المساعد الشخصي الرقمي

مشاهدة النسخة كاملة : يا هل المقناص والطيور


الفارس3
23/05/2007, 06:22 PM
يا اهل المقناص السلام عليكم ..... انا انسان فيني حب للصقور و القنص ,,, بس المشكله ما عندي اي خلفيه عن الطيور وودي اتعلم كل شئ عنها..... ايش تنصحوني فيه ...يعني غشيم و مسوي زحمة ,,,,, ايش اول الخطوات اللي لازم اسويها .... صحيح انا المشوار قدامي طويل بس انتو اهل خبرة وراحت تفيدوني كثير و تختصرون علي المشوار بفضل الله عزا وجل وارشاداتكم و نصائحكم ..... وانا شاكر لكم جميعا ....:cool:
أخو وضحة
23/05/2007, 07:07 PM
السلام عليكم ورحمة الله وبركاته
حياك الله أخوي ويا مرحبا فيك
أول شي تحتاجه قبل الطير رجال عنده خبرة يعني صقار منشان تستفيد منه لأنه وأنا أخوك بالقراية ما راح تستفيد يعني العملي أفضلك من النظري فهمت اشلون
ثاني شي يبغالك طير مدرب منشان ما تتعب معه يعني يكون راكد ولا يصيح وأفضل شي للمبتدء الوكري
ثالث شي الصبر والهدوء والتحمل

وإنشاء الله الأخوان ما يقصرون معك
وشكرا.................
الفارس3
23/05/2007, 09:11 PM
طيب طيرك اللي عارضه للبيع يصلح لي او ما ينفع...؟
الوافي عزام
23/05/2007, 09:48 PM
الفارس 3

مثل ماقالك اخو وضحه

يبيلك تمشي مع اهل الطيور وتتعلم منهم وتشوف اللي يسونه
وبعدها تقدر تاخذ لك طير معلم جاهز وتتعلم عليه اضافه على ذلك

وانصحك تاخذ لك وكريه معلمه خالصه
وايضا لاتشتري طير حتى تتعلم عشان ما تتبهذل وتبهذل الطير ويضيق صدرك وتكره الطيور بسببها
وبالتوفيق
الفارس3
24/05/2007, 02:51 AM
شكرا يالوافي عزام على مرورك ... والله يعطيك العافية