المساعد الشخصي الرقمي

مشاهدة النسخة كاملة : أصحاب و خبراء مسدسات البحر : تفضلوا Seac Sub


إبراهيم فوده
06/05/2007, 02:21 AM
ممكن أحد يقولي كيف هالمسدس اللي بالصورة ( يعني تمام ولا ماشي حاله )

وكم سعره تقريبا

و أين يباع ؟

http://www.ksa-7be.com/up/ksa2/bd65508388.jpg (http://www.ksa-7be.com/up)

و مشكور مقدماً
الغوااااص
06/05/2007, 03:12 AM
السلام عليك اخووووي ابراهيم .......... عندي لك اجابه وافيه انشالله


في البدايه هذا النوع فرنس ونطلق عليه اسم (كتر او الكتر )والطول 75 سم افضل طول فيهن 90 سم

وعن النوع هذا اذا انت شاريه من السعوديه فأحب اقولها لك على بلاطة لا تشتريه . تقولي ليش اقولك

الموجود في السعوديه حاليا ً من هذا النوع كله تجاري مقلد وخرطي ،

وانا لي خبرة طويله مع هالنوع اكثر من 8 سنوات فالقديم منها انا معك قمة في الآداء والروعه لكن هذا الي انت عارضه مو من النوع القديم الأصلي........ والقديم منها لون السير ( المغاط ) أحمر وانتبه احمر كامل مورشه بويه حمرا يعني لا يكون سيرةه من داخل اصفر ومدهون من برى احمر الاصلي احمر كامل واهم شئ في هذا المسدس السير الاحمر فهو بدونه ماينفع ......... تمتاز هذه النوعية بالخفه ومن عيوبها نحافة السهم مما يعرضه للكسر بسرعة خصوصا ان السهم به نقطة ضعف عند مشبك السير في السهم بعد الشد ( يعني بالعربي حق سمك ابو كيلو وما حواليه ولا تزود ) إلا ان تكون الرميه في مقتل ممكن تصيد به اكبر حجم ،،،

ومن عيوب هذا المعروض انه يطلق في بعض الاحيان بدون ان تكبس على الزناد يعني مو أمين ممكن يطلق السهم وانت ماتدري وانا مجرب هذا النوع فكان بالفعل اذا نزلت فيه يسبب لي الرعب والقلق من خوف ان يطلق وقد يصيب زميل لك وهذه اكبر عيوبه وفي النهاية انصحك لا تشترى ،، ابحث عن نوعيه اخرى والله اعلم ......

حاول تبحث عن المواصفات القديمه واهم شئ بالمسدس مرونه السير ضرورية يعني سهل الشد مو قوي مثل ما يتخيل البعض تقبل مروري ......
gulfhunter
06/05/2007, 07:11 AM
السلام عليكم ورحمة الله وبركاته

حياك الله أخوي ابراهيم

طبعاً اخوي الغوااااص ماقصر قدم لك الشرح الكافي عن المسدس اللي بالصورة وانا احب اضيف شغله بسيطه وهي طال عمرك .... ان افضل مسدس موجود هو الرايف ..... واللي افضل منه الكيسبر ولكن غير متوفر وسعره جداً غالي

بارك الله فيك
nasser_ali
06/05/2007, 09:08 AM
الرايف وبس....
عن واقع تجربه احسن فرد جربته هو الرايف
ياخي يكفيك اسمه
الصياد الصامت صحيح يذكرني بالبطل الصامت بس ماعليك من الكلام من جد سعره فيه
hoad911
06/05/2007, 09:25 AM
كلها جيده اعتقد
ابوتركي1
06/05/2007, 09:54 AM
اخوي الغواااص ماقصر وبيض الله وجهك يالغواااص انت واخوي ابوعبدالله علي المعلومات الدقيقه00
انا بالنسبه لي افضل البوشات لسهولة ومرونته ولابس فيه وهو عملي جدآ وقوي ولم اشتكي منه ولله الحمد مده سنتين تقريبآ ولاكن الافضل الرايف c3 لصيد السمك الكبير وهو قوي وعملي بس غالي قيمة حدود 1700 ريال 00والبوشات انواع وان شاء الله اعطيك صوره له صدقني ماتندم وسعره حدود 700 وبامكانك اضافة مطاط له ثاني اذا حبيت000 فلا تستعجل في الشراء الابعد التاكد من قوته وصلابته اخوي 00ويامه كانوا معي اصدقاء جابوا مسدسات تضرب وتخرب وتعلق وينطلق السهم من وحده وغيرها من المشاكل 000بالتوفيق اخوي
jwan
06/05/2007, 10:16 AM
والله هذه النوعية رديئة وتخرب عليك بسرعة وانتبه عند كبسات الربل تراها بلاستك وخفيفة وممكن بأي وقت تنكسر وتضرب يدك لا سمح الله
عاشق بحر
06/05/2007, 11:29 AM
الله يعطيك العافيه وماقصروا الشباب اكيد افادوك بالموضوع
الغوااااص
06/05/2007, 04:15 PM
السلام عليكم ورحمة الله وبركاته



حياك الله أخوي ابراهيم

طبعاً اخوي الغوااااص ماقصر قدم لك الشرح الكافي عن المسدس اللي بالصورة وانا احب اضيف شغله بسيطه وهي طال عمرك .... ان افضل مسدس موجود هو الرايف ..... واللي افضل منه الكيسبر ولكن غير متوفر وسعره جداً غالي

بارك الله فيك

سلام ياحبيبنا ..... نبي منك تفيدنا عن المسدس الي قلت عليه ( الكيسبر) ونبي بعد صور واضحة وكبيرة ........ انا عمري ما سمعت عنه او عن مسدس افضل من الرايف فلازم تفيدنا بالموضوع هذا ........ضروري اذا ممكن ولك كل الشكر ،،
خادم الإسلام
06/05/2007, 05:08 PM
الرايف الأول ولو إن سعره غالي شويتين بس:good2:

أو بوشات فهو سهل الإستخدام .





__________________

IDC STAFF INSTRUCTOR


http://www.mekshat.com/pix/upload/sign/images/mk22677.gif


للمراسلة
riffe@maktoob.com (riffe@maktoob.com)
bahri
07/05/2007, 02:10 AM
riffe riffe riffe
seemat
09/05/2007, 07:02 PM
صراحة أنا جربت ( شامبيون )فرنسي أروع منه مافي بالنسبة لي طبعا ... ومبارك عليك بندقك
مداوي
09/05/2007, 07:17 PM
وش صرنا عليه نبي لنا واحد وش رايكم الإجازه جايه والناجل والحريد بالإنتظار
مشكووووووورين
عاشق الجول
10/05/2007, 08:48 AM
السلام عليكم
ماشاء الله ماقصروا الشباب الله يعطيهم العافيه
برأيي البوشات ممتاز وسهل الاستخدام ولكن اهم شي لايكون الصيخ اقل من 7ملم واللي افضل منها طبعاً الرايف ولكن يبي لها ممارسه شوي واذا شريت اي نوع ضروري جداً تاخذ سبير صيخ وسبير مغاط
ولك وللمشاركين فائق حبي وتقديري
بحري999
10/05/2007, 10:33 AM
افظل مسدس استخدمته هو ((((( بيشوت الكبير )))) طبعا بعد الرايف
عاشق الموطن
11/05/2007, 02:57 PM
الف شكر للشباب على تفصيلهم في الموضوع اما بالنسبة لي ...
الرايف وبس.............
وياتي بعده البو شات المطاطين الكبير ..... وسلا متكم
فوق النخل
12/05/2007, 12:51 AM
انا عندي رايف سي 2
واستعماله وايد اوكيه ..