لا أحد يضحك علي

[هوليووود]

السلام عليكم أنا عضو جديد ولكن في بالي الف سؤال وسؤال والله يعينكم علي

1- انا ساكن في منطقة الخرج هل يجي عندنا قميري وبط ونزل وخاصه بالبران اللي عندنا وهل فيه أحد يعرف الاماكن اللي يمكن نصيد بها والبر اذا ما فيه شجر يجي فيه نزل والا لابد انه يكون شعيب

2- البنادق اللي تعرض في المنتدى ما قد شفتها عندنا كل اللي اشوفه ام ماصورة وحده حتى مع عمي وابوي من زمان وزملاي أما ام خمس ما هي منتشرة عندنا ليش ما أدري

3- الحين لو صرت اصيد بالشوزن وما معي ترخيص وش يسوون فيني الشرطة مثلا هل يصادرونها او سجن ولو كان معي ترخيص هل يسمحون لي بالصيد

والله هالاسئلة محيرتني كثير وما ادري وش اسوي وليت تاخذون اسئلتي على محمل الجد

[(خوي المقناص)]

الحين لو صرت اصيد بالشوزن وما معي ترخيص وش يسوون فيني الشرطة مثلا هل يصادرونها او سجن

أكيد أخوي التصريح لابد
وأفضلك ناري أذا كنت قطره أما أذا كنت غشيم فيصلح لك شوزن ولا يهون الحاظري
أخوك خوي المقناص
تقبل مروري

[قلب الداهيه]

1- انا ساكن في منطقة الخرج هل يجي عندنا قميري وبط ونزل وخاصه بالبران اللي عندنا وهل فيه أحد يعرف الاماكن اللي يمكن نصيد بها والبر اذا ما فيه شجر يجي فيه نزل والا لابد انه يكون شعيب

عليك بالمزارع اكلمك عن القمري اما البط مادري00

وتقبل مروري00]

[shaheenshah]

اذا ما معك ترخيص على السلاح يصادرون السلاح وفيه غرامه بعد تصل الى مصادرة السيارة

[salsm9999]

ما افضيل انواع ام صتمه 27

[النحاسي]

السلام عليكم أنا عضو جديد ولكن في بالي الف سؤال وسؤال والله يعينكم علي

1- انا ساكن في منطقة الخرج هل يجي عندنا قميري وبط ونزل وخاصه بالبران اللي عندنا وهل فيه أحد يعرف الاماكن اللي يمكن نصيد بها والبر اذا ما فيه شجر يجي فيه نزل والا لابد انه يكون شعيب
بالضبط القميري (عادة اذا جاء وقته تجده في غالب المناطق ولكن في المناطق مثل الخرج والرياض باعداد قليلة جدا جداً وليست مثل مناطق عبوره المعروفة (الساحل الغربي +شمال المملكة).
يعني في وقت القميري ممكن انك تجده في كل مكان ولكن باعداد قليلة.. ولاتساهل العنوة على قولتهم
اما البط عادة يكون في المناطق الي فيها مشاريع زراعية ومياه كثيرة (مستنقعات مناقع سيول.. الخ)
ولاهو مثل القميري يكثر تواجده في جهه معينة... بل بشكل عام البط حول الماء



2- البنادق اللي تعرض في المنتدى ما قد شفتها عندنا كل اللي اشوفه ام ماصورة وحده حتى مع عمي وابوي من زمان وزملاي أما ام خمس ما هي منتشرة عندنا ليش ما أدري

هالباندق الجديدة نسبياً
السوابر البنيلي+البريتتا+الروسيات الجديدة+البروانق الجديدة+وغيرها
تعتبر اسلحة جديدة نسبياً وبعض الشيبان (لايزعلون علي:D )مازالوا ما يتعاملون معها ولكنها موجودة ومنتشرة عند الشباب والناس الي لهم بالصيد (اصحاب الرحلات الطويلة) اما الي حول المزارع والديرة هذا اغلبهم مازال على ام حبه او البراونق القديم (ام خمس)



3- الحين لو صرت اصيد بالشوزن وما معي ترخيص وش يسوون فيني الشرطة مثلا هل يصادرونها او سجن ولو كان معي ترخيص هل يسمحون لي بالصيد

عادة بس ياخذون السلاح .. ويفقعون راسك بالقرق... واللطعّ خوصوا في التفاتيش.. لانك لازم تروح للمركز..الخ
بس ماهنا سجن .. ان شاء الله (مع ملاحظة اني غير مسؤول:D )