(( اركب ذلولك وابتعد عن حياتي ))

[ابن شارخ]

اتمنى ان اقدم ما يليق باذواقكم الراقية سامحوني على القصور

اركب ذلولك وابتعد عن حياتي


كنا حبايب لكن اليوم عدوان = وشلون أحبك وأنت ودك مماتي
كنت أحسبك مينا وأثاريك طوفان = تبغي تغرقني وتنهي حياتي
لوكنت في صحراء وأناديك ضميان= وبيدك نهر دجلة ونهر الفراتي
انا اشهد انك تعطي الصوت حقران= تبخل بقطره ما تبلل لهاتي
مثل (أم عامر) مانفع فيك الاحسان= هذا جزاه اللي يسوي سواتي
اذا خسرتك صدق ماني بندمان = هذا هو المكسب وهذي غناتي
والله لوني في بحر شبه غرقان = والقاك بين الموج مركب نجاتي
ماجيت لمّـك لو على بيض الاكفان= لعز نفسي بشرب كاس المماتي
نفسي كريمه لي مشاعر لي اشجان = اذا جرحت انسان اقعد احاتي
وأذكرك ماني غريبٍ لي أوطان = وقصور مبنية جميع الجهاتي
لي قصر بالدوحه والكويت وعمان= ودبي والبحرين تاصل حصاتي
والمملكه تمشي مع كل شريان= بس اتوضأ زرتها في صلاتي
رح دور لغيري على ظل واغصان = ترى صفاتك ما تناسب صفاتي
دام الصدور وساع فارق بالاحسان = أركب ذلولك وابتعد عن حياتي


ابن شارخ

[المسفهل]

الله أكبر ... الله أكبر

هذا الكلام الذي يأخذ بمجامع القلوب ... ويذيب الأكباد ... ويطرب النفوس ...

وهذا غير مستغرب على شاعر كبير مثل شاعرنا ابن شارخ..

سر في طريقك ...وامش على منوالك... وأطربنا بين الحين والآخر .

[ابو عايد]

والله لونـي فـي بحـر شبـه غـرقـان=والقـاك بيـن المـوج مركـب نجاتـي
ماجيت لمّك لو على بيـض الاكفـان=لعـز نفسـي بشـرب كـاس الممـاتـي
نفسي كريمه لي مشاعر لي اشجان=اذا جـرحـت انـسـان اقـعــد احـاتــي


الله يعطيك العافيه


تشكر والله على الابيات الجميله, والاختيار والابداع الرائع


شكرا مره اخرى

http://www.mekshat.com/pix/upload/images/ez78.jpg

[تالي الاولين*]

.


صح لسانك يابن شارخ على هالرائعة


.

[معقد الشوش]

الله الله يبن شارخ جعل لسانك مايغفا عن ذكر ربه ....

ليتك توضح لنا وش أم عامر...أهي الضبعه أللي أكلت مربيها ؟

وبصفة أني واحد من جمهورك وأمون فأنا بسألك ليه كل قصايدك على المسحوب ؟

وهل لك قصايد على البحور الثانيه ؟؟

بودي تتكرم علينا فيها !! ;)

[نقا هشال]

ابن شارخ


صح لسانك ياراااااائع

بصراحه قصيدةٍ جزله

تحياااااتي.......

[عاشق الصحراء]

صح لسانك يا ابن شارخ ابيات رائعة

[المولع]

صح لسانك واناملك واشجانك واتمنى لك مزيد من التقدم

[ابن شارخ]

هلا وغلا اخوي المسفهل

اشكرك على هالاطراء وعلى قراءة ابياتي المتوضعه
وشهادتك اعتز بها يالغالي ، ويشرفني ان اقدم ما يرقى الى اذواقكم الراقية

الله لا يخلينا منك
تقبل خالص تحياتي

اخوك

ابن شارخ

[ابن شارخ]

هلا والله بالعاشق الولهان ابوعايد

اشكرك على توقيعك تحت ابياتي المتواضعه الله لا يخلينا منك
والروعه روعة حضورك
تحياتي لك

اخوك

ابن شارخ

[ابن شارخ]

هلا وغلا تالي الاولين

اشكرك على تواجدك وقراءة ابياتي المتواضعه
وتوقيعك الكريم تحت ابياتي زادها وزينها ، الله لا يخلينا منك
انا والله معجب بالصوره اللي انت حاطها
تحياتي لك

اخوك
ابن شارخ

[ابن شارخ]

ياهلا باخوي الغالي معقد الشوش

الله يحييك من مشيت لين لفيت وتمون يالغالي ونص
اولا يشرفني ان اجد توقيعك تحت ابياتي المتواضعه
ثانيا ام عامر هي الضبعه اللي اكلت مربيتها
واعلم اخي اني عابث بالشعر ومتطفل على الشعر واكتب على عدة بحور وصدقت اكثر كتاباتي على المسحوب
وانشاء الله المشاركه الجايه على بحر غير المسحوب وابيك ترجع لمشاركاتي يمكن فيه
غير المسحوب ، لكن ابشر بسعدك وغالي والطلب رخيص

وهذا مطلع القصيدة اللي جايه انشاء الله



هيه ياللي خطيت بصيد ريم البوادي = يومها نازله بالروض معها ولدها



تحياتي لك

اخوك
ابن شارخ

[ابن شارخ]

نقا هشال مرحبا الف

اشكرك على حضورك وعلى الاطراء واتمنى ان اقدم ما يليق باذواقكم الراقية
الله لا يخلينا منك

تحياتي لك

اخوك
ابن شارخ

[ابن شارخ]

هلا وغلا اخوي عاشق الصحراء

صح بدنك

اشكرك على قراءة ابياتي المتواضعه والروعه روعة حضورك يالغالي

تحياتي لك

اخوك
ابن شارخ

[ابن شارخ]

هلا اخوي المولع

الله لا يولعنا وياك الا بطاعته

اشكرك على كل حرف كتبته وعلى قراءة ابياتي المتواضعه
اتمنى ان اقدم ما يليق باذواقكم الراقية ، شكرا من القلب

اخوك
ابن شارخ

[...الطوقي...]

مشكووووووور اخوي على القصيده..

الله يعطيك العافيه..












تحياتي لك
...الطوقي...

[ابو راشد]

مشكوربن شارخ على بدع الالحان ياواصفا بالقاف كل الصفاتي
تستاهل التاييدوالعز والشان لنك عزيز النفس ف المصعباتي
لوشان يومك لازما يوم يزتان وتستاهل الناموس ف المقبلاتي

[هبوب الحماد]

الله واكبر عليك بدون مبالغه ولا مجامله هذه من اروع القصائد الذي سمعت فيها
تصوير وتشبيه قمة الروعه

وصح لسانك

هبوب الحماد