أعطوني حل

[أخو وضحة]

السلام عليكم ورحمة الله وبركاته
حيا الله جميع المشرفين والأعضاء وكل من يتابع مكشات
حبيت أسأل كل من له خبره في تدريب الوكري على الأرانب لأن بصراحة تعبت وأنا أحاول لكن كل محاولاتي بأت ولللأسف بالفشل جبتها له حية خاف منها ذكيتها له وخليته يذكيها طبعا شاف الدم نزل عليها علف منها لين شبع ورد على الوكر جبتها مرة ثانيه نفس الحكاية خاف منها حطيت على رقبتها لحم وجوعته يومين برضه خاف منها وش السوات معه في رايكم أبيعه وأقني غيره وإلا أحاول مرة ثانية

وشكرا....

[حمد الدوسري]

والله انا عندي وكري مايشوف الارنب الا وجاب خبرها

جرب تخلى ريش على الارنب كم يوم

[المرعضي]

بسم الله الرحمن الرحيم

اذا صفا الوكري وكمل ريشه
شنذره واذا رمى الشبيكه
حاول مره اخرى وانشالله تنجح
ترى اذا رمى الطير الشبيكه يتغير عليك 180 درجه
ويصير الطير يتقطع تقطع يبي العلف باللي به
هذا حل ممكن وانشالله الاخوان مايقصرون
احترامي

[قناص الضواري]

السلام عليكم

رأيي الطريقة هي الآتي:

1- أنك تذكي أرنب أمامه مرة أخرى وتجعله يطب عليها وهي ترفس مازال فيها روح ثم نسره منها تنسير.

2- فك أرنب أخرى بين يديك قريبه جداً منه كي يضن أنها الأولى.

3- إن ذبحها هده مرة أخرى على أرنب في البر.

إذا ما هد عليها كرر المحاوله الأولى مرة أخرى

وإذا ما نفع أدخله السوق

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

http://www.mekshat.com/pix/upload/images34/mk30319_55555.jpg

[الاشعل 316]

ياخي شنذره نفس ما قال اخوي المرعضي



وشوف خل الطير يومين ما ياكل شي



وبعدين رح البر ولازم يكون معك واحد ثاني من اخويك



ولازم يكون خويك اللي يفرع للطير عشان اذا رحت بعيد يحسبك الطير تدعيه يعني صح



للطير عشان يجيك اذا جاك وماشاف شي هد الارنب بالاض



وشرط يجيه.







حط الارنب بالارص وفرع لطير وخله يطير



بعدين رح عند الارنب خله بتحرك وشرط يجي



انا عندي وكري علمته كذا بس اقولك طيرتي نزره



اذا تقدر تخلي الطير طبعه نزر احسنلك



عشان يهد على اي شي حتى وهو متعشي



انا عندي وكري مره عشيته واشوف حمام تطير وانا طالع من البر



واهد الطير وهو متعشي ويطرح الحمام بس ما ذبحها ويوم جيت عنده



عزلت الحمام بدون الطير ما يكوش عليها



وتقبل تحياتي



اخوك ابو سطام

[أخو وضحة]

مشكورين والله يعطيكم العافية أبجرب كل المحاولات واذا ما نفع معه شي منها أبدزه على السوق مثل ما قال قناص الضواري

[عـــرادي]

في البدايه فك ارنب صغير حجمها ثما اكبر شوي وهاكذا
بس الوقت هالحين غير مناسب لازم يجي البرد حتى تهيج
الطيور على الهدد
وتقبل تحياتي اخوك
عرادي

[قناص ام وشاح]

انصحك انك تنقضه او تشنذره ومعلومه للكل ترى ماهوب كل وكري ينفع للارنب

[أبو رداد]

عليكم السلام ورحمة الله وبركاته

عامل الوقت مهم في تعليم الصقور
اول الموسم الطيور تكون اكثر استجابه
واخر الموسم تكون اقل استجابه
ارجو ملاحظة ذلك

[أخو وضحة]

مشكور يا أخوي عرادي والله إنك صادق ماهو بالوقت المناسب والله راحت عن بالي لكن إلي خلاني أفكر فيها شريط فديو شفته عند واحد من أخويانا وأعجبني وكري صايد للأرانب وهاج فكري وقتها وقلت لزوم إني أعلم طيري على الأرانب لكن إنشاء الله بعد المقيض نعلمه وإنشاء الله يستجيب .

أخوي قناص أم وشاح صادق ماهوب كل وكري صايد للأرانب .

مشرفنا أبو رداد كلامك صحيح وفي الصميم .

وأشكر كل من أدلى وأجتهد في رأيه والله يعطيكم العافية وإنشاء الله أجيب لكم خبر هالوكري في مقناص الأرانب .

ملاحظة :-
معليش طولت عليكم لكن أنت في مكشات نزل كل إلي في قلبك عن علوم القنص وسوالف الرجال إلي تنعش القلب نعشان
هههههههههههههههههههههههههههههههههههههههههههههه المهم
بعد ما رفض الوكري من الأرنب قلت خلني أهد الشاهينة الجبلية على الأرنب.......
وش تتوقعون من الشاهينة الجبلية .. هدت والا ماهدت ...
أعطوني توقعاتكم .... مع إن الوكري مقاسه 15 والجبلية 13 وشي

وتقبلوا تحياتي