>>>ضياع الطييييييييييير<<<

[عاشق الأشقر]

أنا صراحة مستغرب :eek: :eek: :confused: :confused:

الرجال يشتريله طير ويدربه ويقرنسه وكل شيء تمام

آآآخرته يهد الطير ويغرز أو يضيع أو ينحاااااش
ولا يطق لراعيه خبر يعني الطير ما بينك وبينه إلا الغدى
لا وبعد شاريه ب20000ألف

[الوافي عزام]

لا تستغرب وانا اخوك

راحوا الرجاجيل اللي اغلى من الطيور

مصيرك مع الايام تشوف

وهذا امر الله وش نسوي والا الواحد يبذل الاسباب والباقي على الله
ولا تروح بعيد هذ الطير ابو 1200000 اللي شراه امير الكويت ضاع ولاكن لقوه بعد ايام من ضياعه

وشكرا لك

[مدرب الطير]

ونخوك وش تسوي قسمه ونصيب
مكتوب ومقدر


وتقبل مروري

[عاشق الأشقر]

الله يعطيكم العافية
وشكرا على التفاعل

[صاااهود]

ياخي تراه طير بهيمه مايدري وش يسوي ضاع ولاماضاع وش يقول الشاعر
يجيبه اللي رازق هالعجافي بهايمن تمشي على غير نيه
____________________________
ياكثر الصقاقير اللي ضاع منهم طيور غاليه وغير غاليه ماهتموا لانه بهيمه وش يقول الشاعر الثاني
من غدا الطير مني قلت عله فدا وين ابشقى وانا اللي قد فقت ولدي
_____________________________________
كل شي وله نهايه مهما صار حتى الطير وش يقول الشاعر الثالث
والطير لو ياخذ مع سنينه سنين احسب على يومن يجي فيه خونه
اما يموت وساعته مالها حين ولايجيله وقت ويضيعونه

[نايف قطر]

هذا يومه اذا ضاع واذا طاح بيد رجال ولد حلال بيرجعه او يعلن عنه ويتصل حق راعيه وشكرأأأ

[abu saud]

ها هاهاهاهاها:D يا كثر الطيور اللي ضاعت علي لو ضاعت على واحد غيري كان ترك الصقاره من زمان ولكن كل شخص يتعلم من أخطاءه

أخر طير ضاع عليه كنت أدعيه على الملواح قبل المغرب بشوي ومركب فيه ريشه تتبع المهم طق على الملواح خمس وبعدها ارتفع وابتعد عني قلت ماهي مشكله بألقاه انشاء الله مادام الريشه فيه.غابت الشمس عليه وأنا بعد ما لقيته وفي اليوم الثاني تتبعت الاشاره دارين ويش لقيت لقيت الريشه مرميه على الأرض والطير بح ماله أثر والى يومك مع أنه اليوم اللي قبله طاق حول 15 على الملواح بس شوف كيف اذا ما لك نصيب في الشي! ولا مستحيل تطيح الريشه وانتم عارفين كيف تركب.
بس فيه شي تعلمته من اللي صار وهو يجب عليك وزن طيرك كل يوم واذا كان وزنه زايد لا تهده أبد:no2: وثاني شي تعلمته اذا كان الهوى قوي بعد لا تهد الطير:no2:
واسف على الاطاله

[الشمالي 5]

مره حصلت لي انا شريت الطير 20000 الف طير حر فرخ اشقر 16 *16 واروح للمدعى وادعى الطير وفجاه الى والطير جنب وراح الطير مافيه ريشه وادور الطير محولك احد واليوم الثاني استفزع بالصقارين وندور الطير ومالقيناه وبعد 13 يوم من ضياع الطير الى وواحد يبلغني انه لقى الطير ورجال كثر الله خيره شبك الطير وجابه الله يذكره بالخير وتخبر الطير غالي علي فرخ اشقر والله قلت ماني مرجع الرجال بعد هالفزعه وانا اهديه شيهانه بحريه عندي سبوق ماشالله عليها مسميها ميراج من سبقها والطير الحين عندي قرناس ثاني وفيه بعض الطيور ضاعت وبوجهها

[ام وشاح313]

خمسين في الميه الضياع والطير يمكن يضيع في يومه

[((الخالدي))]

85%
بسبب أهمال الصقار طيرة