ممكن أعرف طريقة صيد السلس؟؟؟؟؟؟

[صياد متهور]

شباب هذي أول مشاركة لي ............. بدون احراج انا صياد ميتدىء واصيد على السيف يعني لو تكرمتم
ممكن طريقة اصيد فيها السلس؟؟؟؟

[كشته 111]

اذا كنت مبتدأ , ببساطه تروح لمحل بيع السنارات وتقول له يسوي السناره اللي معك عشان صيد السلوس وهو رايح يركب لك عوامه ويحط لك خيط مناسب للسلوس مع ميدار مقاس صغير وكل هذا ما راح يكلفك 10 ريال وما راح ياخذ من وقته 5 دقايق ,,,,, وبا العكس راح تتعلم منه وهو يركب ها الاشياء ,,,


وفيه طريقة لجلب اسماك السلس تجيب علبة تونه صغيرة ام ريالين وتفتح فتحات صغيرة بمفك الصلصة وتخلي الزيت و ريحة التونه تطلع بدون ما التونه تتفتت في البحر وترميها با البحر جنب الشط السلوس علي طول قدامك ,,,

[لسنافي]

الله يعطيك العافية وتصير من الصيادين المخضرمين بعد اسمع مني الكلام الي يجمد على الشارب من صياد(ن)له وقار بقلوب اليراير(القروش)
اولاً الطعم عجين ثانياً تربط فلينه صغيرة بكبر كوره تنس الطاوله على بعد 30سم من الميدار (الخطاف) الجلب الي هو وترمي وتوكل على الله وافضل لو يكون عندك مصدر ضوء لان لسلوس يجذبهااا النور.

[صياد متواضع]

مشوووورين على التوضيح بس جربت الطريق وماجاني شي
وثاني شي التيارات والهوا يلعبو بالخيط والفلينه مايخلونها ثابته
(واسفين على الاطاله )

[صياد متهور]

مشكورين اخواني على المرور انشاء الله بجرب الطريقة في الطلعة الجاية وانشاء الله تزبط

ممكن أعر:p ف طريقة العجين؟؟؟؟

[jwan]

حبيب صيد السلس يكون على العائم ميدار صغير مقاس 13- 15 وبدون اي ثقل مع قطعة سردينة صغيرة تلاقيه جاها زي الطيارة ولو من الشاطئ

[ronaldo4ever]

السلام عليكم
بس لو سمحتون
ممكن طريقة لجلب السلس للمكان الي انته فيه ؟؟

[عاشق تالا]

http://www.mekshat.com/vb/showthread.php?t=14096

[صيادة زمارير]

المطلوب

1- سنارة صغيرة 2 متر
2- طفاحيه
3- ميادير مقاس 20 صغيرة جدا
4- كيس طحين

نبداء بالشرح
تربط طرف الخيط الطالع من السنارة بالطفاحيه وداخل الطفاحيه ثقل صغير او تكون ثقيله نوع ما عشان تروح مسافه معى الرمي ومن جانب الطفاحيه الثاني تاخذ خيط تقص منه متر يفضل يكون مقاس 30 شفاف والطرف الثاني من الخيط اللي قصيناه ( المتر ) تربط الميدار مقاس 20 الان السنارة جاهزه

الخطوه الثانيه

تسوي عجينه صغيره يعني قبضة يد بعدين تختار منطقه يكون البحر امامك والهواء من خلفك وتبداء تنثر طحين بقبضة يدك واصبر 5 دقائق (سو العجينه في هذا الوقت ) بعدين ركب قطعه صغيره جدا من العجين (على مقاس الميدار مقاس عشرين) قبل ماترمي السنارة نثر بعد طحين وكل 5 إلى 10 دقايق نثر طحين وخاصه إذا وقف ضرب السلس على العجينه هذي الطريقه بختصار وانبه الى امور

1- ركب ربيان بدل العجينه افضل إذا توفر الربيان
2- الطفاحيه تقدر تخليها كرة صغيرة جدا بحجم لقمه صغيره تشتريها من اي بقاله
3- تثبت خبزة في الشاطي على بعد 20 متر بدل تنثير الطحين كل 5 دقايق
4- لاهل الدمام والخبر عليكم بالعزيزية مليان وفرش ووفر قروشك في جيبك

[بحرالخبر]

ام محمد عيني عليك بارده ماشاء الله صج ماقصرتي شرح وتوضيح نواخذا كبار بارك الله
فيك وننتظر المزيد من مواضيعك والشرح السهل الممتنع
واشكر صاحب الموضوع واسمع كلام ام محمد وان شاء الله تترس الثلاجات سلوس
بوعبدالرحمن

[صيادة زمارير]

والله بحر الخبر مو مني من الحماس اللي فيني هههههههههههههههههههه


قاعده اذاكر ليل ونهار في النت

بس والله جربته وجاني قطيع سلس (صح قطيع؟؟هههههههههههههههه)

[صياد متهور]

السلام عليكم يعطيكم ربي الف عافية ماقصرتو و نورتو الموضوع
اختي مااسمو قطيع اسمو سرب او ( راس سلس)
بس هدا زمااااااان واحين خلص صدناه وانتهينا والله انكم كفو
انا من رأي اختي تنزلين موضوع خاص يكون مرجع بالطريقة بالصور ههه وانا بقولك طريقة بعدين تجمعين السلس فيها
بالتوفيق
واشكر لكم مروركم
الموضوع من عام 2007

[صيادة زمارير]

دام هذا موضوعك وادري والله قديم تاريخه وصدت السلس وصار فعل فاضي
انت الحين علمني شلون صدته ونزل الصور ههههههههههه

ومنكم نستفيد

بس فعلا جربت طريقتي وصار عرس عند الطعم ذاك اليوم

[عجيبان]

الشباب كفو واوفو فيهم الخير ماشاء الله عليهم

[صيادة زمارير]

مايخالف نرفع الموضوع عشان لايضيع وعشان يبقى مرجع لكل واحد يبي يجرب يصيد السلس
:) :) :)

[صياد متهور]

ايوة صحيح وانتظر الموضوع

[accentkool]

اعتقد تصيدة بالعجين الله يرزقك

[معاند سيف]

السلس موجود بشاطي تالا او بالخبر خلف المسجد اللي بالكورنيش القديم. لكن هالايام اوصيك بالمنجوس للسبيطي.او السلس الحي للكنعد.

[hussam1755]

يعطيكم العافية

موضوع قديم ولكن تحديث المعلومات ينفع

الله يقويكم

ان شاء الله نصيد السلس والسبيطي والكنعد والهامور

طفشت من القرقفان والنيسرة