المساعد الشخصي الرقمي

مشاهدة النسخة كاملة : يالربع تكفون كيف اذح الظب وكيف اطبخه بسرعه تكفون


ابوغلاب
14/05/2007, 06:11 PM
السلام عليكم





يالربع انا كبدي ما تحب الظبان لكن اليوم خويي شاري له ضبين واحد كبير والثاني صغير

وأعطاني اياهم


بس المشكله ما اعرف كيف اسوي فيهن


ابي افضل طريقه للسلخ والطبخ


ولكم منى دعوة طيبه
أبو شاهر
14/05/2007, 06:21 PM
هاتهن لي بسرعه وانا اوريك حتى كيف تاكل الضبان
هههههههههههههه

بسطه سم الله وذكه وقطع كفوفه واقدامه وارمهن واقطع العكره وشلوطها وقطعها ثم اسلخه عادي وقطعه وفووووح عليه ثم انثر ماء التفويح ثم كشن له ثم اكبسه واذا نضج اكله بالعافيه
الآراك
15/05/2007, 01:00 AM
السلام عليكم

أخوي البتار أفضل طريقة إنك تمسك راسه بيدك وتحط رجلك أو تخلي أحد يمسك العكرة عشان مايحركها وتزعجك وتسمي بالله وتذكيه لكن لا تقطع راسه كله لأنك إذا قطعته كله مايموت بسرعة وأنت تعرف إن الضب روحه متعلقة فيه بقوة فالأفضل إنك تقطع نص رقبته وتخليه ثم بعدين تفتح بطنه وتطلع الي فيه وتكبه وتخلي الكبدة والثروب (الثروب زي الكيس فيه دهن حاول إنك تجرح الثروب و تحطها في مقلى لين يبدأ يطلع الزيت منها واستخدمها في الطبخ) تجيب قدر وفيه ملح فقط وتخليه يغلي بعدين تحط الضب وتخليه 10دقايق بعدين تسلخه بيدك ويكون كذا أسهل عليك من سلخه قبل السلق وتقطع الرجلين واليدين والعكرة كل واحد بلحاله (لاتنسى تكب الماء الي مفوح فيه الضب مو تطبخ فيه أكلك وتجيب العيد)
جب لك قدر وحط فيه الكشنة وتكشنة عادي بعدين تحط الضب فيه وتقلبه لين ما يشرب الكشنة يعني دقيقتين وتحط الماء وأزين إنك تكثر لأنك بتسوي لك رز ومرق ضبان.
إذا بالكاتم يبيله نص ساعة لأن لحمه قاسي .
وبالقدر حول ساعة .
ولك تحياتي .
أخوك الآراك.
وافي العوني
15/05/2007, 01:11 AM
اسلام عليكم جميـــع ..

اخووي (الاراك) كلامك مضبووط ..

بس المفرووض مايطبخه مرتين..

عشاان اذا اطبخه اول مره ويطلعه عشاان يقشره ...

يرووح الطعم (( طعم الضب )) في اول طبخه ويرووح الب سااامج ..

المفرووض يطبخه لين يجووود ويطلعه ويقشره وياااكله ...

وكذا يحصل على طعم الضب الحقيقي ...


تحياتــــي ،،،،
سلطان العوني
15/05/2007, 03:05 AM
اخوي
استقبل القبله ودعس على عكرته علشان ما يتحرك وسم بالله وذكه
ويفضل انك تذكيه بسكين بصل احسن له واسرع لك
بعدين تقطع رجله ويدينه بعدين اغرس السكين في نحره بداية صدره من تحت الراس واقطع الجلد الين
العكره وطلع اللي داخل البطن وانتبه للثروب والبيض حطها على جنب اجيك اخذها منك
بعدين تسلخ الجلد كله وعليك بالعافيه

واحسن شي بالقدر المضغوط

وتقبل نحياتي
حمدولدسليمان
19/05/2007, 10:55 AM
شف حبيبي أسهل طريقة وده إلى المقصبة وخلهم يقطعونه على مزاجك تبي ثلاجه والا مفطح
ثم أقر مطبخ واطلب يسونه مثلوثة0
وعليك بالعافية0
غلي سبقوني ماخلو لي شيء اقوله 0
جداوي رحيمي
19/05/2007, 12:30 PM
ههههههههههههههههههههههههههه


انتبة من الضب ترى اذا عضك مايفكك حتى لو تمصع رقبتة
حنوش
19/05/2007, 12:46 PM
الشباب ماقصروا ارجوا انهم أفادوك
جي اكس أر 3
19/05/2007, 12:55 PM
رجال هذا المتدي ماقصرو معك الله يحفظهم جميعأ
تحياتي
فارس البير
20/05/2007, 02:39 PM
ا.

بس المفرووض مايطبخه مرتين..

عشاان اذا اطبخه اول مره ويطلعه عشاان يقشره ...

يرووح الطعم (( طعم الضب )) في اول طبخه ويرووح الب سااامج ..

المفرووض يطبخه لين يجووود ويطلعه ويقشره وياااكله ...

وكذا يحصل على طعم الضب الحقيقي ...


تحياتــــي ،،،،
:confused: :no2: توني ماكله قبل امس ومسوي نفس الطريقه وطعمه من احسن مايكون:good:
عزوتي نايف
21/05/2007, 12:57 AM
تحياتي لك البتار
ارسلها لي الضبان مع اقرب DHLواضبطها لك ورسلها لك

هذي مواضيع ذات صله بذبح وصلخ وطبخ الضبان
http://www.mekshat.com/vb/showthread.php?t=85785&highlight=%D6%C8%C7%E4

http://www.mekshat.com/vb/showthread.php?t=87314&highlight=%D6%C8%C7%E4

http://www.mekshat.com/vb/showthread.php?t=83266&highlight=%D6%C8%C7%E4

http://www.mekshat.com/vb/showthread.php?t=85276&highlight=%D6%C8%C7%E4
بالرمله قناص
21/05/2007, 01:10 AM
شاري الضبان ؟؟؟؟
نافخ نفيخه
21/05/2007, 07:52 PM
الشباب ماقصروا ارجوا انهم أفادوك