يا راعين الشوي وش رأيكم بأحسن شواية للكشتات والطلعات

[fajr]

بسم الله الرحمن الرحيم

هلا بالربع والنشاما

تخبرون حنا ألحين على وشك الصيف اللي تحلو فيه طلعات الشوي في المخطاطت وعلى النفود وفي الاستراحات ، لأننا من دوماتنا نبي نطلع ونفلها

الشاهد أني أبي أولف لي شواية وأفصلها باحتيجاتي ويصير فيها أكثر من فكرة تقدر تشوي فيها من العصفور للخروف ، فاوين أروح له ؟

ومن يقدر يسوي لي هالشغل ؟

واللي يخبر لنا شويات طيبات يعلمنا وينزل لنا صورهن

وسلامتكم

[دحوش]

رح للحدادين يصمملك علي حسب مزاجك

[نبوت سيف]

انا اقترح انك تسوي تصميم اول وبعدين تعطيه للحداد...

شف النت فيها اشياء خيالية بعضها شويات تجرها بقلص للرحلات ..

[عشانا]

احسن شواية شاهتها هي شواية وذفه تعمل بالحجرات (بطاريات)
ياتي معها عدد 2 سيخ طوال تقد تشوي بهن عدد 24 طير سمان
وياتي معها قرابة 12 سيخ صغير لشوي الاوصال والكباب
وسعرها تقريبا 120 ريال يابلاش
ميزتها ان الشوي يستوي مع جميع الجهات بالتساوي يعني لا تقول جه احترقت وجه لم تستوي

[باترول98]

السلام عليكم ورحمة الله وبركاتة
اخوي fajr ولايهونون الحاضرين فيه شواية تدور على الكهرب يعني تشب الفحم وتتبل الدجاج وتقوم وتشبكها في الكهرب 110 او 220 الي تبي وفيه انواع نوع ياخذ 3 دجاجات ونوع ياخذ 6 دجاجت ونوع ياخذ ذبيحة كاملة وحلوه مره ومريحة وترا فيه وحده عند برق الحيا لكن ماتنفع بولا ريال

[fajr]

دحوش تعرف حداد ماااهر ورخيييص وراااايق

لأن هالشغل يبيله رواااقه

[رعد النجدي]

اذا انت في الرياض
عندك حين المناقد وتمديد المكيفات شمال سوق عتيقه للخضار اذا جيتهم من الشمال نازل وجهك جنوب مع طريق الملك فهد خلك تحت كبري عتيقه وديور ارجع وجهك شمال 100 متر يجون على يمينك
لو تبي تشوي فيل يصلحون لك شوايه
اهم شي خطط صح على الورق وفهم العامل

[الروضة]

http://up2.arabsh.com/07/bbe804c.jpg (http://up2.arabsh.com/)

http://up2.arabsh.com/07/4981518.jpg (http://up2.arabsh.com/)

http://up2.arabsh.com/07/4cff8a3.jpg (http://up2.arabsh.com/)



السلام عليكم ورحمة الله وبركاته شف هذه الشواية يمكن تصلح كهرب 110أو 220وشلها معك في السيارة مع الحمول
وإذا أنتهيت صفطها وماتأخذ مكان في السيارة
طبعاً الشبك يباع جاهز سعره 45ريال والدينمو حق الفرن ( فك الموجود عندك في البيت ) 99% مايستعمله في البيت

[عاشق السيل]

باترول 98 : لاهنت ..

أما شواية الروضة أعجبتني كثييير وفكرتها سهلة جدا وأنا قررت أسويها بس مشكلتها لازم تشب بالأرض يعني ماتصلح إلا بالبر !!!!

وإذا تبي تريح نفسك أخوي فجر خذلك دورة على حقين الرحلات تبي تلقى أشكال كثيرة ترى أحسن لك من الحدادين لأنهم غالين والحديد يصدي ويتعفط مع الوقت وثقيل وزنه ..

وتقبل مروري ،،،،،



عاشـقhttp://www.mekshat.com/pix/upload/sign/images/mk49539.gifالسيل

[V I P]

ابتكار رائع اخي الروضة راح اسوي مثلها بس على منقد

وش العازل الي بين الدينمو و الحديد

[M o b d a]

طيب أخوي


الروضه

السلك راح يتأثر بالحراره ويسبب لك مشكله والدينمو كذلك

[ابومعاذ3]

هذي الشواية جربتها بـ 150 ريال رهيبة جداً
لكي تسرع لك الشوي لف حولها الذراية دار مادار مثل الصورة الثانية

http://www.almoso3h.com/up3/getimg.php?image=41931 (http://www.almoso3h.com/up3/getlink.php?id=41931)

لاحظ معي ذراية وحدة وعليك الثانية عشان تحيط بها من جميع الجوانب ( بتدعيلي )
http://www.almoso3h.com/up3/getimg.php?image=41932 (http://www.almoso3h.com/up3/getlink.php?id=41932)

[الروضة]

الأخعاشق السيل
سوها ولاتتردد طبعاً أنا مسوي منقد إرتفاعه 5سم وأركبها في وسطه إذا تستعملها داخل البيت أو مسطح أخضر أو على الأزفلت

الأخ VIP
العازل تراه ماهو ضروري ربعي مسوينها بدون عازل ولافيه أي مشكلة
والعازل هذا صوف صخري يستعمل في البنيان
الأخ mobda
السلك مايلمس الصاج والدينمو هذا مخصص للأفران ويتحمل حرارة أكثر
وعن تجربة مافيه أي مشكلة

[المطارد]

http://up2.arabsh.com/07/bbe804c.jpg (http://up2.arabsh.com/)

http://up2.arabsh.com/07/4981518.jpg (http://up2.arabsh.com/)

http://up2.arabsh.com/07/4cff8a3.jpg (http://up2.arabsh.com/)



السلام عليكم ورحمة الله وبركاته شف هذه الشواية يمكن تصلح كهرب 110أو 220وشلها معك في السيارة مع الحمول
وإذا أنتهيت صفطها وماتأخذ مكان في السيارة
طبعاً الشبك يباع جاهز سعره 45ريال والدينمو حق الفرن ( فك الموجود عندك في البيت ) 99% مايستعمله في البيت


يالحبيب وين القئ مثل هذي الشواية انا في الرياض

[الروضة]

أخوي المطارد
حياك الله طبعاً هذه الشبك هو الذي تحصله في الأسواق أما الصاج أنا الذي مسويه
والدينمو حق الفرن
وتحصل في محلات الرحلات جاهزة لكن ماتتصفط

[بوليدى]

عشانا (http://mekshat.com/vb/member.php?u=15558) حط صوره

[fajr]

آه لو نلقى شواية يكون تحريكها باليد

[fayez188]

والله يالروضة ان توقيعك خطير%%%% ويشهي النفس يعطيك العافية اخوي انا اشهد انك ذيب

[ابو فص فص]

لمن اراد الشوي
عموما الروضة قدمهذه الشواية وصراحة فكرة اكثرمن رائعه وخاصة انها تنتصفط يعني يا سلام


عموما موجود في السوق زيها ولكن كما ذكر ما تنصفط ولها منقد
ولكن ما اردت ان اصل له انه يوجدنوعين فهناك النوع الخفيف جدا صاج مطعج لا يتحمل الحراره علاوة على انها خفيف ( تبهذلك في الشيل والحط )
الدينمو صيني يعني لك عليك وسعرها من 150 الى 165 على حسب .... وتراه حلوه جدا للي يحب الرفق بالحيوان ..... سعر اللي تاخذ 4 دجاج الوشم مقاس 700 تقريبا

اما هناك نوع صراحة قوي جدا لا من ناحية الحديد ولا نظافة الشغل والدينمو اصلي ايطالي ومطور بعض مقاسات برمان ..... صراحة يوصي عليها الحكيم .... من واقع تجربه
طبعا الاخيرة تصلح في محافظة الزلفي ( ابو وليد ) ويوجد منها احجام 6 مقاسات
طبعا اسعارها رخيصة بالنسبة لقوتها تبداء من 235 الى ( مدري كم )
موجوده بالزلفي وله موزعين في الرياض وسدير ومدري وش بعد

صق اني طولت عليكم ولكن حبيت اظيف معلومة

ومن اراد العنوان يراسلني بريديا

وياهلا

[snack1028]

بسم الله الرحمن الرحيم



هلا بالربع والنشاما


تخبرون حنا ألحين على وشك الصيف اللي تحلو فيه طلعات الشوي في المخطاطت وعلى النفود وفي الاستراحات ، لأننا من دوماتنا نبي نطلع ونفلها


الشاهد أني أبي أولف لي شواية وأفصلها باحتيجاتي ويصير فيها أكثر من فكرة تقدر تشوي فيها من العصفور للخروف ، فاوين أروح له ؟


ومن يقدر يسوي لي هالشغل ؟


واللي يخبر لنا شويات طيبات يعلمنا وينزل لنا صورهن



وسلامتكم


أخي العزيز بالنسبة للطيور الشواية الي ذكروها الشباب ممتازه ( ابووليد ) وبالنسبة لشوي الخروف عندنا وحده تشوي التيس ويطلع هبال غير طبيعي وهي عبار عن قاعدتين منفصلتين عن بعض وبنهم عامود المنيوم واحدى القواعد فيها دينمو مثل حق مساحات السياره ويشتغل على 12 فولت ( عموماً هي مجيوبه من البوسنه وسمعت ان فيها ناس هناء في الرياض سووها تفصيل لاكن ما ادري وين بالضبط

عموماً انا بسال وين و بخبرك

[إلياس المطلق]

احسن شواية شاهتها هي شواية وذفه تعمل بالحجرات (بطاريات)
ياتي معها عدد 2 سيخ طوال تقد تشوي بهن عدد 24 طير سمان
وياتي معها قرابة 12 سيخ صغير لشوي الاوصال والكباب
وسعرها تقريبا 120 ريال يابلاش
ميزتها ان الشوي يستوي مع جميع الجهات بالتساوي يعني لا تقول جه احترقت وجه لم تستوي


أين أجدها في الرياض - الخرج ,,

[(مواصل)]

http://up2.arabsh.com/07/bbe804c.jpg (http://up2.arabsh.com/)

http://up2.arabsh.com/07/4981518.jpg (http://up2.arabsh.com/)

http://up2.arabsh.com/07/4cff8a3.jpg (http://up2.arabsh.com/)




اخوي ياليت تنزل الصور مره ثانيه لانه مافتحت

[المطلاع2]

مشكورين بس الصور ماطلعت