شيم الرجال
وابن برقا بعد طيب اصل واكيد انه حتى هو ندمان على ما بدر منه


بارك الله فيكم وادام المحبة والاخوة بين اعضاء مكشات

[راكان 11]

يا ليت كل من اخطى سوى مثلك واعتذر


بيض الله وجهك وبني ادم مهوب معصوم من الخطا

العيب ليس في الخطاء وانما الاستمرار بالخطاء مع معرفة الصواب وانت رجال معدنك طيب ولولا طيب معدنك ما اعتذرت

ونتمنى من اخونا ابن برقا انه يسامحك خاصه وانه من قبيله معروفه بطيب معدنها واصالتها وكرمها الذي يصعب شرحه



وبالتوفيق

[(القناص)]

ان دل هذا على شي فهو يدل على طيب اصلك
والله يبيض وجهك

وانا طالبك ولا تردني (ترجع للمنتدى) وخير الخطائين التوابون

وننتظر طلتك علينا من جديد ومواضيع الشيقه

وشكرا

[القحطاني505]

الله والنعم منك والله يعطيك العافيه ولاهنت يالغلا