وش السر في حب شبابنا ل....

[ليالي المكشات]

السلام عليكم،،،،،،،،،،،،،،
شباب وش سر حب شبابنا وبعض شيابنا لتطعيس وعشقهم له في السنيين الاخيرة :confused: !!!!!!!!!!!!!!!!!

[تكفيني الذكرى]

أليست رياضه وهوايه
وان شاء الله مافيها ضرر
وبعدين ترا الناس ياخوي ملة من المدينه وصخبها
وثورة الاتصالات المساعده لهم سهلت عليهم امور كانوا مفتقدينها من اول

تقبل مني احلى الاماني

[ابن الحناكية]

أليست رياضه وهوايه

[escape_man]

الا خلني انشدك انت.... وشطراء ببالك يوم تنشد وتسئل هالسؤال؟

انا راعي نفود من نعومة اظفاري نظرا لان نص جماعتنا بادية ولو اني حضري ولكن متعلق بالبر

ومن هاك السنين وانا اشوف الشباب متعلقين بالنفود وبالتطعيس... لكن وشكانت مواترهم؟

مواتر ضعيفة لا جيوبها ولا ونيتاتها...

اما الان فالوضع تغير ... والطلعات والمكاشيت صارت خمس نجوم ***** والخيام تطوى

بحقائق يشيلها الورع ... والقارمن مشخصينبه حتى المبزرة وصارت وكالات السيارات تطور

قوة الدفع الرباعي وتهتم به..

السبب الآخر هو عدم وجود وسائل ترفييييه ثانية للشباب تكون كافية ومناسبة لهم

الزبدة وصلتك؟ قل ايه

هذا السبب في رايي وانشاء الله انها ظاهرة مرضية رغم بعض التصرفات الصبيانية الي ماكنا نشوفها قبل سنين في

جيلنا وجيل الي قبلنا ولكن الله يفتح على قلوبهم ويهدييييهم.

[دغيم1]

السلام عليكم
حياك أخوي : ليالي المكشات
بالنسبة لسؤالك هو أنه في القديم كانت الإمكانت قليلة - والمواصلات ضعيفة .
ولكن بعد أن رزق الله العباد ومن عليهم بفضلة - فتطورت السيارات - وتقدمت صناعتها - وأصبحت تواكب حاجات الناس .
كثر عشاق الصحراء بشكل عام والرمال بشكل خاص .
وإلا عشق الناس للرمال من قديم الزمان . .
تقبل تحياتي -

[وش أخباركم]

تغييـــــــــــــــــــر جـــــــــــــــــــو

[المخلفي]

مجرد حب اذا انطحن طاح مافي الراس

[هاوي الحوض]

والله انك صادقـــــــــــــــــــــــــــــــــــــ)

[فتى شنه]

ليالي المكاشيت والله الدراهم واجد وبابا وماما حيين ووش وراه وجيب جديد

وش وراه خله يشب بعمره

[فارس الرس]

فتى شنه]ليالي المكاشيت والله الدراهم واجد وبابا وماما حيين ووش وراه وجيب جديد

وش وراه خله يشب بعمره

صح لسانك[/b]

[الصريح الاول]

مع احترامي لجميع الاراء في الموضوع

فان من يطعس اما انه لم يدفع قيمة السيارة
او ان لديه خفة عقل اسأل الله ان يشفيه
ولكم تحياتي

[اطلال نجد]

هذه الرمال ثروه كبيره نحمد الله عليها ولو كانت في بلاد الغرب لاخرجو منها هويات كثيره والعاب مسليه كذلك لهامردود تجاري كبير مستقبلا 0

[ولد البر]

التطعيس ماهو زين

[العنابي 616]

التطعيس ما فيه اي شي

ولا هو نقص بالعقل لانها رياضة عادية

[عبدالعزيز العبدلي]

اقول اي واحد يحب التطعيس اذا خربت سيارته والا طاب خاطره منها ولا عاد له حاجة فيها

يعطينياها بلاش :) تراني محتاج موتر هالايام


وسلامتكم

[الصريح الاول]

http://mom550.jeeran.com/image31.jpghkhttp://mom550.jeeran.com/image30.jpghttp://mom550.jeeran.com/image29.jpghttp://mom550.jeeran.com/image27.jpg
اخي الكريم انظر لهذه الصور واحكم بنفسك
منقول من
http://www.alhejaz.net/vb/showthread.php?t=51561

[هاوي الله]

مشاءالله على الفكسار اللؤلؤي 2007 بدون جناح قطري مشاءالله تبارك الله سلم لي عليه

التطعيس متعه وفن وقناصه للرمله واناسه وطرد وطردي ياااااااااالبيه

[شعيب المسمى]

والله التطعيس مامثله سعة صدر ولا فيه ازعاج لخلق الله بعدين اياه ولا التفحيط اللي كل يوم والثاني ميت احد هالشباب

ونقص العقل وناخوك في هاللي يسرقون مواتر المسلمين ويفحطون بها وهاللي ياكلونة من المخدرات وغير ازعاج خلق الله يالله لاتبلانا

فمان الله

[sasasasas]

لتطعيس له جوه الخاص

وكل الاعمار يحبون التطعيس من الشباب فقط

وله مقايس للقدياه
يعني فيه اختلاف بين شخص وشخص

[مخرب طلعات]

التطعيس ماهو زين

ومن يقول أنه زين يراجع ملفات القتلى بهالتطعيس

وأنا أحب أطعس بطبيعتي

بس مستغرب وين الجهات المختصه اللي تنظم التطيعيس وتحط إسعاف وينظمون السباقات ويسيجونها من الجماهير

واللي يسرق سيارات ياناس مش لازم يفحط فيها بس ويطعس فيها بعدين يبيعها ب10 إلى 20 ألف ريال

هم مايخافون الله


بس التطعيس ماهو زين خاصه الطعوس الكبيرة مرة مثل اللي بالهافمون اللي بالخبر

خذ لك طعيس كبره 3 إلى 5 متر معليش

بس 10 غلى 15 متر والله حرام لو إنقلبت السيارة ولا إحترقت الماكينه رحت هوا :)

غير كذا اللي بالخبر وش حادهم يطعسون بالطعس مش جنبهم البحر ليش مايجلسون ويكشتون عنده

واللي يقول مافيه غير التطعيس أقوله فيه روح عند الطعس وإكشت جنبه وتفرج على اللي يطعسون بس لاتتحمس وتطعس:)



وهذي نظرتي بالتطعيس

[مطر سهيل]

مع المعدره لاعضاء مكشات الدين يمارسون التطعيس
الا انها اصبحت رياضة اطفال

[المليحي]

فلوس زياده شرو فيها سيار ه للتطعيس وبعدين كل التطعيس سلبي ولا فيه شي ايجابي ابد والكل يعرف وانا عن نفسي اكرهه بشده

[برنو بيشة]

لا حول ولا قوة الابالله العلي العظيم
حرام
ماتعب وشقي فيها
جاتوا باردة مبردة

شكرا لك وتقبل مروري

[راحة باال]

والله أنا خوك إني ما أدري وش أقولك بصراحة صارت موضة (أقصد التشخيص بالتطعيس) يجيك واحد موتره أخر موديل ويكسره وينعن أبوه إلا يرقى الي ما يرقي لا وإلا إنه يرقى بس بجلد رغم إنه يمديه بالهداوه لكن إستعراض وفتوه ولا يخفاك ما يصير من الشباب الله يهديهم بأيام الإختبارات من رقص وخربطه الله يهديهم وحتى تدري إنها موضة تجيك عينات وأشكال ما لها بالبر وإزعاج للمسلمين لا وغير كذا الي يركبون بسياراتهم خربطه وسدسده وماني عارف ايش من سبل وأصوات لإزعاج وأذية للنفس والمسليمن لكن صدق لو الموتر شارينه بدراهمهم ما سووفيه كذ ا:no2: :no2: :no2:
الله يهديهم بس ويعقلهم

[راحة باال]

والله أنا خوك إني ما أدري وش أقولك بصراحة صارت موضة (أقصد التشخيص بالتطعيس) يجيك واحد موتره أخر موديل ويكسره وينعن أبوه إلا يرقى الي ما يرقي لا وإلا إنه يرقى بس بجلد رغم إنه يمديه بالهداوه لكن إستعراض وفتوه ولا يخفاك ما يصير من الشباب الله يهديهم بأيام الإختبارات من رقص وخربطه الله يهديهم وحتى تدري إنها موضة تجيك عينات وأشكال ما لها بالبر وإزعاج للمسلمين لا وغير كذا الي يركبون بسياراتهم خربطه وسدسده وماني عارف ايش من سبل وأصوات لإزعاج وأذية للنفس والمسليمن لكن صدق لو الموتر شارينه بدراهمهم ما سووفيه كذا ا:no2: :no2: :no2:
الله يهديهم بس ويعقلهم

[alhjer]

السلام عليكم،،،،،،،،،،،،،،
شباب وش سر حب شبابنا وبعض شيابنا لتطعيس وعشقهم له في السنيين الاخيرة :confused: !!!!!!!!!!!!!!!!!

مـــوضـــة وتـوفــر الإمكانيـــــــــات :redcar: