موعد ولادة السلقة

[رجال أشاوس]

س/متى موعد ولادة السلقة جزاكم الله خيراً لأن فيه واحد واعدني يجيبلي جراء إذا ولدت حقته جوزيتم خيراً.

[هاوي سلق]

هلا فيك اخوي موعد ولادتها الله يسلمك شهرين
وعلا ماترضع الجراوه يبغالها بعد شهرين او شهر ونص
يعني يبغالك تنظر عليه اربع شهور
تحياتي

[راعي الفلوجه]

وهو كذالك ..

[عبادي 91]

نعم نعم
.............

[ذيب عتيبه]

مايحتاج أتفلسف
الربع كفو ووفو
والله يعافيهم وياك
:::::::::::::::::::::::::::
تقبل مروري
سابقا((عزوتي ياسلقي))

[رجال أشاوس]

مشكورين وما قصرتوا وأشكركم على حسن المرور خصوصاً د.هاوي سلق ولا يهونون الشباب
وعلى فكرة يا د.هاوي سلق بصراحة أنت السبب في دخولي لعالم السلق وياليت تكتب موضوع عن الولادة وطريقة التوليد
والتاريخ اللي تولد فيه السلقان

[هاوي سلق]

مشكور اخوي رجال أشاوس على اطرئك لي
لكن انا ماني بدكتور انا هاوي والهاوي يفعل بعض الاحيان فعل الدكتور
ومن ناحية الولادة والتوليد ابشر راح انزله باقرب وقت ولا يهمك اهم حاجة ان الجميع يستفيد
وتقبل مروري اخوك هاوي سلق

[الشمالي 5]

فاتحين مستشفى ولاده واطفال



هههههههههههه

[تلسكوب 1]

ما راح يخرب هالمنتدى الا بعض خرابيط اهل السلق يا اخواني والله ذبحتونا هاذي علوم رجال
قال ايش فاتحين مستشفى ولاده هذا احسن رد الي قاله الشمالي 5 احترموا القراء والمكشاتيين
هذا رأيي قلته بكل صراحه ارجو عدم الإنزعاج

[سلطان العوني]

ما قصر اخوي ابو ابراهيم كفا ووفا

[القحطاني505]

ولادت السلقه من 62 الى 70 يوم ومدة الترضيع شهرين وعليك الحساب والله يعطيك الف عاافيه

[((( الحر)))]

اخواني الشمالي 5 وتلسكوب

هذه هواية محببة الى كثير من هواة الصيد

وليس انقاص من حق القارى ان نضع خيمة خاصة بهذه الهوايه

ولكن لستم مجبرين اذا كنتم ممن لا يحب هذه الهوايه ان تدخلون الى تلك الخيمه..

الخيام بالمنتدى كثيرة ومتنوعه اختاروا مايناسبكم واطلعونا على مالديك من مواضيع...لتفيدوا وتستفيدوا .

بارك الله في الجميع

ولكم تحياتي

[راكان 11]

انت يالشمالي 5 بس تتمهزا على الرجاجيل في المنتدى اشاهد ردودك دائما بهذه الطريقه ؟؟؟؟؟

مثل اللي حط موضوع بالخيمه العامه انه لقى جراده في الرياض ووسط بيته ومصورها ومتكلف عشاننا وتجي انت وبكل سهوله وترد رد سخيف تقول ( مسوي زحمه عشان جراده ) ؟؟؟؟ الرجال يوم حط موضوع يقصد ان الجراد وصل للرياض وخاصه انه في بيت فمابالنا بالبر بنلقاه اكثر هذا اللي يقصده الرجال

والان تتمهزا بالسلق وولادتها عيب والله عليك

الرجاجيل يوم يتكلمون عن الولاده عشان وقت ولادة السلقه حضرو وكل سلوقي يحطون في رقبته حبل بلون معين ( هذا قلب وهذا كلوه وهذا سده ...) وهم اهل هوايه وابخص بالشي هذا


الله يهديك لو تراجع ردودك كلها مع احترامي لك عديمة الفائده وغير مكشاتيه ( لا بندق ولا سلق ولا طير وش اللي يعجبك ؟؟؟؟ )

لا تزعل من كلامي هذا لازم نوجهك للطريق الصحيح وصعب اننا نخليك على هذه الطبوع الشينه

[السيف الصقيل]

بس بغيت اوضح لاخواني نقطه شي انا
جربته ان بعض السلق
تاخذ اقريب الثلاث ا
اشهر
تقبلوا مروري

[المواادع]

نفس كلام هاوي السلق

[صمود1]

اذكروا الله وهذي الخيمه وضعت للاستفاده فمن لديه معلومه يضيفها فنحن نتقبلها ومن ليس لديه اي اضافه فليلتزم الصمت لانه اذا كان الكلام من فضه فالسكوت من ذهب والله يهديك اخوي الشمالي انت عضو متميز في هذه الخيمه فلا تجعل هذه التفاهات تغير صورتك بين اخوانك وتقبلو مروري

[العاطفي]

اخواني الشمالي 5 وتلسكوب


هذه هواية محببة الى كثير من هواة الصيد

وليس انقاص من حق القارى ان نضع خيمة خاصة بهذه الهوايه

ولكن لستم مجبرين اذا كنتم ممن لا يحب هذه الهوايه ان تدخلون الى تلك الخيمه..

الخيام بالمنتدى كثيرة ومتنوعه اختاروا مايناسبكم واطلعونا على مالديك من مواضيع...لتفيدوا وتستفيدوا .

بارك الله في الجميع

ولكم تحياتي



وانت بعد نفس الشي هب مجبور انك تدخل هالخيمه محد جبرك والله يعني ماله داعي انك تدخل

[وبزنه]

الشمالي 5 وبسسسسسسسسسسسسسسسسسس

[رفيق الأمل]

هلا ياخوي تقريباً شهرين اكثر أو اقل والله العالم مع شكري واحترامي لك

http://www.mekshat.com/pix/upload/sign/images/mk45015.gif

[a1Ruwais]

الله يعطيك العافيه