اللي يبي يركب لمبة مراية

[أبو مسفر]

السلام عليكم ورحمة الله وبركاته

شريت هايلوكس لكن للاسف كما هي عادة ربعنا ومواصفاتم المتدنية حتى في ابسط الاشياء لقيت ان المراية ما فوقها لمبة وعندي انا انها ضرورية الى بغيت تقرا شي والا تدور تحت الرجلين شي والا والا
ويمكن عند غيري مالها فايدة ولاهيب مهة
والمشكلة مهيب بالهايلوكس وبس لكن حتى الجيوب بخلوا عليهن بلمبة ما تكلف المصنع عشرين ريال
ما ودي اطول عليكم

1 - جبت دبوس وقمت اتحسس به الفراغ المناسب واذا مشى كامل الدبوس زين اعلم على محله بالقلم وان دقر معناه فوقه عارضة .
2 - حددت المستطيل المناسب للمبة - نسيت اعلمكم اللمبة شاريها من التشليح بغيت حقت كامري ومالقيت زرقاء واخذت حقت مكسيما - وانتبه لا تكبر الفتحة وخل خطرك على الصغر .
3 - شقيت السقف بسكين حدة علشان ما يتشذرم على المقاس المطلوب .
4 - قد اشتريت سلك طوله متر ابا اوصله من اللنبة اللي في الوسط لكن قلت ابا اشوف وادخل اصبعي وقمت اتحسس والقى سلك واصل لمحل اللمبة اللي اباحط مثبت بشطرطون وافك شطرطونه واخذه وانطل سلكي اللي شريت .
وصلت السلك المجهز باللمبة وكبست اللمبة بالفتحة ولااحسن منها ومن شافها ماشك انها من الوكالة


والصور انتظروها قريب ان شاء الله

[البرنس 2006]

ماشا الله عليك وفرت على نفسك
مبروك الموتر والله يعطيك خيره ويكفيك شره
تقبل مروري

[شامخ ألهيلا]

ماشاء الله عليك تسلم يمينك
ومشكور اخوي

[ناوي نيه]

الله يهنيك بلموتر

[alkongrs]

مشكور وما قصرت الله يعطيك العافيه
لمبة السقف تركب على هيلوكس 96

[أبو مسفر]

هاذي الصورة قبل التركيب

[/url]
http://www.qahtan.net/up/uploads/b61b41aa2a.jpg
وهاذي القطعة اللي قصيتها من السقف مجرد فلين عازل يسهل قصه

(http://www.qahtan.net/up)
http://www.qahtan.net/up/uploads/437ba128aa.jpg
وهاذي الفتحة والسلك الخارج منها موصل بالمبة وجاهزة للتركيب ( مجرد كبس)


http://www.qahtan.net/up/uploads/e46438d28b.jpg
وهاذي اللمبة مركبة جاهزة

(http://www.qahtan.net/up)
http://www.qahtan.net/up/uploads/1b45690b63.jpg
وهاذي واللمبة مولعة

[url="http://www.qahtan.net/up"]
http://www.qahtan.net/up/uploads/aac99c37eb.jpg
والعذر من رداءة الصور وكبرها

[alkongrs]

ما شالله عليك الله لا يضرك وهل تركب على الهيلوكس 96

[غالي]

الصراحه
احييك من كل قلبي ما شاء الله عليك الله لايضرك
والله يستر عليك ويوفقنا وياك
حقيقه ابدعت

[M o b d a]

مشالله تبراك الله

بس بسألك

وشلون ثبتها ؟.

[برق السما]

ماشاء الله شغل محبوك ..

بس عجيب ولله الهايلكسات اللي موديلها من 2002 إلى 2005 فيها ذا اللمبة ..

بس خل عنك شغلك محترم !

[روثان]

السلام عليكم ..

مشكور اخوي الله يعطيك العافية ماقصرت


لك التحية..

[أبو مسفر]

اشكر جميع الاخوة اللي مروا على موضوعي
ومعليش على التأخير اخوي ولد العمدة
وش يردها ما تركب على الهايلكس 96 ما دام السقف فلين معزول ؟؟
هاللنبة تركب على جميع السيارات سواء هايلوكس او جيب او غيرها\

بالنسبة لموتري 2006 ما يجي فيه لنبة

[المميـز]

لاحظوا ان الرجال يقول السلك وااااااااااااصل بس ماحطوا لمبه ؟؟؟!!!!!!

طيب ليييييييييييييش ؟؟


وش يبي يضرهم اذا حطوا اللمبه ؟؟؟؟؟؟؟

او والله وكالات

على العموم مشكووووووور على الموضوع والصراحه شغلك مضبووووط ماشاء الله

افتح لك محل واختص فيها :D

[ابو نوره]

وعليكم السلام ةرحمة الله وبركاته
ما شاء الله
شغل مرتب الله يعطيك خيره ويكفيك شره
بس وش مثبت اللمبه فيه؟
وتقبل تحياتي

[أيمن]

تمام عليك يبو مسفر :good:

[ابو ســــاره]

شغل مرتب وحلو ومتكتك واهم شي زمزمية الشاهي في الصورة الثانية تدل على المخمخة في الشغل .
بالتوفيق ..

[جنوبي صميم]

الله يهنيك بالموتر ويعطيك خيره ويكفيك شرة

قالوها الحاجه ام الاختراع

[أبو مسفر]

الاخوة الكرام جميعاً اشكركم على مروركم الكريم
وبالنسبة للتثبيت يابو نورة لازم يكون الفص اصغر شي بسيط من اللمبة ثم تكبسها كبس
ولازم بيالة شاهي علشان الواحد يمخمخ يابوسارة

اشكر الجميع مرة اخرى

[هويدي]

ماشاء الله عليك شغل متكتك ومحبوك


يعجبني الرجل اللي يشتغل بيديه حتى لو خرب سيارته بس بالنهايه بيتعلم

احسن مما يوديها لأجنبي يتعلم فيها ويحوقها وياخذ دراهم بعد

[ولد وايل]

الاخواني الاعزاء


ما ادري سوافي بكم يركبها

[جهآم]

جزاك الله خير يأبومسفر / واحب انبه اللي يبي لمبه جيده ومناسبه موجوده عند العليان طريق خريص ب 20 ريال على كيف كيفك --------والله الموفق

[أبو مسفر]

اشكر الاخوة الكرام جميعاً على المرور
لكن الصور ما طلعت معي مدري وش السبب ؟؟؟؟

لأني محتاجها يالربع

[محب الصحراء]

منتاز فكرت منتازة

[.أبوعبدالرحمن]

شغل نظيف ما شاء الله تبارك الله


لكن وانا اخوك الصور عيت تشتغل

[القناص]

ايضا لم تطلع الصور

شكرا على المشروع الناجح والمفيد

بارك الله فيك

[سعد777]

ياجماعه الموضوع له 6 شهور ومركز الصور اختفى من وين تطلع الصور
ونت يابو مسفر الله يرضى عليك بعد 3 شهور توك ترد وينك مانسمح لك بالغياب اكثر من كذا

[s3od_797]

مشكور بس غريبه مافيه لمبه

[صقرالعرب2007]

http://www.benaa.com/Read.asp?PID=493943&cnt=-2&Sec=0#496250

أخواني الصور موجووووووووووووووووووووده هنااااااااااااااااااااااااااااااا

[القناص]

شكرا يا صقر العرب 2007

اخيرا شفنا الصور

[باترول 4×4]

ما شاء الله عليك أبو مسفر شرح وافي وصور معبرة عن الموضوع ، يعطيك العافية .

[سطام vip]

ما شاء الله تبارك الرحمن

الله يعطيك العافيه وشغل عدل

تقبل مروري والرد

دمت بخير

[جمل المحامل]

باللة شلون نشوف الصور الرابط مغلق
للاهمية وشكرا

[جمل المحامل]

اخي العزيز ابو مسفر ارجوا ارسال الصور علي الخاص
اذا امكن اللة لا يهينك
لان عندي هايلوكس 2009 وشريت لمبة فورتشنر وقلوا الوكالة لا يمكن تركب
ارجوا افدتي ولك كل الشكر

[جمل المحامل]

للرفع
تكفى يابومسفر الصور
ماجاني شي على الخاص وودي اشوف الصور للتطبيق
مع الشكر

[الجحفة]

الله يعطيك العافية اخوي

[أبو مسفر]

معليش اخوي جمل المحامل على التأخير
اباحاول ابحث عن الصور واحطها

[عاشق الأطلال]

اخوي ابو سفر صور المبة وهي في السيارة نبي نشوف شكلها فقط لا غير


والله يعطيك العافية

[الصيهد.......]

ترانا نحتري الصور جعل الجنه منزلك
لاتبطي علينا هماه

[رسلان الوايلي]

الله يعطيك العافيه ومشكور

[أبو مسفر]

معليش يا شباب
مبطي ما راجعت الخيمة ومعليش للتأخير
وصراحة بحثت عن الصور القديمة وما لقيتهن لكن تعبروا بهذي وهي للنبة حقت المكسيما لونها رصاصي
ويتضح أيضاً مراية الجمس
وإن شاء الله اصور لكم المراية وهي مركبة وهي مقشوعة وكيفية شبكية السلك
http://www.mekshat.com/pix/upload04/images198/mk9305_mk9305_8.jpg

[حطب سمر]

ما شاء الله عليك أبو مسفر