مع طلو الكلام يحلو عندكم استعداد ولا لا مهم للغايه [الأرشيف]

طلو

12/05/2007, 02:50 AM

السلام عليكم ورحمه الله وبركاته
اخواني المكشاتيين
حسب البيان التالي
قررت لجنتي الموقره المكونه مني ومن نفسي باقامه بطوله تحمل اسم بطوله مكشات للصيد بالسلق
وسوف تكون خلال العشره الايام المقبله وما بعد وطريقتها
اولا .المسافه 4 كيلو واذا جاء للضبي رد ينتهي السباق
ثانيا . عدد الكلاب لا يتعدى العشره
ثالثا .المشاركه 100 ريال
رابعا.السلوقي الي يرد الضبي له ضبي جائزه ويتاهل للنهائي
خامسا.اذا ماردو الضبي السلوقي الي يصفي وراه يعتبر الاول ويتاهل للنهائي
والمهدات سوف تكون 10 مهدات مختلفه علا عشر مناطق مثلا الدوادمي القصيم الرياض الحسا حائل الطائف تبوك وغيره
وسيكون هناك هدد نهائي وتكون الجائزه قيمه لن اذكرها وتعتبر الجائزه المكشاتيه للسلوقي الفائز ببطوله مكشات
وجائزه للمركز الثاني
وسيكون هناك تغطيه من بعض الصحف والمجلات
تكفون ياهل مكشات بيضو وجهي وخلونا نسوي التصفيه وننتهي
الي عنده استفسار يتصل 0556685058 ابونايف
وللمعلوميه هناك لجان لتحكيم البطوله
وارجو ان جهودي لا تخذلكم كمكشاتيين وشكرا
اخوكم طلو

سلطان العوني

12/05/2007, 03:01 AM

اخوي ابو نايف
انت جايب لك سلق ما شاء الله تبارك عليها وتبينا نحط سلقنا مع سلقك والله اللي غبرن بها سلقك
عموما نسأل عن السلق المشاركه اللي بالرياض ومالك غير اللي يبيض وجهك

نديم السهر

12/05/2007, 03:24 AM

يعطيك العافيه

خوش للجنه وخوش بطوله عساك على القوه

طلو

12/05/2007, 03:34 AM

اخوي سلطان ماراح اشارك بسلق الا الازرق فقط واذا نجحت البطوله الله يعينكم البطوله الثانيه والمقصد منها احياء هذه الهوايه واحيياء شي لم يكن موجود بالسعوديه قوم تعاونو ما ذلو وحنا مانستغني وانا صامل
اخوي نديم السهرمشكور على المرور والدعوى عامه لدول الخليج
ومن كان من خارج السعوديه يحاول الاتصال بي للتواصل من اجل الموعد والمكان والمجموعه

borsh

12/05/2007, 03:38 AM

الله يعطيك العافيه ويوفقك

طلو

12/05/2007, 03:41 AM

بورش الله يعافيك وللمعلوميه لو يجي عشرين سلوقي في مهد قسمناهم قسمين كل عشره على ضبي

راعي الفلوجه

12/05/2007, 06:24 AM

اخي وصديقي ومشرفي العزيز طلــــــــــو ... هههههههههه
والله فكره من احسن ما يكون وشروط على كيفك ولجنه محترمه وش بقى ما بقى الا انا نقول تم وهذا انا اقولها تــــــــــم تـــــــــم تـــــــــم وبعدين لا تقول تكفى ترى تكفى ...........الـــــخ ابشر بعزك ..
وينكم يا مكشاتيه مشرفنا يقول تكفون وش تبون بعد هدد وجوائز وتصفيات ومنافسات وفي اكثر مناطق تواجد السلق فيها يعني يجي هدد عندك بديرتك .. لا تشيل هم يا ابو نايف الريجيل يبون يوافقون ان شاء الله ..
واخيرا" الف شكر لك يا مشرفنا وجهودك اللي تقدمها من اجلنا ومن اجل منتدانا الغالي .

سلطان العوني

12/05/2007, 06:25 AM

اخوي ابو نايف ابشر ان شاء الله

الاشعل 316

12/05/2007, 10:21 AM

مشكور اخوي

واهل الحسا ينتظرونك

وتقبل تحياتي

اخوك ابو سطام

ولد أبوظبي

12/05/2007, 10:43 AM

السعوديه بعيد علي عموما بنشر الموضوع عند ربعي اللي عندهم سلق سبوق

واذا شفتهم تحمسو تراني اولهم بس بجي مع الكاميره مالي اسوي تغطيه هههه

تسلم على هذي البادره الطيبه الله لا هانك

تحياتي لك

الوافي عزام

12/05/2007, 11:14 AM

الله لا يهينك يابونايف على المسابقه المباركه

انا من ناحيتي احسبوني مشارك معكم بالسباق (بذيخ واحد فقط )

وانا موجود بالرياض ومستعد للسباق لاكن ياليت قبل السباق نعرف الموعد بفتره عشان السلق لها اكثر من ثلاثة شهور وهي ما تحركت

وبالنسبه للانظمه ماعندي خلفيه عنها مثل اللجان والترتيبات الازمه لاني والله ماقد دخلت لسباقات ولا حضرتها

وشكرا لك

ابو صاالح

12/05/2007, 11:49 AM

والله يا مشرفنا ما عندنا سلق حقات مهدات ما عندنا إلا حقات أرنب مير الظاهر نبي نشارك والدعوه الوناسه ، تشكر على ما تسوي

المهاااااجر

12/05/2007, 12:01 PM

عساك على القوه

المواادع

12/05/2007, 12:16 PM

الله يعطيكم العافية

طلو

12/05/2007, 12:39 PM

اخوي راعي الفلوجه ان حصل اجتهاد فهو من اجلكم والله الموفق وشف مثل ما قلتلك 10 سلق واذا كملو حددنا الموعد والهدد بالجردوالضبي والم والحديد يقرب البعيد وقد يكون يالخميس هذا ولا الي بعده

هاوي سلق

12/05/2007, 12:49 PM

الله يقويك على البطولة واتمنى لك التوفيق فيها يابو نايف
وكان ودي اشارك لكن تخبر السلق مسروقه

طلو

12/05/2007, 12:52 PM

ابشر بالخير وحضورك يكفي واكبر فخر انا يمكن ما اشارك بالسلق ما حد يدري وش المكتوب وشكرا على المرور

قناص الرياض

12/05/2007, 12:54 PM

الله يبيض وجهك أخوي طلو

واعتبرنا أول المشاركين

أخوك قناص الرياض

القـــناص

12/05/2007, 01:55 PM

][ طلو ][

مشكووور على هذا الموضوع ...

الرائع .. والفكره .. الاروع ...

وان احتجت اي شي حنا جاهزين ابشر بعزك ...

|
\
][ القـــناص ][

الشمالي 5

12/05/2007, 02:00 PM

الله يعطيك العافيه ويوفقك

صياد الوعل

12/05/2007, 02:17 PM

تحيه طيبه

و الله جبت الضايعه :good: ,,, خلنا نعرف ,,, ؟؟؟ على كل حال اعتبرني و الاخ / الفيتو ومن يحب ,, منسقين الطايف والحجاز :) ,,,

و الموعد ,,, لوكان بشهر جون (جماد اول ) يوم خميس صباحا ,,, ويا ليتك تعمل جدول للمناطق ,,, وتقاس السرعه خلال السباق ,, كأن نقول قطع مسافة 4 كيلو بزمن !!! او نقيسها من خلال الاشرطه ,,,

,, الله يحييكم ,,,,,,,,,

ابو صاالح

12/05/2007, 02:19 PM

ياخي اذا كان تحدي للسرعه ليش ما تخليها ثلاثه كيلو تكووون كافيه لأن فيه سلق سبوقه بس ما تاصل اربعه كيلو إلا وهي منتهيه من ناحية النفس فثلاثه اعتقد انها الأفضل

<عاشق الصمان>

12/05/2007, 02:42 PM

يعطيك الف عافية على الموضوع والفكرة الطيبة من مشرف أطيب و المفروض يصير هذا الكلام من زمان لإن في السعودية سلق دواهي صواريخ بس المشكلة المهدات الخاصه ماتبين شئ لو تصير سباقات وبطولات وجوائز مدعومة وتنظيم تشوف شئ يهول.
نسأل الله التوفيق إلى الامام.......
آسف على الأطالة....

ملكانو

12/05/2007, 04:27 PM

الله يحييكم بالطايف ,,واحسبو حسابي جاهز ,,,يا صياد الوعل نشكرك ,, و الفيتو كفو و الله !!!! جاهزين للمهد ,

اعطونا الموعد !!!!

اربعه كيلو ,,, اربعه كيلو ,,, لا تغير المسافه ,,, العربي الاصيل يقدرها ,,,و المسافه المعقوله ,,,

ذيب عتيبه

12/05/2007, 05:33 PM

وين اللي يبيض الوجه

ذيب عتيبه

12/05/2007, 05:34 PM

ياأخوان تراكم تقهرونا والله ؟؟ ههههههه والله العين بصيره واليد قصيره
مابيدي والله حيله عزوتي اللي أعتزي بها بالمهدات راااح
سلوقيي ((سـلاح)) ...راح والله يعوضني بأخير منه
الله يعوضني
بالنسبه للسباق والمهد فأنا والله من المؤؤيدين وبشده على الفكره فهي ممتــازه وكنا نرتقبها من فتره طويله
وأبشركم صمنا وصمنا وفطرنا فطور زين دام طــلو والفيتو وباقي الذيابه هم المشرفين على هالمهد
والله ودي اشارك لكن هالفتره والله الشاهد ماعندي شي
لكن البركه فيكم والله يوفقكم
عساكم على القوه وتبيضون الوجه أنشاء الله والله معكم
واليا كان المهد فيه بالرياض الله يعافيكم تعطونا المكان بالظبط بالرياض((على الاقل نجي نتفرج ))
دام
طلو
الفيتو
صياد الوعل
والجميع لهم يد بالمهد
فأبشروا بمهد طيب وتنظيم أطيب
::::::::::::::::::::::::::::::::::::::::::::::::
العين بصيره واليد قصيره
تقبل مروري

يتيم بلا زايد

12/05/2007, 05:38 PM

مرحبا بأخوي طلو مشكور لدعمك وأحياء هذه الرياضه واذا كانت المشاركه للجميع احجزلي بأسمي على اثنين من السلق إلي عندي ولا تنساني وبتشوف رسالتي على الخاص 000000000000000

صياد الوعل

12/05/2007, 10:59 PM

تحيه طيبه
الاخ العزيز طلو ,,, اشوف الردود تأخرت ,, فلو الاخوان ببقية المناطق غير :no2: متشجعين على المهد اوغير جاهزين , لاي اسباب كانت !!!
الله يحييكم عندنا بالطايف ,,, الجو زين و براد ,,, ,, و امطارنا ولله الحمد يوميا ,,
و تراكم على الرحب و السعد ,,,, لكن الفكره لازم تتم ,,:good: , باذن الله ,,,,

عبادي 91

12/05/2007, 11:52 PM

اجتهاد حلو منك طلو بس ؟

غيرها مافيه مهد في الدمام اعرف ناس واجد بتشارك وانا بتصال عليك واتفاهم وياك.

بن قضيب

13/05/2007, 12:04 AM

اخوي طالو فكرت جميله ولاكن مثل هذا الهدد يحتاج تجهيز يعني اخوني الي أسلق حقه من ثلاث اشهور وقف ايريدله شهر عشان يرجع لياقته والوقت قصير اذا كان السبوع الجي على العموم اخوي طالو الفكره جميله بس ياليت السنه الجايه اتكون في الشتاء عشان الجوي والسبب الثاني اكثر الشباب ايوقفون السلاقه في الصيف وياليت ويعلن عن تاريخ المسابقه بشهرين علي الاقل علي اساس الواحد يجهز تقبل تحياتي اخوي طالو

ملفي و مقفي

13/05/2007, 01:09 AM

أخي العزيز طلو مشكور على الفكره

وعلى المجهود الرائع

والله يكتب الي فيه

الخييييييير

الهم آمين

تقبل مروري

مورد القيفان

13/05/2007, 01:15 AM

والله تقول وتطول والله يعافيك على المجهود الي تبذله والله يكون بعونك وعونا الجميع والله يوفق

أسير مكشات

13/05/2007, 01:20 AM

اخوي طلو يعطيك الف عافيه وما قصرت

طح طوح

13/05/2007, 01:28 AM

اولاًمشكور علا المجهود الي بتبذله

ثانياً الهدد الي في الرياض بتاريخ كم

ولنا لقاء ان شاء الله

راعي الفلوجه

13/05/2007, 04:37 AM

احسبــــــــــــــو حســــــــــــــااااااااابــي مـــع اهــــــــل الطـــــــــاااااااايـــــــف ( الطايف احلى )

صياد الوعل

13/05/2007, 01:04 PM

تحيه طيبه

الاخبار زينه ,, ياراعي الفلوجه ,,, لو تحدد موعد المهد بالطايف ,,جهز حالك ,:good: , و ندعو الاخ /طلو لاختيار منسق لكل منطقه و البدء في تحديد المواعيد ,,,

STOP

13/05/2007, 02:03 PM

الله يعطيك العافيه يامشرفنا ...

hail.com

13/05/2007, 02:37 PM

جزاك الله خير وبيض الله وجهك أخوي طللللللللوووووووووووووو

ولد ال زايد

13/05/2007, 03:11 PM

مشكور اخوي طلال على المهد وعلى تفعيلك لهذي الرياضة ومن ناحيتي إذا بغيتوا الجائزة النهائية نقدمها بإسم المركز الوطني للسلق ابشروا وتكون سيارة ( شاص ) يقدمها لكم الأمير نواف تبرع من عنده وإذا احتجتوا تصاريح أو أي شيئ من هذا القبيل انا جاهز.

راعي وطيه

13/05/2007, 05:44 PM

والله ما عندك غير المهايط يا طلو

وليد888

13/05/2007, 06:33 PM

هذا الشغل الي يخلي هالصيف يروح بسرعه.......
الله يبيض وجهك يااخي طـــــــــــــــــــلو.......

العتيبي %

13/05/2007, 08:10 PM

ومشكوووووووووووور على المجهود الكبير
حدد الموعد وانشاء الله نبي نشارك

طلو

13/05/2007, 09:29 PM

بسم الله الرحمن الرحيم
اولا اشكر كل من مر على هذا الموضوع كل من ساهم في المشاركه بانجاح هذه البطوله والشي هذا والله يعلم ان المقصد ورى الفكره الى هو تطوير هذه الهوايه وانتم قول وفعل
مالكم بطول السوالف
المهم اي منطقه تجهز للمهد ويتكفل كذا شخص بالمساعده بالتنضيم يتصل بي ونبدا بالمهد باسرع وقت

sasasasas

14/05/2007, 12:47 AM

الله يكتب الي فيه

الخير

عروق الدهنا

14/05/2007, 02:13 AM

مشرفنا ابونايف
قول وفعل
وابشر باللي نقدر عليه وترانا نعين ونعاون وانت تدري طال عمرك

واذا جيت لرياض تراك تدل محلك

ابي اتصل عليك ونتفاهم على مهد الرياض

والسلام ختام

راعي الرام

14/05/2007, 03:29 AM

الفكره ممتازه لكن
التوقيت سيئ جدا
المفروض يكون من شهر 10_2 فرنجي

راعي الفلوجه

14/05/2007, 05:30 AM

عســــــــــــــــــــــــــاااااااااااااكــــــــ م عـــلى القـــــــووووووووه .

مزيون بيرق

14/05/2007, 05:54 AM

سلام عليكم
يعطيك العافيه اخوي طلو على هالمجهود والله يكتب الي فيه الخير
وتقبل مروري

ولد عنيزة

14/05/2007, 05:59 AM

مشكور وماقصرت على المجهود الرائع يااخ طلو
وتراي من المشاركين انشاء الله بس انت علمنا متى السباق

(القناص)

14/05/2007, 01:52 PM

طلو انا اشهد انك كفو وابد ابشر بسعدك تامر امر بالي تبيه واذا نقص عليك شي علمني

وتقول وتطول يابو شنب

والله يوفق

طلو

14/05/2007, 03:35 PM

مرحبا بالجميع و
نبي فعل مانبي كلام
وانشالله اني جازم لابعد حد ومتحمس والبديه قد تكون الخميس القادم او بعده
لئن فيه منطقه جاهزه واعطوني خبر بس ينتضرون الموعد والترتيب
وانا انتضر التغطيه الاعلاميه فأن حصلت والا ما انتضرتها بديت وشكرا

هاون

14/05/2007, 05:00 PM

قدها وقدود يابو نايف ... والحمد لله على سلامتك

((الطرقي))

14/05/2007, 06:03 PM

مشكور ياطلو (المشرف )

اجنا في الرياض وهد واناوربعي جاهزين يالغالي
وفيه كم منطقه حلوه برحه لأرض
واتمنا الي يحضرون من المشاركين وليس المتطفلين
رد لي ترانا وجاهزين ننتضرك انت والمشاركين

ولد ال زايد

14/05/2007, 06:07 PM

اخوي اقريح الحضور للجميع لايشترط لأصحاب السلق فقط بالعكس فيه ناس مايملكون سلق بس لهم هواية فيها ولا هو من حق احد انه يمنع احد من الحضور .

تقبل رأيي بسعة صدر

((الطرقي))

14/05/2007, 06:14 PM

القصد كله عدم حضور المتطفلين اللي يسببون المشاكل ويسببون خطر علا السلق من دعس وزحمه وغيره
والي تشوفونه يصر اتمنا رأيي ما ياخذ اكبر من حجمه
بس هاه المشرف وينه
ترانا نقول ونفعل انشأالله لايطول علينا بالرد

ابو تمام

14/05/2007, 09:32 PM

الله يعطيك العافيه يابونايف إن شالله تكون بطوله قوية بس أهم شي الترتيب الزين وعدم مضايقة السيارات للسلق

تمنياتي لك يالتوفيق وانا ان شالله بحاول اشارك

تقبل مروري