بارق الصيف
05/06/2003, 10:08 AM
سلام من بارق سلامٍ عنا به = محملٍ بالورد والفل للغير
أخص انا الجمس الحمر واعذابه = اللي تولع بالبني الغنادير
واثني سلامي للمولع ومابه = من الهوى والعشق دمره تدمير
وقناص حَره هاجسه قد سرى به = يم الشمال وسيّر الرجل تسيير
هم عزوتي هم لابتي خير لابه = كلٍ بقلبي له معزه وتقدير
ومن بعد ذا يالجمس جتك الاجابه = مكتوبةٍ ومسطّره خير تسطير
إن كان طيرك عاليات هضابه = وممساه في روس الطوال المشاهير
فانا معي طير عزيزٍ جنابه = حرٍ ولد حرٍ خواله سناجير
الى هوى ماحدٍ يحسب حسابه = يركي مخاليبه على غفلة الطير
مشهور في صيده الى انهد جابه = عزيز نفس ومايبي منّة الغير
سبحان من سواه واحسن شبابه = فاق الصقور اللي ملكها الصقاقير
سميته (البارق) وعيّو اصحابه = قالوا نبي(الخاطف )وذا خاطف الطير
واللي جهل بالصقر زاد الشوا به = واللي يعرفه قدّره خير تقدير
ويارعي الجمس الحمر وين بابه = أركب معك ودي نروّح مشاوير
وخذ المولع قبل يفقد صوابه = وقناص لاتنساه راعي المسايير
واكفخ لدار العز دار النجابه = دارٍ سكنها عمدةٍ للمناعير
لعل قلبٍ لاهب الشوق صابه = يسلا بعد فقد المحبين بالطير
* لولا الاطاله عليكم والا كان الخاطر فيه الكثيرررررر
(((((((((انتظروا قصيدة الرد على الابله منيره)))))))))))))))
أخص انا الجمس الحمر واعذابه = اللي تولع بالبني الغنادير
واثني سلامي للمولع ومابه = من الهوى والعشق دمره تدمير
وقناص حَره هاجسه قد سرى به = يم الشمال وسيّر الرجل تسيير
هم عزوتي هم لابتي خير لابه = كلٍ بقلبي له معزه وتقدير
ومن بعد ذا يالجمس جتك الاجابه = مكتوبةٍ ومسطّره خير تسطير
إن كان طيرك عاليات هضابه = وممساه في روس الطوال المشاهير
فانا معي طير عزيزٍ جنابه = حرٍ ولد حرٍ خواله سناجير
الى هوى ماحدٍ يحسب حسابه = يركي مخاليبه على غفلة الطير
مشهور في صيده الى انهد جابه = عزيز نفس ومايبي منّة الغير
سبحان من سواه واحسن شبابه = فاق الصقور اللي ملكها الصقاقير
سميته (البارق) وعيّو اصحابه = قالوا نبي(الخاطف )وذا خاطف الطير
واللي جهل بالصقر زاد الشوا به = واللي يعرفه قدّره خير تقدير
ويارعي الجمس الحمر وين بابه = أركب معك ودي نروّح مشاوير
وخذ المولع قبل يفقد صوابه = وقناص لاتنساه راعي المسايير
واكفخ لدار العز دار النجابه = دارٍ سكنها عمدةٍ للمناعير
لعل قلبٍ لاهب الشوق صابه = يسلا بعد فقد المحبين بالطير
* لولا الاطاله عليكم والا كان الخاطر فيه الكثيرررررر
(((((((((انتظروا قصيدة الرد على الابله منيره)))))))))))))))