almojaly
05/06/2003, 01:42 PM
إخواني0000
السلام عليكــم ورحمة الله وبركاته000
لاشك00أن المنتدى خاص00بالطبخ000ولكن أحببت أن تشاركوني الرأي في موضوع قد يكون له علاقة بالطبخ00( نظراً لكثرة مناسبات البوفيهات الآن والعزايم وحتى نكون أهل البر 00ونعرف حق المتمدنين بعد00)0000
إذا دعيت إلى مناسبة 00وكان بنظام البوفيه المفتوح00( كيف تتصرف)00
ــــــــــــ
هناك اختلاف كبير بن بوفيه المناسبات الكبيرة ( زواجات00حفلات كبيرة00) وبين البوفيهات الخاصة بالفنادق00مثلاً000أو الخصوصية00جداً000
نأخذ البوفيهات الخاصة00او بوفيهات الفنادق والمطاعم الكبيرة000
*-في البداية00إتجه إلى (الجرسون)( أو السفرجي) أو (النادل) 00 هكذا يسمونهم00وأطلب منه أن يحدد لك مقعدك00لأنه أحياناً يكون المقاعد بالحجز على حسب عدد الأشخاص ( عوايل00مدخنيين) بعد أن يحدد لك الطاولة000
*-اذهب إلى البوفيه وخذ لك لفة بسيطة على الأطباق الموجودة دون أن تأخذ معك أي شيء يعني تعرف على الأكلات والأطباق الموجودة000
*- إتجه إلى ركن الشوربات ( الحسى ) ( السوب)( المرقة) ( الإيدام) تجد قدح مخصص لذلك أغرف لك من اللي تبي منه وخذ ما تيسر لك من الخبيزات00ويالله على الطاولة00حط القدح أمامك00والله لايهينك فيه على الطاوله منديل كبير أفرشه على ثويبك وأرفعه إلين ياصل رقبك00( وأنت ترفعه00لا ترفرفر به كنك عاملٍ عند تحويله 00أو واحدٍ ينشف له شماغ00) يعني بشويش00حطه على صدرك00وشف الملعقة قدامك ( كأنها مكفنة هي ويا السكين والشوكة00) خذها ولياي أوصيك00 شوي شوي00 وبالراحة وسولف00وغط شوي خبز وأشرب00ولا تستعجل مافيه شيءٍ يبي يخلص00بعد ما تنتهي000أثبت في مكانك00يبي يجي الجرسون00ويبي يسألك خلاص00أشر له نعم00يبي يشيل أواني الشوربة00( إذا لم يأتي00قم من مكانك00ويبي يجي ينظف مكانك00)00
*- قم الله لايهينك00ورح لركن السلطات00وشوي شوي خذ اللي تبي ولا تركم فوق بعض00إذا خلص رح ثاني مرة00 يعني ما أحد يبي يردك00أهم شيء خذ اللي أنت تبي تأكل00ونفس طريقة الشوربة يبي جي الجرسون ويبي يشيل حقات السلطة00
*- الآن سويت تحمية للمعدة00 خذ عمرك ورح لركن الأطباق00 ( طبعاً من خلال جولك الأولى أنت عارف وش الأطباق الموجودة وش اللي يناسبك00 إتجه إلى الأطباق اللي تناسبك00وعب طبقك0وترى الأطباق المهمة في الآخر ( الأسماك0 القمبري- المشويات- الطيور000يعني إنتبه مهوب إلى وصلتها إلى صحنك ا الله يشيل عمره خل مكان لهن)( أحياناً يكون هناط طبق رئيسي أو خاص أسئل عنه تجد عنده جرسون داخل يعطيك اللي تبي منه)00خت اللي تبي00رح لمكانك00 وبالعافية000( دائماً إجعل البوفيه سهرة أو متعة يعني على أقل من مهلك في كل شيء وسولف وخذ راحتك0وأشكر الله على ها النعمة0تجد متعة عجيبة00)000خلصت يا طويل العمر000
إستدع الجرسون إذا لم أتيك00أو قم من مكانك ويجي هو يشيل اللي00بقي00وينظف لك المكان00
إذا كنت لوحدك00وإحتجت أنك تذهب لدورة المياه أو لأي شغل ولم تفرغ من الأكل يعني تبي ترجع تكمل 00ضع الشوكة والسكين في وسط الصحن على شكل × يفهم الجرسون إنك تبي ترجع أما إذا وضعتهن بالتوازي يعني جنب بعض تراه يبي ينظف مكانك00معناه إنك خلصت000)
*- الآن إتجه إلى قسم الحلويات ( يعني حل00) الكيك00والآيسكريم00والكريمات0والفاكهة00خذ لك طبق وخذ ما يناسبك0000وبالعافية00إتجه إلى مكانك00وعليك بهن000أشكر الله على ها النعم00وحاسب يا طويل العمر000( وأياني وياك تعودها إنكانك المعزب00)
*- غالباً المشروبات00الشاي أو القهوة000أو الببسي أو العصير تكون خارج حسبة البوفيه00يعني إذا قالك النفر بكذا إنتبه إذا طلبت عصير أو ببسي أو أي مشروب تراه يضاف على الحسبة ( يعني لاتطاق أنت وياهم00) أدفع وأغنم العافية000)00
*- بالنسبة للحساب 00أشر للجرسون ويبي يجيبلك الفاتورة بوسط00محفظة00حط الحساب ولا تنسى مقسوم الله من البخشيش000
ــــــــــــــــــــــ
*- إذا حبيت أنت واللي معك إنك تشرب لك شوي شاهي00غالباً00 تلقى فيه ( كوفي شوب) في الفندق00أو في المطعم ( إذا كان كبير)00 يفضل إنك تغير المحل00يعني تترك مكانك وتتجه إلى مكان آخر وتشرب فيه الشاهي000سوف تتجدد متعتك000
ـــــــــــــــــــــ
ملاحظات/
*- الفوطة شلها من على صدرك في كل مرة00 تروح تبي تجيب لك شيء00( لاتفشلنا00) وحطها على المائدة 000وإذا خلصت بالمرة00حطها على الكرسي ( يعني لاتصفطها000)00ودف كرسيك يعني مغادرتك المكان0000
*- حتى لاتقع في الإحراج دائماً حاول ألا تكون الأول إذا لم تكن متمكن من ( البروتوكول) حق المطعم أو الفندق يعني خل قدامك واحد أعرف منك وأنت إتبعه ومثل ما يسوي سو ( قدم الغشيم وإلحقه)00ودائماً بطريقة ما إسئل الجرسون عن الخدمات المقدمة على البوفيه وكيف الطريقة بس بينك وبينه يعني000لا يدري أحد وفي كل مرة صدقني تبي تستفيد شيء00
ــــــــــــــــــــ
*- بالنسبة لبوفيهات الزواجات ( لاينطبق عليه ماذكر) خذ لك صحن وعبه أولاً سلطات ودور لك مكان وحطه ووص عليه واحد وأقضب لك ردمية توديك لأول البوفيه وخذ لك صحن ثاني وإترس لك ما لذ وطاب وترى آخر الأطباق هو الأهم ( بإختصار) يعني ماله نظام الجيد الل يلحق على الزين00ولا تنسى الببسي00 لايخلص000
ــــــــــــــــــــــ
إخواني00 هذه معلوماتي البسيطة ( جداً جداً00) وأتمنى من الجميع المشاركة وخصوصاً المتخصصين ( من يهعمل في فندق00أو طبيعة عمله تحتم عليه أن يأكل بإستمرار من البوفيهات أو هو غاوي00بوفيهات000يعني من شخص متمكن) حتى يستفيد الجميع000
ــــــــــــــ
المعذرة00على أي قصور أو أخطأ00000
السلام عليكــم ورحمة الله وبركاته000
لاشك00أن المنتدى خاص00بالطبخ000ولكن أحببت أن تشاركوني الرأي في موضوع قد يكون له علاقة بالطبخ00( نظراً لكثرة مناسبات البوفيهات الآن والعزايم وحتى نكون أهل البر 00ونعرف حق المتمدنين بعد00)0000
إذا دعيت إلى مناسبة 00وكان بنظام البوفيه المفتوح00( كيف تتصرف)00
ــــــــــــ
هناك اختلاف كبير بن بوفيه المناسبات الكبيرة ( زواجات00حفلات كبيرة00) وبين البوفيهات الخاصة بالفنادق00مثلاً000أو الخصوصية00جداً000
نأخذ البوفيهات الخاصة00او بوفيهات الفنادق والمطاعم الكبيرة000
*-في البداية00إتجه إلى (الجرسون)( أو السفرجي) أو (النادل) 00 هكذا يسمونهم00وأطلب منه أن يحدد لك مقعدك00لأنه أحياناً يكون المقاعد بالحجز على حسب عدد الأشخاص ( عوايل00مدخنيين) بعد أن يحدد لك الطاولة000
*-اذهب إلى البوفيه وخذ لك لفة بسيطة على الأطباق الموجودة دون أن تأخذ معك أي شيء يعني تعرف على الأكلات والأطباق الموجودة000
*- إتجه إلى ركن الشوربات ( الحسى ) ( السوب)( المرقة) ( الإيدام) تجد قدح مخصص لذلك أغرف لك من اللي تبي منه وخذ ما تيسر لك من الخبيزات00ويالله على الطاولة00حط القدح أمامك00والله لايهينك فيه على الطاوله منديل كبير أفرشه على ثويبك وأرفعه إلين ياصل رقبك00( وأنت ترفعه00لا ترفرفر به كنك عاملٍ عند تحويله 00أو واحدٍ ينشف له شماغ00) يعني بشويش00حطه على صدرك00وشف الملعقة قدامك ( كأنها مكفنة هي ويا السكين والشوكة00) خذها ولياي أوصيك00 شوي شوي00 وبالراحة وسولف00وغط شوي خبز وأشرب00ولا تستعجل مافيه شيءٍ يبي يخلص00بعد ما تنتهي000أثبت في مكانك00يبي يجي الجرسون00ويبي يسألك خلاص00أشر له نعم00يبي يشيل أواني الشوربة00( إذا لم يأتي00قم من مكانك00ويبي يجي ينظف مكانك00)00
*- قم الله لايهينك00ورح لركن السلطات00وشوي شوي خذ اللي تبي ولا تركم فوق بعض00إذا خلص رح ثاني مرة00 يعني ما أحد يبي يردك00أهم شيء خذ اللي أنت تبي تأكل00ونفس طريقة الشوربة يبي جي الجرسون ويبي يشيل حقات السلطة00
*- الآن سويت تحمية للمعدة00 خذ عمرك ورح لركن الأطباق00 ( طبعاً من خلال جولك الأولى أنت عارف وش الأطباق الموجودة وش اللي يناسبك00 إتجه إلى الأطباق اللي تناسبك00وعب طبقك0وترى الأطباق المهمة في الآخر ( الأسماك0 القمبري- المشويات- الطيور000يعني إنتبه مهوب إلى وصلتها إلى صحنك ا الله يشيل عمره خل مكان لهن)( أحياناً يكون هناط طبق رئيسي أو خاص أسئل عنه تجد عنده جرسون داخل يعطيك اللي تبي منه)00خت اللي تبي00رح لمكانك00 وبالعافية000( دائماً إجعل البوفيه سهرة أو متعة يعني على أقل من مهلك في كل شيء وسولف وخذ راحتك0وأشكر الله على ها النعمة0تجد متعة عجيبة00)000خلصت يا طويل العمر000
إستدع الجرسون إذا لم أتيك00أو قم من مكانك ويجي هو يشيل اللي00بقي00وينظف لك المكان00
إذا كنت لوحدك00وإحتجت أنك تذهب لدورة المياه أو لأي شغل ولم تفرغ من الأكل يعني تبي ترجع تكمل 00ضع الشوكة والسكين في وسط الصحن على شكل × يفهم الجرسون إنك تبي ترجع أما إذا وضعتهن بالتوازي يعني جنب بعض تراه يبي ينظف مكانك00معناه إنك خلصت000)
*- الآن إتجه إلى قسم الحلويات ( يعني حل00) الكيك00والآيسكريم00والكريمات0والفاكهة00خذ لك طبق وخذ ما يناسبك0000وبالعافية00إتجه إلى مكانك00وعليك بهن000أشكر الله على ها النعم00وحاسب يا طويل العمر000( وأياني وياك تعودها إنكانك المعزب00)
*- غالباً المشروبات00الشاي أو القهوة000أو الببسي أو العصير تكون خارج حسبة البوفيه00يعني إذا قالك النفر بكذا إنتبه إذا طلبت عصير أو ببسي أو أي مشروب تراه يضاف على الحسبة ( يعني لاتطاق أنت وياهم00) أدفع وأغنم العافية000)00
*- بالنسبة للحساب 00أشر للجرسون ويبي يجيبلك الفاتورة بوسط00محفظة00حط الحساب ولا تنسى مقسوم الله من البخشيش000
ــــــــــــــــــــــ
*- إذا حبيت أنت واللي معك إنك تشرب لك شوي شاهي00غالباً00 تلقى فيه ( كوفي شوب) في الفندق00أو في المطعم ( إذا كان كبير)00 يفضل إنك تغير المحل00يعني تترك مكانك وتتجه إلى مكان آخر وتشرب فيه الشاهي000سوف تتجدد متعتك000
ـــــــــــــــــــــ
ملاحظات/
*- الفوطة شلها من على صدرك في كل مرة00 تروح تبي تجيب لك شيء00( لاتفشلنا00) وحطها على المائدة 000وإذا خلصت بالمرة00حطها على الكرسي ( يعني لاتصفطها000)00ودف كرسيك يعني مغادرتك المكان0000
*- حتى لاتقع في الإحراج دائماً حاول ألا تكون الأول إذا لم تكن متمكن من ( البروتوكول) حق المطعم أو الفندق يعني خل قدامك واحد أعرف منك وأنت إتبعه ومثل ما يسوي سو ( قدم الغشيم وإلحقه)00ودائماً بطريقة ما إسئل الجرسون عن الخدمات المقدمة على البوفيه وكيف الطريقة بس بينك وبينه يعني000لا يدري أحد وفي كل مرة صدقني تبي تستفيد شيء00
ــــــــــــــــــــ
*- بالنسبة لبوفيهات الزواجات ( لاينطبق عليه ماذكر) خذ لك صحن وعبه أولاً سلطات ودور لك مكان وحطه ووص عليه واحد وأقضب لك ردمية توديك لأول البوفيه وخذ لك صحن ثاني وإترس لك ما لذ وطاب وترى آخر الأطباق هو الأهم ( بإختصار) يعني ماله نظام الجيد الل يلحق على الزين00ولا تنسى الببسي00 لايخلص000
ــــــــــــــــــــــ
إخواني00 هذه معلوماتي البسيطة ( جداً جداً00) وأتمنى من الجميع المشاركة وخصوصاً المتخصصين ( من يهعمل في فندق00أو طبيعة عمله تحتم عليه أن يأكل بإستمرار من البوفيهات أو هو غاوي00بوفيهات000يعني من شخص متمكن) حتى يستفيد الجميع000
ــــــــــــــ
المعذرة00على أي قصور أو أخطأ00000