ابوخالد_k
16/05/2007, 05:49 AM
السلام على من اتبع الهدى
اخواني اعضاء مكشات . اليوم كنت مسافر وحصلت لي مشكله بالسيارة وانا والله اني ماعرف في السيارات شي بس اغير الزيت والبنزين واتوكل على الله فتكفون يالنشامى اللي عنده حل يسعفني به .. وخلوني بوصف لكم المشكله وشهي ..
مشيت على موتري كامري 2003 مسافة 200 كيلو بعدها ريحت شوي والاوضاع على مايرام المهم شغلت ومشيت مسافة 20 كيلو هم للموتر تولع لمبة حقت المكينه والله واوقف وافتح الكبوت قلت بشوف السير يمكن منقطع او تهريب ماء والا زيت . ولاشفت شي قلت خلني امشي لاقرب محطه واشوفها عالنور الواضح . المهم مشيت حق 5 كيلو بسرعه 80 شوي هم لسياره يوم طفت . هاذي والله البلشه واوقف بارض خلى مقطعه مافيها احد واشيك مثل قبل ولافيه شي والله واشغل الموتر وامشي الى الان المبه مولعه حقت المكينه والحراره ربع وامشي تقريبا 10-15 كيلو واسمع صوت مثل صوت الحديد ليا حكيته ببعض طوال هذه المسافه ويرزقني الله بمحطه واوقف عند البنشر ويوم فتح الكبوت هم لدخان يطلع من المكينه دخان بسيط هم للمكينه ملمسها نار وافتح الاديتر واحصله فاضي مافيه ماء . ويوم رجعت للسياره وشغلت السوتش هم للحراره فل متعديه العلامه الحمراء والغريب قبل ما اطفي السياره كانت ربع . المهم حول المكينه حصلت زيت بسيط ماادري من وين جاي والله وانتظر حوالي ساعه قلت بخليها تبرد هم بعبيها ماء . وبعد ساعه عبيتها يمكن الى النص قلت خلني بشغلها هم اكمل تعبيتها والله واجي اشغلها وتعيي تشتغل السوتش يشتغل والاديتر يطلع الماء اللي عبيته فيه مع فتحت تعباته كنه نافوره والسياره مكانها . المهم قلت مالي غير سطحه تجي تشيل الموتر لا فيه مكنيكي فهالورشه وعلى طريق سريع وانا فالسيارات يالله بالخير . وبعد انتظار دام ساعتين جت السطحه ونقلتها لجده ...وهالحين ابي مشورتكم فالحل وش اصلح فيها اخاف اروح للورش ويكذبون علي وياغافل لك الله .. تكفون يالنشامى
ملاحظه ( يا اخوان البارح يوم تعطلت سيارتي وقفت اشر على الخط قرابة الساعه والنص ولا واحد وقف . هو الظاهر ان الناس ماعاد فيها خير ولا يخافون . بعد هالموقف تعهدت على نفسي اني ما اترك واحد ياشر عالطريق السريع وسيارته جنبه متعطل مع العلم اني والله ما اذكر شفت واحد وما وقفت الا اذا كان معي عائيله لكن هالحين عايله ولا عزاب بوقف وبساعد المسلم مافيها شي عابر سبيل واكسب اجره وكل واحد يخلي نفسه مكان هاللي ياشر وش بيكون ردت فعلك اذا مرك واحد وهو يطالع فيك مهدي السرعه ويمشي ويتركك)
اخواني اعضاء مكشات . اليوم كنت مسافر وحصلت لي مشكله بالسيارة وانا والله اني ماعرف في السيارات شي بس اغير الزيت والبنزين واتوكل على الله فتكفون يالنشامى اللي عنده حل يسعفني به .. وخلوني بوصف لكم المشكله وشهي ..
مشيت على موتري كامري 2003 مسافة 200 كيلو بعدها ريحت شوي والاوضاع على مايرام المهم شغلت ومشيت مسافة 20 كيلو هم للموتر تولع لمبة حقت المكينه والله واوقف وافتح الكبوت قلت بشوف السير يمكن منقطع او تهريب ماء والا زيت . ولاشفت شي قلت خلني امشي لاقرب محطه واشوفها عالنور الواضح . المهم مشيت حق 5 كيلو بسرعه 80 شوي هم لسياره يوم طفت . هاذي والله البلشه واوقف بارض خلى مقطعه مافيها احد واشيك مثل قبل ولافيه شي والله واشغل الموتر وامشي الى الان المبه مولعه حقت المكينه والحراره ربع وامشي تقريبا 10-15 كيلو واسمع صوت مثل صوت الحديد ليا حكيته ببعض طوال هذه المسافه ويرزقني الله بمحطه واوقف عند البنشر ويوم فتح الكبوت هم لدخان يطلع من المكينه دخان بسيط هم للمكينه ملمسها نار وافتح الاديتر واحصله فاضي مافيه ماء . ويوم رجعت للسياره وشغلت السوتش هم للحراره فل متعديه العلامه الحمراء والغريب قبل ما اطفي السياره كانت ربع . المهم حول المكينه حصلت زيت بسيط ماادري من وين جاي والله وانتظر حوالي ساعه قلت بخليها تبرد هم بعبيها ماء . وبعد ساعه عبيتها يمكن الى النص قلت خلني بشغلها هم اكمل تعبيتها والله واجي اشغلها وتعيي تشتغل السوتش يشتغل والاديتر يطلع الماء اللي عبيته فيه مع فتحت تعباته كنه نافوره والسياره مكانها . المهم قلت مالي غير سطحه تجي تشيل الموتر لا فيه مكنيكي فهالورشه وعلى طريق سريع وانا فالسيارات يالله بالخير . وبعد انتظار دام ساعتين جت السطحه ونقلتها لجده ...وهالحين ابي مشورتكم فالحل وش اصلح فيها اخاف اروح للورش ويكذبون علي وياغافل لك الله .. تكفون يالنشامى
ملاحظه ( يا اخوان البارح يوم تعطلت سيارتي وقفت اشر على الخط قرابة الساعه والنص ولا واحد وقف . هو الظاهر ان الناس ماعاد فيها خير ولا يخافون . بعد هالموقف تعهدت على نفسي اني ما اترك واحد ياشر عالطريق السريع وسيارته جنبه متعطل مع العلم اني والله ما اذكر شفت واحد وما وقفت الا اذا كان معي عائيله لكن هالحين عايله ولا عزاب بوقف وبساعد المسلم مافيها شي عابر سبيل واكسب اجره وكل واحد يخلي نفسه مكان هاللي ياشر وش بيكون ردت فعلك اذا مرك واحد وهو يطالع فيك مهدي السرعه ويمشي ويتركك)