سؤال @@@@ إلى كل صقار وصاحب مقيض

[سنجااار]

هذا اول موضوع ولن يكون الأخير انشاء الله وآمل ان يكون فيه الفائده
حبيت اطرحه عليكم هذا الموضوع واكيد انه مهم
فيه صديق لي ربط طيره عند احد اصحابا لمقيض طيــره وبعد فتره حصل مشكله بالمربط ولمـا اتصـل بصـاحب المـربط كيف الطيـر عسـاء ماجاه شي قال ان الطير سليم ومافيه ألا العافيه ولا احط في ذمتي انه مهمل وبعد فتره اتصل به صاحب المربط يقول ترا الطير ارسلته للمستشفى وبعد الفحص اتضح ان الطير منكسر كسر مضاعف والكسر تعرفون مدى ضرره على الطير ..!!
السؤال
هل راعي المربط يعوض راعي الطير عن قيمة اوكيف في مثل هذي الحالات ؟


اتمنى من الأخوه التفاعل والأفاده وشكراً

[سنجااار]

اضاهر ان توقيتي سيء

[طيرحوران]

الأخ مشروك حياك الله
وابشر بسعدك بس السالفه فيها غموض
المهم المربط وش اللي جاه بحيث ان الطيور تأثرت وبديتو تنشدون عن الطير وقال سليم وبعد فتره وداه للمستشفى والخ
عموما صاحب المربط يتحمل الطير كاملا
والسبب أن الطير منكسر كسر مضاعف يعني خلف الله على الطير وحتى لو شفي لن يرجع كما كان
عموما هذا رأيي بالطير لأن الكسر مايصير إلا من اهمال وخاصة من العمال اللي يشتغلون بالتنظيف ويكون الطير كفاخ والعامل ماله وليه وتجده احيانا يضربه بعصا الكنس اكرمكم الله وهذه حصلت
وحبذا لو سردت علينا السالفة كاملة
ولي عودة بعد السالفة
والسلام

[بارود قطر]

اخ مشروك....انا رأيي المتواضع ان صاحب الطير في البدايه ما يربط طيره الا عند شخص يثق فيه و يكون راعي المربط معروف عنه انه يقيض الطيور بطريقه سليمه و يهتم بها في المقيض...ودايم اللي يقيض طيور لناس تصير عنده حالات فيها مشاكل احيان طير يموت و طير يمرض وطير ما يغسل في وقته..هذي الاشياء خارجه عن ارادة راعي المقيض او الشخص اللي يتكفل بمقيض الطيور...اعتقد ان راعي المربط اذا كان شخص نزيه..ما عليه اي مشكله..وانا اعتقد ان اكثر الناس اللي يقيضون الطيور ناس فيهم نزاهه و حرص على حلال الغير...لكن ايضا هناك قله تستهتر في حلال الناس لكن الشغله هي على الصقار يحط طيره عند من؟ خاصه اذا كان الطير غالي عليه يدور احسن مكان و يحطه فيه..و في النهايه هو نصيب..الطير ابسط حاجه تأثر فيه ..وانا اعتقد ان اكثر المشاكل اللي تصير في المربط للطيور تكون خارجه عن ارادة راعي المربط...هذا وتقبل مني الشكر و الاحترام

[عـــرادي]

مشروك
تحيه طيبه وبعد
اتوقع على حسب المربط لأن فيه مرابط تتكفل بأي ضرر على الطير
وتعالجه أو تعوض قيمت الطير اما إذا لم يشترط المربط العلاج فأتوقع
لا يلحقه شي لأن بعض الطيور فيه نزاره ووحشيه وغير راكد
وتقبلوا تحياتي
عرادي

[سنجااار]

آسف اني لم اوضح سبب المشكله ، المشكله جايهم هواً قوي وطيح المضله وغير البرد وهذا شي من الله سبحانه وماعلى الله شي قوي بس ذكره ان الطير سليم وبعد يكون منكسر !!!!!!!!!!!!

[ابوالجازي]

السلام عليكم
اول شي لاتريط طيرك في مربط مثل المضله اما في غرف خراسانيه او شبوك قويه ولها هناكر وعوارض قويه
لكن حيل الله اقوى
ومادام اللي جرى للطير جاري على كل الطيور اللي بالمربط وهوقضاء وقدر وليس اهمال من صاحب المربط اتوقع والله اعلم ان راعي المربط ماعليه شي
والله يعوض على راعي الطير بطير ابرك من طيره اللي انكسر

[سنجااار]

شكراً ابوالجازي على المرور والله يعوض على راعيه

[أبو رداد]

الله يصبرك يمشروك على مابتلاك
ومثل ماتفضلوا الاخوان
ان لم يكن هناك شرط على السلامه من كل شيء حتى القضاء والقدر
فلااعتقد تحق راعي المقيض بشيء

[مستر 1]

شكرا يااخ مشروك على هذا الموضوع ولكن لابد من التوضيح الدقيق في كيف انكسر الطير وهل هو من اهمال راعي المربط او لا وشكرا لك يامشروووووووووووووووووووووووووووووووووووووك

[Abunaif]

*اذا كانت الطير مربوط فراعي المقيض يتحمله لان الاهمال اهو السبب !!



*اذا كان الطير هدد (طلق) اعتقد لا يتحمله لان الطير ممكن يصطدم في ماكر طير آخر وهذا لا يعتبر من الاهمال بل قضاء وقدر ( كل شي قدر بامر الله ولاكن مقصدي ان الرجل ماله ذنب)



والعلم عند الله

[khalid2003]

ابو نايف شكراً لمرورك الطير طلق بس السؤال لماذا لم يخبر راعي الطير من اول شي ان الطير منكسر ولا طيحت المضله قضاء وقدر ماختلفنا والسالام ختام

[صلفيق]

والله كان الطير انت جايبه له سليبم وحصل الكسر بالمربط انا اقول هو يتحملها لان ليش ما يهتم بالطيور الي عنده ولو قلنا انه من المكان ليش ما يحاول يصلح مكانها زين عشان ما تتاثر الطيور الي عنده اليوم ينكسر طييرك وبكرا طير غيرك وسلامتك والله يعوض عليك انشالله :no2: