أقصرررر وأصغرررر سلقه (( حجم )) بالعاااالم .

[ابو صاالح]

بسم الله الرحمن الرحيم ،-طبعا العنوان قوي شوي وهذا لجذب القراء بس الحق انها اصغر سلقه مرت علي يالربع- حبيت اوريكم صورة لسلقه طبعاا انا عارف الولده جيداا والسلقه من نوع شاذ كل اخوانها طولهم زين لا بأس به بس هي جت مغااايره اولا هي الوحيده الريشه بين اخوانه ثانيا حجمها صغير واترككم مع الصور

السلقه عمرهاا سنه تقريبا (( يعني نموها موقف )) من ناحية الطول .

اترككم مع الصوووووووور وأي استفسار أنا حااظر وأي أسئله انا حااظر

http://www.mekshat.com/pix/upload/images35/mk38031_20070512(010).jpg

http://www.mekshat.com/pix/upload/images35/mk38031_20070512(021).jpg

http://www.mekshat.com/pix/upload/images35/mk38031_kllf.jpg

وهذي صورة للرأس

http://www.mekshat.com/pix/upload/images35/mk38031_rass.jpg

وهذي صوره للذيل والريشه

http://www.mekshat.com/pix/upload/images35/mk38031_deel.jpg

وهذي الصوره تبين قصررر السلقه بالنسبه للبلك(( بلكتين وثلث))

http://www.mekshat.com/pix/upload/images35/mk38031_blkk.jpg

================================
يالربع أي تعليقات عادي لا احد يستحي

[ابو صاالح]

يا قصره قصراااااه اللي يشوفها يقول أم خمس شهور

[الاشعل 316]

ابشرك يا ابو صالح

كان عندي سلوقي اكبر منه وعمره ما يقارب

من 8 الى 9 واسئل عنها الهوى وهو يعرفها

بس في القصر اقصر من هذي اللي انت عارضها



يعرفها وكانت سبقتي مع سلقهم

بس انها ماتت

وتقبل تحيات

اخوك ابو سطام

[almazrooei007]

انا عندي سلقه كلهم يتمصخرون عليها من قصرها لكن والله انها سد ما فيها حيله يعني بعد الكيلو ونص ماتشوف الا الغبره بس الي عندي ارتفاعها 53 سم هذي كم بالسنتم؟؟؟؟ وشكرااا

[سلطان العوني]

اخوي ابو صاالح
السلقه لها طريقه يوقف نموها في حالة التركيض مسافه كبيره على السلقه وبشكل مستمر
مما يجعل عضلات رجولها ويدينها تنشد ولا تعطي مجال للعظام يتمدد علشان السلقه تطول
هذا بالنسبه لوقوف النمو
وفيه طريقه ثانيه والكثير يمكن يجهل فيها
الا وهي
االركوب والنزول من الموتر اذا كان جمس حوض او جيب شاص يعني اي سياره مرتفعه باللحيل تأثر على طول السلق اذا كان التدريب بشكل مستمر وهي ما كملت النمو وخصوصا اذا كان الموتر في ارض وعره والسلقه تحول بجسمها كله من الموتر على ارض وعره
هذا ما لدي ويمكن تكون خلقة الله لها
وحنا ما ندرب سلفنا الا بعد ما يكمل 8شهور علشان نتفادا وقوف الطول والنمو
على العموم السلقه تقاسيمها طيبه ولا تستهين بأي سلقه قصييره ترا يجي فيا سبق ما شاء الله

اخوي ابو صالح انا اسف على الاطاله ويا ليت تتقبل مروري بصدر رحب



تحياتي

[بن قضيب]

بوصاح اخوي انته تقصد انها اقصر سلق عربي صح لانه فيه نوع سلق اقصر وكان عندي وبنزل الصور انشاء الله عن قريب

[ابو وجدان]

أبو صالح / مساك الله بالخير
اذا ماعندك مانع ابغى أستعيرالسلقه لمدة يومين اضحك عليها سلقي وارجعها .
ثم ليتك يابو صالح صورتها بجنب سلقه من خواتها الطوال حتى تتم المقارنه
تقبل مروري ومزحي معك .

[STOP]

الا ياربع انا عندي سلقه مثله بالضبط قصيره بالحيل وله عندي خمس شهور وعمره الظاهر انه حول العشر شهور ومثل ماقال ابو صالح
امه وباقي اخوانه طوال وحص الا هي ريش وقصيره مدري وش السر ! (بالعربي بتنفع بعدين اذا كبرت ولا لا اذا خليته عندي؟)
وبسألك يابو صالح وشلون فعله وسرعته اللي عندك خويك؟

[الشمالي 5]

ماشالله عليها مزيونه


يمكن بالفعل تطلع احسن من اخوانها




الله لايضرها

[المواادع]

الله يعطيك العافيه على هذا الصوره

[قناص_قطر]

السلام عليكم ورحمة الله وبركاته

مشكور يابوصالح على الصور ويعطيك العافيه

لسلقه قصير وانا كان عندي سلقه عمرها سنه اقصر منها وانشاء الله بنزل لها صوره
( بس هذي القصيره ينخاف منها على الارنب )
ويعطيك العافيه وماقصرت يالغالي

[ذيب عتيبه]

بتنفعك أنشاء الله بالارانب
وخذ أنشاء الله مني هالوعد
بتصير أحسن أنشاء الله من خواتها بالارانب
:::::::::::::::::::::::::::::::::::
بيض الرحمن وجهك على الجهد
تقبل مروري

[المهاااااجر]

ماشالله عليها مزيونه


يمكن بالفعل تطلع احسن من اخوانها




الله لايضرها
وتقبل مروري

[وليد888]

ماشالله يابوصالح سلقه طيبه
الطول مانبيه نبي المكينه هههههههههههههههههههههه
علا حد علمي ان نسل ام السلقه قصير لاكن الفعل مايحتاج سلق رمله ومعروف بالرياض والخرج والقصيم
ونت ماشالله عليك اقضيت ارنب الشمال هههههههههههه الله يوفك بسلعك الجديده
ونبي مطريد لبو السلقه
اخوك الملقوف هههههههههه وليد...................

[ابو صاالح]

اخوي الأشعل حياك الله بس صدقني ترا بالصوره اكبر من حجمها الطبيعي وما الظاهر تبي تلقا اقصر منه . حيااك الله يبو سطااام
----------
اخوي المزروعي حيااك الله بس ما اعتقد ان هذي تاصل ل 53 اقصر لكن بحسبها لك وأعلمك ،، بس من وين تقيس أرتفاعها من الظهر او وين ؟؟
----------
اخوي سلطان العوني كل ما قلته صحيح ميه بالميه بس المشكله الكبيره ان السلقه ما عمره طلعت من الشبك إلا بالشهرين مرره :D :D على انه تبي تطول بس ما عنده نيه . حيااك الله اخوي سلطان
---------
طبعا اخوي بن قضيب اقصد عربي وحيااك الله اشكر لك تفاعلك مع مواضيعي .
---------
اخوي ابو وجداااان ههههههههه صدقن الضرر على سلقك والله يا هي مقروده وشيطانيه ما تخلي صغير ولا كبير ما تتناقر معه انواع المشاكل . حيااااك الله اخوي ابو وجدان .
---------
اخوي stop حياك الله ومرحبا فيك ، قسم بالله منت صاحي لا تفرط فيها ترى الصغار ذولي يصيرن غاليا معجزه اسمع كلام ابو صاالح اذا كان ابوها وامها طيبااات بالحيل خلها وما تندم بس اتحداااك كبر اللي عندي اللي عندي أقصررررر ،، وللمعلوميه فيه سوالف عن السلق القصار لو تسمعها تتعجب خلها بعدين .
---------
اخوي الشمالي صدقت وهذا سبب عدم التفريط بها // يا زين لا صار عندك شيء يستحقررر بالشكل وذا شافو الفعل طارت عقولهم .
---------
اخوي المواادع الله يعاافيك مشكور على الرد
---------
اخوي قناص قطر صدقت بس ترى ذي أقصررر من اللي عندك وانا ما شفتها ، حيااك الله وعلى قولتك الارنب اهم .
---------
اخوي ذيب عتيبه حياااااااك الله ولعل وعسى تلاعب الأرانب وهذا اهم شيء ، والوعد قدااام
---------
اخوي المهاااجر حياااك الله اخوي واتمنا ذلك مشكوووور
---------
اخوي وليد ، انت يبيلك قعده انت عندك العلوم كله بس انا ما عرفتك لكن هين اوريك يا ولد الديره . وذا تبي مطاريد لم السلقه تعرف التكنولوجيا ما وصلتنا وأرنب الليل قليل التصوير فيها ، وأرنب الرمله ما حصل له تصوير بس تدري شلون ،، ((( أركب والوعد وضااخ ))):D امزح امزح لا تصدق .

[مورد القيفان]

يحليلها ماتاخذ محل في الصندوق خذها وانس همها

[طح طوح]

ابو صاالح السلقه طويله
بالنسبه للي عندي ابنزل لها صوره في اقرب وقت وتضحك

[صياد الوعل]

تحيه طيبه

الله يعطيك العافيه الاخ / ابو صالح ,,,, اكثر ما عجبني بالموضوع :good: ,, طريقة عرض الصور ,,,وتنوعها ,,, و تقول ما عندي شيء :no2: ,,, للمهدات ,,,:) !!!

[عروق الدهنا]

ابوصالح
يقولون اتقي شر من قرب الارض

وماشا الله اللي عندك مزيونه

لكن ودي اعرف مكانك لاني ابي اجيب لك اللي عندي ونشوف وش اطول

تقبل مروري وتحياتي

والسلام ختام

[sasasasas]

اخوي هذي سم الارنب
القصر


ان شاء الله مردها يكون على كيف كيفك

[المواادع]

امكن انضربت وهي اصغيره

[طرزان]

يمكنك واطيه وانت متدري

[مزيون بيرق]

ماشالله الله يخليها لك انشالله والله السلقه ماشالله عليها تقول وينك يالارنب
بس عساها تبيض الوجه على العموم ماشالله عليها والله يحفضها من عيال الحرام
وتقبل مروري

[almazrooei007]

اقيس من الارض حتا الظهر يابو صالح....

[قناص سوريا 1]

مشكور ما قصرت والله يجعلك تاكل من صيدها ... ترى لا تستهين فيها بالعكس هذي اللفة ورا الأرنب تصير أسهل والله أعلم

[بالرمله قناص]

أبوصالح .. فية مثل يقول [أتقي شر من قرب من الأرض] يعني القصير ..<< معناه والظاهر اني مخبط بة ..

لاهنت يابوصالح

[بالرمله قناص]

عروق الدهنا الظاهر قاله قبلي ... يقولون اتقي شر من قرب الارض

وهذا والله هو الصحيح أي قصير تلقاه شر لا بسلق ولا بطيور ولا بكلش ..

[القحطاني505]

اخوي بوصاالح سلقه طيبه والقصر اذا اخوانها كبار اما نقص بالنمو او سلالة اجدادها
المهم شلون ممشاها
لاهنت يالغلا ومبدع يالرساوي والله لايهينك

[ابو جنى 2005]

هذي سلقة سي سي

[عطشان9000]

مكسرة الأرانب
ولاتنسانا من صيدها

[safouane]

هناك اصغر منها

[راعي عاصوف]

اهم شي هي سبوق

[ابو صاالح]

اولا نعتذر عن عدم الرد السريع نظراا للأنشغال الأيام اللي راااحت
----------
مورد القيفان ، اي والله عز الله ما تاخذ مكان تريييحك :D
----------
طح طوح تراها اكبر من حجمها بالصور لا يهمك الصوره . ونزل اللي عندك ونشووف
----------
صيااااد الوعل اهم شيء عجبك شيء بالموضوع هذا يكفي بس ؟؟؟ وش تفسير كلامك ان ما عندي شيء للمهدات ؟؟ ننتظر الرد لو بالخاص ;)
----------
عروق الدهناء اي والله انك صدقت وعاارق انك تبي تجيب الصغيره اللي عندك تبي تتحدا بس ماهيب مشكله الله يحييك ونا بالرس وحيااك الله بس ترى اللي عندي اصغر ارتفاع وطول ظهر .:)
----------
sasasasa ان شاء الله الوزن الخفيف بالرمله لا والحمد لله عضلات الفخذ ما يحتاج كباار ، بس ناقصها تدررريب والله ما جاها كرررف للحين .
---------
المواااادع ؟؟؟؟؟؟؟؟؟ والله مدري بس ما يأثر تبي تزعل ولا تطول يعني :D
---------
طرزان ، لا الظاهر ما وطيته الظاهر انها كمشت يوم غسلته بالماء :D
---------
مزيون بيرق مرووورك وردك اسعدنا وفعلا تقول وينك يالأرنب عشان نشوف اللي وراها بس ماا حوولك أرنب والله يسهل عموما حيااك الله ، والله يسمع منك
---------
المزروعي ،، ابشرك حسبتها طلعت 52 تقريبا وطول الظهر 40 سم ،، وش راايك طبعا طول الظهر من العضمتين الخلفيه للعضمتين الأماميه ، وقس طول ظهر اللي عندك وعلمنا .
---------
قناص سوريا ، صدقت كلامك صحيح ومن قالك مستهين بالعكس :D انا مهتم فيها زيااده .
---------
بالرمله قناص اهم شيء المضمون وصدقت وان شاء الله الأيام تثبت وتبين الخافي .
---------
القحطاني ، لا اعتقد الثانيه لأن ريشتها غريبه ، وبعدين سبقها (( ما بين للحين ما تطلع ولا تروح ولا تجي )) والوعد قداام وانت المبدع والله .
---------
ابو جني ، هذي سلقه صمووول :D
---------
عطشان ، يعجبني اسمك وان شاء الله تاكل من صيدها مالك هم .
---------
سافونك ،، يمكن كل شيء جاايز بس نبي صور وقياسات عشان نتأكد واهم شيء من نوع عربي .
---------
راعي عاصوف ، السبق ما بين للحين ما جاها مركاض والوعد قداام .
---------------------------------------------------------------------------
---------------------------------------------------------------------------
تقبلوووووو تحياتي ونشكر لكم تفاعلكم وتشجيعكم على كتابة المزييييد . بس باقي كم واااحد ما رد ويييييينهم ؟؟؟؟؟؟؟

[almazrooei007]

عيل سماها ,,يروه,, واللي عندي طول الظهر 43 يعني لو تشوف ,,يروه,, حقتك وعويده سلقتي بتقول خوات بس اللي
عندي ملط

[ابو صاالح]

هههههههه اخوي المزروعي الأسم صااار من اول ما ولدت واسمها (( رده )) والله يجعل فعلها من أسمها تقبل تحياتي

[جراح . COM]

سلقتك مريضه فيها ديدان انتبه

[ابو صاالح]

جرااااح ؟؟؟؟؟؟؟؟؟؟؟؟؟؟؟؟ وش السالفه وضح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ابو صالح]

يا حليل رده حليلاه انت وراك يبو صالح ما تعقل

[مندوف]

انشاء الله تشوف فيها العجب حجمها مناسب للارنب وانا عندي اقصر منها لكن ماتعطي الارنب فرصه تروح يمين ولاشمال وعندي مقطع فيديو من تصويري بس اعرف طريقة التنزيل

[ابو صاالح]

اخوي مندوف مرحبا فيك بالمنتدى ، وبالنسبه اقصر منها ما اظن وترى ذكرت قياساتها راجع الردود ،، بس المقطع كيف تنزله ، رح لقوقل واكتب كلمة (( مخزن )) يطلع لك موقع فيه تحميل ملفات اضغط استعراض واختر المقطع من جهازك ثم اختر رفع الملف واصبر لين ينزل بعدها انسخ الرابط ولصقه هناا ، وشكرراااا

[راعي المقناصه]

الله يباركلك فيها

وان شاء الله انها بتطلع اطيب من اخوانها


تقبل مروري وتحياتي

راعي المقناصه

[بنت ksa نجد]

الله يشفيها ويعافيها

[((الطرقي))]

الله يعين .....

[ابو صاالح]

راعي المقناصه ان شاء الله ، ما قصرت على الرد
---
بنت نجد ، انتي هيه لا تتفاولين على سلقتي ما فيها شيء ولا مرض الحمد لله نشييطه ومقرووده بعد .:D :D
---
اقريح ، الله يعين بس وش عليه :D :confused:

[راعي عدلى]

وصلت صفحه 101 قلت ابسحب موضوع لـ الصفحه الاولى و ابحوس شوي


للرفع

[@قرناص@]

السلقه طيييييبه ..

والله يوفقك فيهـا وفـالك الظبي ،،

[الخماش111]

يقول احذر كل من اقترب من الارض ههههههههههههههههههههه

[الكايدA]

ايقولون ابعد عن الي طمنن للرض ...

شكله ماشاء الله عليها

[ابن الغلبا]

فالها الظبي

[الهوووى]

السلام عليكم اخوي الاشعل ابو سلطان انا وش دخلني في الموضوع وبعدين وش تبيهم ينشدوني عنه

[الهوووى]

السلام عليكم اخوي الاشعل ابو سلطان انا وش جاب طاريي في الموضوع وبعدين وش تبيهم ينشدوني عنه

[نفاج]

بتنفعك أنشاء الله بالارانب
وخذ أنشاء الله مني هالوعد
بتصير أحسن أنشاء الله من خواتها بالارانب
:::::::::::::::::::::::::::::::::::
بيض الرحمن وجهك على الجهد
تقبل مروري
أتفق معه سلقة أرانب

[قناص جواثا]

الله يعطيك العافيه على هذا الصوره
وفيه واحد من اشباب عنده سلقه قصيره مره اول ماشفته ضنيته جروه سالته قالي سنتين
وهو من الجشه يعرفونه اشباب

[âBü AًBDULLAH]

ابو صالح الله يطرح فيها البركه وتاكل من صيدها


وفي مثل يقول اتقي شر كل من اقترب من الارض


تقبل مروري اخوك . ابو عبدالله

[الدرب البعيد]

مشكور اخوي ابو صالح
وسلقه طيبه ومواصفاتها مواصفات سلقة الارنب
وبالنسبه للقصر الناس ترغبه بسلقة الارنب الان كل ماكانت القوائم قصيره سهل عليها التقاط الصيده بسهوله
ومن صورتها مشاء الله طول ظهر وقصر قوائم ومستعد ارهن عليها بمطراد ارنب النفود
واتمنى لو تهدها على جربوع بالنهار ومعها سلقان طوال وبنفس العمر وتصور لنا مطرادها لتثبت فعلها للجيمع

[الهوووى]

اخوي الاشعل ابو سلطان وش جاب طاريي في الموضوع بعدين وش تبيهم يشدوني عنه

[الهوووى]

ابشرك يا ابو صالح

كان عندي سلوقي اكبر منه وعمره ما يقارب

من 8 الى 9 واسئل عنها الهوى وهو يعرفها

بس في القصر اقصر من هذي اللي انت عارضها



يعرفها وكانت سبقتي مع سلقهم

بس انها ماتت

وتقبل تحيات

اخوك ابو سطام

وش دخلني في الموضوع وبعدين وش تبيهم ينشدوني عنه اخوك الهوووى

[محمد ابوبيادر]

100% للارانب
تقبل مروري