ماخاب من استشار .....

[عاشق نجد ،]

السلام عليكم ورحمة الله وبركاتة

مرحبا بالجميع كلن بسمة وحبينا نستشيركم براي ... والمشورة طيبة

واحد من الربع بيشري طير وعرض علية حر بكر 16*16 كاشف الراس والطير ماذبح حباري لأنة ماحصلة هدد

وعلومة طيبة من حيث الجناح والسبق ملحق على كراوين 2 وذابح ارانب والحبش يذبحة ويطلع علية من مسافة حلوة

وراكد بالموتر وطيرانة على الحمام طيب بالحيل ولة مهدات حلوة مرة ... ويبيبة من العشرة وفيها !!!!

هل هذا سعرة و كم يسوى بنظركم الله لايهين الجميع

[قناص ام وشاح]

سعره زوين لاكن خله يساومه {يكاسره}

[ولـد الدوادمي]

لاتستعجل وانخوك والطيور يبيلها ركاده واا كان فيه صور يكون افضل

ولاياخذ لك شي الا طارح حبارى
وهذا والله سعره غويلي
تقبل تحياتي

ولد الدوادمي

[خيال الصبحا]

وعليكم السلام
الحين أنا أشوف أنه غالي(وقت الربط)
وشكرًا

[borsh]

بالنسبه لي انا اشوف انه غالي .

[الشمالي 5]

والله الطير غالي لان حنا في وقت الربطه لوقال 7 الاف معقوله لاكن لاتستعجل

[سنجااار]

والله الركاده اهم شي لايستعجل وان طاعني ياخذ طير يلحق وصايد حباري ووافي ولايهمه الريش هذا رأيي والسلام ختام

[المري]

عسى الله يكتب له الخير اولا.

ويحاول على ماقالو الاخوان ينزل من سعره الى 7 الالاف..

وسلااااااامتكم

اخوكم - المري

[راعي دهام]

.



بالنسبه للمواصفات اللي تقولها فـ سعره زين


انا لقيت نفس المواصفات لكن ينقل اما ثنو او ثالث


نفس مواصفات الطير اللي تقول راكد من تشرق الشمس الى المغيب


جناحه كايف لكن ما شاف الحبارى ، وصلته تقريباُ 11 ألف ولا رضى


فـ أنا اقول يحاول فيه ينزل له السعر والا يتوكل على الله ويشتريه


والطير شبب بتوريه حبارى وبتدربه عليها وبيصيد ان شاء الله


وفاك انت وخويك ومن يقرا التوفيق والصيد والفيد ان شاء الله ..





تحيه طيبه ..





.

[الوافي عزام]

السلام عليكم ورحمة الله وبركاته

اولا ان كان الطير ينقل الموسم القادم بكر لا ياخذه لانه العام فرخ والفرخ مابه طيب من ناحية السبق العلم بعد القرناس والا الفروخ كلها سبوقه

وان كان ينقل ثنو فهذا سبوق ولاكن مشكلته ماصاد ؟؟؟

انا لو اني مكانه انتظرت الموسم الجاي ونزلت السوق القى من الطيور اللي صايده وعليها شرط من ناس ( معروفين ) وخاصه وانه بيدفع 10000 ريال

هذه وجهت نظري
وياليتك تعلمنا عن الطير هل ينقل بكر والاثنو

[بو غازي]

السلام عليكم ورحمه الله وبركاته
اخوي عاشق نجد عسى الله لايخيب ظنوونك ويوفقك ياربي ويكتبلك خير الامور انت و خويك.


رأيي بسعر الطير اخوي عاشق والله انا اشوف انه سعررائع اذا كان مع المقيض مع الشكر

[عاشق نجد ،]

السلام عليكم ورحمة الله وبركاتة








الله يحيي هالوجية الطيبة والمشورة الطيبة :







*قناص ام وشاح :رفيقنا ماتفرق معة الف ريال لكن العلم على الطير يستاهل والا لا .. ومشكور على الراي









*ولـد الدوادمي : مربط الفرس اخوي الذبح والا لو كان ذابح ماصارت قيمتة ذي ... عموماً بيض الله وجهك









*خيال الصبحا : الله مير يحييك ... والمشكلة بعد الربطة الطيور تولع نار اسعارة وانت ابخص ..









*borsh : لاهنت على الرد والشور ويعطيك العافية .









*الشمالي 5 : ماقصرت كفيت وفيت ...لكن الرجال يخاف يشري من السوق والسوق خبرك اكثرة المتردية والنطيحة .









*مشروك : ارحب وهلابك ..ورفيقنا نفس كلامك ماتهمة الريشة وصاحب الطير يعرفة رفيقي رجال صدوق شروا من يقرا يقول هد رفيقي على حباري وفرعت للطير وطلبة وهو يظمن ذبحتة بعد توفيق الله .









*المري : ياهلا وغلا بالمري وشاكرلك كل الشكر شورك الطيب ..وغدي الله يهدي ويلين راسة شوي .









*راعي دهام : الطير وانت ابخص ترتاحلة من اول شوفة وهذا اللي صار مع رفيقنا من اول ماشافة وشاف مهدة جازلة وماصدق على الله الرجال بيبيع لكن مثل ماذكرو الأخوان الذبح هو اساس الطير الطيب ..

والله يكتب الخير للجميع









*الوافي عزام : حي هالشور وحي من قالة ...والطير ينقل بكر ..والرجال مثل ماذكرت مايبي شرا السوق لأن بعض خوياة صارت لهم مواقف كثيرة بالسوق ... ومنها واحد من ربعة شرا طير صايد ثنتين وراحت علية وحدة والكلام هذا الموسم الفايت والرجال صدق بكلامة والطير شري لكن يوم طلع العلم اذا هو كابسهن كلهن بالأرض والطيران لك علية حتى ان الحمام الضعيف يالله يصيدوة ومرات يحل عنة









*بو غازي : الله يسلمك على الدعوة الطيبة والله يوفقك ويرحم والديك وكل مسلم وتكفي الدعوة الطيبة منك

والطيرمثل ماقلت مع الربطة ...والف شكر على مرورك وتشريفك ورايك










وبيض الله وجية الجميع كلن بسمة

[الاشعل 316]

غالي

والطير يبيله وانت تدورلك طير يبيلك ركاده

ولا تستعجل

وتقبل تحيات

اخوك ابو سطام

[الرّمااااي]

سبحان اللة اخواني بالسعودية الطيور عندكم غالية بالحيل واللّة بنص السعر هذا تاخذ عندنا بالكويت طير صايد وفايد ولحوق ووافي 17 في 17
وايضا بنص سعر البنادق تاخذ لك شوزن طيبة وجديدة بعد والفشق سعر الدستة بصندوق وسامحونا

[الوافي عزام]

اخوي الغالي دامك قلت ان الطير ينقل بكر اجل خل خويك يراجع حساباته ويفكر؟؟؟؟

يوم انه يقول ان الطير سبوق هذا الكلام العام اللي راح يوم انه فرخ والفرخ اكيد سبوق لاكن لا جا العلم وقرنس وصار بكر هل يطلع سبوق والا ؟؟؟
وهو ابخص بعمره
وبالتوفيق

[عاشق نجد ،]

الله يعطيكم العافية ومشكور على النصايح والمشورة ...

والله يكتب اللي فية الخير للجميع