المساعد الشخصي الرقمي

مشاهدة النسخة كاملة : الرد على استفسار عن صدور أمر ملكي يسمح بدخول الصقور الى المملكه


محمد الفهيد
09/05/2007, 10:20 PM
السلام عليكم

المثل ايقول اسأل مجرب ولا تسأل طبيب

تحياتي لك اخوي خلوي
حبيت أضيف رأيي على الموضوع
كان لي زياره لمطار الملك خالد بالضبط تاريخ 02-11-2006
انا وأحد الاخوان وكان معانا 5 طيور
وطبعا جايين من الامارات ، ومعانا ورقة فحص طبي موثقه ، فكان وصولنا تقريبا الساعه 6 صباحا بتوقيت الرياض وكان الوقت متعمد عشان الزحمه والله يسهل الدخول
المهم استقبلونا وقعدنا تقريبا حوالي ساعه في المطار وعقب خذونا لقرية الشحن قسم الجمارك وخذوا الطيور منا وودوها الفحص - كان عندهم فحص وغرف خاصه للطيور .. وقعدنا مع الفحص تقريبا ساعتين

المهم خلصنا الفحص وعطونا الطيور وفي النهايه استلمناها
وحنا عند البوابه ( وين ياشباب تو الناس عطونا ورقة البيئه الي صادره من الرياض ) اي ورقه ، كيف ماعندكم ورقه موافقه بدخول الطيور قلنا لا الطيور معها جوازات خاصه فيها للسفر
قالوا الكلام هذا مايمشي عندكم ورقة ولا ماتطلع طيوركم
يمين ، يسار مافيه فايده
قال لنا واحد يالربع مافيه فايده غيركم كثير ولا نفعت اخذوا لكم ورقة اعادة تصدير واطلعوا من السعوديه



تخيلوا من الساعه 6- الى الساعه 10 في الليل ، للأســــــــــــــــــــــــــــــــــــــف ضيعوا واحد من الطيور الي معنا في المطار بعد الشحن


تحياتي لكم .. وياليت الاخوان يستفسرون اكثر ، وشكرا
لأن اذا ماعندك موافقة للبيئه بأستيراد الطيور ، ماراح تدخل حتى لو معك جواز للطير وورقة صحيه
قلب ذيب
09/05/2007, 11:05 PM
كلام ممتاز من تجربه ملموسه , أذن لابد من الموافقه المبدئيه من البيئه !
لابد أن ترسل (السايت ) الخاص بالطير الى مكتب البيئه في الرياض بواسطة الفاكس وتنتظر حتى يبعثوا اليك الرد وفي حالة تسلمك الرد منهم تقوم بشحن الطيور مرفقه معها جوازاتها او ( شهادة المنشاء ) والشهاده الصحيه وتحضرها الى مطار الرياض 0
السؤال : اذا كان ذلك الاجراء موجود في مطار الرياض لماذا لايطبق على منافذ الحدود على الاقل ( البطحا - الحديثه ) وجزاهم الله خير 0
محمد الفهيد
09/05/2007, 11:10 PM
حياك الله قلب الذيب

ليش مطار الملك خالد بالذات
لأن مجهز بمركز ودكاتره مهمتهم الفحص على جميع انواع الطيور ومكافحة الانفلونزا ان وجدت

تحياتي
الشـ صقرـــام
10/05/2007, 12:00 AM
السلام عليكم

محمد وصلت المطار وما كلمتني

خيرها بغيرها

تحياتي لك
المري
10/05/2007, 12:00 AM
تسلم اخوي محمد الفهيد

وكلامك صحيح وهذا اللي نصت عليه البيئة وشروطها لازم تأخذ اول شي موافقة من عند البيئة ومن عقبه تجيب الطير..

اخوك - المري
Abunaif
10/05/2007, 12:28 AM
السلام عليكم جميعا


يا جماعه انسو الامر الصادر العام الماضي احنا نتكلم عن الامر الجديد الصادر من الملك عبدالله وانا شخصيا استفسرة من بعض افراد الجمارك للمنفذ البري السعودي وقالو صحيح الامر وصل من يومين والطيور تدخل من المنافذ

لكن تحتاج ورقه من الصحة السعودية وتختمها من البيئه ( الحياة الفطرية بالرياض ) وتاخذ ورقة صحه من بلدك بخلو الطيور من الامراض وتدخل السعودية هذا ما قيل لي في جمارك المنفذ السعودي عندنا

الامر اللي يتكلم عنه الاخ محمد الفهيد كان امر يخص السعوديييييييييييييين فقط لستيراد الصقور وماكن يمكن لاي شخص غير سعودي ادخال صقره بتاتا
محمد الفهيد
10/05/2007, 12:45 AM
صقر الشام : تحياتي لك ومخلينك للي أكبر منها انشالله
المري:الله يسلمك وشاكرين مرورك
ابو نايف : تحياتي لك ، ودام فيها ورقت البيئه تراها صعبه

تحياتي
المري
10/05/2007, 12:50 AM
تسلم اخوي ابو نايف على التوضيح وكلااامك صحيح..
Abunaif
10/05/2007, 01:07 AM
محمد الفهيد دام فيها طريقه وامر حتى لو عن طريق البيئع بيكون اهون من المنع :))
محمد الفهيد
10/05/2007, 01:10 AM
ابو نواف :
والله اعرف ناس واصلين وعلاقاتهم قويه انهم رجعوهم
Abunaif
10/05/2007, 01:37 AM
محمد
دخول الطيور والمقناص في البلدان الممنوعه يبي تعامل من تحت الطاوله ما يبي شي رسمي وانا اخوك:)))))))
صقر قطر
10/05/2007, 01:51 AM
يالربع وضحلونا السالفه



الحين لو اني بقطر و بغيت ادخل السعوديه لمقناص الكراوين



يدخل طيري من المركز مثل قبل



و لا شالمطلوب



و هذي الاوراق من وين نطلعها احنا هالقطر



تسلمون
حطاااااب
10/05/2007, 07:37 PM
السلام عليكم ورحمة الله وبركاته
محمد الفهيد 0 0 0 يعطيك العافيه
بالنسبه لترخيص عذر وحاجز فقط يعني بالعربي ماتدخل طيرك الا بواسطه
سوا نظام او غيره وماعينت رجال يقول دخلت طيري بوراق رسميه
كل اللي اعرفهم اوراق وبين الاوراق فتامين يعني اللي يبي لا يفكر
الا وهو ماخذ فتامين بين الاوراق وخاصه فتامين احمر vip
والله يسهل للجميع
محمد الفهيد
13/05/2007, 10:42 PM
صقر قطـــر : ماعندي فكره وأذكره انها ممنوعه قبل

حطــــاب : الله يعين انشالله

وشاكرين مروركم

تحياتي لك اخوي ابو نايـــــــــف
شبراق
14/05/2007, 01:44 PM
الله يجزاك خير على الموضوع

ليش ياربع كل هذا التعقيد ؟
ليش ما يكون هناك بكل منفذ سواء كان بري او جوي يكون فيه طبيب يفحص اي طير يدخل ؟؟؟
ليش التعقيد ؟؟ ليش الحين الواحد اذا بغا يجييب طير من اي دوله على سبيل المثال الامارات يروح اول شي للامارات يدور طير اذا لقاء يفحصه وياخذاوراقه بعدين يرجع للسعوديه يروح للبيئه بالرياض تجلس على الاقل عشرين يوم وذا خلصت بعد جهد واسطه يرجع للامارات ياخذ الطير ويبهذلونه عند الدخله او يضيعون اطيوره او يموت الطير عندهم بسبب قلل الاهتمام او المعرفه اما حاطه مكان حار غامتن والديه .!
وبنهايه تطلع خسران
وهذا الي يسبب كثرت الرشاوي !!
الواحد يدورله واسطه ولا لايشري طير يتوهق

تسلم على الموضوع الجيد
الشمالي 5
14/05/2007, 02:00 PM
تسلم اخوي ابو نايف على التوضيح وكلااامك صحيح
محمد الفهيد
14/05/2007, 10:35 PM
الاخ : شبراق

شكرا للمرور ، والله نتمنى ان هذي الرياضه ماتسير عليها اشكاليات وتسير في النهايه لفئه دون الاخرى ..
الله يسهل الامور ، والله نرتجي خير ،،، بس الي انشوفه انها كل سنه تعقد


تحياتي