الطير يشنذر روحه ؟

[شبراق]

السلام عليكم ورحمة الله وبركاته


حبيت اعطيكم فايده للمقيض طيره ولا عنده حصى .

السنه حطيت عند الطيور بدل من الرمل بطحى ولاحظت الطيور ياكلن من الحصاء ويروبجنه قبل العلف بساعه تقريبن وناظر الروباجه ونتم بكرامه القاها سبحان الله تنظف زوحن الطير ويجدع الشبيكه ولهوب كل يوم على حسب احتياج الطير والطير سبحان الله يعرف يقيس على روحه ويعرف الي ينفعه والي يضره ولاحظت بعد ان الطير يتقلب على الحصاء ينظف ريشه من القمل وحسيت بالفرق عند العلف بين الطير الي ياكل حصاى والي ما ياكل لاحظت ان الي ياكل اشره بالعلف من الي ما ياكل واحرص وباله زين .

بالاصح الطير يشنذر روحه يطلع الشبيكه بنفسه عن طريق الحصاء

حبيت اعطيكم فايده وانتم ابخص من بالناحيه هذي والله يوفق الجميع

اخوكم ابو طلال :)

[قلب ذيب]

الاخ / شبراق 0
شكرا على هذه المعلومه الوافيه , ولاشك أم بعض الطيور تقوم بذلك ولكن ليس كلها , كما أن القرانيس خاصه الخلويه لاتقدم على ذلك
بسهوله , وحتى لو حذف الطير جزء من الشبكه فأنه يحتفظ بالكثير منها 0
بارك الله فيك وادام تواصلك 0

[شبراق]

ويبارك فيك ياقلب ذيب ويبيض وجهك

تسلم على مرورك وتعليقك

[رآعي آلبآترول]

معلومة طيبه من رجال طيب..
لكن اتوقع اهم عامل في الشي هذا الحصى النضيف..
يعني يكون الطير طلق ماهو ربط..
لان لو كان ربط بياكل الحصى الي حوله وانت خابر يكون مارش عليه"تكرم الملايكه وتكرمون"..
..
..
تسلم لاعدمتك ياشبراق..

[المري]

اخوي شبراق بيض الله وجهك على هذه المعلومة وصحيح اشوف اهل المرابط طلق يحطون عندها الحصى الصغير..

الظاهر اني بحط عند اطيوري حصى , حتى اللي ماهيب طلق كل واحد بحط عنده قدح فيه حصى..

خليه يشبع حصى..

تسلم اخوي مرة اخرى..

اخوك - المري

[سلطان2007]

سبحان الله العظيم ..

ماقصرت ياشبراق .. بس ايش نوع الحصى هل هو بحري ولا جبلي ولا رملي ولا وشو؟

تحياتي لك شبراق ..

ابو الوليد ..

[ابو العباس]

ياجماعة الخير السلام عليكم ورحمة الله وبركاته انا ودي اتعلم الله يخليكم
وش معنا الكلامات او الجمل التاليه
1-المقيض
2-يروبجنه
3-تنظف زوحن الطير ويجدع الشبيكه
4-الطير يشنذر روحه يطلع الشبيكه بنفسه
5-القرانيس خاصه الخلويه
6-لو حذف الطير جزء من الشبكه فأنه يحتفظ بالكثير منها
7-يعني يكون الطير طلق ماهو ربط
8-اهل المرابط طلق
9-وهل الطيور تاكل الحصى يعني تبلعه
واذا كان فيه معلومات زياده عطونا الله لايهينكم

[محمد الفهيد]

كلامك صحيح ياشبراق
نفس المعلومه قالها صقار كبير والكبير الله . بس ياكل الحصى يوم يصعب عليه حذف روباجته .. او ان الشحمه الي في بطنه ضايقته لأنها غريزه سبحان الله ان الطير ايكون شحم عشان اذا ماحصل عشا يمتص منها لذلك اتشوف بيها عروق دم.. (شبيكه)
وايكون عرق الدم هذا ملتصق في جدار المعده ( القانصه) ويمدها بالغذاء عشان كذا اذا الطير هد وحسب بالتعب وهو غني ايرد لأن الشحمه تعوضه لذلك نستعمل الشناذره الله لا يعاقبنا

للعلم فيه ناس اعرفها تشنذر الطير بحصى ,, عشان مايلتهب صدره

ودمتم

سبحان الله