منخرة كبير . منخرة صغير . موضوع للنقاش.

[قشاع الرمث]

السلام عليكم ورحمة الله وبركاته
الكثير منا سمع هالعبارة ( والله ياعليه منخر, او مايعيبه إلا منخره )
وصار اغلب الناس لا بغى يشري طير يهتم بهالنقطه وأنا معه من الناحية الجماليه .
مع ان الطير الي منخره كبير مع العمر تذوب قرنفلاته بسرعة عكس الي منخره صغير.
لاكن الى هالحين مافيه مشاكل .



المشكلة يقولون الطير الي منخرة كبير ازين طيار واسبق واطول نفس بالمطراد.
ومقتنعين بهالكلام بالحيييل . ويقولون يشفط اكسجين اكثر . :confused: :mad: :mad:
واحسن لك ما تناقش .
انا بالنسبه لي اقول ما فيه علاقة بين حجم المنخر واداء الطير
وهالكلام من تجاااااارب .



نبي هالحين آرااكم يا صقاقير مكشات .

[hawwamT]

بكل بساطة وش السبب في سرعة الخيل...ولك الحكم
انظر الى فتحات سحب الاكسجين وش كبرها....وقس على ذلك

[المري]

مرحبا اخوي قشاع الرمث وحياك الله

من المواري الطيبه في الطير أتساع فتحة المنخر , يعنى هي من مواري كثيره في الطير اذا توافقت

بأذن الله ان يصير في الطير أطيار أذا الله فكه في الصواديف..

اخوك - المري

[طيرحوران]

انا رأي المتواضع
بأن المنخر ليس له ذاك الدور في سرعة الطير علما بأني احرص على سعة المنخر وذلك لكتمال وسرة الطير فقط
ولكن هذه القاعده
يقال البركه سهم خفي أي بمعنى أن الله إذا بارك لك ترى بإتفه الأسباب فيما تملك
وانا اقول سبق الطير سهم خفي اي بمعنى لااحد يجزم مئه بالمائه بأن هذا الطير سبوق ام لا من المشاهده فقط ولكن يثبت ذلك بالفع الحقيقي المشاهد بالعين
وبعد ذلك يأتي الحكم
وشكرا

[كاسر الحوم]

حبيت اشركم في امر مجتمعين عليه اغلب الصقاقير إذا ما كانوا كهم
لكن ملاحظتي إذا باخذ طير اعمل حسابي لا قدر الله اني احتاج ابيعه او اعرضه او الخ..
فمثل ما تفضلوا الاخوان المناسم او المنخر مكمل لمواري الطير ويعتبر صغر المنساسم عذروب عند الصقاقير
عكس مايكون في ارض الطير(صوايده او كفوفه) ،،، فإذا كانت صغار يتغاضون عن هذا العذروب اكثر الصقاقير
بس فالمنخر تشتد ملاحظتهم عن باقي المواري ،،،
واسمحولنا على الاطاله والسلام ختام

[Abunaif]

انا رأي المتواضع
بأن المنخر ليس له ذاك الدور في سرعة الطير علما بأني احرص على سعة المنخر وذلك لكتمال وسرة الطير فقط
ولكن هذه القاعده
يقال البركه سهم خفي أي بمعنى أن الله إذا بارك لك ترى بإتفه الأسباب فيما تملك
وانا اقول سبق الطير سهم خفي اي بمعنى لااحد يجزم مئه بالمائه بأن هذا الطير سبوق ام لا من المشاهده فقط ولكن يثبت ذلك بالفع الحقيقي المشاهد بالعين
وبعد ذلك يأتي الحكم
وشكرا

كل شي عند الله بس الاكيد ان اي صقار لو اختار بين طيرين بنفس الوسره والريشه الطيور وحوش يعني محد جربها وبنفس السعر راح يختار اللي منخره وسيع ويترك اللي منخره ضيق لأن المطلوب منك انك تعقل وتتوكل وليس تتوكل فقط ..

اذا بنتكلم عن الطيور المجربه فبعضها ما فيه من مواري السبق شي ويطلع سبوق بالحيل والعكس صحيح وهذي تعتبر من الشواذ وليست القاعده
وكل شي اولا واخير بيد رب العباد عز وجل

[خيال الصبحا]

مرحبا اخوي قشاع الرمث وحياك الله

من المواري الطيبه في الطير أتساع فتحة المنخر , يعنى هي من مواري كثيره في الطير اذا توافقت

بأذن الله ان يصير في الطير أطيار أذا الله فكه في الصواديف..

اخوك - المري
وعليكم السلام
مابعد كلام أبو معيض كلام
وعلى ماقال أبو معيض
الفرق بين الي منخره كبير والي
منخره صغير مثل الفرق بين المزكوم
والي ماهو مزكوم لا تسابقوا من يسبق؟؟
حالات نادرة يسبق الي مزكوم
وشكرًا

[عبدالله العمرو]

السلام عليكم ورحمة الله ومسيكم بالخيرات ....

ولا يهون الأخوان جميعاً /

حسب رأيي المتواضع :

إن لا علاقة لاتساع المنخر بالسبق .... ولكن سعة المنخر تعطي الطير فرصة أكبر للتنفس وبهذا تطول فرصته بالمهدّ أكثر من الطير ضيّق المنخر لأن الثاني سريع ( الفحّة ) ...

وباختصار :

سعة المنخر ترتبط أكثر باللياقة ولا لها علاقة بالسرعة ... يعني ممكن يصير الطير سبوق بأول مهدّه ولكن يفح بسرعة ..

أتمنى أكون قلت المفيد :)

[قلب ذيب]

هلا بكم كلكم 0
منخر الطير الكبير تعني قدرته على التنفس اكثر وتعطي الرئه كمية الهواء المناسبه مما يكسبه المقدره على الطيران أكثر من غيره من الطيور
كما أن المنخر الواسع لايصبح عرضه الى الانسداد بسرعه مثل المنخر الصغير والذي يمكن ان ينسد من الغبار وكذلك الدم 0
أتساع المنخر من مواري الطير الطيبه التي ترجح كفته عند أختياره من قبل الصقاقير 0------ تقديري للجميع 0

[قشاع الرمث]

السلام عليكم
مساكم الله بالخير
والساعه المباركه الي اجتمعوا
صقاقير مكشات

والله يعطيكم العافيه على المشاركات

لاكن اشوف انه ما فيه توافق على راي
ولا حتى الاغلبيه مع راي هذى دليل كافي
على انه لازال ( ما اقدر اقول مافيه علاقه
بين المنخر والسبق ;) ) الموضوع معتم
لاكن انا ما اعرف بالخيل .
ولا اعتقد ان فيه تشبيه بين الطير الي منخرة
صغير والمزكوم . لان هذى خلق الله يعني
طبيعي والمزكوم مريض يعني دخيل على الخشم :d
ولاكن .
انا لازلت اقول ان الطير الي منخرة كبير اجمل
يعني ازين شخوص .

وما قصدي اتمسك براايي لاكن انا حبيت اشوف رايكم
لاني الشتاء الي فات شريت طير وحش قطوعه كاملة من طول جناح
وعرظ ثنداة ومجس ومناكب وحداب الا منخره تقل فاتحهن بابره
وما شاء الله عليه من اسبق الطيور الي مرت علي .
واصملهن يعني اهده عقب طيور ويطرد شي رايح مسافات
ماشاء الله عليه ولا ظره ابد منخرة .
مع ان الناس قالو منخره ما يساعده على الطيار.

وسلامتكم .

[قشاع الرمث]

للمعلوميه انا كنت اقول من اهم القطوع المنخر

لانه يساعد بالطيار .
لاكن انا شفت الي يدعم العكس من عدة طيور
واذا فيه امكانية نطلب
من الاخ ابو رداد عرض الموضوع على خويه الدكتور.

مع الشكر الجزيل للجميع


وسلامتكم

[safouane]

مشكور يا بو طلال على هالمعلومات القيمه

[قشاع الرمث]

السلام عليكم

الجميع مشكورين على المشاركة .

اخويsafouane منهو ابو طلال؟:confused:

[تواق]

هي فقط عنصر جمالي وتسويقي فقط .... وهذا راي العلم مؤخرا والتجارب


لان الابر في منخر الطير تقفل تلقائيا عند الارتفاع تماما لتعادل الظغط ويمكن ملاحظه ذلك في اغلب طيور اهل البحرين وبعض اهل قطر


تجي منزوعه الابر مادري ليش يسونها طيورهم ماترتفع مره حتى اذكر احد الاخوان يسدها بلبانه وكان طيره سبقه فااااارط

[خيال الصبحا]

الأخ تواق
السلام عليكم
حبيت أسألك عن النقطة الي ذكرتها
يعني الطير لو أسد منخره يصير أسرع من لوكان طبيعي؟

وشكرًا

[مدرب الطير]

اعتقد الي منخره كبير

[أبو فيصل]

مشكور على الموضوع المهم



أنا وجميع الصقا قير نفضل المنخر الوسيع و الضبه الكبيرة طبعا والمنقار الجليل الأقطم (ماله خنقور مثل اللي خشمه طويل) وهاذي كلهاعرف بين الصقا قير من نشأتنا مع الطيور



هل له تأثير؟ ... الله أعلم ولكن هناك نسبة من التوافق في هذاالرابط



http://www.springerlink.com/content/q3570275qxkjh342/ (http://www.springerlink.com/content/q3570275qxkjh342/)

والمقصود هو تأثير درجة حرارة الزفير (الهواء الخارج من المنخر) على خسارة الماء التنفسية أثناء الطيران... يعني كل ما زادت حرارة الهواء الخارجة من الجهاز التنفسي كلما زادت خسارة الطير للرطوبة في الجسم وبالتالي خسارة بعض من الطاقة ونقص مدى الطيران (المسافة) ... والعكس صحيح



لتوضيح الفقرة أعلاه:



كان عندي طير فارسي أصيل و وافي و ذهبي صافي لكن منخره يمكن وسع منخر الشبوط ... ميزة هذا الطير ظفر جدآ (ماله علاقة) ولكنه سبوق جدآ (بس ما يقال له لحاق) وإذا عزم الخرب مسوحل ضرب الخبل اللجة وقال كم تبي 8-10 كيلو (تلاّب الماخوذ) و أذكر طرد مره معي حوالي 4 كيلو و بعد ضيع حباراه و جيته وهو حتى ما فتح ثمه.



معلومة أخرى و خاصة يمكن مصادرها محدودة وهو أنه من أفضل علامات الفروخ الصغار اللي في عشها هو أن النادر أوسعها منخر و التبع أضيقها منخر....

[ابرق العزاف]

ابيع للطير

وفي السبق لها شاره

مشكوره

[تواق]

اخي خيال الصبحا


لا وانا خوك المقصد من سد الفتحه هو تعويض وقتي نتيجه الضرر الذي صاب الطير من نزع الابره التى هي اصلا تقفل


المنخر تماما في حاله صعود الطير الى الاعلى لتوازن الضغط


وما ذكرته هو تصرف خوي في الموضوع ولا له دخل في سرعه الطير

[ابو عايد]

السلام عليكم ورحمة الله وبركاته

الطير لاصارمنخره وسيع اطيب واحسن ويعطيه مجال ما يتعب بسرعه وهي ميزه من الميزات الطيبه في الطير

[نايف الخالدي]

السلام عليكم
كيف الحال يبو حماد
والله الربع مابقو شي وانا مع المري

[خيال الصبحا]

الله لا يهينك ياتواق
وماقصرت
واسفين لازعاجك

[قشاع الرمث]

السلام عليكم ورحمة الله وبركاته

الاراء وظحت.
وهذا المطلوب

والشكر للجميع .

[صلفيق]

انا من راي لا علاقه بالمنخر السرعه حسب تجربتي فأنه لا علاقه بينها لان كان عندنا طير لاحاق ومناخره عاديه جدآآآآآآآآآآآآآآآ ولا وفيه شي ثاني ابي انبه عليه وهو العمر الطير ما يأثر عليه ابد علي عكس كلام الصقاقير لان الطير عندنا من حرب الخليج ولا بعد شارينه قرناس 3 بس اذا لحق لحق والله من شرينه لين ضاع ولا ضاع الا ورى حبار فبل سنتين وهو علي وضعه وسلامتكم