جاكم القرررررررررراد

[الابتر]

السلام عليكم ورحمة الله وبركاته
والله يجماعة الخير عندي قردان ذبحن الذيخه أخذت من البيطري وللأسف البيطرين عندنا في القصيم سباكين :mad:
المهم عطاني واحد منهم علبه نيكل وجدعت شعر الذيخه والثاني عطاني بودرة ويمدحها ألماني ومدري كيف مادري القراد واصل ألمانيا الله أعلم:eek: وما استفدت شي .
فتكفون يالربع الي عنده علم في هذا المجال لايبخل علينا ويعطيكم الف عافيه

[طير قحطااااان]

اسلام عليكم ورحمت الله وبركاته
ابشر الابتر بل علاج عليك بلفليت يمدحونه بس لا تكثر وثانين عليك بزيت المحروق زين له وثالثن
عليك بل جره تصب في طاسه شوي بس يعني ملعقه صغيره وتكثر الماء على الجره يعني كوبين ماء ونص
وحسلك ياخوك الجره زينه مره له انا ادري بتقول اني مهبول وتقول ان الجره للجرب بس والله انهاء زينه مره
وزيت المحروق مع فلفل وثوم زينه بعد زيت اكل مطبوخ وحره وحطه في قوطي نيدو وقطع اثوم والفلفل وحطه
عليه ونشاء الله يتعافاء انا عطيتك ثلاث طرق ويالله التوفيق
اخوك : طير قحطاااااااااااااااااان:heart: :good2:

[الوافي عزام]

انا يمكن اول مره اشارك معكم بهذه الخيمه وهذا مما يسعدني
واعذرونا الطيور اشغلتنا عنكم

وكلام اخوي طير قحطاااان ما ازيد عليه الا شي واحد وهو اننا نروش السلق بماء صبخه خاصه لاصرنا بمقناص تصير متوفره وتراها زينه بالحيل اذا شربت السلق منها خاصه وهي ضميانه ان كان فيها ديدان نضفت بطون السلق

وهذي والله مجربينها وطريقه فعاله

وبالتوفيق

[راعي الفلوجه]

اخوي الابتر ...
عليك بالقاز او الديزل برش السلق ولا تكثر على السلق ورش مكان السلق وكثر في المكان وان شاء الله يروح ...
مــــلاحظــــه : ترى الريحه ما تروح من المكان ومن السلق الا بعد فتره طويله بس يمحي ام القراد ..

ومشكور على هالموضوع الفعال ..

[القحطاني505]

اخوي الابتر وشحالك عساك بخير الله يبعد القراد عنك

ابقولك طريقه وان شاء الله تفيدك::
1-اول شي لابد يكون المحل نضيف علشان مايجيك الوصخ والقراد والعقارب والحيات...
2-انقض التراب القديم اللي بمحل السلق وصب زييت محروق وبعدها حط رمل مالح وفوقه رمل حر
3-يباع دواء القراد واضنه الموجود عندك رش المكان ومثل ماقلتلك اهم شي نظافة المكان من باقي الفضله وباقي اصرافهم
4-لاتخلي الاكل تحتهم
5- الله ييسر امرك وان شاء الله ماتشوف شر
6- تقبل مروري....

[طلو]

عليك والله بالجاره وا

[طلو]

عليك بالجاره والديتول رش محل السلق وشف النتيجه

[ابو تمام]

اخوي الابتر انا مثلك قبل اسبوع لقيت القراد لاعب في السلق جبت جره وخلطتها مع المويه وجبت رشاش هذا اللي يشتغل بالظغط وسبحت السلق ورشيت مكانهم بالجرة واشوى راحت عنهم


تقبل مروري،،،،،

[borsh]

ابره تباع بالصيدليه وعطهم وفك نفسك (ابره القراد)

[الشمالي 5]

1- غير مكان السلق او نظفه كل 3 ايام


2- عند البيطري محلول للقراد اشتره وحطه ببخاخ ورش السلق كل يومين ;) وحده بوحده.

[ابو صاالح]

غرابيل هالقرااد الله يعين عليه

[المهاااااجر]

اخوي الابتر ...
عليك بالقاز او الديزل برش السلق ولا تكثر على السلق ورش مكان السلق وكثر في المكان وان شاء الله يروح ...
مــــلاحظــــه : ترى الريحه ما تروح من المكان ومن السلق الا بعد فتره طويله بس يمحي ام القراد ..

ومشكور على هالموضوع الفعال ..


ومز يد على اخوي راعي القلوجه

[المواادع]

رش افليت على مكان السلق

[راعي الرام]

فيه اطواق خاصه للقراد قيمة الطوق 30_40 ريال تحمي السلق لمدة 4شهور تباع في محلات الحيوانات و هي حمايه من القراد، القمل و الحلم.
خذ شوري و ما رح تندم

[سلطان العوني]

عليك بالجره انا بكره بروش السلق بالجره واشربهن منها

وانتظرني وشوف النتيجه والطريقه للصب الجره لانها حاره بالحيل وقويه

[هاوي سلق]

الله بنجينا وياك من كل مكروه
الاخوان عطوك الحلول وعليك الاختيار ماقصروا النشاما
والله يكون في عونك

[الابتر]

الله بالخير يجماعه والله يعطيكم ألف عافيه على هذه الإقتراحات وطرق العلاج فوالله إن ألي سويتوه حلحين إنه مرجع لكل من يعاني من هذه المشكله ومشكورين جميعكم على المرور السريع وقولو آميييييييين إن الله لايسلط علينا هلقراد اللعين والسلام عليكم ورحمة الله وبركاته



أخوكم الابتر .

[هاوي سلق]

الطريقة المثلى للتخلص من البراغيث فى الكلاب:-
--------------------------------------------------------------------
ال revoultion أو bars الروسى
أو شامبو item أو no lice shampoo
الديازنزن diazenon
واحد سم منها على لتر ماء يمكن اعطاء الكلب معها ال ivermectin تحت الجلد واحد سم لكل 50 كيلو
مع أهميه رش المكان بالديازنون المركز

يراعى عند احتفاء البراغيث .. اعادة استحمام الكلب مرة أخرى كل اسبوع أو اسبوعين لان البراغيث تنزل بيض بين شهر الكلب تقفس بعد اسبوعين و تعاد الاصابة مرة اخرى
اذا مانجح معك شي طبق الخطوات هذي
والادوات تلقها عند البيطري