مشاهدة النسخة كاملة : يا اهل الباث واهل الخبرة قربوا
.أبوعبدالرحمن
15/05/2007, 02:33 PM
السلام عليكم ورحمة الله وبركاته
اخواني لدي عدة مشاكل في الباث اللي معي طبعا الموديل 2003
1/ يطلع علي القير حرارة من جهة رجل السايق وش الحل
طبعا وديتها للوكالة وقالوا لي صلحناها ولا فيه فايدة
2/ اذا انفتحت الدريشتين حقت السايق والراكب الى النص بدن يقرقعن
3/ دخول اصوات هواء عند الخطوط الطويله او السرعة العالية
4/ ميلان السيارة من جهة اليسار ميلان خفيف اثناء توقف السيارة
طبعا السيارة على الضمان لانها ماشية قليل وشاريها مخزنة
وكل الخربات هذي مرت على الوكالة بالرياض ولا فيه فايدة
وهل الميلان قد يكون سببها الكفرات لان موديل الكفرات 2002 برجستون حقت وكالتها
ولا تنسون رد السلام ياخبراء
هويدي
15/05/2007, 02:39 PM
وعليكم السلام ورحمه الله وبركاته
بالنسبه للحراره اللي تدخل على المقصوره او الغماره اتوقع لو تركب عازل صوت وحراره لأرضيه السياره بتتخلص من هالمشكله
والكفرات موديله قديم انصحك تغيرها حتى لو كان زرعها نظيف لان كثره الوقوف تأثر عليها والله يستر عليك وعلى اخوانا المسملين
والمشاكل الثانيه ماليبها علم وان شاء الله الشباب بيفيدونك
Abo Nader
15/05/2007, 04:53 PM
وعليكم السلام..
أخوي هويدي ماقصر..
بالنسبة لصوت...كل مواتر العالم كذا...
بالنسبه لدرايش..عادي نيسان(ترا موتري باث)...بس ترا يقلون لا تمشي ونت فاتح نص الدريشه..
بالنسبه للحراره بالقير...غريبه..
.أبوعبدالرحمن
16/05/2007, 12:02 AM
وينكم ياشباب اشوف 32 مشاهدة ولا فيه الا 2 ردود لا حول ولا قوة الا بالله اذا كان كذا اسف ان كان ازعجتكم
واشكر اخواني هويدي وابو ناصر على ردودهم
لا حول ولا قوة الا بالله
هاوي الله
16/05/2007, 12:11 AM
بالنسبه لقرقعة الدرايش :
س/ هل الدرايش تقرقع أول ماشريت السياره ؟
الحل يوجد مسامير تمسك المُثبت الحديد بالدرايش , وأتوقع إنها مرتخيه أو طايحه داخل الباب والله اعلم . الإصلاح بسيط إذا كنت تقدر تفك الديكور حق الباب . الله الله في الركاده .
هاوي هدد تحياتي ,,
غضنفر
16/05/2007, 12:21 AM
3/ دخول اصوات هواء عند الخطوط الطويله او السرعة العالية
وعليكم السلام ورحمة الله وبركاته
صوت الهوا طبيعي
salehhd
16/05/2007, 01:37 AM
السلام عليكم
شوف يابو
السيارة من الوقفة التخزين الجلد تبعها تصير قاسية وكذلك الكفرات ومن المفروض ان الوكالة يغيرون الكفرات لك دام انها مخزنه عندهم ورص عليهم وخلهم يغيرون جلد البيبان وجلدة القير ( الي بين القير والسيارة )
والله يعينك
وانصحك تجرب باث ناني وتشوف صوت الهوى يمكن يكون عادي لان الجيب مافيه انسيابية مثل السيدان
بيرق التوحيد
16/05/2007, 01:46 AM
1/ يطلع علي القير حرارة من جهة رجل السايق وش الحل
طبعا وديتها للوكالة وقالوا لي صلحناها ولا فيه فايدة
بسيطه ياخوي
شف اللباد حق الفرشات الموكيت الي يقولون عنه عازل صوت وحرارة الي وجهه قصدير وخلفه اسفنج ابيض
خذ منه وغلف الي حول القير ولن ترى اي مكروه ان شاء الله
بيرق التوحيد
16/05/2007, 01:56 AM
1/ يطلع علي القير حرارة من جهة رجل السايق وش الحل
طبعا وديتها للوكالة وقالوا لي صلحناها ولا فيه فايدة
بسيطه ياخوي
شف اللباد حق الفرشات الموكيت الي يقولون عنه عازل صوت وحرارة الي وجهه قصدير وخلفه اسفنج ابيض
خذ منه وغلف الي حول القير ولن ترى اي مكروه ان شاء الله
2/ اذا انفتحت الدريشتين حقت السايق والراكب الى النص بدن يقرقعن
مثل ماقال اخونا هاوي هدد
او خلهم يغيرون لك الربل الي راكب في جوانب الدريشة الي تمشي من عنده القزازه وواجب عليهم التغيير لأن الموتر مخزن ولازم يغيرونها هذا النظام المتبع في الوكالة
وهددهم بالشكوى في دبي
3/ دخول اصوات هواء عند الخطوط الطويله او السرعة العالية
بسيطة جداً
خذ لي حق المكيف الصحراوي لي الماء المعروف الأبيض
وشف الربل حق الباب ودور فيه فتحة بسيطة واذا ماحصلت شق فتحه بالسكين وخشش اللي في الربل الين الأخير واذا هو وسيع دخل عدد 2 لي الين تحس انك اذا جيت تسكر الباب يتبك صح
وبأذن الله لن ترى اي مكروه
والأفضل ان تطالب الوكالة بالتغيير وهو حق لك يا اخي وهذا النظام المتبع في السيارات المخزنة
4/ ميلان السيارة من جهة اليسار ميلان خفيف اثناء توقف السيارة
طبعا السيارة على الضمان لانها ماشية قليل وشاريها مخزنة
وكل الخربات هذي مرت على الوكالة بالرياض ولا فيه فايدة
وهل الميلان قد يكون سببها الكفرات لان موديل الكفرات 2002 برجستون حقت وكالتها
ولا تنسون رد السلام ياخبراء
بخصوص الميلان
شيك على الربل الي راكب فوق الياي الأمامي
ممكن به مشكله ويستحب تغييره
وياليت تشيك على المساعدات ايضا او اليايات
ولو حصل انك تغييرهم بيايات استرالية فتمام على تمام
اما من ناحية الكفرات فاسمع ياخوي
نضام الحمراني في السيارات المخزنة
ان السيارة المخزنة ماتطلع الا بعد ان يغير فيها اي شيء استهلاكي
مثل الربلات والكفرات والصوف وغيرها
انت رح لهم وطالب وبقوة بالتغيير
وقل لهم هذا هو النظام
وهددهم بالشكوى لدى الإدارة العامة في شارع الأحساء
وقل ان ما نفع باشكيكم على دبي او اليابان
والله يمشون معك صح
جرب ولن تندم ونخوك
لي سابق تجربة معهم
ورأيتهم من اوسخ مخلوقات الله في التعامل مع العملاء
وفقك الله يا اخي
.أبوعبدالرحمن
17/05/2007, 06:00 PM
الله يجزاكم خير والله لا يحرمكم الاجر
وسعتوا صدري الله يوسع صدوركم
هاوي هدد جزاك الله خير
غضنفر الله يعطيك العافية
salehhd الله يوفقك
بيرق التوحيد جزاك الباري على التوضيح الكافي والله لا يحرمك الاجر
واشكر الجميع على الافكار التي قدموها
المميـز
17/05/2007, 10:11 PM
السلام عليكم ورحمة الله وبركاته
2/ اذا انفتحت الدريشتين حقت السايق والراكب الى النص بدن يقرقعن
3/ دخول اصوات هواء عند الخطوط الطويله او السرعة العالية
4/ ميلان السيارة من جهة اليسار ميلان خفيف اثناء توقف السيارة
وعليكم السلام ورحمة الله وبركاته
اخوي بالنسبه لمشكلة القير اول مره تمر علي
ولكن مشكلة الدرايش
اذا رحت للبر لاتفتحها نص ياتفتحها كله يا تصكه كله لانك اذا فتحتها نص تبدأ تلعب الدريشه وتأثر على ربلات المسار حقها
ويمكن اذا فكيت ديكور الباب راح تشوف توسع بربلات المسار حق الدريشه ( والله اعلم )
المشكله الثانيه دخول الهواء !!
وانت تمشي حدد من وين داخل الهواء ؟ هل هو من الابواب ؟
اذا كان من الابواب (فيه جلد تنباع بالمتر عند محلات الزينه تتلبس من داخل الباب على شان يطبق زين)
ويمكن يكون دخول الهواء من القزازه الاماميه ( الكبيره ) قد يكون من كثر الوقوف بالشمس الغراء حقها تأثر ونشف وبذلك يكون فيه تنسيم من الزويا !! مر على محل قزاز وخله يفكه وينظف مكانه ويركبه لك من جديد بشكل افضل
ومستحيل يكون دخول الهواه من الدرايش
وبالنسبه لميلان السياره من اليسار!!
تأكد من مقاس الكفرات لا تكون مغيره للجهه اليسرى مقاس اصغير بالارتفاع
وتأكد من الهواء
تأكد من الجلد اللي بين الشاص والبدي يمكن تكون منقطع او قاظيه
تأكد من جلد الياي
وبالنهايه اتمنى اني افدتك وااااسف على الاطاله
.أبوعبدالرحمن
18/05/2007, 01:02 PM
الله يوفقك يالمميز
كفيت ووفيت
عاشق السيل
18/05/2007, 01:31 PM
والله الشباب ماقصروا يعطيهم العافية ،،
والله يسهل أموركم مع الباث ...
تقبل مروري ،،،،،،،،
عاشـقhttp://www.mekshat.com/pix/upload/sign/images/mk49539.gifالسيل
.أبوعبدالرحمن
19/05/2007, 12:48 AM
عاشق السيل
هلا والله ومرحبا مليووووووووووووووووووووون
المميـز
19/05/2007, 02:50 AM
الله يوفقك يالمميز
كفيت ووفيت
ماسويت الا الواجب
بس تكفى اذا صلحته علمنا وش يصير معك
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir