التصفية وتنظيف البخاخات..(طلب إفادة)

[ع.ف.الدرويش]

السلام عليكم ورحمة الله وبركاته


وحياكم الله يا كرام..:cool:

ممكن تفيدونا عن تصفية المكينة وتنظيف البخاخات..؟ للنيسان او التويوتا..!
كيف تكون..؟
وهل هناك مراكز متخصصة بالرياض..؟

أفيدونـــا يا أفاضل.. ولكم الشُكر والدعاء..

أخوكم.. أبو فهـد..:p

[بـتّاع]

افا يابو فهد .. عسى الربع النيسان اللي معك ماصابه شي ..؟؟

[هاوي الله]

وعليكم السلااام ههههههه إفضحه هههه .. أمزح يابو فهد .موفق.

[ع.ف.الدرويش]

افا يابو فهد .. عسى الربع النيسان اللي معك ماصابه شي ..؟؟


:) القلب الكبير.. هلا وغلا وحياك الله

بالنسبة للربع فحاله جميلة وأموره سمحه وتمام وماعليه كلام أبد :good: وهذا من فضل الله.. أما تساؤلي فغرضه رغبتي بإجراء عملية صيانة شاملة من الصدام إلى الصدام (الإجازة وبيكثر مسك الخطوط :)).. وأكثر من واحد نصحوني بالتصفية وتنظيف البخاخات.. وهذا شيء لا أعلم عنه شيء ولا أدري عن مدى فعاليته لكن دام إنه يفيد قلت أجرب..:cool:
الامر الآخر.. تساؤل بسيط..
هل منظفات البخاخات التي تضاف إلى الوقود فعّالة..؟ أم لا..؟

هذه تساؤلاتي.. وأتمنى أن أجد منكم الإفادة..
وللجيمع الشكر والدعاء

أبو فهد..

[ع.ف.الدرويش]

وعليكم السلااام ههههههه إفضحه هههه .. أمزح يابو فهد .موفق.

ما شاء الله تبارك الله.. هاوي هدد.. الظاهر الشباب رايقين اليوم.. وعساه مو يوم إلا دوووووم بإذن الله..:cool:

ومازلت أنتظر المفيــد..:rolleyes:

[بـتّاع]

حبيبي ابوفهد ..

فيه مثل يقول : مااجلد عنك اجلد عنه ..

يعني الشي اللي ماشي تمام لاتروح تتفلسف وتعدل وتبدل..

بخصوص المنضفات اللي تصب مع البنزين او مع الزيت ماادري عنها ..بس انت موترك ماشاء الله لاقوة الابالله ..جديد ولايحتاج ..


بشير عليك بالحاجات الضروريه ..

بواجي..

السيور الثلاثه كلها (سير المكينه والدركسون والمكيف) واحرص على مشتراها من الوكاله حتى لو كان غالي ..
..
صفاية بنزين (فلتر بنزبن ) عاد هذي لازم كل 40000 كيلو ..

غيرها لاتعبث بالموتر نصيحتي لك ..

وأي خدمه انا تحت امرك ياابوفهد ..

[هاوي الله]

الله يعطيك العافيه يابو فهد ..

فيه واحد من الشباب شاري هدد 2007 .. يقول ايام إلا والمكينه جايها بلى .. العزم متردي صار ضعيف بوضوح .. المهم راح للوكاله أو الورشه(ناسي) .. وقالوا لصاحب الهدد .. أنت معبي بنزين نوع 91 مغشوش بديزل .. الحل إنك تعبي بنزين نوع 95 وتمسك خط ولازم تسرع شوي .. المهم إن الموتر ضبط وصار زي أول .. يعني سليم ومُعافى ههههه ..
ــــــــــــــــــــــــــــــــــــــــــــــــــ ــــــــــــــــــــــــ
أتوقع ( السالفه هذاي أكيد لها إرتباط بالبخاخات) ولا أنا غلطان ؟

وهاوي هدد في الشهر مره , يعبي بنزين نوع 95 بس مره واحده عشان الحركات هاذي وتنظيف البخاخ .. وسلامة الجميع

[ع.ف.الدرويش]

حبيبي ابوفهد ..

فيه مثل يقول : مااجلد عنك اجلد عنه ..

يعني الشي اللي ماشي تمام لاتروح تتفلسف وتعدل وتبدل..

بخصوص المنضفات اللي تصب مع البنزين او مع الزيت ماادري عنها ..بس انت موترك ماشاء الله لاقوة الابالله ..جديد ولايحتاج ..


بشير عليك بالحاجات الضروريه ..

بواجي..

السيور الثلاثه كلها (سير المكينه والدركسون والمكيف) واحرص على مشتراها من الوكاله حتى لو كان غالي ..
..
صفاية بنزين (فلتر بنزبن ) عاد هذي لازم كل 40000 كيلو ..

غيرها لاتعبث بالموتر نصيحتي لك ..

وأي خدمه انا تحت امرك ياابوفهد ..

:p القلب الكبير.. هلا وغلا
وأسعدني حضورك وتواجدك كله كله..
وأشكرك على تقديم الإفـــادة.. (بواجي + سيور + صفاية بنزين ).. وهذه بإذن الله سأحرص عليها
والله يعطيك العافيه..

أخوك.. أبو فهـد..:cool:

[ع.ف.الدرويش]

الله يعطيك العافيه يابو فهد ..

فيه واحد من الشباب شاري هدد 2007 .. يقول ايام إلا والمكينه جايها بلى .. العزم متردي صار ضعيف بوضوح .. المهم راح للوكاله أو الورشه(ناسي) .. وقالوا لصاحب الهدد .. أنت معبي بنزين نوع 91 مغشوش بديزل .. الحل إنك تعبي بنزين نوع 95 وتمسك خط ولازم تسرع شوي .. المهم إن الموتر ضبط وصار زي أول .. يعني سليم ومُعافى ههههه ..
ــــــــــــــــــــــــــــــــــــــــــــــــــ ــــــــــــــــــــــــ
أتوقع ( السالفه هذاي أكيد لها إرتباط بالبخاخات) ولا أنا غلطان ؟

وهاوي هدد في الشهر مره , يعبي بنزين نوع 95 بس مره واحده عشان الحركات هاذي وتنظيف البخاخ .. وسلامة الجميع

هاوي هدد.. أهلين وسهلين ومرحبتين

بالنسبة لصاحبك الله يطعمه خير هالموتر ويكفيه شره.. أما مسالة البنزين فسبق وقيل لي هالكلام.. لكن إلى الآن ما جربت..
ودام إن الدعوة بسيطة فبإذن الله تجربتها قريباً والنتيجة كذلك أوافيكم بها..
شاكر لك حسن المرور وتقديم الإفادة
وبيض الله وجهك

أخوك.. أبو فهد..:cool: