ليه يامسلمين؟

[ذيب عتيبه]

السلام عليكم ورحمه الله
الموضوع حسـاس وشد أنتباهي بالفتره هذي
ولكن ليه ؟؟
نلاحظ بدا التساهل في بيع السلق
أخوان هداهم الله ضربوا كل الاحاديث والفتــاوى ضرب الحـائط ولمذا ؟؟
لاجل الف ريال ولا الف وخمسمئه؟؟؟؟
يأأخوان السلق لايجوز بيعها
ألم يعجبكم هذا القول؟؟
ياأخوان هداكم الله يامن تبيعون اكلاب الصيد أنا مابيدي أمنعكم لكن كل شخص على هواه
لكن لانريد ولا نرضى أن يكون حديث المجالس
((أن فيه منتدى أسمه مكشات يبيعون أعضاءه السلق ))
شنو بيكون سمعه المنتدى ؟؟
يااخوان يامن تبيعون كلاب الصيد أذا انت ماقتنعت بهالااحاديث التي تحرمه وأجتماع الامه الاسلاميه على حرمه بيع الكلاب
فأنا اقولك هالشي بينك وبين ربك ولكن ؟
بعيد عن المنتدى ياخي في كل مكان ناس يبون هالسلق أذا انت ماجادت نفسك وأهديتهم اللي ماتحتاجه ياخي بوقتها على هواك بعهم باللي تبيه والله حسيبك


يااخوان أنا هنا والله العالم مقصدي بالاول والاخير لانريد أن نتعاون على منكر ((وتعاونوا على البروالتقوى ولا تعاونو على الاثم والعدوان))
يااخوان خلونا ننضف هالخيمه من هالظاهر اللي والله بدت تنتشر بين صفحات هالمنتدى المميز
أتمنى الاخوان ياخذون هالموضوع من ناحيه أني والله كل مااقصد نصحكم بما يرضى الله عز وجل
:::::::::::::::::::::::::::::::::::::::::::::::::
غفر الله لي ولكم ورحم أمتنا من رحمته
عافاكم الله

[نافخ نفيخه]

انت تقصدني لاني عرض الجراوه ياخي الامحلات اتبيع مافيه حد يعطي

[الغانمي]

الله يعطيك العافيه

والله يكثر من امثالك

واللي عليك سويته ..............

[مشعل_1001]

مشكور ياذيب علي الموضوع وانا اعتقد ان المسؤول عن هلموضوع المشرف
المفروض ان يحذف اي موضوع فيه بيع كلاب
وانا صراحة ليس لي علم اذا بيع الكلاب محرم بس اجزم انا بيع الكلاب عيب عند العرب

[المواادع]

مشكور على المضوع الله يعطيك العافيه

[الضيغم]

بسم الله الرحمن الرحيم ..

السلام عليكم ورحمة الله وبركاته ..


صح عقلك وفكرك وجزاك الله خير الجزاء على ما قدمته .. ووفقك الله لما يحب ويرضا ..

طرح أكثر من رائع لا حرمك الله الأجر اخي في الله .. وأرجو ان محد يفهم ان الكلام موجه له لأن مو بس هنا الشي هذا يصير بكل مكان ..

ولاكن التوعيه بهالخصوص مهمه جد جدا ..

ودمتم في حفظ الرحمن ..

[باقيرا]

يسلموووو اخوي ذيب عتيبة

وانا معك بهالراي .......... وبقوة

وان كرامنتا وشيمنا ............... تمنعنا من فعل هذي الاموور

بعد الدين طبعا ومشكووو على الموضوع

[القحطاني505]

خوي ذيب عتيبه كلامك بعين الصواب وتعبت وانا اتكلم وان شاء الله نشوف حد للمشكله والبيع حراام وانا اعرف واحد كااان يشتري يقوول كل مااشتري اتعب ويموتون او مايفعلون والسبب انها حرام وقمت واهديته سلق مرتاح اللحين وسلقانه طيبه مره

الله يهدي اخوانا ان شاء الله

لاهنت اخوي ذييب عتيبه

[أيمن]

أحسنت ..
ويستحق التثبيت لمدة ثلاثة أيام ليطلع عليه أكبر قدر ممكن من الأعضاء ..

تحيتي

[sasasasas]

ما قصرت اخوي ذيب عتيبه

على ما قدمته من موضوع

ويستاهل التثبيت اكثر من ثلاث ايام

[ابو صاالح]

كفو والله اخوي ذيب عتيبه ونا والله اني تعبت ونا اتكلم وارد على هالنوعيه بس عجزت مير تراك ما قصرت وكثر الله امثالك وجزااك الله الف خير اخوك ابو صاالح

[أبو محمد]

مشكور اخوي ذيب عتيبه
وجزاك الله خير

[((الطرقي))]

تسلملي يلغالي

لاكن لا حياه لمن تنادي
إلا مارحم الله

[ذيب عتيبه]

السلام عليكم ورحمه الله وبركاته

أبدأ بسلام وتحيه
ومقصدي لقلوب من الطيب عبيه
أحياء مافرضه الله لنا في وقت انه مات عن بعض القلوب لنا ولهم ندعو الله الصلاح والسعاده وتوفيقه
يشرفني بعد أن يكون كلامي أخذ بمأخذ النصيحه والرشد
ومن ثم
تفاعل أعضاء أعتبرهم وسام فخر لي معرفتي بهم وقربي منهم وأحتكاكي بهم
ويكفي الفخر أن يكون لي شي على قائمه التثبيت لانه منتدى مكشات
ياأخوان أدعو الله لي ولكم بالتوفيق ولمايحبه الله ويرضاه
لكن لابد أن أشكر من تفاعل معي بهذا الموضوع وطرحي البسيط وهم :
اقريح
ابو عزوووز
ابو صاالح
sasasasas
أيمن
القحطاني505
باقيرا
safouane
الضيغم
المواادع
مشعل
الغانمي
نافخ نفيخه

::::::::::::::::::::::::::::::::::::::::
لن اوفيكن حقكم مهما تكلمت ولكن أدعو الله لي ولكم التوفيق
بيض الرحمن وجوهكم على هذه الردود والتفاعل
وجعلها الله في ميزان حسناتكم
أخوكم ذيب عتيبه

[حنضله]

والله انك صادق ياذيب عتيبه وان والله الناس الحين
يسولفون ويقول واحد منهم تكفون ابي سلوقي او سلقه
ويجيك ياطويل العمر واحد يقول رح لـــ مكشات وحط موضوع {ابي سلقه يالربع} والمشكله انه ماله الا هالموضوع وهذي اول مشاركه له
ياخي ناس فيها من البجاحه مالا تتصور

[ولد ال زايد]

مشكور اخوي ذيب عتيبة
والله المفروض اذا فيه ناس ماتخاف من ربها وتبيع السلق على الأقل تتذكر ان بيعه عيب وقلة مروة عند العرب
وبيض الله وجهك على الموضوع
ماقصرت

[مورد القيفان]

ايه هذا الكلام الي يجمد على الشارب

[سلطان العوني]

لخوي ذيب عتيبه
ابي تفهم هالكلمه
الحي يحييك والميت يزيدك غبن
وجزاك الله خير على ما طرحت

تحياتي
============
اخوك سلطان العوني سابقا

[ملفي و مقفي]

الله يعطيك العافيه

كفيت وفيت

وما تركت لنا شي نقوله

أخوك ملفي و مقفي

[مزيون بيرق]

اخوي ذيب عتيبه كلامك صح ولا تشرح
وما اقول الى كفو ينطح كفو على الموضوع واقول للي يقول انه ما فيه احد يعطي
ياخي قدر ضروف الاعضاء يمكن فيه ناس ما عندها صدق ويمكن فيه ناس ما يبون
نسل سلقهم يطلع منهم ويتحفضون عليها يعني مهوب بيوم وليله بتلقالك سلقه
هذولي ناس ربوا وتعبوا وانت يالي تبي سلقه لازم تتعب والدنيا ما خلقت بيوم
واسف على الاطاله وتقبل مرور اخوك مزيووووووووون بيرق وشكراً

[راعي الفلوجه]

بيض الله وجهك يا ابن العــــم ...

كلامك صح ولا تشرح .. ولا تضرب ولا تطرح ههههههههههه

[عقـــــــــاب]

تبون الصراحه

أنا ماني من قوم خيمة الصيد بالسلق .
وهاك اليوم أقيمت ماحظره في جامع الحي وكان الموضوع عن الكلاب أعزكم الله
وحكم بيعها ..
والله الذي جل جلاله طرى علي مكشات :mad:
يأخوان أنا لست مفتي ولا عالم ولكن ركزت على كلام الشيخ لكي أنقله لكم
ووجدت الأخ ذيب عتيبه سبقني بارك الله فيه .
يقول الشيخ لايجوز بيع الكلاب وهو محرم
وأستثنى منها كلاب الصيد والحراسه ولكن قال لو يترك بيعها ويترفع عنها كان أفضل له .
ولم يحبذ الشيخ بيعها .
الشيخ هو الدكتور علي التويجري مدرس في الجامعه الإسلاميه بالمدينه المنوره .

[ذيب عتيبه]

السلام عليكم ورحم الله وبركاته
ردود متقنه ...بالغلا مفعمه
أنا لي الفخر بردودكم على الموضوع
أولا وأخيراً
الموضوع لكم وأتمنى فائدتكم
لجميع من أبدى مروره له مني كل شكر وتقدير
::::::::::::::::::::::::::::
الف شكر على كل رد
أفتخر بكم وبردودكم
ذيب عتيبه

[يتيم بلا زايد]

بيض الله و جهك يا ذيب عتيبه على موضوعك المثالي والمدروس

وانتمنى كل عضو يدخل ويقرأ ويستفيد ويفيد غيره وازيدك من الشعر بيت إلي حصل في الوقت الحالي وهو نزول السلق في الساحه للمزاد من ناحيه الجمال وغيره وفي بداية بناء خيمه الصيد في السلق نلاحض هذه الضاهره مستمره حتى للحين وأنا اطالب مشرفنا طلو تثبيت هذا الموضوع ومشكور ذيب عتيبه ومتابعك لهذه الخيمه 000000000000

[مخرب طلعات]

أخواني بعطيكم بعض الزيادات من عندي

الكلاب الغير محرمه 3 أنواع وهم
1- كلاب الحراسه
2- كلاب الصيد
3- كلاب الرعي (التي ترعى الأغنام والبهائم)
----
ومن يريد بيع الكلب فأنا أقول له "(محرم)"
وله فقط طريقتين
1- إنك ماتبيه فأعطه أحد من أصدقائك أو أي أحد يريد شرط أنه يتبناه بدون دفع ريال واحد وإذا تريد إعطائه شروط مثل
( لاتتركه بالليل جوعان أكله باليوم 3 أو مرتين ...إلخ ) مافيه مشاكل (عادي)
2- إذا ولدت الكلبه الأنثى أبنائها وزعهم على أصداقئك أو الذين يريدونهم ومحتاجين لهم وإذا إنت من الشريطيين تشرط كما تريد ولكن لاتسرف بالتشرط
--------------

وعافانا الله من كل مصيبه ومكروه ودمتم بحفظ الله

[القـــناص]

مشكووور

اخــــــوي

ذيب عتبه

على هــذه

النصــيحه

وكثر الله من امثالك...

[ذيب عتيبه]

لي كل الشرف بكل مرور لكل عضو في هذا المنتدى وكل مشرف
الله يعين على طاعته
بيض الله وجيهكم على مروركم
::::::::::::::::::::::::

[دحوش]

مشكور وما قصرت

[ذيب عتيبه]

العفو الله يعافيك وكثر الله من أمثالك
هذا العشم فيكم
وفقكم الرحمن

[جني قطر]

انا حاب اقول شي واحد في الدين حــــــــــــــــــــــرام بيع الكلاب
وفي السلم عيب اتبيع كلبك احط افلوس كلب في جيبي والسلق يهدى
وثلاث شي اقول بيض الله جهك يا العتيبي والله انه موضوع زين وهاذا الكلام الصح وعييييييين الصواب

[ذيب عتيبه]

قطر وأهلها أدرى بالسلوم وبياض القلوب هم راعينها ووسامها
عافاك الرحمن من كل شر
الله يكثر من أمثالك
:::::::::::

[الدحبول]

مشكور على المعلومات
يعني حرام تشتري سلق ؟؟؟؟؟

[ذيب عتيبه]

السلام عليكم ورحمه الله وبركاته
العفو الله يعافيك هذا الواجب ولاعن الواجب شكور

الف شكر على مرورك

[عافور]

الموضوع هذا هناك علماء حرموا وهناك علماء أجازو فلا تستطيع أن تنكر على أحد والموضوع في خلاف

[ذيب عتيبه]

الف شكر على مرورك

[القصيلي911]

مايجوز نبيع ولاكن هل يجوز ان نشتري ؟

[راعي ريمه]

كيف الواحد ياكل حرام والله جلا جلاله يقول ماكله حرام ومشربه حرم وغذي بالحرام وانا يستجاب له ياخي الغالي من ترك شي لوجه الله عوضه الله خيرن منه وانالك ناصح امين وفقك الله لمايحب ويرضاء

[بو هاشم]

بيض اللهوجهك وماقصرت صحيح أنك ذيب عتيبه

[هيسوكا]

الحمدلله على العقل
نعمه القليل يحس بها
:::::::::::::
تقبل مروري

انشاء الله يكون جايزلك ردك الحلو الي يدل ع مرجلتك

[ورع]

طيب سؤال
اذا انا ابي اجيب كلب حراسة بمعنى اني اشتريه
عادي ولا لا
الصيد بالكلاب السلوقية حرام ؟؟؟؟
انتظر الاجابة

[صياد تكريت]

حزاك الله خير او جعل فيك خير للاسلام والمسلمين

[ساطي العتيبي]

بيض الله وجهك بياض الشاش
ياولد العم والله ماقصرت واللي
عليك سويته وجزاااااك الله الف
خيييييييير

[المريخي 717]

جزاااك الله خير

[ابو بيان]

جزااااااااااااااك الله خير

[عزيز2100]

كلام رائع

والمفرووووض الادارة تطبق هالكلام

مثل ماتفضلت انها من باب انكار المنكر

ذيب عتيبة ماقصرت وكثر الله من امثالك

[معالي الكعبي]

انا الحمد الله ماقد بعت سلق

بس اعطي ولاابادل

[الشريف 999]

الله يجزاك بالخير ويكثر من امثالك لكني اوافق اخي الكريم مشعل 1001 لان الذنب ذنب المشرفين
وتقبل مروري

[دواس الظلماء]

بيض الله وجهك

و بيع الكلاب عيـــــــــــــــــــــــــــــب عند العرب

[الكونتر]

تسلم ياخوي وصلت الرساله ونشاءالله يمشون عليها

[عروق الدهنا]

ابو تركي

عزالله موضوع لو انه مبطي منزله


بيض الله وجهك

وعلى العموم معروف من اللي يبيع السلق وانا اخوك

[الصارم1]

والله انك صادق

مشكور على هالموضوع

[ابو صاالح]

الله يجزاك خير اخوي ذيب عتيبه ،، الله يخلف بس

[star22]

الله يعطيك العافيه

[دنيا بلا معنى]

يعطيك الف عافيه والحقيقه انك كفيت ووفيت الله يطرحه بميزان حسناتك وشكرا لك ولقلبك الصاحي الله يجزاك الف شير انت ومن ثبت الموضوع لانه الحقيقه يستاهل والواحد من تالي كش من هالمنتدى بسبه هالسوالف الحقيقه اشكرك مره والف مره والله يوفقك بس ليت الناس تحس وتضب ارقامها بعد بدون عروض واستفسارات والحلال بين والحرام بين وهذي السالفه سالفت بيع الكلب صريحه وواضحه التحريم فيها وقدرها تملى يد المشتري تراب على حديث الرسول صلى الله عليه وسلم وهنا يتنذخ انه يشتري كلب بكم الي بالصوره الفلانيه واذا للبيع يا رجل بأسا لقوما يجاهرووون بالمعصيه تقبل مروري اخي الكريم الفاضل ذيب عتيبه

[ابوسعودالسهلي]

يعطيك الف الف الف عافيه اخوي ذيب اعتيبه اوماقصرت اوبيض الله وجهك بس وين الي يخاف الله اوبعدين عيب ...

[جهام - جهيم]

سلمت ياخوي ذيب عتيبه .. والله استغرب من اللي مايستحي انه يبيع او يشري له ويكتب بالمواقع ومدري ايش

وينه عن الاحاديث والفتاوى الواضحة


الرجال اقل شيء يترفع وشهامته وطيبه يمنعه انه يتكسب من ورا شيء حرام وعيب يسويه


مشكور وتقبل مروري بصدر رحب

[star22]

السلام عليكم ورحمه الله
الموضوع حسـاس وشد أنتباهي بالفتره هذي
ولكن ليه ؟؟
نلاحظ بدا التساهل في بيع السلق
أخوان هداهم الله ضربوا كل الاحاديث والفتــاوى ضرب الحـائط ولمذا ؟؟
لاجل الف ريال ولا الف وخمسمئه؟؟؟؟
يأأخوان السلق لايجوز بيعها
ألم يعجبكم هذا القول؟؟
ياأخوان هداكم الله يامن تبيعون اكلاب الصيد أنا مابيدي أمنعكم لكن كل شخص على هواه
لكن لانريد ولا نرضى أن يكون حديث المجالس
((أن فيه منتدى أسمه مكشات يبيعون أعضاءه السلق ))
شنو بيكون سمعه المنتدى ؟؟
يااخوان يامن تبيعون كلاب الصيد أذا انت ماقتنعت بهالااحاديث التي تحرمه وأجتماع الامه الاسلاميه على حرمه بيع الكلاب
فأنا اقولك هالشي بينك وبين ربك ولكن ؟
بعيد عن المنتدى ياخي في كل مكان ناس يبون هالسلق أذا انت ماجادت نفسك وأهديتهم اللي ماتحتاجه ياخي بوقتها على هواك بعهم باللي تبيه والله حسيبك


يااخوان أنا هنا والله العالم مقصدي بالاول والاخير لانريد أن نتعاون على منكر ((وتعاونوا على البروالتقوى ولا تعاونو على الاثم والعدوان))
يااخوان خلونا ننضف هالخيمه من هالظاهر اللي والله بدت تنتشر بين صفحات هالمنتدى المميز
أتمنى الاخوان ياخذون هالموضوع من ناحيه أني والله كل مااقصد نصحكم بما يرضى الله عز وجل
:::::::::::::::::::::::::::::::::::::::::::::::::
غفر الله لي ولكم ورحم أمتنا من رحمته
عافاكم الله


الله يعطيك العافيه
ويبيض وجهك
ويجعلها في موازين حسناتك انشالله


والله يالذيب ماقصرت الله يكثر من امثالك
مع ان فيه ناس تكتب ارقامها ويكتب للتواصل والتعارف

والله اعلم بالنية


تقبل مروري

[مودع الخلان]

بيض الله وجهك ياولد الهيلا

الله يجزاك خير وموضوع يستحق التثبيت

مره رحت لسوق الحمام الي بالحائر والله يبيعون سلق برخص التراب ومشاء الله فيه منهن الطيبات

ماقلت الا الله يهديهم واسعارهم تبداء من 200 ريال الا 600 والله ماتسوى من يبيعها حرام


الي يخبرلي سلقه يعطيني خبر لاعدمناكم
ومنب ناسيه من الدعاء

الله يوفق الجميع


tameemi.506@hotmail.com

[ابو عتب11]

السلام عليكم وشكرا على الموضوع
بس يا خوي فيه ناس ينحد على شراء السلق الصراحه انا دورة وما لقيت واستفسرت عن شراء السلق قالوا حرام كانت نيت اشتري بس قالوا حرام بطلت انا اكرر الموضوع ابي سلق

[aboraad0550]

الله يهدي المسلمين ويعطيك العافيه

[i20]

مشكور اخوي ذيب ع الموضوع واحنا معاك