مـــجـــــلة (( مــكشــات للصقور )) تصدر قريــبا !!!!!!!!!!

[المري]

السلام عليكم .. اخواني الاعزاء


الليله موضوعي مختلف تماما عن المواضيع السابقة .. الا وهو تأليف مجلة بأسم : مــكــشـــات للصقور !!!!!

حيث ان مافيه مجلة تختص بهذا المجال.. صحيح في مجلات تختص بالطيور والبل وغيرها ..

واذا جيت تتصفح المجلة تحصل كم صحفة لقاء مع صقار والباقي كله عن البل والخيل..

وبخصوص منتدانا الطيب هو اكبر موسوعة تتكلم وتتحدث عن الطيور والصيد البري وطلعات المقانيص

وهو يتكون عن الكثير من الأقسام...

المهم الكلام فيه زايد وناقص عطنا اللي عندكم وكل ورايه..


وسلامتك

[ملاعب الريح]

الله يقويكم يبو معيض وفكره روعه


ولو عندي خبره كان عاونتكم لاكن مثلك خابر.......


تحياتي لك (ملاعب الريح)

[المري]

مرحبا اخوي ملاعب الريح

وعلى ماقال المثل : (( مامن ضعيف ينفع ضعيف))!!!!!!!!!

كلنا سوا

[المري]

أول مانحط في المجلة من المواضيع:

أنتاج صقور في المملكة !!!!!!!!!!

اللي عند عرادي

حلوى بذا الموضوع ..

ونصوره ونصور فريخاته

ياسلام...

[مران]

والله يابومعيض فكره جيده وممتازه وانا اقدر اساعدكم بالي تامرون وخاصه ان تخصصي لغه عربيه بشرط تخلون في المجله زاويه لمقالاتي هههههه وابشر بعزك يابومعيض

[#الفارس#]

خوش فكرة يا المري

وياليت يكون فية لقائات مع صقاقير مشهورين وشعار ودكاترة بيطريين ومن هلحركاااااات
عاد اتم ابخص
وجهت نضر فقط لاغير ..

اخوك الفارس

[ذيب البر]

مسااااااكم الله بالخير جميعاً دايم نشيط يابو معيض وتدور الجديد الله يوفقنا وياك لما يحب ويرضى

أذا مجله خاصة بالاعضاء وتشمل جمع المواضيع المميزة وتباع على الاعضاء هذي في نظري حلوووووووووه وفيها من

الذكريات والمواضيع المميزة الشيء الكثير ......

أما اذا كانت مجلة عامة فاأنا برأيي الشخصي تحتاج مجهود كبير يترتب عليه امور كثيرة لا تخفى عليك من تسويق ودعاية

وتكلفة والمجلات بشكل عام قل الاقبال عليها بعد الانترنت وهذا رايي اصحاب بعض المجلات في بعض المقابلات معهم

وأتوقع المواضيع الخاصة بالصقور محدوده نوعاً ما مقارنة بمجلة عامة يعني المواضيع يمكن تغطي اعداد معينه

وبعدين مافيه جديد يذكر الا نادراً علشان كذا نشوف بعض المجلات الشعبية تختص بالبل والصقور وامور ثانية

حتى تنوع اولاً وتجذب القاري ثانياُ ....... والظاهر فيه مجله مختصه اشوفها عند المستشفى وانا ماقد شريتها

الظاهر اسمها الصقار او الصقر والصقار


اعتذر كاني حطمتك يابو معيض ههههههههه بس هذا الواقع

تحيااااااااااااااااااااااااتي

[المري]

بذاخ - الفارس- ذيب البر

ماقصرتو وتسلمون ..

بس حبيت اذكر ان المجلة سوف تنقسم على عدة أقسام:

1- لقاء من صقار.

2- أعذب ماقيل في الطير والمقناص.

3- رحلة قنص.

4- مسابقة العدد.

5- لقاء مع أحدى أعضاء مكشااااااااااااات.

6-عيادة مكشااااااااااات.

وكثير من المواضيع..


المواضيع كثيره وحن مانبغى صفحات واجد , 20 صفحة كفاية كبداية..

[مران]

والله يابو معيض انا اشجع الفكره ولك الراي

[BeLoveLy]

السلام عليكم
ماشاء الله الشباب ما خلو شي :) كل ما جيت بقول شي لقيت الربع سابقيني عليه :)
على العموم قواكم الله و الي تامرون فيه انا حاظر :)
الى الامام يا بو معيض

[الاشعل 316]

هلا ابو معي مشكور

وما قصرت وبيض الله وجهك

عساهم بس ما نسوا صورتي لانهم قالوا في الصفحه الاولى

ههههههههههههههههههههههههههههههههههههه

امزح وياكم

تقبلوا تحيات

اخوكم ابو سطام

[ابرق العزاف]

هذا طال عمرك اذا تبغي تصدر مجله وتوزع في الاسواق

اول شي
1- دراسه للمشروع من مكتب استشارات
هو اللى يشوفلك مشروعك مكسب والا خسران

2- يبيلك راس مال ضخم حتى تصدر
3- الحصول على ترخيص من وزارة الاعلام
وتطلع عينك ماطلعت الترخيص لكثرة مشاكل ممنوع
4- يبيلك مكاتب في عدد من الدول للتوزيع وطباعه كذلك
5- يبيلك طاقم فني
6- يبلك توزيع واجرة بريد
يبلك 0000 يبيلك 0000 يبيلك 0000الخ
اعتقد التكلفه التشغيليه كاملة تتجاوز 200000 مئتى الف ريال
في الاسبوع
واري ان تفتتحها هنا في المنتدى بحيث تخصص لها صفحه فهذا افضل
بكثير وشكرا

[*الـزيـن*]

والله ياهي فكره

اذا بغيت شي عندي خبره في المجال

وابشر بالي تبيه اهم شي صوره المجله وانا ماسك سداح قل تم ههههههههههههههههههههه


يابعدي ياالمري ماتجيب الا الشي الزين والي ندورعليه من زمان وفعلآ نمسك مجله شعبيه وندور ومانلاقي الا صفحتين وتتكلم عن شخص واحد وعن الطيور والقنص ومثلك عارف صفحتين هاليومين ماتمشي الحال


وبالنسبه للصور انا مستعد اطرحلك صور ولا هي في النت ابد والي تبيه حاظر وتحت امرك من بدايه طرح الطير الى المقيض !!






اخوك الزين

[الوافي عزام]

حياك الله يابومعيض

اول شي الدعوه يبيلها واحد فاهم بطريقة ترتيب المعلومات بالمجله

والا المعلومات والمقابلات وغيرها من مواضيع امرها هين وسهل جمعها بالتعاون مع بعضنا

وبعدين كبدايه ما نبيها تصدر مثلا كل شهر مهيب مشكله لو تاخرت الى شهرين وشوي عشان اذا صدر العدد اللي بعده والاه مرتب ومنضم ومواضيعه جديده

والمواضيع كثيره عن الطيور وعلاجها وقرناسها وهددها واماكن الصيد والشعر والمواقف ووووالخ

والله يقوينا جميعا لما يحبه ويرضاه

وانا معكم من الالف الى الياء والي تبونه انا جاهز به

لاكن ارجع واقول يبيلنا واحد عنده خلفيه عن طريقة ترتيب المواضيع وادراجها بالتسلسل

[نايف الخالدي]

كفو والله يابو معيض
ابشر والله بالصور وهذا الي نقدر عليه
بس لاتنسى تحط قسم للطيور الضايعه
او الطيور الي للبيع

[المري]

تسلمون جميعا

بس أبرق العــــزاف حطم الأماااااااااااااااااااااااااااال

الله يسامحه..

**

عسى الله يجيب لنا واحد من الاعضاء ينشطن

[الاشعل 316]

ابو معيض و رايك اصورك وتحط صورتي بالمجله

هههههههههههههههههههههههه

امز معك

[][ الأصيل ][]

الاخ المري الاخوة الزملاء

بعد التحية ومزيدا من التقدير والاحترام

موضوع جميل ورائع ولكن اسمح لي بالاتي

اولا انت ذكرت بأنها مكشات للصقور وأنا هنا اخالفك والخلاف لايفسد لنا قضية

وهي اذا كنت تتكلم عن مكشات فهو شامل فمثلا نتكلم عن الصقور ونتكلم عن الصيد بجميع اشكاله مثلا بالصقور والسلق والبندق ونتكلم عن الصيد البحري ولقاء مع هواة الصيد فحتما هنا نكسب الجميع
فالحقيقة موضوعك جميل يالمري وأنا معكم أعين واعاون واللي تبونه جاهزين
وننتظر تفاعل الاعضاء لكي نكسب الفكرة المرجوة
دمتم بود جميعا

اخوكم

الاصيل

[راعي الكوبج]

ماقصرت يابو معيض الله يطرح الي فيه البركه تحياتي راعي الكوبج

[ابرق العزاف]

ابو معيض

اذا بتحطونها شركه تراها فكره جيده كونهااسست شركه
واذا ظهرت الشركه على الوجود
التصريح للمجله بسيط تروح دول بره بــ 500 ريال
تطلع الترخيص من حقون (ولو بنخدمك)
ثم ان الموظفين حسب نظام العمل والعمال يلزمك لهم مواصلات وسكن
واعاشه 00000 يعنى شغله ولا هى هينه ثم دار الطباعه تطبعها لك بكم
وكم عدد تطبع ثم المسترجع كم من العدد الصادر ويبي لك مستودع تشيل فيه الاعداد
المسترجعه من السوق 000000 ازيد والا يكفي
(( ان شئت الزياده زدناك)))

ثم كم سعر المجله لابد ان يكون منافس في السوق
تم المراسلين اقل شي عشره في الخليج غير دول بره
وكل واحد لازم يكون مؤمن اللقاءات مع الضيف ثم اذا
يبي له ركوبه تحت رجله واحيانا تذاكر طيران وفندق
سكن على شان يسوى مقابلات
(( شغله مكلفه ماديا))

ثم لابد ان تبيع من المجله عدد معين والا انت خسران

[خيال الصبحا]

وعليكم السلام
والله يابو معيض ماأنت بسيط
وأنا أشهد أنها فكره ممتازه
وحنا معك قلبًا وقالبا
وأبشر بالي نقدربه
والمنتدى مليان مواضيع راهيه
تكفي لنشر خمس أعداد ، والباقي نقوم باعداده
وشكرًا

[الحضري]

السلام عليكم ورحمة الله وبركاته



ابو معيض حياك الله اخوي وحيا الله الاخوان جميعا .. بالنسبة للمجلة فلا تحسب الموضوع بالامر الهين المجلة تحتاج الى جهد كبير جدا
انت استخرج تصريح من وزارة الاعلام ..؟! بالاول بعدين انتفاهم

انا اشوف ان اخونا ابرق العزاف هو اكثر واحد من الاخوان عنده دراية وخبرة في هذه الامور وقد فادك كثيرا

وعلى فكرة ترى مجلة متخصصة في مجال الصقور فقط !! لا أرى انها ستستقطب عدد كبير من القراء لكنها ستجد اهتمام من متابعين هذه الهواية لهذا نرى وجود عدد من المجلات متنوعة مثلا في الابل والخيل والصيد حتى تلقى متابعة شريحة كبيرة من الهواة وتستطيع ان تغطي تكاليف هذه المجلة ,,

على العموم اذا اردت ان تعمل مجلة حاول ان تكون مجلة شاملة واذهب مثلا لأحد الدول المجاورة عشان تستخرج لك تصريح كالكويت او الامارات وبعد استخراج التصريح حاول ان تقوي مثلا قسم الصقور لا هتمامك في هذا المجال اتمنى لك التوفيق من الله تعالى


نصيحة من الان حاول ان تجهز اقل شئ خمسة اعداد مستقبلية وتكون جاهزة في اقراص .. بحيث تقدر تضيف اي معلومة جديدة قبل الطباعة حتى تكون المجلة متزامنة مع تاريخ الصدور







ترى هذا الكلام ماهو تحبيط انما هي نصائح ودعواتي لك بالتوفيق

[الاشعل 316]

اخوي ابو معيض

اذا والله تبي صور صقور ابشر

ادورلك احسن الصور

عندي على الجهاز وارسلها

واصورلك احسن الصور بعد في المقيض عندي

لازم نكون متفاعلين مع هذي المجله

واللي عنده صور للبل او للخيل

ارجوا انكم تدعمونهم بالصور

وتقبل تحياتي اخوكم ابو سطام

[عنـاد]

هلا والله بخالي ابو معيض .

يا خالي منيب اكسر مجاديفك لكن قدامك عقبات كثيرة جدا :

1- الموسمية ( حيث ان الطيور موسمها وشغلها كله في الشتاء فقط وعقب الشتاء الربطة وتقل فعالياتها من مهرجانات ومسابقات واخبار الا من بعض السواليف والقصص مثل ما نشوف الخيمة في الصيف ) فلا يجوز نقارنها بالخيول او الابل مثلا اللي ما تقرنس ودايم مسابقاتها في جميع الدول في الصيف عروض جمال وفي الشتاء سباقات الميادين والتحمل .
2- السوق ينضح بالمجلات الشعبية والناس ما صارت تتابعها . ( الناس تتابع اللي فيها عنصر نسائي يا ربي لا تخزينا , واللي فيها اخبار المشاهير والمنشيتات الجذابة الخالية من المصداقية )
3- المنتدى ومستواه راح يتاثر بالمجلة .
4- ضعف امكانية الحصول على مواد للمجلة . ( لنفترض تبي تصدرها في اوروبا: تبي تحصل جمعيات تبي تحصل مستشفيات تبي تحصل نوادي تبي تحصل جامعات ومراكز ابحاث تبي تحصل هواة وكل واحد منهم يحال بقدر المستطاع يساعدك او يفيدك , لكن عندنا جميع الامور تحاط بسرية وخصوصية .)
5- صعوبة التواصل مع غالبية الهواة الا بمقابلات شخصية مباشرة وهذي مكلفة ماديا شوي . ( كبار السن من هواة الصقور و اللي لهم باع طويل في الهواية ما تقدر تاخذ وتعطي معه عن طريق الايميل مثلا او عن طريق رسالة خطية )

اقتراحاتي البسيطة :
1- المجلة تصير مجلة الكترونية بدال الورقية اسهل للتسويق والدعاية بكثير .
2- تكون المجلة فيها مواضيع الاعضاء الهادفة والمنقحة بعد اخذ الاذن من العضو و وضع الحقوق الفكرية على الصور والمواضيع . ( نقدر نتعامل مع برمجين يبرمجون مجلة الكترونية صعب كسر حمايتها وطباعتها وارسالها باسعار معقولة جدا , وتسجيل المجلة الالكترونيه في وزارة الاعلام مثل اي حقوق فكرية)
3- ان تكون المجلة برسم مادي يدفع عن طريق تحويل بنكي او بطاقات الائتمان مثل الفيزا .)
4- تعاون الاعضاء لانجاح هذه المجلة .
5- كما هي عادة مكشات المحافظة على البيئة والتوعية البيئية .

هذي بعض الاقتراحات على عجالة .

تحياتي عنـــاد

[قلب ذيب]

ارحب يابومعيض والترحيب لجميع المنداخلين 0
فكره المجله فكره جميله واصدار مجله أمر يتطلب الكثير من العوامل التي تؤدي الى نجاح المجله , ولدي خبره متواضعة في أصدار المجلات
حيث كنت رئيس تحرير احدى المجلات الخاصه بشركات البترول 0
المجله رساله : لابد ان تكون هناك رساله تهدف المجله ايصالها الى الجمهور , وهو في هذه الحاله جمهور الصقاقير والكواشيت 0
طاقم تحرير : لابد أن يكون هناك طاقم تحرير ولتخفيف المصاريف يمكن أن يتكون الطاقم من 3 فقط في بداية العمل 0
المراسلين : البدايه مع المراسلين المتطوعين بدون مقابل على أن تعطى لهم حوافز مستقبلا 0
ابواب المجله : يتم تحديد ابواب المجله وتقسم حسب رسالة المجله 0
الطباعه : يتم الاتقاف مع مطبعة أحدى المجلات الكبرى بسعر رمزي على أن ترفع القيمه حسب أنتشار المجله 0
التوزيع : وهو مهمة ليست بالصعبه حيث يتم الاتقاف مع موزعين ( داعمين ) في بداية النشر وبهامش ربح بسيط
الدعيه والاعلان : وهو أحد الدعائم الرئيسيه للجمله 0
الاصدار : يتم أصدارها ربع سنويه كل 3 شهور وتتحول في المستقبل الى شهريه 0
كل ماتقدم يمكن أن يعده رئيس التحرير , وهي فكره رائعه جدا وليست بالصعبه اذا وجدت الدعم المادي والتحريري القوي وبالتوفيق ان شاء الله 0

[طارق الحربي]

سجلني معكم

بأي شي تبونه

تحياتي وفكرة اكثر من رائعه

[عفتان]

أبو معيـض

السلام عليكم و رحمة الله و بركاته


يسعد مساك و مساء الاخوان في منتدانا الغالي

أخوي الغالي احييك على هذه الفكره و دائما انت سباق للافكار

الجميله و اللي تكون بالنفس .. الفكره هذي في بالي من فتره مو قصيره

لكن لأني مالي في الصقاره الا 4 سنوات فقط ما استطيع انفذها


انا ما ادري بصراحه شقول بس فيه نقاط او اقتراحات ممكن تفيدك


1

= الاسم =


أقترح ما يكون مكشات لانه اسم عام .. مثلا اقترح يكون الاسم

مجلة النادر للصقور و الامر راجع لك اولا و اخيرا


2

= طاقم المجلة =


الطاقم في بادئ الامر ما راح تحتاج كثير .. ثلاثة كحد اقصى

لأن مثل ما تقول يا ابو معيض عشرين صفحه

و انا مستعد و كل فخر و شرف اني اخدمك في الشي هذا


بدون اي مقابل من ناحية الطباعة و التصميم كل اللي عليك

يا اخونا الغالي تجيب لي المادة من مقالات و صور و لا تشيل


هم .. و مثل ما قلت لك يشرفني اني اخدمك يا الغالي لكن بشرط

انك ما تقولي بمقابل انا من عرفتك اخوي ابو معيض و انا اتمنى

اني اخدمك و اكون على صله فيك و لا هو قصور في البقية


3

= أقسام المجلة =


اقترح تكون .. 1- تقرير يكون مثلا عن الحر و مواكره او الشاهين

او المقيظ .. 2- لقاء .. 3- رحلة .. 4- صور مختاره

5- عيادة المجلة .. 6- زيارة و تكون مثلا لمعرض او لمستشفى

و يكون لها تقرير مفصل و بالصور و اقترح اول زيارة تكون

للاخ الغالي عرادي

لا تنسى ابو معيض الاعلانات و مدخولها المادي و اللي راح يفيد المجلة

4

= المراسلين =

مبدئيا الاخوان في مكشات ما راح يقصرون اللي عنده شي ما راح يقصر

و هذا العشم فيهم

5

= وقت صدور المجلة =

مبدئيا تكون كل ثلاث اشهر و هذا الشي راجع لك

..

= أخيرا و ليس اخرا =

أنا من يدك اليمين ليدك اليسار يا ابو معيض

باقي عليك الترخيص و ما اتوقع انه بالصعوبه هذي

و اقترح ان يكون اول عدد يصدر للمجلة في سهيل القادم

..........

إذا اعجبك كلامي يا ابو معيض و بغيتني اخدمك و الشرف لي

في الطباعة او التصميم او الناحية المادية ارسل لي رساله بالخاص

و مالك الا بياض الوجه و طيبة الخاطر طال عمرك

و المستفيد انا و اخواني الصقارين عشان كذا اللي اقدر عليه راح اخدمك

و يشرفني ذلك

أخوك الصغير

عبدالله المطيري

[501]

انا قلت لك يا ابو معيض من زمان



انك الواجب نسميك بعد ابو معيض

(استشاري خيمة الصيد بالصقور)

وما ادري باقي الشباب ولاعضاء والمشرفين

تعجبهم الفكره

وتقبل يا ابو معيض@ اقصد الاستشاري@

501

[المري]

بيض الله وجيهكم جميعا ..

والموضوع بين اياديكم وبصركم فيه..

انا ماعاد لي دخل في السالفة..!!!!!!

لاعاد تقولون ابو معيض وابو معيض ...

[الاشعل 316]

ابو معيض

وش السلفه

[عفتان]

أبو معيض
انت ابوها و سمها لا تروح خلك :D
زعلتني المره الاولى يوم مزرعة مكشات للتفريخ :D
خليتني استانس و انتظر و الحين تبي تزعلني مره
ثانيه افا بس افا .. انا انتظر منك امر و مثل ما قلت لك
من يدك اليمين ليدك اليسار انت أأشر بس و مالك الا طيبة الخاطر
و بعدين كني حسيت انك زعلان يوم قلت لا تقولون ابو معيض :rolleyes:
اذا ما قلنا ابو معيض نقول من و لا هو قصور في الباقين :p
لا تعودها و تقول مالي دخل انا :no2:

[الشمالي 5]

الله يقويكم يبو معيض

[قناص ام وشاح]

الله يوفقكم وللامام سرلاتنسون نزلوها في قطر