علــــــ طيوركـــــــ يا صقارين مكشات ــــــــم ـــــوم

[ابو عايد]

السلام عليكم ورحمة الله وبركاته

علوم طيوركم الموسم الي راح اكثر طير طرح من الكراوين والحبارى

انا محدثكم طيورنا فعلت الزمان هذا فعل يهول تحدينا بالشاهين الجبلي حراروبحريات القطريين واحد من طيورنا طرح فوق الثمانين في اول القدوم ووسطه فقط والباقي ماقصرت طرحنا هذه السنه طرح طيب بالحيل من الكراوين


وعلوم طيوركم يالنشامئ







هذه القرناسة البكر المطروحه قبل اسبوعين يابو سعد وباقي فيها ثلاث *ثلاث






http://www.mekshat.com/pix/upload/images35/mk1748_mof3.jpg

http://www.mekshat.com/pix/upload/images35/mk1748_mof1.jpg

[صقر قطر]

ما شاءلله تبارك الرحمن

[الوافي عزام]

هلا بك

وزانت علومك

اما بالنسبه لي طيري اللي قرنسته وبغيته باول الوقت العام من طلع من الربطه وهو كل يوم في عله ومرض جديد ؟؟؟ وخسرني من المستشفيات والاطباء الشعبيين ما الله به عليم وبالاخير بعته بقيمة طير محنط

شرينا بعده قرناس طلع وراكد ( مسفوط لي من واحد من الجماعه ) وجردناه ويوم جهز الطير ويامر الله ويضيع والا ساعتك هذي عسى الله يجيبه

وشرينا بعدها بحريه وافيه وجردناها وابشرك ذبحت معي خرب بالصمان قبل عيد الضحيه بثلاث ايام وبعد العيد بشهر رحنا لمقتاص وتعبت علينا وبغت تموت وسلمها الله ورجعت ووديتها للدرع وعلاج وغثا وعتقها ربي والحين عندي مقرنسها وحذفت ثلاث ثلاث وعسى الله يتمم على خير

وشكرا لك على موضوعك

[nasser_ali]

ماشاء الله 80 في موسم واحد

لا تخاف عيني مهب حاره

انا عندي فرخ شيهانه حمرا...علمته مره وحده على الكروان...وقنصت فيه وصاد معي ومع اخوياي تقريبا 25 اذا مهب اكثر والحمدلله :)

[طيرحوران]

ابو عايد الف شكر على الصوره
والله يطرح فيها البركة
بس العرض اتوقع مايوصل 14
وباقي ثلاث والله تمام
تسلم

[شبراق]

مشاءالله يابوعايد الله يوفقكم اجمعين
عاد ماشاء الله ارضكم ارض كروان ;)

انا قرنست السنه الي فاتت 3 طيور احرار والحمدلله كلها طيبه بعت اثنين اول الوقت خليت اطيبهن المهم جلست اجرده ومرض معي وجلست اعالجه حوالي عشرين يوم وبعدها مات الله يخلف وبعدين شريت واحد من السوق يقولي ذابح 3 حباري المهم الطير مدبغ و ريشه اوسره وثندات وجهه حلو وكل مافيه حلو جردته وقنصت لقيت احبارى فرعتله ماهد هدو عليه الربع وجابه الله المهم خلصناه وريته ثانيه مابغاها نسرته حاولت فيسه ما يبيها مره قلت الحمدلله رجعت وبعته وشريتلي قرناس ثنو طيب الحمدلله بالحيل وسبوق وساطي الحمدلله المهم هديته على حمامه وزبنة ارطات ودخل وراها ونفضخت عينه الله يخلف علجته بس ما فيه فايده راحت عينه الحمدلله المهم بعده بشهر تقريبن قبل موسم الكراوين بسبوع جته جدره قبل ماوديه يكوى لقيت كروان تعلوم وريته وذبحه الحمدلله على طول وبعدين كويته وربطة على طول وبشرك برى الحمدلله من اللجدره والى اثرت فيه والحين باقي فيه 3 والله يكتب الي فيه الخير وهذي علومي السنه :)

[خيال الصبحا]

وعليكم السلام
زانت علومكم
وأن شاء لاقرنست
طير أقول لكم وش بقى
معه هههههههههههههههههه
وشكرًا

[جمعت الشوق]

وعليكم السلام ورحمة الله وبركته

ماشاء الله وتبارك الله

اخوك::::جمعت الشوق:::

[khalid2003]

وعليكم السلام
علوم طير ياطويل العمر شريت حر قرناس ثالث اول الوقت وفي قمرا شهر 11 لقينا حبارى وهديته عليها وعلقها بالخضيرا يالله لك الحمد وبشهر 12 ثلاث حباري كلهن تلحيق والحمدلله والكراوين ثلاث ولاحرصت عليهن والسلام ختام
وشكراً على الموضوع يابوعايد
khalid2003

[سنجااار]

علوم طيري يابوعايد ولايهونون الربع تسمعها هذي السنه انشاء الله

[وكري2007]

مشكوووووووور وماشاء الله عليك

[ابو عايد]

مشكوريين على مروركم والله يطرح في طيوركم البركة


ويجزاكم الله ألف خير

[مدرب الطير]

ما شاء الله الله يطرح فيها البركه
وتوفق في صيدها

وتقبل مروري
مدرب الطير

[ابو عايد]

السلام عليكم ورحمة الله وبركاته

مشكورين على مروركم الله يوفقكم الموسم الجاي

الله الله على التصوير الزين ياصقارين

[بو غازي]

السلام عليكم ورحمه الله وبركاته
بوعايد عسى الله يوفقك ويحميك ربي من كل شر ماشالله وعساك ذخر للمكشاتيين

اما بالنسبة للشيهانة مبروكة انشالله ويوفقك ربي بعشرين العام الجديد(20خرب;) )اما بالنسبة لي السنة ماقنصت الا للحباري اول الوقت وابشرك صدنا وحدة وبعطيك قصتها قانصين بعيد عن محلاتنا الي نقنص به دايم يوم يومين ماعينا حتى اثر الكروان ويوم احنا مقفين ندوج وحنا معودين لديرتنا لاوالله الا هذا الاثر علينا ظهير هافة مع الطعس ومحولة في العفجة اراسل الربع ابشرهم بس قلت لهم خلوني اتاكد انها مهيب مديوسة ولا جديدة الا والله هذا ثر الموتر يقطع لها ان لله وان اليه راجعون يافرحة ماتمت عودو يالربع شوي واشوف اثر واحد محول من الموتر ويقصها رجلي انا استغرب رجلي شوي الا موتر محول علينا شويبة معاه سايق بنقالي على ونيت جمس يحطبون السلام عليكم السلام وش العلم ابد والله قوانيص ومعنا اثر حبارة قال الشايب اي الصبح اليوم اهنا موترين هادين عليها ولاكن راحت عليهم وطيرهم مابغاها والله وكن الشايب سقاني ماي ورجع اقصها مرة ثانية وعلمنا الشايب بانواع مواتر القوانيص الي هو شاف ونقص الا هي طاير لاكنها قريب وشوي الا هذا مواتر القوانيص الي يقول وجينهام لاهم طابخين غداهم ومتغدين السلام عليكم السلام العلم وشو؟ العلم هدينا عليها فرخ ولابغاها والفرخ ذا هو الي متاكدين انه بيصيد ولا الباقي مامنهم يعرف الحبارة طيب والحبارة وينها قالو الحبارة في جونا ذا ماشالله عليهم مبردين قلت طيب يالربع تسمحولنا نقطع لها وبنعلمكم تجون تهدون عليها قالو ابرك الساعات اي والله يالربع لا قالو لامنكم شفتوها هدو عليها اي والله يالربع عسى ربي يوفقهم وين ماراحو وين ماجاو والله وياها وشوي الا اسمعهم ينادون اخوياهم بالجهاز الصلاة الصلاة قلت ماشالله عليهم الحبارة شوي شوي وتقوم قد حنا مصلين وهم مهوب من الديرة ومكانهم بعيد والله انا اقطع في المهرام من تجيني جفرة اطب فيها واطلع لافي جفيرة صغيرة شميعاتها ماتذكر وانا اتوق لها مابعد اوصلها الا ذا الي تدرج قايمة من ذا الجفيرة لاهي ابرك الحباري يالربع تدرج قدامنا كني اشوفها الحين وطيري على التكية راسل الربع لاحنا اخر العصر وعلم الجماعة ترا حباركم عندي يالربع وهم يقولون هد هد وانا اسمع هد وافرع لطيري وهو على التكية لا الحبارة تدرج من يميني حي ذا الشوووووووووووف والله ويشخص الطير تقول صايد من الحباري ماشالله تبارك الله ويطلبها ويهف عليها وينشها نشتين وتخالفه وتطير طيارها مسوحل لاكن طيار عجل ودها تشلع وادور طيري لا طير فوق مترفع لها ويسوق عمره لها سوق ماشالله تبارك الله وتحول الحبارة قدنا نطرد نشيل ونارد بالمواتر وشوي الطير يحول من فوق الى تحت قاضب الارض وفرق بينه وبين الحبارة زبارة كبيرة يوم تعدا الطير الزبارة ويوم ظهرنا فوق الزبارة الا هذاهو قدامنا معلقها مع رقبتها ماشالله تبارك الله عليه اكلم الربع الي معي عطونا الحمامة والله واعزل الحبارة حية واعطيها الجماعة يعلمون طيورهم ونستانس ذاك اليوم عسى ربي يوفقهم والله انهم اجاويد شرواكم وهذا علومي يابو عايد وفي صور لاكن والله ماتحضرني الحين مع واحد من الربع في جواله وادري اني طولت بس تصدقون والله تهيضت وانا اسولف وشكرا للجميع

[ابو عايد]

السلام عليكم ورحمة الله وبركاته

الأخ: بو غازي الله يبارك في طيرك ومشكور على سرد هذه القصة ونبي منك صور في موضوع مستقل ومشكور على مرورك