من عرفت نفسي وانا بسوي محميه

[طير سدير]

بسم الله الرحمن الرحيم

ياجماعه انا رجال مغرم بالطيور ومولع بها مع اني ما اعرف منها الا القليل وماعندي الا كم دجاجه علي كم حمامه

ومن سنين وانا ناوي اسوي محميه _عشه_ لانواع معينه من الطيور وابشركم سويت العشه اقصد المحميه ومكانها

في مخيم في بنبان بس العشه لها اربعه شهور فاضيه :j

فا من يشجعني ويعطيني افكار وش احط فيها ووش ما احط ووين القا هالطيور اللي تشبع مسامعك تغريد من طيور البر

والطيور المهاجره لا احد يقولي حط كناري والا ببغاء :no2:

يالله وابد اول انتاج للي بيشاركوني بالافكار النص

[ريم البراري]

انصحك بالبلبل ابيض الخدين
صوت جميل جدا
ارجو زيارة هذا الرابط
هنا (http://www.mekshat.com/vb/showthread.php?t=80698)

[غار صوار]

حياك الله أخوي

بصراحة أجوائنا ما يتحملها شيء من طيور الزينة إلا

البلبل العراقي (أبيض الخدين)

والماينا العادي فقط

وكل من النوعين يغرد أغاريد جميله جدا

الله الله بالنصف :D

تحيتي

...
..
.
:)

[* الــــفــر قــــد *]

أخي ***طيرسدير*** شكرا على الموضوع المطروح .

أنت قلت أنك مولع بلطيور وتريد طيور من بيئتك إذا حاول صيد أم سالم (الورقاء ) أنثى و ذكر وكذالك ( القوبع ) القبره وطائر الحميمر

وهذه الطيور موجوده في البر ( الصحراء ) ثم ضعهم في محميه وهيأ لهم الظروف المناسبه حتى يتزاوجوا ويتكاثرو وبذالك تحميهم

من الانقراض .وسوف تعجبك اصواتهم هذه تجربه حاول تطبيقها وإذا نجحت فأنك

حققت عملا لم يقدر عليه غيرك .

[أيمن]

هناك موضوع عن محمية العضر المميز خيال نجد
ستفيدك كثيرًا ..

تحيتي

[فطري]

الأخ طير سدير
أولاً وبما إنك تعشق الطيور فبإلأحرى بك الأستمتاع بها وهي في طبيعتها ولا داعي لتربيتها وغثاها
والله هذا أيضاً حلم أي محب للطبيعة بأن يُكون محمية له (او مزرعة) للحيوانات أو الطيور وحتى النباتات الطبيعية.
ونصيحتي لك (من مجرب) اشر لك دربيل وكتاب عن الطيور ورح خارج المدينة وحاول التعرف على الطائر الذي تشاهدة بمساعدة الكتاب (وش هو من لحية؟) ولا تنسى تدون بدفتر خاص بك المعلومات التالية:
أسم ووصف المنطقة، التاريخ، الوقت، اسم الطائر عربي إنجليزي لاتيني (موجودة بالكتاب)،
ومن منطلق حبك وولعك بالطيور، اكاد اجزم بأنك سوف تتعرف على أنواع الطيور في منطقتك بشكل سلس وبدون مشاكل.
عذراً على الأطالة ولكنك ضربت على الوتر الحساس.
وفقك الله لما يحبة ويرضاه

[دغيم1]

السلام عليكم

حياك أخوي : طير سدير
دوما البدايات صعبة - ولكن مع العزيمة والإصرار تزول كثيرا من العقبات .
أولا عشة ماتصلح - لأنها ليست مشابهه لطبيعة الطير الذي سوف تضعه في عشتك .
ثانيا : تحتاج إلى بناء المكان بشكل جيد ودائم يتحمل الظروف المناخية .
ثالثا : تحتاج إلى تقنية جيدة في عمل المحمية الصغيرة من تقطير الماء والتكييف والإنارة والبيوت والأعشاش .
أنا لاأهبط عزيمتك ولكن كل ماذكرته تستطيع أن تعمله وبمجهود بسيط وأقل تكلفه ولكن تحتاج إلى وقت وصبر وعمل وجهد .
زيارة متكرره لسوق الحمام في الرياض سوف تجد أنواع من الطيور التي سوف تجد فيها ضالتك .
تمنياتي لك بمحمية جميلة -
تقبل تحياتي - دغيم 1

[طير سدير]

بسم الله الرحمن الرحيم

ردود طيبه من الجميع ونبدا بالترتيب او بالقاعد المعروفه سيداتي سادتي :)

الاخت ريم البراي: كلامك علي العين والراس بس ابيض الخدين انا اعتبره من طيور البيت وينشاف باستمرار في النخل وسبق ربيته عندي

في البيت وللأسف خاب التعب... بس القصد من الموضوع الطيور البريه النادره اللي ما نشوفها الا في البر..وشكرا لك وانتظر دعمك..

الاخ غار صوار : كلامك علي متمته بس مثل ما قلت للاخت اقولك ابي طيور بريه مهاجره او مستوطنه وازيد علي كلامي لك ردا علي

ان الاجواء غير مهيئه فهذي في البال وانا اخوك بس بوفر لهم الظل وما شالله في مكان المخيم اللي بحطهم فيه براد يحبه قلبك يفرق عن

الرياض المدينه مع انه قريب مره بس سبحان الله والله اني ما هنا مكيف هناك والا شي وقعده في الدكه كنك في ليله ربيعيه .. بس النص لا تحلم به :) بتزورني ان شاء الله قريب...

الاخ هام السحايب : كلامك مرتب ووش زينه وليتني اقدر اسويه الود ودي اروح البر واصيد من هالقوابع وامهات سالم والقميري

والصفاري بس وانا اخوك صعب صيدهم حيين ..علي فكره وشي الحمميرا تراني ما عرفته بس اعتقد انك تقصد عصفور البر الدبيب

والا انا مخطي.. انتظر دعمك بكيفيه صيدهم لان متعه صيدهم ومتابعتهم ازين من انك تشتريهم وتتابعهم الفرق واضح... لازلت في انتظار

دعمك اللوجستي :)

الاخ ايمن : جزاك الله خير علي هالمعلومه فعلا الاخ خيال ما شالله معلومات وافره وقيمه وتقريبا نفس الفكره اللي ودي اسويها بس فيه

بعض الفروقات مثل ان موقع المحميه لان ان شالله ان بديت ونجحت بطورها واكبرها في البر واخليها منتجع سياحي :) ماعليك انت شريك

بالافكار والارباح لك فيها نصيب لاني ممكن اطرح المنتج للاكتتاب ... تهقاه ينجح :)

الاخ فطري .. انت يبيلك قعده ... بسم الله نبدا وبه نستعين ..شف ياغالي كلامك والله ما اعترض عليه ابد ابد ابد وفعلا ازين شي تتابعهم

في اماكنهم وتقعد تدون وتراقب ياخي تحس انك عايش منفرد بنفسك في احضان الطبيعه بعيد عن هالعالم والوساوس والهموم تتامل مخلوقات

الله... لكن بها الطريقه انت مطالب بعده اموره اولها الوقت عطني وقت يسمح لي اروح اطارد في هالبران.... ثانيها... الجو عطني جو

يساعد انك تروح باي وقت يعني العصر ممكن تروح لكن وش بتلحق عليه يبيلك يوم كامل الا عاد الناس الفاضين او المهبل :)

لكن الا منك حطيتهم عندك وهيئتا لهم الجو المناسب وشجر وقعدتا تتابع هذا وتفريخ هذا ووش ياكل هذا ووش يحب هذا وكل يوم تجرب شي

وتغير شي اتوقع بتستانس وكل ما رحت لقيتهم موجودين خل عنك والله متعه وتراني ناوي احط معهم ظبان :) .. وطبعا لكل شي ضريبه

والضريبه حرمانهم من الحريه وللاسف هذا طبعنا يا الوحوش ولكن كودي اذا ربيتهم فتره اطلقت منهم عدد من السجناء .. هذا والله اعلم

الاخ دغيم نبدا باولا مع اولا بالعكس العشه ازين من الغرفه لانها مسكره بشبوك يعني كنهم في الفضاء الطلق اعتقد ازين من جدران

مسكره وفي نفس الوقت ممكن تسكيره يعني فيه مجال حسب الظروف المناخيه ولك التعليق

اما ثانيا فهذي معلومه مفيده جدا وباخذها في عين الاعتبار لكن مهوب الحين اذا جبت الطيور وحسيت باهميتها بسويها

ومسأله سوق الحمام فصراحه ماكانت في البال وبعد كلامك حددت موعد الزياره يوم الجمعه الجاي وباين عليك يادغيم ان عندك معلومات

فلا تبخل علي هات ماعندك وعطني افكارك ترا الشغله مطوله :)

وشكرا للجميع

[دغيم1]

السلام عليكم

حياك أخوي - طير سدير
تشكر على الإطراء وتأكد أني قريب منك - وفي حالة وجود أي فوائد ماراح أبخل عليك فيها .
لم يكن مقصدي وضع غرفة مغلقة - لا - المقصد أن تكون محميتك معمولة بشكل جيد بعيدا عن البدائيات التي يعملها البعض - من خشب خفيف وشبك فقط - وعند حدوث عوامل طبيعية تتأثر وتفقد ماعملت -
المطلوب عمل محمية - عشة - من الومنيوم - أو خشب قوي مغطى بالصاج الخفيف معزول عن الحرارة يتحمل الأجواء من هبوب الرياح القوية والأمطار .
كذلك أحب أن تضيف إلى زيارتك يوم الجمعة :

1) الحديقة الجميلة - طريق التخصصي
2) فيفا - نهاية شارع صلاح الدين -شمال - بالقرب من طريق خريص .

3) محلات التحسين : بالقرب من فيفا - عنها شرق .

4) محلات واحة الحيوان - طريق الملك عبد العزيز - ( طريق الملك عبد الله -شرق - مع إشارة الملك عبد العزيز - سوق صحارى على يسارك والمطلق يمين - خذ يمين - قبل الإشارة تجيك يمين )
تجد في هذه المحلات كثيرا من الحيوانات الجميلة - وأحيانا تجد لديهم طيور نادرة تم بيعها عليهم من أشخاص اصطادوها محليا .
تقبل تحياتي - دغيم 1

[طير سدير]

الاخ دغيم ياهلا والله ومسهلا ...ماش الباقين عطونا اشكل

لكن ما نقول الا نلتمس العذر لهم وركز معي يادغيم

وصف المحميه : المساحه 10 في 8 تقريبا ... الا رتفاع مترين ونص... السقف شينكوهات من اردا الانواع لكنها متماسكه _ اقول

متماسكه لان عندي عشه ثانيه زيها بالظبط والحمدالله ما تأثرت رغم الاجواؤالعنيفه اللي مرينا فيها السنه_ ومثبته بمرابيع من كل جهه

اما الجوانب يالغالي فالجهه الشماليه مقفله ببلاكاشات اقفال تم والجهتين الشرقيه والغربيه مقفله بحوالي خمسه متر اقفال تم بالبلاكاشات ايضا

اما باقيها فهو عباره عن نصفين من الاسفل مغطا ببلكاش ومن فوق شبك .. اما الجهه الجنوبيه فمقفله بشبك وفيها الباب وهو بعد عباره

عن شبك.. االارضيه ابد هي ارضيه المخيم يعني صحرا طبيعيه حفرت فيها ساقي صغير بعرض نص متر يتفرع منه جدول صغير ..

وتم غرس شجره سدر بطول متر ونصف تقريبا وشجر ثاني مختلف كيرفس اذا تعرفه واعتقد ان مثلك ما شالله اكيد بيعرفه..

نرجع لكيفيه حمايتهم من الحر الجهات اللي فيها شبك تم وضع محموعه من الخياش عليها بحيث تفكها في النهار وتخليها في اليلل الهدف

رشها بالماء وبالتالي تلطيف الجو داخل العشه نهارا لكن في الليل الجو زين ما يحتاج ..يعني باختصار الامكات ضعيفه وبسيطه اخوك

مهوب من النوع اللي يحب يعقد المسائل وفي نفس الوقت اثني علي كلامك واعتبره علمي الي حد كبير بس شخصيا اتوقع تنجح الفكره

بسبب استيطان كثير من انواع الطيور المهاجره عندنا وتكيفها مع اجووائنا .. وهنا اعتقد تقدر تعطيني تصورك كامل لاني حاولت اوضح

لك طبيعه الممحميه وشكلها واجوائها عكس قبل ماكان عندك فكره ابد والخطا مني :)

ثانيا: جزاك الله خير علي هالمعلومات الطيبه عن هالمحلات لاني اول مره اسمع بهم اخوك ما يعرف الا سوق الحمام وفيفا بس وابشر

باللي يزورهم يا يوم الجمعه او يخليهم يوم ثاني لاني ناوي اروح سوق الحمام بناء علي توجيهاتك واخاف ما يمديني اجمع المشاوير

سوا لان المسافه بعيده ومثلك باخص المسافات...

بس علمنا يا دغيم عن معلوماتك هذي وين استقيتها منه انا متأكد يا ان عندك محميه خاصه فيك او ناوي تسوي او حولك شي من هالقبيل

او انك تحب تقتني طيور المهم فيه شي عندك ما علمتنا عنه لان معلوماتك قيمه وانا اخوك... انتظر دعمك جزاك الله خير

والا يهونون الاخوان

[طح طوح]

اولاً اهنيك علا الفكره الحلوه

ثانيا بنصحك بطيور بس مدري لأخوان طرحوهاولا لا
لئني ماقريت الكلام طويل والنضر لك عليه
انصحك بالحباري والكروان طيور تتحمل جو المملكه ودول الخليج
وبأمكانك لأستفاده من انتاجها مثلأ تبيعها لهل الطيو يدربون طيورهم عليها
ولا المحميه وشكلها ماقصرو (قريت بس مهوب كل شئ)

[اشهب الزلفي]

السلام عليكم
ودي تمر سوق الخميس بالقطيف
الصراحه تبي تلقى طيور اشكال والوان حتى العصافير يبيعونها والقوبع وام سالم وهذولي يصلحن تربيهن يتحملن الحر وصوتهن حلو
والحيوانات بعد ماخلوها الدعلج الجوز بثلاثين ريال
انت رح وشف بعينك مااظنك ترجع فاضي اليدين
والبلبل الصراحه تراك ظلمته انا ربيته وهو توه حوقله خبل مقرقع عاش عندي اربع سنين واحسن مابه ياكل اي شي
وانت عاد وما تهوى.

[محب البشر]

شف ذا المنتدى
http://www.ourpetclub.com/vb/