موضوع لجميع أهل القنص

[عاشق الأشقر]

وش رايك أفضل :

1_الصيد بالصقور
2_الصيد بالسلق



ولماذا؟؟؟؟؟؟؟؟

[الوافي عزام]

هلا بك يا عاشق الاشقر وفالك الاشقر المغتر ان شاء الله

اما بالنسبه لي افضل الصيد بالصقور

والسلق احبها واحب مطرادها مع الطير على الارنب

وشكرا لك

[عاشق الأشقر]

الله يعطيك العافية على الرد الجميل
لكن ما قلت ليييييييييييييييييييييه

[sasasasas]

صيد السلق افضل من ناحية المتعه الشخصيه
منظر الطرد
وفيه حماس
اما الطيور والله ما عندي اي معلومات عن الصيد فيهن

[يتيم بلا زايد]

مرحبا باخوي عاشق الاشقر اشكرك على فكرك الحلوه00


ملاحظه: انته حاط الموضوع بين الصيد بالسلق وطيور بخيمة الصيد بالسلق أكيد التصويت بيرجع اول شي بصيد بالسلق 100%

وهذه الخيمه من هواة السلق000000000000000000

[الاشعل 316]

انا عندي الطيور 99%

اما السلق 1%

وتقبل تحيات اخوك ابو سطام

[سلطان العوني]

هلا بك اخوي الاشقر
بالنسبه لي افضل السلق على الطير لان السلق لها متعه في الطرد غير الطير
وكن وهوايته
والف شكر على الطرح الجميل

[عروق الدهنا]

لالالالالالالالالالالالالالالالالالالالالالالالالا لالالالالالالاتعليق لالالالالالالالالالالالالالالالالالالالالالالالالا لالالالالالالالالالالالالالالالالالالالالالا

[عبادي 91]

السلق

لان فيه متعه وحماس وتحدي ومافيها خساير ولا شي وفعلها يمكن احسن من الطيور من ناحيت الصيد المتواجد

[أبو عابد2]

سأتكلم عن السلق ، لأني لا أعلم عن الطيور إلا قليلاً ...

السلق أطال الله في عمرك ، تجد به حماس لا يخفى على من مارس هذه الهواية أبداً ، وترقب للسلق وهو يهجم وينقض على فريستـه طيلة مدة طرده لها ، تجد هناك عشق لهذه العملـية الرائـعة ، ومشهدها وهو يطرد فريسته كلما زاد ، زاد حماسك وترقبك لصيد الفريسة (علاقة طردية)

تحيتي لكـ ...

[الوانيت1]

السلوقى وفى ويرجع لصحابة وغير مكلف بالمصاريف والتربية وأصح فى جسدة وقليل الامراض ونسبة ضياعة منك بسيطة جدا كما أنة ينفع فى الاماكن الغير مأهولة للحراسة تالى الليل يعنى معك خوى والسلوقى يطيع أذا أمرتة يعنى ينقل نفسة لو قلتلة أركب ولا انزل طاعك وهذا اللى عندى وسلامتكم//////

[راعي الرام]

بكل بساطه
السلوقي يصيد لكي يرضي راعيه
الصقر يصيد للاكل
السلوقي أفضل

[مزيون بيرق]

سلام عليكم
بالنسبه لي افضل مطراد السلق لانه وبكل بساطه اونس من الطير
ويكفي انه ما ياكل من الصيده ( وهذا مجرد رأي شخصي لا اكثر ولا اقل ) واسف على الاطاله

[راعي الفلوجه]

انا راعي طيور وراعي سلق وانتمي للسلق اكثر وافضل السلوقي عن الطير لعدة اسباب :
1ــ السلوقي وفي وانتم عارفين انه اوفى حيوااااان ..
2ــ السلوقي يطرد ويتعب وياكل تبن عشان يرضي رااااعيه ( وعلى ما اعتقد ان هذه الميزه تكفي ) ..
3ــ السلوقي المدرب لا يأكل من صيدته ..
4ــ السلوقي المدرب اذا مسك صيدته وهو بعيد عنك جابه لك ..
والطير عكس هذا الكلام وبالنسبه للمتعه فكل هاوي يشوف المتعه في سلعته سواءطير او سلوقي او بندق ..
وسلامتك ..

[القحطاني505]

الصيد بالسلق بدون منااافس

[عاشق الأشقر]

لكن مااااااااااااااااااااااااافيه طرايد للسلق
ثاني شيء بدون اهانة (((((نجس)))))
ولا تقدر تفتخر فيه عند الرجال

[يتيم بلا زايد]

يا عاشق الاشقر اولآ كلامك كله غلط في غلط يوم انته مالك في السلق وشو دراك في البحر واهواله

ثانيآ : كيف السلق ماله طرايد عندك مثل الضبا والارانب وغيرها من الحيوانات البريه هذا يمكن أنته ما جربت المقناص في حياتك0

ثالثا: سواء الصيد من طيور وسلاح وسلق في لآخير يسمى بعنوان ( قنص ) وهذ الشي نتفاخر فيه ونتعلم منه

رابعا: السلق مستحيل يكون نجس إذا كان متعلم ويداري صيده 0000

[ذيب عتيبه]

السلام عليكم ورحمه الله وبركاته
قبل ماقول رايي أبي الله يعافيكم وهالكلام خاص لأثنين ولاتهونون
عاشق الاشقر الله يعافيك
و
يتيم بلا زايد حفظك الرحمن
الله يعافيكم وهذي طلبه مني لكم أن كان تعزوني هالمشاكل ماعاد نبيها فكونا منها الله يفككم من نار جهنم
وياعاشق الله يعافيك أرجع لكلامك وأبيك تتأكد منه لو شوي الله يعافيك
بيض الله وجوهكم
وأما رأيي فأسمحولي أقول:
لاتعليق
والافضليه بيني وبين نفسي ولايهون الجميع
جميعهم عينين في راس واحد
::::::::::::::::::::::::::::::::::
هذا له مميزاته وهذا له مميزاته
تقبل مروري ياكاتب الموضوع

[الوانيت1]

لكن مااااااااااااااااااااااااافيه طرايد للسلق
ثاني شيء بدون اهانة (((((نجس)))))
ولا تقدر تفتخر فيه عند الرجالوجهة نظر تخص صاحبها وأهو مقتنع فيها وحنا نحترم وجهة النظر وراعيها....وبدون تعصب كلها سوالف ومزوح وكلن بعد شوى لبيتة بروح ومثل مقال أخوى طويل العمر ذيب عتيبة كلامة وافى..الله يجزاة خير ولا أنزيد على كلامة بشىء...موضوعنا هذا كنة موضوع وش الافضل الباترول ولا الاندكروزر مااااااااااااااااااااااا أنخلص من المناحا والشد فية..............والسلام ختام////:D :D :D :D

[رجال أشاوس]

السلوقي أكيد لأن السلوقي مثل ما قالوا الشباب له متع حتى تدريبه له متعة ولذلك يفضل على الصقر وانصح الإخوان جميعاً بشريط قنص السلق وعذراً على الإطالة...

[مورد القيفان]

والله من ناحيتي افضل الصيد بالسلق من اي شئ اخر ولكل نفس هواها

[هديان]

السلق السلق ..

[ولد عنيزة]

الصراحه السلق
والطير احبه واحب نظرته وخاصه لا صار حر يعجبن بالحيل
والطيرالصراحه يتعب يعني تخاف يظيع تهده (ويالله سلام عليكم)وانا مجربه مع واحد من الشباب طلعنا وهدينا له حمامه ولا شفناه ولا شفنا الحمامه وغير كذا خساير يبي كل يوم فرخ ولا بعد ويبي وزنه خاصه بالأكل اليوم عطه ثندات بعده نص ثندات غرابيل وغثى
واذا انكسرت ريشه طزز واذا انقطع اصبعه الذباح اقعد ناظره وطزز
واذا جاك الصيف قرنس وربط وحالك حاله
مامثل السلق صيف وشتاء ولا بعد ليل ونهار صيد
ولا قرنسه ولا انقطع الذباح
اللهم اذاجاه حفا حنا وبعد ثلاث ايام اطلع وطرب روحك
(كل واحد ووجهة نظره لا تزعلون علينا يالصقاره)
اخوكم ولد عنيزة

[الفوار2008]

مشكور اخوي عاشق الأشقر على هالمشاركة الجذابة "";) ""
وعشان ماأطول انا جربت القنص بالأثنين والأكيد عندي ان الصيد بالطير أفضل على التعب اللي فيه والمشقه اللي ما تنوصف الا انك لا هديت الطير تنسى كل يوم كنت فيه تطلع للملواح وتنسىالتعب ويبين ان كنت صقار ولايهونون اهل القنص بالسلق تحس انك اثمرت ""
لكن السلق والله اني ارتاح لهن لأن مافيهن ربع المشقه ولا ربع الخساره ولا يحتاج تشيل هم لكن تعال وهات لي سلوقي طيب وهده على كروان او حبارى ماينفعك اما الطير فهو لكل المتطلبات موجود...

[ذيب السرايا]

بالنسبة لي أنا أفضل السلق لأنا السلوقي يصيد أكثر من مره أما الطير مره وياكلها ولايبقالك كود العظام ههههههههههههههههههه@@@