استعانة بالاخوان بعد الله في شراء جهاز قارمن والشروط بالداخل

[escape_man]

سلام عليكم ورحمة الله وبركاته

اخوكم عنده اختبارات وفاقد التركيز ومايقدر يبحث بالمنتدى ( الله يجيبك ياطولة البال )

انا ياجماعة الخير طلب كالتالي :


1. جهاز ملاحة
2. تدلوني على افضل محل لبيع هالاجهزة لاني من النوع الي اذا دخل محل مايطلع الا وهو شاري.



القيود والشروط:
1. جهاز مايتعدى 1500 ريال
2. مابيه يخزن خرايط دار موجه وغيرها ( مالي فيها) ابي فقط يرجعني لنقطة الانطلاق وايضا استطيع ادخال احداثيات واوصل لها.


باروح امشي بزيراتي بابها وماجاورها واتعمق في وديانها ولا ودي اضيع ومعي هالمره وبزيراتها.

بيض الله وجيهكم بيض افعالكم وناطر الرد بحسب القيود المذكورة اعلاه ( اعذروني ترى والله متأثر بالمذاكرة)

[escape_man]

للرفع مع التحية

[أبو فهد ( 1 )]

عليك بجهاز يكون فيه ذاكرة خارجية وخرائط لو زاد عليك السعر شوي لأنك ستجد جميع ما تريد مدن قرى هجر وغيرها مدون بتعب سنين ما عليك سوى فتح الجهاز وتشاهد أسماء ما حولك على الخريطة وبالتوفيق.

[escape_man]

الله يجزاك بالخير وانا اخوك

انا اشوف هالانواع مع الربع لكن مالي فيها ... ابي جهاز يناسب حاجتي الي ذكرتها وتقوم بحاجتها

وعلى قولتهم اكل العنب حبة حبة

بارك الله فيك وشاكر مرور شخصك الكريم

[أبو فهد ( 1 )]

الله يجزاك بالخير وانا اخوك



انا اشوف هالانواع مع الربع لكن مالي فيها ... ابي جهاز يناسب حاجتي الي ذكرتها وتقوم بحاجتها

وعلى قولتهم اكل العنب حبة حبة

بارك الله فيك وشاكر مرور شخصك الكريم




هلا أخي escape_man ما عليك إلا أن تمر الوكالة وفيه أشياء رخيصة مرة.

[escape_man]

بي الله وجهك يابو فهد ولك كل الشكر والتقدير مني

اتوقع هذا الانسب مع ضيق الوقت عندي ...

لاحرمك الله اجر المعونة والنصيحة

[airwork]

1500 ريال صعبه تحصل شي جديد انا عندي لك كمبيوتر كفي Eten G500 مستعمل و نظيف مع ميموري 2 قيقا و مركب عليه برامج ملاحه تقريبا 6 منها 3 مع خرائط الخليج و شغاله ميه ميه اذا لك رغبه راسلني على الخاص
تحياتي

[escape_man]

1500 ريال صعبه تحصل شي جديد انا عندي لك كمبيوتر كفي Eten G500 مستعمل و نظيف مع ميموري 2 قيقا و مركب عليه برامج ملاحه تقريبا 6 منها 3 مع خرائط الخليج و شغاله ميه ميه اذا لك رغبه راسلني على الخاص
تحياتي


في اجهزة اقل من نصف السعر الي ذكرته وانا اخوك ولكن انا سألت الاخوان استناسا بخبراتهم ونصائحهم ولانه وقتي محسوب بالثانية وبودي انصى المحل واخذ الجهاز باقصر وقت ممكن.

شاكر مرورك اخوي العزيز

[الوافي عزام]

حياك الله

شغل سيارتك الله لايهينك ورح للاتصالات بمخرج 10 وشف محل شمالات والا اي محل يعجبك

وخذ منه القارمن العربي اللي ما يتعدى 800 ريال جديد وبضمان

دامك ماتبي خرايط ولا غيرها

عز الله بيعجبك واستخدامه سهل جدا ويفي بالغرض وزود بعد

وان كانك رجال ودك تجرب وتشوف قبل لا تشري حياك الله سير علي وشفه موجود عندي
وان كانك رجال ماتبيه الا للرحله هذي خذه انا منيب محتاجه ذا اليومين

وبالتوفيق

[المكحل/ابو]

يا اخي:
فية جهاز عند دار موجة سعرة 500 ريال
+ الشاحن بسعر 100 ريال
يطلع عليك بـ 600 ريال
لونة اصفر بسود
حجمة صغير جدا
اختياجك موجود وزيادة
مجرب بشكل جيد

[escape_man]

حياك الله

شغل سيارتك الله لايهينك ورح للاتصالات بمخرج 10 وشف محل شمالات والا اي محل يعجبك

وخذ منه القارمن العربي اللي ما يتعدى 800 ريال جديد وبضمان

دامك ماتبي خرايط ولا غيرها

عز الله بيعجبك واستخدامه سهل جدا ويفي بالغرض وزود بعد

وان كانك رجال ودك تجرب وتشوف قبل لا تشري حياك الله سير علي وشفه موجود عندي
وان كانك رجال ماتبيه الا للرحله هذي خذه انا منيب محتاجه ذا اليومين

وبالتوفيق


بيض الله وجهك يالغالي ,,, لاخلا ولا عدم ومانختبر جودك وجود امثالك

والحمد لله مامن قصور والجهاز ابيه لليوم ودوم ,,, وبصراحة دليتني على محل

قريب عندي وانا حسبت انه لابد تطقها مشوار لعماير الصالحية.

اللله يباركلك بمالك ورزقك ويزيدك من واسع فضله

[escape_man]

يا اخي:
فية جهاز عند دار موجة سعرة 500 ريال
+ الشاحن بسعر 100 ريال
يطلع عليك بـ 600 ريال
لونة اصفر بسود
حجمة صغير جدا
اختياجك موجود وزيادة
مجرب بشكل جيد


كلام حلو وجميل

الله يعطيك العافية على مرورك يالغالي,,, وعز الله انك ميزت الجهاز بذكر هاللون تمييز مابعده

باشوف الانواع وبركز على الانواع الي ذكرتوها وباوافيكم انشاء الله بالاسعار

[airwork]

شكلك بتضيع دربك بأبها الله يخارجك
اشترلك جهاز مضبوط ولا تسترخص( الرخيص مخيص) لأنه وقت الحاجه ودك تدفع اللي وراك واللي قدامك بس تصل لبر الأمان
الله يسرلك للي فيه الخير
تحياتي

[escape_man]

شكلك بتضيع دربك بأبها الله يخارجك
اشترلك جهاز مضبوط ولا تسترخص( الرخيص مخيص) لأنه وقت الحاجه ودك تدفع اللي وراك واللي قدامك بس تصل لبر الأمان
الله يسرلك للي فيه الخير
تحياتي


شكلك مافهمتني صح وانا اخوك

الخير وافر ولله الحمد لكن اخوك تخصص برمجة ومنظم وكل شي محسوب للحاجة. اسافر لمنطقة غريبة كل 6 سنين مرة والبر ماروح الا شي ادله او يكون معي شقردية .

فبالله عليك ادفع جهاز مكمل قيمته 3000 وانا ما احتاجه فعليا

وعلى العموم كلها اجهزة منتجة من نفس المصنع وليست قضية اصلي وتقليد

كلها اجهزة تودي وتجيب وانا ابي يطلعني من الشقة ويرجعني لها فقط وللعلم انا ادل بابها والخميس وتنومة النماص وجيزان وقد رحت لجزر فرسان بدون جهاز.

لكن قلت من باب مواكبة التطور.

ومن باب رد الجميل والنصيحة ( لا تشتري شي مالك به لزوم وكافح بعض العادات السائدة فينا يالشباب ) :D

[airwork]

الله يوفقك للخير اخوي

[escape_man]

الله يعطيكم العافية ياخواني الي شاركوني الرأي والمشورة

واليوم الحمد لله شريت Gps5 وبالكاد لقيت حبه واحدة بالسوق وقيمته 1250


تحياتي لكم

[صقرنجد1]

بالتوفيق ياأخوي والله انك اعجبتني بقولك أنك ماتحتاجه علشانك ماتطلع للبر الا مع شقردية مثلك وشرواك بس هل فكرت انه بيجي يوم تبي تلحقهم للبر أو كنت في مدينة وتريد ان تعرف اقرب سكن واقرب مأكل واقرب مشرب واقرب محطة واقرب وزارة واقرب شعيب واقرب واقرب واقرب واقرب........... يعني انك ياعزيزي تحتاج للجهاز لو تبي تختصر طريق راح يخدمك وعلى العموم جهاز C276 راح يخدمك كثير ولا راح تندم انشاء الله وماهي خساره انك تدفع المبلغ هذا في صديق لك ومساعد لك في الطريق وشكراً .

[escape_man]

شرفني مرورك ياصقر الجزيرة ونصيحتك على قلبي مثل الماء البارد

اذا جت حاجته شريناه وصار Gps5 بديل في وقت الحاجة مع انه يتمتع

بامكانيات عاليه وله خرائط مثل غيره مع اني ماتعمقت في الاستفسار عنها

ثم استخدامها... C276 بامكانياته الممتازه ماراح احتاجه فعليا وخاصة الصيف

على الابواب.

بارك الله فيك اخوي الفاضل وكل الشكر لك على مرورك