لغز طري جد(ن) الحق الحق........الحلول متعدده بالداخل

[ابو سلافه]

هذا لغز ما ادري ان كان طرح من قبل ولا لا واللغز هو:


شايب ما يشيب:........؟

وبنت ما تجيب :......؟

وجرح ما يطيب :.......؟

وشمس ما تغيب :........؟

[al_marry]

السلام عليكم
1- القران 2- العذراء 3- ؟؟؟؟؟؟؟؟؟ 4- العلم
وعطنا الجواب الثالث خلنا نستفيد الله لا يهينك على الالغاز

[ابو سلافه]

حياك الله أخوي المري وللاسف ولا وحده صحيحه عشان أقول لك الثالثه

حاول مرة أخرى وشكرا..............ارمع زين يا بعدي

[أخو جوزاء]

أخوي / ابو سلافه

مشكور على اللغز وتراه قد نزل في المنتدى

والرمعات :

الشايب اللي ما يشيب / الغراب

البنت اللي ما تجيب / الصبخاء ما ينبت بها زرع

الشمس اللي ما تغيب / شمس الأسلام والحق

الجرح اللي ما يطيب / جرح العار

تقبل مروري

أخو جوزاء

5 / 5 / 1428 هـ

[al_marry]

يعطيك العافيه
احسبني جاوبت وانا طاير بالعجه ههههههههههههههه

[hg.dvd]

والله ماعرف عن الالغاز شي

[ابو سلافه]

اشكر كل من شارك ورمع سواء صح او خطأ
اخو جوزاء حياك الله ثلاث صح وبنت ما تجيب :ما الظاهر انه الخصباء ..فكر مرة ثانـــيه .انا غدت عن بالي هالحين
وعندي حل ثاني لجرح ما يطيب وهو الشعيب او الوادي لانك مهما تدفن يرجع ومره ثانيه ينشق ولا اتوقع فيه تعارض بين العار أو الشعيب لانهما ينطبقان على اللغز..
بانتظار تعليقك...

[سنعوسي111]

البنت اللي ما تجيب هي : مكة المكرمة

[أخو جوزاء]

حياك الله أخوي / ابو سلافه

البنت اللي ما تجيب هي / الصبخاء الموجوده بالقرب

من البحر وهي أرض لا ينبت بها زرع وليست كما

قلت الخصباء أنا قلت الصبخاء

والجرح اللي ما يطيب ينطبق على عدة حلول والحل

الذي أعرفه ويعرفه الكثيرون هو جرح العار حمانا الله

وأياكم من مصائب الدنيا

تحياتي / أخو جوزاء

6 / 5 / 1428 هـ

[هاوي المرقاب]

الله يمسي الجميع بالخير

واتوقع البنت الي ماتجيب

هي ( البغله )

وبالنسبه للجرح الي مايطيب هو حسب علمي


الصدع في الارض


تحياتي للجميع

[ابو سلافه]

البنت اللي ما تجيب هي : مكة المكرمة
اخوي سنعوسي الله يحييك ..والله ما ادري يمكن كل شي جائز أو الكعبة

[ابو سلافه]

حياك الله أخوي / ابو سلافه البنت اللي ما تجيب هي / الصبخاء الموجوده بالقرب


من البحر وهي أرض لا ينبت بها زرع وليست كما

قلت الخصباء أنا قلت الصبخاء
تحياتي / أخو جوزاء



6 / 5 / 1428 هـ








الله يمسيك بالرضا والعافــيه..ما نختلف يا رجال

الصراحة ان طريقتك بوضع التاريخ تحت مشاركتك حلوه وتريح كثـــير

أتمنى انك تسوي تصويت على هالطريقة بموضوع جديد ..لاننا بحاجتها... هاه وش قلت..

[ابو سلافه]

[quote=هاوي المرقاب]الله يمسي الجميع بالخير
واتوقع البنت الي ماتجيب
هي ( البغله )

الله يمسيك بالنور والسرور
ما اجزم لك لكن يمكنها الكعبة أو مكه زي ما قال أخوي من شوي
أما بالنسبة للصدع صحيح عليك أو العار أيضا

[عبدالله العمرو]

السلام عليكم ورحمة الله ....

أٍسمحوا لي أدلي بدلوي بسعة صدوركم ...

عندما هاجر أبطال الاسلام الأربعة ومنهم خالد ابن الوليد وأعتقد سعد ابن ابي وقاص .. من مكة إلى المدينة ورآهم صلى الله عليه وسلم من بعيد : قال للمهاجرين والأنصار :
(( رمت لكم مكة بفلذات أكبادها ))

وأعتقد إنه يمكن الاستفادة من هذا بأن البلدان تنجب رجالاً .. وعلى ضوء ذلك أستبعد الحل (( مكة )) ...

مجرد رأي وحباً في مشاركتكم ...

محبكم /

[ولد المواشي]

مشكور على الغز الي مايدخل المخ