وش تقولون يالربع ؟؟؟

[شخاط]

السلام عليكم ورحمه الله وركاته

اخواني الافاضل اهل منتدانا الحبيب

ودنا نتناقش عن مسأله شيله بلف الحراره ..

وناخذ راي اهل التجربه بها الحركه

وهل هي تضر الوتر ولا تريحه

( خاصه اننا مقبلين على مزيد من القوايل واللواهيب الله يكفينا وياكم لوهيب جهنم):j

ووش الراي في شيلته في الصيف وترجيعته بالشتاء .....


تحياتي للجميع ...
اخوكم / شخاط

[المرابط]

السلام عليكم أخي مشخاط


أولا لي عدة تجارب مع البلف


الأولى كامري ولعت حراره ورجعته على طول


الثانيه شروكي وكل ما زدت السرعه زادت الحراره


ورجعته وزبطت الامور


الثالثه جمس وماشيه الأمور بس إذا أحتر ماعاد يبرد


ورجعته


الرابعه كرسيدا لواحد أعرفه قلتله خل البلف وعيا


وضب موتره مرتين خلال ثلاث سنوات بسبب


أن الموتر دايم بارد وكربنت المكينه وعقب التوظيبه


الثانيه خليته يركب البلف غصب


والنتيجه البلف لا تشيله مهما كان ومهما صار


لأنه يحافظ على حرارة المكينه لدرجه معينه


ويتم إتمام عملية حرق البنزين بشكل سليم


وأجواء مناسبه حلوه (أجواء مناسبه ) :D


وإذاكانت المكينه بارده زادت صرفية البنزين


وآسف على الإطاله ومع السلامه

[ابوجنيه]

لا تشيل بلف الحراره

ولا ادري انه بيلعب بالموتر لعب

البلف يحافط على حراره السياره

[GMC79]

السلام عليكم

البلف المفروض مايشال ابد والسبب ان السيارة اذا سخنت يكون فاتح على طول يعني كانه غير موجود
واذا فكيت البلف تكون الحرارة اقل من المستوى المطلوب في الاستخدام العادي لكن اذا جد الجد ارتفعت غصب يعني مثل لو كان موجود
واللي يقول لك انه فك البلف وارتاح من الحرارة في الحقيقة سيارته ماتشكي حرارة لكنه كان موسوس من ارتفاعها الى الربع والثلث
اما السيارة اللي تحتر حقيقة ماينفع معها فك البلف بل يرجع بشكل عكسي
ومن اسوء سلبيات فكة البلف ان السيارة اذا سخنت لسبب طارئ ماتبرد بسرعه بعد زواله

[أبو محمد2010]

المختصر المفيد لا تفكه ما حط عبث

[سندهم]

( خاصه اننا مقبلين على مزيد من القوايل واللواهيب الله يكفينا وياكم لوهيب جهنم):j

ووش الراي في شيلته في الصيف وترجيعته بالشتاء .....


السلام عليكم

شف وأنا اخوك : يا شخاط البلف لاتشيله ماحط عبث (ارتفاع الحرارة لعدة اسباب )


1 0 الأديتر وسخ (يبي تسييخ ) متسدد مجاريه من الوسخ بسبب الحرارة
2 0 طرمية الماء تكون وسخة ومسدودة (مجيمة )
3 0 شيك على ماء الايتر (وحط له الماء الاخضر )
4 0 غطاء الأديتر (الوجه ) يكون هريان من الحرارة (يهرب الماء للخارج )


( لازم تشيك على الاديتر كل صيف )

وتحياتي لك

[شخاط]

اخوتي

المرابط

ابو جنيه



جمس 9

ابومحمد

ابوسند

اشكر مروركم(ودورياتكم وامن طرقكم ) :p

وهونا عن شيله البلف نهائي والله يبارك بمكشات الي جمعنا بكم


اخوكم / شخاط

[بدوي جنوبي]

الافضل تركه بشرط المحافظة علي مستوي ماء الاديتر

وتغيير البلف بعد مرور سنه ومثل ما ذكر ابو سند والتاكد من الخراطيش ومراوح التبريد

والغطاء

بالتوفيق للجميع

[شخاط]

مشرفنا الحبيب بدوي جنوبي

مرورك على موضوعي شرف لي :)

ولاعقب شورك شور ..:good: ...ولايهونون الاخوان

واسلم لاخيك / شخاط

[اسهيل]

البلف شي مطلوب في السيارة اهم شي تنتبه لعدة امور
1-البلف ذو حراره جيدة فبعض الناس يحط بلف خفيف يصير دايم فاتح مايستفيد او يحط بلف ثقيل مايفتح لين تقعلق السيارة
الهم شي يكون الاجزاء المتعلقه بسيارة زينه يعني الماء يكون احمر او اخضر ماهب ماء عادي الشي الثاني الاديتر يكون كويس ماهب صغير
او متسدد اليات تكون زينه الخلاصه : البلف مالك منه مفك يعني ماحط عبث بس لازم تشوف البلف المناسب مثل ماقلنا

[عاشق السيل]

نصيحتي لك :

لا تـــــــــــشـــــــــــــيــــــــــــلــــــه ،،

والأسباب قالوها الشباب ....



عاشـقhttp://www.mekshat.com/pix/upload/sign/images/mk49539.gifالسيل

[ابوحماد]

وزيدك من الشعر بيت

تأكد من تماتيك مروحة المكينه

[هاوي الله]

السلام عليكم أخي مشخاط




أولا لي عدة تجارب مع البلف


الأولى كامري ولعت حراره ورجعته على طول


الثانيه شروكي وكل ما زدت السرعه زادت الحراره


ورجعته وزبطت الامور


الثالثه جمس وماشيه الأمور بس إذا أحتر ماعاد يبرد


ورجعته


الرابعه كرسيدا لواحد أعرفه قلتله خل البلف وعيا


وضب موتره مرتين خلال ثلاث سنوات بسبب


أن الموتر دايم بارد وكربنت المكينه وعقب التوظيبه


الثانيه خليته يركب البلف غصب


والنتيجه البلف لا تشيله مهما كان ومهما صار


لأنه يحافظ على حرارة المكينه لدرجه معينه


ويتم إتمام عملية حرق البنزين بشكل سليم


وأجواء مناسبه حلوه (أجواء مناسبه ) :D


وإذاكانت المكينه بارده زادت صرفية البنزين




وآسف على الإطاله ومع السلامه
سبحان الله = خير الأمور أوسطها = حتى في السيارات ! خير الأمور ... الوسط (مؤشر الحراره=النصف):)

أقدم تأييد لما ذكر الأخ الفاضل }المرابط{ إنشاءالله إنه يرابط في الخير ..

أستغفر الله

[بدوي جنوبي]

فيه شي نسيت اذكره
بلوف الحراه علي درجات يعني اذا جيت صاحب المحل
اسئل عن الدرجات وخذ لك بلف يكون اقل شي مثال رقم 60 او 40
هم يعرفون اصاحب المحلات
وانتبه من شي مهم جدااا لا تعبئ القربه الاضافيه اعلي من الحد لانه سبب في ارتفاع الحراره

قلي كيف ؟
مع ارتفاع حراره المحرك ومن الناحيه الفيزيائيه <<<<<< قام يتفلسف الولد نعرف ان جزيئات الماء تتمدد
وظيفه القربه تحوي الماء الزائد فأذا كانت المويه زايده وانتو تعرفوا الباقي
انا عارف فيه واحد بيجي يتفلسف :j


بالتوفيق

[هاوي الله]

قلي كيف ؟
مع ارتفاع حراره المحرك ومن الناحيه الفيزيائيه <<<<<< قام يتفلسف الولد نعرف ان جزيئات الماء تتمدد
وظيفه القربه تحوي الماء الزائد فأذا كانت المويه زايده وانتو تعرفوا الباقي .... إذا كانت المويه زايده .... الناتج إنها بتزيد زياده وبيصير ضغط أو تهريب أو إنفجار القربه :D

:D :)

[المرابط]

قلي كيف ؟
مع ارتفاع حراره المحرك ومن الناحيه الفيزيائيه <<<<<< قام يتفلسف الولد نعرف ان جزيئات الماء تتمدد
وظيفه القربه تحوي الماء الزائد فأذا كانت المويه زايده وانتو تعرفوا الباقي
انا عارف فيه واحد بيجي يتفلسف :j


بالتوفيق[/QUOTE]


حسب قانون نيوتن أن الجاذبيه لها تأثير على المويه
اللي في القربه وعلاقة الضغط مع الحراره علاقه طرديه
وهاذي حسب قانون نوبل للسلام ولحد يحط علامة
أستفهام هاذي الزبده وآخر كلام أفلقوني بقوطي
صلصه إذا فهمتو المقال هذاااااااااااااااااااامحال

[شخاط]

انواع الخمبقه :D :D :D

عموما اسال الله ان يجعلنا وياكم ممن قال الله فيهم : ( على الارائك يضحكون) .

قولو آمين . وحياكم الله...

اعود للبلف ويقولون الخبل ما ينسى سالفته ...

هل بلف الباث فندر له درجات مثل ما قال اخونا بدوي جنوبي

حيث انني >>>> مدري وش تبي حيث انني ذي :confused: ..سالت اهل قطع الغيار قالو ا بلف الباث يجي درجه حراره وحده...وانتم خابرين هالعمال:mad: ماهمب ثقات وكلامهم ما يوخذ به ....


واسلموا لاخيكم / شخـــــاط