جهاز Garmen + خرائط المدينة + استخدام في المناظق البرية .. هل تجتمع؟

[لازم966]

الإخوة الكرام
السلام عليكم

في الحقيقة انا من أشد المعجبين في هذا المنتدى الرائع بأعضائه
ومن لا يشكر الناس لا يشكر الله
لذلك في البداية أتقدم بالشكر الجزيل أولا إلى القائمين على هذا الصرح الشامخ
ثم الشكر موصول للأعضاء الفاعلين والمتميزين.
فأنا من المتابعين للمواضيع المطروحة بشكل دائم ولكني قليل المشاركة
،،،،،،،،،،،،،،،،،،،،،،،،،،،
ندخل في صلب الموضوع :D

يا أخوان أبي مشورتكم في شراء جهاز ملاحة يخدمني في المدينة بالدرجة الأولى وكذلك يخدمني في البر
أي أنه يحتوي على الخرائط التفصيلية للمدن

قبل ما أطرح هذا الموضوع سويت بحث وقريت أكثر المواضيع في هذا المجال،، ولكن ما لقيت الجواب الشافي:no:

يا أخواني أبي جهاز يكون كالآتي:
- شاشة ملونة
- يحتوي على خرائط مدن الخليج ويمكن الحصول عليها من الإنترنت
- إمكانية تحديث الجهاز وإضافة الخرائط عن طريق الإنترنت

أنا استخدمت الجهاز الكفي اللي يدعم GPS وهو Eten وكان حليو
بس في النهايه هو جهاز كفي مو جهاز ملاحة
كان كثير ما يطفي ..وأحياً يفصل اتصاله بالأقمار.. يعني بالعربي ما يخدم صح!!


لذلك يا أخوان أبي نصيحتكم ومشورتكم في اختيار جهاز بالمواصفات اللي ذكرتها فوق
والله يوفقكم ويجزاكم عنا خير الجزاء.

لازم,،

[لازم966]

يا اخوان واحد بس يتكرم علينا ويرد :)

[سنبل]

حياك الله يااخوي
اللي انا اعرفه ان القارمن 276C
افضل جهاز ملاحة
وفيه كل المواصفات اللي ذكرتها
وبعدين اذا تبي خرايط تفصيلية ما عليك الا
ترخي السلة يعني تطلع قريشاتك
وتركب فيه ذاكرة كبيرة وتنزل عليها
خرايط الصحراء وخرايط كل المدن اللي
تبيها بالتفصيل أو تنتظر الى ان يتطور أكثر برنامج الملاحة
الموجود في n95 ....
تحياتي

[لازم966]

يمال العافية أخوي "سنبل"
ما خيبت ضني في رجال هالمنتدى
أشكرك كل الشكر على التكرم بالرد.
بس عندي سؤال: بعد ما أشتري جهاز276c هل أقدر أحط عليه الخرايط من النت؟ يعني متوفرة في المواقع ولا لازم أشتريها من دار موجة؟ وبصراحة هم يبيعون الخرايط بس بحدود الألف أو أزود..:(

في انتظار ردك
وأشكرك مرة أخرى

[سنبل]

يمال العافية أخوي "سنبل"
ما خيبت ضني في رجال هالمنتدى
أشكرك كل الشكر على التكرم بالرد.
بس عندي سؤال: بعد ما أشتري جهاز276c هل أقدر أحط عليه الخرايط من النت؟ يعني متوفرة في المواقع ولا لازم أشتريها من دار موجة؟ وبصراحة هم يبيعون الخرايط بس بحدود الألف أو أزود..:(

في انتظار ردك
وأشكرك مرة أخرى
الله يعافيك ويسلمك..
اعتقد تقدر بس باليت لو تتأكد من غيري
اللي ان متأكد منه انك تقدر تحدث الجهاز من النت
وبعدين اسعار خرايط المدن أقل من كذا..
وزي ما قلتلك لازم ترخي السلّة شوي...:D
تحياتي

[لازم966]

لله يعطيك العافية وماقصرت،،
ومشكور أولاً وقبل كل شي على مرورك للموضوع
والشكر موصول على ردودك

[مسافر1]

أخي : لازم 966..
أهلاً بك .
القارمن 276 في نظري هو الأفضل .
بالنسبة للخرائط لابد من شرائها وغالباً يتم تنزيلها مباشرة في الذاكرة عند الشراء ..
عليك بالشريحة الأكبر حجماً ولعل 64 الأفضل
كذلك القارمن فيه العربي والأنجليزي
ولديك الخيار في خرائط دارموجه وخرائط السياري .

[لازم966]

جزيل الشكر والتقدير لك أخي مسافر 1 على ردك

بس وش الفرق بين خرائط دار موجه وخرائط السياري؟

وأبي أعرف رايك في هذا الجهاز اللي توه نازل جديد أسمه نوفي Nuvi من جارمن Garmin
وهذي صورته:

http://butleroutdoorstore.com/ProductImages/nuvi_350.jpg


الله يعطيك العافية مره ثانية
وفي انتظار ردك .
مع التحية،،

[لازم966]

معقولة ما فيه أحد عنده معلومات عن الجهاز؟

[سوزوكي]

هلا أخوي على حد علمي أنا هذا الجهاز مافية إلى خرائط مدن فقط والـ276سي جارمن هو الأفضل ويقولون N95 زين ماعلية ولة مستقبل من ناحية الملاحة الألكترونية

[سلطان العوني]

الصراحه ابداع في ابداع

[ssu]

السلام
أخوي "لازم966" بالنسبة للنوفي الصراحة روعة لكن انتبه .. تراه ما يقبل خرائط الصحراء .. أما بالنسبة لخرائط المدن فهي متوفرة بالأنترنت وبالمجان بعد على الرابط الذي بالأسفل ولكن .. ولأن الزين ما يكمل ,, تجدها تفتقد لميزة اللفة بلفة يعني النفيقيتر .
http://mapcenter.cgpsmapper.com/catalogue.php
وأنا مستعد لباقي أسئلتك والشباب بعد فيهم الخير .. ولا تبخل علينا بصالح الدعاء.

[لازم966]

مشكورين أخواني : "سوزوكي" و "سلطان العوني"
على مروركم بالموضوع

أخي العزيز "ssu" جزاك الله خير وماقصرت والله يوفقنا وياك
ومادام أنك فتحت لي الباب لأطرح أسئلتي ( أنت كريم وحنا نستاهل :) ) فودي أسألك كم سؤال :

-وش الفرق بين خرائط البر وخرائط المدينة؟ بغض النظر عن ميزة اللفة بلفة.
- الرابط اللي عطيتني اللي فيه خرائط هل تركب على النوفي؟
- وش نوع ملفات الخرائط اللي تركب على النوفي، وهل هي تختلف عن خرائط البر من ناحية نوعها يعني امتداد الملف؟

الله يعطيك العافية مره أخرى، وفي انتظار ردك.

لازم،‘

[ssu]

-وش الفرق بين خرائط البر وخرائط المدينة؟ بغض النظر عن ميزة اللفة بلفة.

ان خرائط المدن توضح كل المعالم من طرق ومستشفيات ومدارس ومساجد ومطاعم وبقالات وغيرها .. الواقعة داخل تسع مدن سعودية .. فقط 9 .. وهي: الرياض .. مكة ..المدينة .. جده .. الطائف .. الدمام .. الظهران .. الخبر .. القطيف .. واضافة الى ذلك توضح الطرق الرئيسة الرابطة بين هذه المدن فقط لا غير .. أما خرائط البر أو الصحراء فتوضح كما يبدو من اسمها المواقع البرية من قرى وأودية ودروب وغيرها


- الرابط اللي عطيتني اللي فيه خرائط هل تركب على النوفي؟
- وش نوع ملفات الخرائط اللي تركب على النوفي، وهل هي تختلف عن خرائط البر من ناحية نوعها يعني امتداد الملف؟

يفتيك بهذه الأسئلة أصحاب النوفي .. أما أنا فجربت إني أنزلها على القارمن 276 واشتغلت بدون مشاكل.
وشكراً

[لازم966]

يعطيك العافية أخوي Ssu
كفيت ووفيت

وفي انتظار ردود الإخوة الي جربو النوفي

[لازم966]

,, Up ,,