ما هي أفضل الهوائيات على الإطلاق

[مخرب طلعات]

السلام عليكم ورحمة الله وبركاته أولا ً وأخيرا ً

نويت وبقوة على شراء ساكتونز من أجود وأقوى انواع الساكتون


وذهبت إلى محل لبيع أدوات الصيد

ووجدت !!

ساكتونز

أقل واحد سعره 850 رياااال !! و أغلى واحد سعر وأقواهم على الإطلاق بالمحل سعره 1500 رياااال :eek:
-
-
-
قلت له يا خي سعرررررررره مررررره غااااااالي أعرف محل يبيع ساكتون بـ 300 ريال :D


قال لي وبسررررعه هذاك صيـــني-- قلت طيب وش ذا --قال هذا أسباني ومن اجود الانواع وقليل خراباته

-
-
-

فإذا كان كلامه صحيح باخذ الأسباني وإذا لا هذا بالتأكيد بعد مشاورتكم عن الموضوع

وسؤالي في الموضوع


وش أفضل الساكتونز من حيث الجودة وقلة الخرابات وقوة الإطلاق الهوائي

هل هناك منافس له من حيث الصناعة أو من حيث القوة والجودة وتكفون ياليت يذكر إسمه ومحل بيعه لاهنتوا

هذا إذا كان في أحسن من الأسباني :) وترا ماصورته طووووويله وشكله يجذبك لشرائه :D

[فايروخ 90]

أن كنت تبي القوه ودقه الصناعه وقله الخرابات عليك بـــ فايروخ 90 تلقاها عند الرميح ماشاء الله قوه خارقه وتعتبر مقارنه مع مثيلاتها الأخف

وزنا وصناعتها المانيه ......

[مخرب طلعات]

جزاك الله خيـــر إنت إسمك فايروخ 90

يعني أكيـــد عندك الفايروخ 90


كم سعره لو سمحت وإذا تقدر تقول لي وين ذا المحل أول مررررة أسمع إسمة (( الرميح ))

أكيد مش بالمنطقة الشرقية :)

[whisper_x]

وفيه الفايروخ 80 قويه وعلى الوزنيه الاولى وسعرها من 1200الى 1400

والفايروخ 85 لكن الوزنيه تخر بعد كم رميه لكن حط عليها دربيل diana 3-7x20
وارقد وسعرها من 1250 الى 1500 والدربيل من 50 الى 70
وانا عندي الفيروخ 85 مع الدربيل

[مطحن]

السلام عليكم ورحمة الله وبركاته

اخوي اول شي حدد الميزانية يعني كم حدك ... ووش نوع صيدك؟ حتى نقدر نفيدك، الهوائيات ياصل سعرها 10000 (عشرة الاف ريال) لكن تدخل في عالم ثاني بالاسعار هذي من حيث الجودة والقوة والدقة والاهتزاز والصوت،فية انقليزية تاصل سرعة النطلاق عنده الى 1200 م/ث يعني بالظبط نفس سرعة انطلاق الخرازة. وعلى العموم كل هالانواع موجوده عن الرميح والرماية والعقيل والهدف وغيرهم.... المهم انت حدد حاجتك

كرسيدا الهوائيات هي الـ 35 ..... مع التجربة الان اكثر من 20 سنه ما شفت افضل منه

اليي جربناهن كما يلي طبعا كله الماني من ديانا وفايروخ:

16
23
24
25
26
27(170 م/ث) <<<< عشششششق اهل الكيف والروقان بصيد الصغار من الطيور
28
35(250 م/ث) <<< لاتعداه
36
38
45
52(قريب من 300 م/ث)
60<<< ابداع لكنه ضعيفه ومنقطعه من عام الفيل لكن دقه خرافية
70<<<<< على شكل فرد
75(170م/ث) << ضخمة جدا سعرها 3000 على حد علمي، ما ادري هم نزلو سعره الان والا لا، ميزتها لاصوت ولا اهتزاز ودقه متناهية
77<<<< قمة الفشل، ماصورتين
80(300 م/ث)<<<< الاسطورة، مشكلتها الثقل
85(300 م/ث)<<<< مثل الـ 80 بالظبط من ناحية الاداء لكن فيها مشكلة طول السبرنق وكثرة انكساره لكن يميزها عن الـ 80 انها اخف بالكسر
90(320 م/ث) <<< اقوى بشيء بسيط من الـ80

هذولي اللي انا جربت من الالمانيات والاسباني اصلا ما يستاهل الواحد يتكلم عنه،،، والصيني من باب اولى. اللي انا اقول بـ 10000 انقليزية الصنع تجي بالطلب لكن ماجربته الى الان، ولكن مواصفاتها خرافيه

اخوك عبدالرحمن

[ركية ناصر]

ان كنت تبيها للطور الصغيره فانصحك بـ 27 فايروخ
واذا تبيها للطيور الكبيرة فانصحك بـ 80 فايروخ . وهاذولي طبعن صناعتهم المانية
وهذا من واقع تجربة شخصية .. والله اعلم ..

[فهد99]

السلام عليكم ورحمة الله وبركاته
افضل ساكتون باتريوت انجليزيه اخذتها قبل اسبوع مشاء الله كانها خرازه بس ثقيله
عند الرمايه قيمتها 1950