إنـشـــاء نادي صــقاري مكشاااااات !!!! أدخل وشارك برأيك. [الأرشيف]

المري

20/05/2007, 04:39 PM

السلام عليكم .. اخواني الاعزاء

وش رأيك بوضع نادي لصقاقير مكشااااااااات ... ونسميه ((نادي صقاري مكشاااات)

اهدافه:

1- معالجة صقور اعضاء النادي على مدار السنه عند احد المستشفيات المتعارف عليها..
2- توسير ريش صقور اعضاء النادي.
3-تطعيم صقور الأعضاء ضد الجدره وضد الصرع ..الخ قبل المربط.
4-عند ضياع صقر احدى أعضاء النادي تقوم لجنة النادي بتقديم العوض لهذا العضو.
5-في بداية الموسم يقوم النادي بتجهيز حلقات لكل عضو ويوضع عليه اسمه ورقم جواله.

ويصرف لكل عضو بطاقة عضوية توضع فيها صورته وكل المعلومات عنه.
ويكون الأشتراك بمبلغ وقدره ......

وسلامتكم

ملاحظة: الرجاء من كل عضو كتابه مالديه من اقتراح او اهداف اخرى.

اخوكم - المري

مدرب الطير

20/05/2007, 04:43 PM

انا اول من يشاركك الراي
راي جميل

وتقبل مروري

أخو وضحة

20/05/2007, 05:07 PM

و أنا الثاني وكلامك جميل وأكثر من جميل
وانشاء الله تتنفذ حتى تعم المعرفة بين اللأعضاء والإداريين أكثر
وشكرا...............

الاشعل 316

20/05/2007, 05:14 PM

وانا الثالث يا ابو معيض

كيفيت ووفيت

وبيض الله وجهك على هالجهد اللي قمت به

وتقبل تحيات

اخوك ابو سطام

الاشعل 316

20/05/2007, 05:18 PM

اخوي ابو معيض نسيت شي

وين بيكون المقر

والصراحه يوم اني زرتك هاك اليوم تعمت من اشياء بالمقيض

كنت ما اعرفها واقولك جزاك الله الف خير وان شاء الله لي زياره ثانيه

وتقبل تحيات

اخوك ابو سطام

المري

20/05/2007, 05:37 PM

مرحبا بالاخوان _مدرب الطير-اخووضحه-والأشعل

وتسلمون على المرور الطيب وفي انتظار باقي الاعضاء..

اخوي الأشعل زيارتك شرف لي اما بخصوص الموقع على كيف الربع.. بس ارجو ان ترى هذه الفكره النور قريبا..

اخوكم - المري

خيال الصبحا

20/05/2007, 05:52 PM

وعليكم السلام
هلا بك يابو معيض
وقل أمين
عسى مايجي ابرق العزاف ويقول التكلفة
200.000ريال بالأسبوع ههههههههههههههههه
الفكرة هذي ممتازه ولكن يبي لها سمكره شوي
البند الرابع كأنه مكلف شوي(ماهو 200.000ريال لا مكلف شوي)
الربع يستاهلون بس ضياع الطيور واجد
وأن شاء الله أن الفكرة تنفذ
وبخصوص المكان أقتراحي أن يكون حولك يابو معيض
وشكرًا

peregrine

20/05/2007, 05:52 PM

بصراحة مااعرف كيف ارد عليك الفكرة اكثر من رائعة والكل للواحد والواحد للكل فالبركة تعم انشاءالله لكن:( انا مو من المملكة........................................... .. راحت علي

صدى الهوجاس

20/05/2007, 06:58 PM

فكره سديده وكما عهدناك ابو معيض راعي الاوله والمكان منحب مختلفين عليه ان شاء الله
تقبلوا مروري..................

hawwamT

20/05/2007, 07:22 PM

والله انك جبتها يالذيب ومشكور على الفكرة الرائعة واذا تتكرم علي أنت والاخوان بتعديل بعض البنود على أن تصبح على النحو التالي:

نسميه نادي صقارين المملكة ( وذلك كي تستقطب أكبر شريحة من الصقارين من مختلف مناطق المملكة
نتقدم بطلب الى الهيئة الوطنية لحماية الحياة الفطرية بطلب الاذن بتسجيل النادي وأعضاءه لديها
يتقدم كل عضو بدفع مبلغ سنوي ( ألف ريال ) وتقدم لهيئة الحياة الفطرية..( وبالطبع سيدخل صندوق الهيئة مبلغ كبير)
وذلك مقابل اعطاء نادي صقارين المملكة وأعضاءه مميزات منها:
1. يعطى تصريح لأعضاء النادى بادخال أو اخراج أي عدد من الطيور طوال السنة من جميع منافذ المملكة الجوية والبرية .
2. يسمح لأعضاء نادي صقارين المملكة بعمل المطبوعات الدعائية للنادي بعد أخذ الاذن اللازم لذلك

3. السماح لأعضاء النادي بالقنص في جميع الدول في وقت السماح

4. يسمح لأعضاء النادي بشراء وادخال طيور الحباري بعدد معين لتعليم الطيور

وصدقوني الفقرة الاولى هو أكثر مانحتاجه كصقارين...فلو وافقت الهيئة على ذلك فأنا أرى أن نجمع ألف ريال سنويا مبلغ زهيد مقابل مانحصل عليه..والهيئة في الجانب الآخر ستستفيد من هذه المبالغ السنوية ومغري لها............يالله شدوا الهمة وبالله التوفيق

اابو وسام

20/05/2007, 07:26 PM

والله فكره جيده جدا ومنها يتم تعارف الصقاره على بعظهم في داخل النادي والاستفاده من معلومات بعض وماقصرت اخوي بومعيض000اخوك بذاخ سابقا

قناص الحبارى

20/05/2007, 08:13 PM

الفكرة هذي ممتازه
والربع يستاهلون
وأن شاء الله أن الفكرة تنفذ بأقرب فرصه وأنت يابو معيض المسؤل عن ترتيب كل شي وأنا تحت أمرك ولا يهونون بقية الأعضاء
وبخصوص المكان أقتراحي أن يكون حولك يابو معيض
وجزاك الله خير

أخوك/ ابو عبد العزيز

قناص الحبارى

501

20/05/2007, 08:42 PM

ما فيك حيله يا ابو معيض

( الاستشاري )
501

السكب 001

20/05/2007, 10:29 PM

وانا معكم لاحد ينساني

قلب ذيب

20/05/2007, 10:39 PM

قكره عظيمه يابومعيض 0
1 -تنعمل لها دراسة جدوى ( نادي صقاري مكشات )
2 - الموقع في التعيريه لتوسطها في اماكن المقانيص , ومقر سباق الطيور 0
3 - يتم تشكيل لجنه لوضع النظام الخاص بالنادي والتواصل مع الجهات المختصه ,
4 - من ضمن مهام النادي مساعدة الصقارين المكشاتيين في تسهيل دخول طيورهم وتنلقلها بين دول مجلس التعاون 0
5 - يكون رئيس النادي احد الشخصيات الكريمه الداعمه للصقاقير 0
6 - اشتراك ستوي وبطاقة عضويه 0
فكرة طيبه وامل أن ترى النور 0

&كاتم الونات&

20/05/2007, 11:17 PM

كفو يابومعيض والله الموضوع يستاهل وانا اعين وعاون
اخوك كاتم الونات

نايف الخالدي

21/05/2007, 12:11 AM

بيض الله وجهك يابو معيض
والله لايحرمنا من افكارك
وتراني معك

سلطان2007

21/05/2007, 01:56 AM

ونعم الفكرة يابومعيض ..

انا اقترح بالنسبه للعضويه تكون على ثلاث فئات وبالنسبه للمسميات بعدين تتفق عليها اللجنه ..

عموما التغيير في العضويات راح يكون مصدر دخل غير ثابت لحماية الحياه الفطريه بشكل سنوي ..

يعني على مستوى 1000 ريال و3000 ريال و5000 ريال وكل باقة او فئه لها مميزات خاصه وخدمات تختلف عن باقي الفئات ..

وهذه فكرتي واتمنى انها تعجبكم ..

تحياتي لكم ..

ابو الوليد ..

ابوحافظ

21/05/2007, 03:18 AM

عاااااااااداااااااااااتك يابوومعيض دوووم علووومك تبيض وجهك لاهنت

ولاااتنسوووووني سجلووووني معكم لاهنتوووو

تحياااااااااتي لكم وربي يووفقكم.

المري

21/05/2007, 06:28 AM

مرحبا بالاخوان جميعا .. ومشكورين على الردود..

بس انتم كثرتو الأهداف اشوي على حماية البيئة واتوقع انها ترفض الفكره!!!!

تدخيل الطيور من اي منقد !!!

والمقناص في اي دولة!!!

يعنى انتم تبون الفكرة ماتشوف النور دب الدهر..

واسمحو لي على هذا الكلام..

بس انتم وش تبون بهذا الكلام ذا الحين, خلو النادي يطلع وبعدين نعدل ونشوف وش يبغى؟؟؟

وسلااااااااااامتكم

اخوكم - المري

hawwamT

21/05/2007, 07:39 AM

اذا غامرت في شرف مروم فلا تقنع بما دون النجوم

فلنكن واقعيين...أكثر ما يتعبنا هو دخول وخروج الطيور

فاذا كنا سنقوم بتمويل هيئة الحياة الفطرية بمبلغ ثابت سنويا...فاطلب الكثير..فيأتيك ما كنت تريده بالضبط

لو انتسب ألفي شخص مبدئيا للنادي ...سنقدم للهيئة سنويا ملا يقل عن مليونين ريال..والمميزات التي نريدها ليست صعبة أو محرمة أو تضر بأحد...دخول وخروج طيورنا في المنافذ الحدودية

المري

21/05/2007, 10:41 AM

خروج اطيورك او دخولها ماهوب في يد الهيئة لان الدولة اللي انت رايح لها ماتسمح بدخولها مثل قطر او الامارات اوالبحرين الا

برقم حجل وجواز اذا توفرت هذي لديك خلاص تقدر تدخل..

الهيئة بتقول: وش لي في وجع الراس ولو تبنت هذه الفكرة سوف تصير مثل شركات التأمين اللي عاقبت الناس..!!!

يعنى لو صارت الدعو عااامه مشكلة ..

وعلى ماقال انتم ذا الحين بصركم فيها..

اخوك - المري

قلب شاهين

21/05/2007, 10:47 AM

فكرة جميلة وطيبة بالحيل ،،

أنا موافق بس يالربع نبي فعل ومانبي كلام وماعليكم قصور ،،

مخرب طلعات

21/05/2007, 10:52 AM

والله فكره حلوه جميـــــــــــله أنا بإنتظار التطبيق إذا طبقتوا الفكرة بشتري صقر :) وسلامتكم

شبراق

21/05/2007, 11:14 AM

يامالى العافيه على الفكره الممتازة تسلم يابو معيض

من رئيي الي اقترح الفكره يكون رئيسه الي هو ابو معيض نبي انكلف عليك انت الحين والعتنا نبي يابو معيض على كلامك شوي شوي انقوم بالنادي بس لازم ممول للنادي من احد الشيوخ نبي فزعة موقعنا مكشات بهالفكره الناجحه بأذن الله وبعدين على ماقالو درجه درجه وبنسبه للمبلغ على المشتركين يكون سنوي .
بالنسبه للموقع من رئيي يكون عند ابو معيض حتى تكون ادارته قريبه

تحياتي ،،، ابو طلال

المري

21/05/2007, 11:19 AM

مرحبا اخوي صقار القصيم..

وحياك الله يالغالي.. وابشر بالفعل بس بعض الربع الله يهديه يكثر علينا الشروط والأهداف وهي بسيطة حتى اذا شفنا ان الأعضاء

في بركة نأخذ رايهم حتى اللي ماعنده جهاز اطيور او ريشة مايقصر فيه النادي.. يعنى تعطي العضو اكثر مما يدفع.. واهم شي

الصدق والصراحة وعدم اللف والدوران.. يصير الواحد على الصراط المستقيم.. علشان ماتروح اللجنة تعقب وراه كل عضو

.... وسلامتك....

مرحبا اخوي مخرب الطلعات ... ان أشتريت لك طير أبشر بالاشتراك مجاني !!!!!! تستاهل...

***

مرحبا ابو طلال .. صحيح كل سنه تشوف النادي في تطور وفي تقدم .. بس يبغي له ارجال حلاحيل.. شرواك ..

**

وسلامتكم

اخوكم - المري

شبراق

21/05/2007, 11:38 AM

شرواك الطيب يالغالي وبشر بعزك بالي تبي من الالف الى الياء انا معك

قلب ذيب

21/05/2007, 12:21 PM

مرحبا بكم 0
لماذا لاتقوم هيئة البيئه في المملكه العربيه السعوديه بانشاء ( نادي الصقارين ) يكون تابع للهيئه وله فروع في أنحاء المملكه وله مجله شهريه
اوفصليه وله مستشفى لعلاج الطيور , وينتسب له من يشاء من القوانيص والصقاقير 0
في ابوظبي هناك نادي الصقارين له مجلة ( الصقار ) الربع سنويه ولديه مستشفى لعلاج الطيور ومحل لبيع معدات الطيور واجهزة القنص وبطاقة عضويه كل سنتين بحصل العضو من خلالها على خصم في مستشفى الطيور وفي مركز تقيض الطيور , اي ان نادي الصقارين يشمل التالي 0
1 - مستشفى لعلاج الطيور 0
2- مجلة شهريه او فصليه 0
3 - مركز لتقييض الطيور 0
4 - بطاقة عضويه ( سنه - سنتين ) 0
------------ تحياتي 0

المري

21/05/2007, 12:53 PM

مرحبا اخوي شبراق وماعليك زود وتسلم يالغالي.. ورايتك بيضاء

**

مرحبا اخوي قلب ذيب وماقصرت يالغالي.. وتسلم على التوضيح ونتمنى ان يكون لدينا نادي مثل نادي ابو ظبي..

اخوكم - المري

الوافي عزام

21/05/2007, 01:24 PM

هلا بك يابومعيض

وانا معكم قلبا وقالبا باللي تبونه

وانا جاهز لاي شي

ورأيي من رايكم

ولاكن عندي سؤال / هل هذا النادي يمكن من انه يشمل حتى قرناس الطير؟؟؟

وشكرا لك

المري

21/05/2007, 02:10 PM

صحيح يشمل قرناس الطير وذلك ببناء مقيض مايكلف 10000 ريال والعلف يكلف كل طير حوالي 700 ريال..

ويصير على الرجال طال عمرك اشتراك سنه يمكن 1000ريال شامل علاج وووومقيض.. يازينها زيناه..

المهم سنعو هذا النادي يااخوان ولا تخلونه يفشل وينتهي مثل مجلة مكشاااااااااات ..

ترى النادي هذا نفعته لكم وسمعته لكم وكل شي لكم.. بس يبغى ارجال زحازيح..

اخوكم - المري

peregrine

21/05/2007, 02:27 PM

ياخوان مااريد اطلع من المولد بلا حمص فانا اريد ان يكون النادي شامل للجميع وتراني جاهز للمبالغ الي تبونها وهم عندي اقتراحات وفعاليات ارجوا تاخذونها بعين الاعتبارمن بينها مثلا تنظيم رحلات قناصة جميلة ومدروسة
فمثلا انا من سوريا وانا اعرف اماكن الكراويين والارانب والاوز والبط ...............
ومواقيت مرورها وعبورها فيكون بطريقة تنظيمة معينة المقناص عندي فتحلون علي ضيوف:cool: ونقنص ونستانس....
وبعدها بسنة ننظم رحلة عموريتانيا "للحباري" وبعدها المغرب وباكستان وافريقيا الوسطى ...........

ها شنو رايكم بالمبدا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟

nasser_ali

21/05/2007, 03:49 PM

السلام عليكم

مشكور يالمري على القكره...
اقترح ان الكل يرسل لك شروط ومقترحات اللي يشوفها مناسبه بخصوص تفاصيل انشاء النادي...وانت بدورك تضع اللمسات الاخيره على صياغة الشروط والقوانين النهائيه اللي راح يقوم على اساسها النادي وبذلك يحق لك ترئس النادي لفتره معينه ( 4 سنوات زي البهايم اللي في البيت الابيض!)محشومين طبعا...وبعد كذا يتم التصويت على رئيس جديد يرشح نفسه للانتخاب!!

شاكر لكم

الطير غنام

21/05/2007, 04:10 PM

السلام عليكم
صحيح انا من مبطي ما دخلت عليكم في المنتدى
بس حبيت يابو معيض اعرف من هو الــــــــــــــــــــــــــــــــــــداعـــــــــ ــــــــــــــــــــــــــم الرسمي لهذا النادي هل سيكون من قبل
احد التجار ام سيكون منكم انتم

المري

21/05/2007, 04:14 PM

هلا اخوي الشاهين.. هالحين خلينا بداخل السعودية وبعد كذا نشوف الموضوع وش هو ..؟؟

***********

مرحبا اخوي ناصر علي... تسلم وماقصرت يالغالي..

وكلاااامك واقع وجميل وماقصرت ..

بس على ماقيل نبغى قول وفعل نبغى ناس تتخذ القرار الصائب.. ونبنى هذا النادي من الاساس..

سلمتم جميعا

اخوكم - المري

المري

21/05/2007, 04:17 PM

مرحبا اخوي الطير غنام

ولاعاد تبطي علينا خلك معنا على طول...

بخصوص الداعم اولا: هو الله ..

ثانيا : الاعضاء فلو أشترك على الأقل 100 عضو ( صقار) ففيهم البركة وعلى ماقيل اذا النادي انتج وشافو الناس ثمرته

الطيب فتشوفهم يزيدون اشوي اشوي اما اذا كان النادي لم يعطي دافع وحافز لباقي الأعضاء لابالله الا بنفض النادي وبنخليه يولي..

وسلاااامتك يالغالي

اخوك - المري

خيال الصبحا

21/05/2007, 04:23 PM

السلام عليكم
النادي أن كان الله
وفق وتنفذ يصير باسم
مكشات لسبب واحد وهو
حتى يعرف الصقاقير منتدى
مكشات ويجون معنا ونكسبه بالنادي
وبرى
وشكرًا

المري

21/05/2007, 04:28 PM

مرحبا اخوي خيال الصبحا

بخصوص الأسم مايهم اللي يتفقون عليه الأعضاء , وعسى الله يطرح البركة..

اخوك - المرري

الاشعل 316

21/05/2007, 04:34 PM

هلابك اخوي ابو معيض

اقول المقر يكون قريب من عندك

واللي يدير هذا النادي هو انت واذا تبي مساعده في الاداره

فكلنا معك يا ابو معيض

تقبل تحيات

اخوك ابو سطام

المري

21/05/2007, 04:41 PM

ارحب يابو سلطان وحياك الله يالغالي...

ماتقصر بس خل النادي يقوم ويتأسس ان شاء الله وتشوفون اللي يسرك..

اخوك - بومعيض

الغزال الشارد

21/05/2007, 05:01 PM

وانا معكم اخوي ابو معيض بلحال والمال

ورأيي من رايكم

taag1

21/05/2007, 05:03 PM

لاهنت يابومعيض وفكرتك طيبه ونؤيدك بشده

المري

21/05/2007, 05:20 PM

مرحبا اخوي الغزال الشارد

وتسلم وجعلك ذخر وهذا النادي مرجع لكل الصقاقير .. وسوف تقام دورات لتعلم الصقارة وانا استاذ الدورة !!!!!!!!

*****

اخوي تاق
تسلم وانت اطيب..

اخوكم المري

Falcon7

21/05/2007, 07:17 PM

مرحبا اخوي الغزال الشارد

وتسلم وجعلك ذخر وهذا النادي مرجع لكل الصقاقير .. وسوف تقام دورات لتعلم الصقارة وانا استاذ الدورة !!!!!!!!

*****

اخوي تاق
تسلم وانت اطيب..

اخوكم المري

السلام عليكم يا اخوي ابومعيض ان اتشرف ان اكون اول طالب عندك في الدوره انت بس حدد الموعد و احنا حاضرين بس في شروططططططططططططططط ...

تحياتي لك

اخوك الدائم

حيدرة

21/05/2007, 07:44 PM

السلام عليكم ورحمة الله وبركاته

جزاك الله خيرا اخي المرى والاخوى الكرام

ولكن هل النادي خاص بالسعوديين والخليجيين فقط

او هو يخص كل من يرغب من غيرهم واذا كان ذلك فكيف

وشكرا وجزاك الله خيرا

mazen

21/05/2007, 08:06 PM

السلام عليكم
هذا الموضوع مهم لقد بدأت بالفكرة ولكن في لبنان واسمه نادي الصقور اللبناني ولقد عملت على البطاقات والموقع www.lfalconc.4t.com (http://www.lfalconc.4t.com)

مع تحيات اخوكم ابو يوسف

المري

22/05/2007, 06:45 AM

مرحبا اخوي الدائم فالكون 7 وحياك الله يالغالي..

اعتبر الشرووووط كلها موافقين عليها , وعلى فكره ان حضرت الدوره ترانا الطلاب وانت المدرس .. وترانا العصافير وانت الشجره

ماعليك تعدي .. والا حضر الماء بطل التيمم..

***

مرحبا اخوي حيدره .. اذا قام النادي ذيك الساعة نشوف..

***

ارحب يامزاين

وتسلم على هذه المعلومة بس هل يوجد صقاقير في لبنان؟!!

خيال الصبحا

22/05/2007, 04:47 PM

السلام عليكم
يابو معيض
عندي نقطة ان شاء
الله انك توافقني بها وهي
مسألة ادخال الصقور للمملكة
أشوف أنها ماتكون الحين
لو أنكم طالبتوا ماراح يوافقون ، ولو
وافقوا كل بكرة تلقى كل صقارين والا ثلاث
قطوا وسووا لهم نادي
الحين ابدوا بالفكرة واذا نجحت وأشتهرت ذاك الوقت
تقدرون تطلبونهم هالشيء
وشكرًا

الاشعل 316

22/05/2007, 05:14 PM

ابغى اسئل هل في احد دااااااااااااااااااااااااااااااعم لهذا

النادي والا ياجماعة الخير لا تحطون شروط وبالاخير

مايكون في احد داعم

نبغى من اللي بيدعم هذا النادي

ولكم مني جزيل الشكر

اخوكم ابو سطام

المري

22/05/2007, 05:49 PM

هذا الكلام اللي اقوله لجميع الاخوان وماقصرت اخوي راعي الصبحا..

**

الداعم اخوي هو الأعضاء نفسهم وربع تعاونو ماذلو..

وشكرا لك اخوي الأشعل..

**

اخوكم - المري

الخالدي2007

23/05/2007, 10:48 AM

مشكور اخوي ابو معيض على هالفكره الحلوه ولا تاخذ كلامي على انه تعقيد بس مهو لازم تاخذ تصريح من جهه معنيه لأقامة نادي مثل كذا علشان تكون الشغله رسميه ولايكون فيه تعقيد ويكون فيه دعم من قبل الجهات نفسها

ونحن معك قلبا وقالبا @الخفجي@

المري

23/05/2007, 10:54 AM

مرحبا اخوي الخالدي وحياك الله ومرحبا بأهل الخفجي كلهم (( ياحبنى للخفجي))

بخصوص الشغلة الرسمية معقدة جدا واعرف الشغلة .. ولازم يكون عندك راس مال علشان السجل التجاري ولازم انه يكون عندك

دورات في هذا التخصص وووو

المهم الشغلة بين يديكم وانا اعين واعاون..

وتسلمون جميعا..

اخوكم - بومعيض

شبراق

23/05/2007, 10:58 AM

يابو معيض انتهينا من الكلام نبي فعل الحين

دامنا بالمقيض فاضين خلنا نشغل ارواحنا فيه والله اذا جاء الموسم ما تلقاء احد

1/ نبي نحدد الارض .
2/ اسماء المشتركين .
3/ قطة المشركين حتى يتم شراء الارض او استئجارها وبداية المشروع .
4/ تخليص اوراق النادي واخذ الموافقه من المسؤوالين . والي عنده واسطه لايبخل علينا به .
5/ الاتفاق مع المستشفيات في المملكة .
6/ استخراج البطاقات للاعضاء لكل مشترك .
والي عنده زود او فكره يعطيناء
وعذرون ان كان نقص شي وا زدة بشي
وماعليش يابو معيض ان كان تعديت عليك
:)

طارق الحربي

23/05/2007, 11:00 AM

4-عند ضياع صقر احدى أعضاء النادي تقوم لجنة النادي بتقديم العوض لهذا العضو.

انا اقترح تشيل هالبند يابو معيض

مثلك عارف عيال الحلال واجد واللي ذممهم وسيعه واجد تكرمون

اما بخصوص ان عضو النادي يقدر يقنص بأي مكان بالمملكه وبأي وقت وانه يقدر يدخل طيور من اي منفذ فمستحيل ان هيئة حمياة الحياة الفطريه تبي توافق وان وافقت لن تحصرها على اعضاء النادي فقط بل ستعممها على جميع الصقارين

اهداف النادي ستكون اجتهادية من الاعضاء اما تطورها لاعطاء الصقارين مميزات تتخطى القوانين فهي صعبه

على العموم ابشر باللي تطلبه يابو معيض وهذي مجرد أراء

المري

23/05/2007, 11:05 AM

مرحبا اخوي شبراق وانشهد انك ماقصرت .. بس قبل لاتحدد المكان والاعضاء خلنا نشوف سالفة تخليص الاوراق؟؟

من وين نبدأ ومن نكلم فيها؟ الشغلة ماهي سهله.. اذا عودت على الأوراق..

***

اخوي طارق الحربي

ابشر ان شاء الله .. سوف ندرس الشروط والاهداف بس نبغى الربع الكبار الكبار من غير اقصور في باقي الاعضاء:

1- الفيتو. 2- ابورداد. 3- سرهيد. 4- مارشال. وووووو

نبغى رأيهم حيث رأيهم يهمنا .

وسلامتكم

اخوك - المري

قناص ام وشاح

23/05/2007, 12:09 PM

موضوع وفكره سديده الله يوفقكم لاني خارج المملكه {قطر}

المري

24/05/2007, 05:34 PM

قناص ام وشاح

حياك الله وحي الله اهل قطر..

وتسلم على المرور

القحطاني505

24/05/2007, 05:57 PM

اقتراح جدا جميل اخوي المري وياليت يكون بالحسا لانه متوفر شبه الشروط الكامله والله لايهينك ياولد شجعا

الفارس3

24/05/2007, 08:04 PM

اقتراح جدا جميل واذا بديتو انا معاكم قلبا وقالبا ... مع اني ما املك خبرة بالصقور بس اذا الدعوة فيها دورات انا بشتري طير واشترك معاكم لاني بالفعل كنت ادور على نادي للصقور اتعلم فيه وشكرا لك يا بومعيض على اقتراحك الممتاز..... صحيح جبت الذيب من ذيله :cool: